[align=center]( والله فقيده ياعرب )[/align]
في ظهيرة يوم الأحد 4 / 8 /1430 هـ تلقيت خبر وفاة ركن من أركان القبيلة
وثلمة سيف من سيوفها ودرع من دروعها الشيخ/ محمد بن زايد النخيش
وتم التاكد عبر الأتصال باأخي وموقع البجادية الألكتروني فلم آستوعب الفاجعة وتلك المصيبة
وكنت أتذوق الشعر قبل سنين وقد هجرته لظروف العمل وأنشغالي فكتبت هذه الأبيات.
[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت الخبر مانزلته الجرايد =ليته خبر كذاب من مغرضله
لكن قضى ربي وقدره وكايد=والعبد ياتيه الأجل في محله
سهرت ليلي واليدين الوسايد =كني عليل(ن) مالقى طب عله
شعمت ضوي والقصايد وقايد =بكتب رثا في كل نوت ومجله
والله فقيده ياعرب ابن زايد =سيف المضام إليا أنتخى ثم سله
أنا أشهد أنه شهم وامير قايد =وكل الصفات المجزيه فيه كله
شيخ(ن) رقى بالمرجله كل نايد =واليا هرج كل(ن) سكت حشمتله
شيخ(ن) بمنطوقه يحل العقايد =اللي ليا صعبت على الغير من له
شيخ(ن) ضيوفه مصدرين وورايد =والنار مشبوبه زهاها 1000 دله
شيخ(ن) يقدم حيل ماهن عرايد =ماهو تصنع بالكرم بل ! جبلَّه
شيخ(ن) يمد ومدته بالزوايد = كم(ن) تفيا من ضعيف(ن) بضله
لكن عزانا فالشبول الفرايد =تأخذ من محمد سلومه ودله
ياالله يا محيي الرميـم الهمايـد=يا غافر الذنب وخطاء وكل زلـه
ياالله تسْكن جنتك ابن زايد =وتقبل دعاء من خصه بدعوتله [/poem]
المتذوق للشعر : الرائد الركن : صالح بن عواض النخيش

تعليق