ملفاك بيت العز والمجـد والسخـا::"::لبـو مشـاري مـكـرم الخـطـار

طي
X
 
  • التوقيت
  • إظهار
مسح الكل
المشاركات الجديدة
  • آلاد غنـــام
    عضو فضي
    • Jan 2009
    • 270

    #1

    ملفاك بيت العز والمجـد والسخـا::"::لبـو مشـاري مـكـرم الخـطـار

    [align=center]مراد بين بن نماس وبن حويل[/align]













    [align=center]نايف بن نماس السميري[/align]







    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياراكـب اللـي ماتونّـا مسيرهـا=فجّـا النّحـر عريـضـة الفـقـار
    من ساس عيراتٍ تبـوج المهامـل=ويذكر لهـا مـاض السنيـن أدوار
    مفتولة العضديـن والبطـن هايـم=والعيـن حمـراً كـن فيهـا نـار
    متروزة الفخذين من النـي حايـل=قطمـا السمـاري والاذان إقصـار
    ولا فوقها الا الكور والخِرْج والقلص=وتتعـب وراهـا حـزّب الاكـوار
    تسرح قبل لا يبدي الصبـح نـوره=وركّابهـا فـوق النضـا بيـطـار
    ولا طرقة اليوميـن تمـلا نحرهـا=ولا يمتلـي لـو طـوّل المشـوار
    ويأخذ بها في الـدرب يـومٍ وليلـه=ومـن يـوم ثانـي تالـي النهـار
    ملفاك بيت العز والمجـد والسخـا=لبـو مشـاري مـكـرم الخـطـار
    تلقا علـومٍ تشـرح البـال عنـده=وتلقـا الـدلال منـحـرٍ بـوجـار
    وبلـغ سلامـي والرسالـه مدهـا=قبـل العلـوم وقبـل شـب النـار
    فاليا خذا المكتـوب فانتـه مجمـل=عسـاك مـن سـو الليـال مجـار
    يابو مشاري طـول الوقـت بينـا=ولا عـاد منكـم تاصـل الاخبـار
    وحنـاّ بـدارٍ لا سقـى الله جنابـه=الليـل حامـي والنهـار إغـبـار
    وفيها من الاجـواد كثـر غيرهـا=وفيهـا رجـالٍ طيّبـيـن أذكــار
    لكن انا مانـي مـن اهـل الديـره=ولانـي مبـدّل ديـرتـه بـديـار
    لو كان مال العبد عن ماقسـم لـه=ولال الفتـى عـن دبـرة الاقـدار
    ونرج الفرج في مقبـلات الليالـي=ونصبـر ولا بـد الفلـك يـنـدار
    واللـي معذّبنـي ومشـقٍ حـالـي=وإلـي سنـه وانـا منـه محتـار
    ضاف الجديل اللي سكن غرب حيّكم=اللـي منـه عقلـي وقلبـي طـار
    مجمول مدلولٍ ابـو عشـر واربـع=وادعج ويلبس في اليميـن إسـوار
    ابو جبينٍ كنّه النـور فـي الدّجـا=والخـد كـن يشـب فيـه أنـوار
    وعيون سودٍ يوم يغضـي هدبهـن=عيـن أشقـرٍ علـى يـد الصقـار
    واسمه من المرجان والدر والذهـب=تحـت البحـور يجيبـه البـحّـار
    حبّه سطابـي ليـن جـوّد عذابـي=روحي منـه مابيـن نـار وغـار
    لكن شف لـي حـل بأيّـا وسيلـه=سـود الليالـي تقصـف الاعمـار
    يامحمد بن حويـل ماعنـه صـدّه=ولا عـاد دونـه تنفـع الاعــذار
    وانته من اللي جربوا صيفة الهوى=تعـرف حـلاه وتعـرف الامـرار
    عساك للحـل الصحيـح إتهدانـي=واسمع من الطيّـب سواتـك شـار
    وتم الجواب ومنـك نسمـع مـردّه=واسلم وسلّم لـي علـى الحضـار
    عداد مـالا حـت بـروق المخايـل=واعـداد ماهـل السحـاب امطـار [/poem]








    [align=center] محمد بن حويل العصيمي [/align]






    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


    البارحه جـا العيـن شـيٍ يثيرهـا=واخذت مـع مـوج البحـر معبـار
    هاضت هناديبي ولجّـت ضمايـري=لجّـت ذيـابٍ شـافـن الانــوار
    واسباب ماهيّض ضميري وهاضني=علـمٍ لفانـي مـن عزيـز الجـار
    نيّاف جانـي منـه علـمٍ يهمّنـي=يهمنـي مـن وافــي الاشـبـار
    يشكي عليّه فـي خطـابٍ موجّهـه=يشكـي عليّـه مـن زمـانٍ جـار
    وخـلاف ذا ياراكـبٍ فـوق حـرّه=والكـوع منهـا ماينـوش الـزار
    وترى شيعل الارملي من جدودهـا=ومرمّلـه ماقـط جــت بـحـوار
    من ساس حرٍ كل الاجنـاب تعرفـه=وعلـى ضرابـه تدفـع الامـهـار
    ولا فوقها الا الكور والخِرْج والرسن=وسفيفتـيـنٍ فوقـهـا عـبّــار
    وكتاب شغمـومٍ لمنصـاه مرسلـه=يحـمـل كــلامٍ كـنّــه الادرار
    تلفي على من يكسب المجد والثنـا=مـكـرّم الخـطـار فـالاعـسـار
    تلقـى دلالٍ فـي وجـارٍ مقلـطـه=بالزعـفـران وبنّـهـا وبـهـار
    ومفطّحـاتٍ فـي صحـونٍ يحطّهـا=عقب العرب تصبح بهـا الاسـوار
    والعلم جاني يابو فيصـل واصـدّره=والمـوج يلطـم والبحـور إغـزار
    تشكـي مـن لا حريـبٍ تحاربـه=ولا ينشري في السـوق بالدينـار
    وان كـان تبغاهـا بسلـم القبايـل=ندفع عليـه مـن الرجـال إكبـار
    بالجاه قبل المـال ياطيّـب النسـب=حيـث الرجـال إتعتـق الاعمـار
    وان كان هي بالمال فالمـال نملكـه=مـن الذهـب ندفـع ميـة قنطـار
    نرضي ولي امره ونرضي قرايبـه=بالـمـال والتقـديـر والمـقـدار
    وان طحت في مقرود مافيـه حيلـه=خلّـك علـى ميـل الدهـر صبـار
    وانا جرالـي ماجرالـك وصابنـي=واونست من ضيم السنيـن امـرار
    من شان مجمولٍ سبانـي وغرّنـي=وقعـدت ادوس الرجـل بالاخطـار
    واختل ميزانـي وضيـع توازنـي=ونقـد علـيّ اللـي سـواة الفـار
    والا رجال العرف والميـز جربـوا=قـد جربـوا ماحـط بـن عـمّـار
    محسن وابن لعبون وايضا الدجيمـا=وابـن سبيـل كوكـب الاشـعـار
    واللي عليه شهود مـوت الدجيمـا=قبـره علـى الميـراد والمصـدار
    قـد جرّبوامـاذاق مجنـون ليلـى=لـه قصّـةٍ تحكـي بهـا الاقطـار
    ولا بدّنـا ياطيـب العـرف نلتقـي=عقـب التـفـرق والفـلـك دوار
    وانت الرفيق اللي علومه تسرنـي=ولا تستوي اليمنـى بـدون يسـار [/poem]
  • عبدالرحمن الهيلوم
    عضو
    • Apr 2007
    • 21232

    #2
    صحت السنتهم والسااااااااااااااااااااانك

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      بيض الله وجهك يالغالي ..

      وصح السنت الشعرااء الكبار ..
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      العمل...