القطيعة حطت الناس بنزول وطلـــوع /قصيدة الشاعر /عبد الرحمن محسن السيالي(ابو سيف)

طي
X
 
  • التوقيت
  • إظهار
مسح الكل
المشاركات الجديدة
  • عتيبي وفتخر
    عضو
    • Jan 2008
    • 26

    #1

    القطيعة حطت الناس بنزول وطلـــوع /قصيدة الشاعر /عبد الرحمن محسن السيالي(ابو سيف)

    [align=center]نظراً لما لقطيعة الأرحام من أثار اجتماعية وما سببته في هذا الزمان من تنافر الأقارب وانتشار الكراهية بينهم وإعجاب كل ذي راي براية فكل هذا دفع بالشاعر الى كتابة هذه القصيدة التي جعل عنوانها :


    (القطيعه)
    زارني هاجوس بعد العشا قبل الهجـوع
    أبعد الغفوة عن العين حين إنه لفـــــــــا

    سلّم ورحبت إبه وإستحثــّـيت الربــــــوع
    قلت جانا ضيف زاير يبي زاد ودفـــــا

    قال لي مشكور يا فلان أنا ما فيّ جـوع
    ما شكيت الجوع ياخي ولا اشكي من حفا

    قلت هات العلم هاته ترى قلبي يـــزوع
    جيتني في ظلمة الليل تمشي فالخفـــــــــا

    قال أنا ما جيت إلك غير من علمٍ يروع
    اسمع اللي جيت إبه وافهمه وجه وقفـــــا

    قلت هات السالفة لا تفّصل بالفـــــروع
    بالوفا جبها وابعطيك من راسي وفــــــــا

    قال عندي مشكله يرجفن منها الضلوع
    والقلوب الطيبة صابها منها الجفـــــــــــا

    مشكلتنا في القطيعة مفرّقت الجمـــــوع
    فرقت صدقان كانوا على الطيب إحلفــــا

    القطيعة حطت الناس بنزول وطلـــوع
    وان طلب واحد من اخيه يعفي ما عفـــــا

    الكراهيّة تفشت بهم من كل نــــــــوع
    بعد ما كانوا قرايب وصدقان ولفـــــــــــا

    الصداقة روحت ودّعوها بالدمــــــوع
    نورها اللي كان يشعل تلاشى وانطفــــــا

    المطر وقف ويبسنْ رطبات الضروع
    بعد ماعون الصداقه على الأرض انكفـــا

    ارجعوا للحق يا ناس يا زين الرجوع
    اصْـلوا الأرحام والكره يهبا ويخبـــــــــــا

    اصلحوا نياتكم فالسجود وفالركــــوع
    يا عسى الله يذهب الباس ويجيب الشفـــــا

    قام هاجوسي وقفّا وهو وجلٍ ولــــوع
    ختّم القصة بقافٍ وبعد القاف فــــــــــــــــا



    الشاعر /
    عبد الرحمن محسن السيالي (ابو سيف)
    [/align]
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    الله الله


    صح لسااان

    الشاعر /
    عبد الرحمن محسن السيالي (ابو سيف)


    وبيض الله وجهك يالغالي
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • البريماني

      رابطة محبي الهيلا

      • Jan 2008
      • 1684

      #3
      صح الله السان ابو سيف وقصيده جزله ومعبره

      تعليق

      • عتيبي وفتخر
        عضو
        • Jan 2008
        • 26

        #4
        صح الله ابدانكم ووجيهكم بيض
        ومشكورين على ذا المرور

        تعليق

        • ولد البراق
          عضو
          • Aug 2008
          • 6

          #5
          صح لسانك وبيض الله وجهك وسود شواربك

          تعليق

          • أبونواف

            رابطة محبي الهيلا

            • Nov 2008
            • 2163

            #6
            [align=center]صح لسانه ومشكور على النقل ...[/align]

            تعليق

            • عتيبي وفتخر
              عضو
              • Jan 2008
              • 26

              #7
              [align=center]هههههههههههههههههه [/align]


              الله يعطيكم العافيه على ذا المرور

              ويسود شواربك معي ياولد البراق هههههههههههههههه


              تحياتي لكم

              تعليق

              العمل...