نايف بن جريان العضياني&مزيد سالم الدلبحي

طي
X
 
  • التوقيت
  • إظهار
مسح الكل
المشاركات الجديدة
  • سلطان نايف العضياني
    عضو مميــز
    • Jul 2008
    • 1741

    #1

    نايف بن جريان العضياني&مزيد سالم الدلبحي

    [align=center]هذه مجاراه بين الوالد نايف جريان العضياني والشاعر/سالم مزيد الدلبحي أرجو أن تنال رضاكم...

    نايف جريان


    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    تكفا يابو مزيد تجيب العلومي=من ربعة المجمول هات إلنا الاخبار
    زادت همومي بين ليله ويومي=والقلب من كثر التفاكير محتار
    واقلبي اللي بين الاضلاع يومي=يكفخ كما حرآ على وكر صقار
    وعيني تزايد سهرها ماتنومي=وكن الحشا يصلا على واهج النار
    سبت غزال(ن)منه صرت محرومي=من دونها حالوا عديمين الاشوار
    حلو النبا زاهي حسين الهدومي=ترف القدم له بين الاضلاع مقدار
    ياعين حرأ طالعآ عقب حومي=منه أبرق الجنحان خولب ولا طار
    والعنق عنق اللي ترب الحزومي=قايد خشوف الريم في جو(ن) أقفار
    والخد بدر أربع وعشر ويومي=عند إكتماله طلعته تزها الانظار
    أنشهد إني منه كثرت همومي=وكثرت هواجيسي وعمسن الافكار
    أسباب يامشكاي زاه الرقومي=اللي لها في داخل القلب تذكار
    إفزع لنا يالقرم جعلك تدومي=يامزبن اللي حده الوقت وحتار[/poem]





    رد سالم مزيد الدلبحي



    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    جاني كلامٍ من قوي العزومي=يشكي علي الوقت والوقت غدار
    إن كان واطيك الدهر ومهضومي=إصبر وعند الله تفاليك الاقدار
    حلفت بالله في لزومك لقومي=وابذل لك المجهود لوصار ماصار
    ماابخل على مثلك بطيب السلومي=كمن ألك حشمه وقيمه ومقدار
    إن كان تشكي حب حان الرقومي=أبو قرونن فوق الامتان نشار
    صاحبك يانايف ماهوب معدومي=فالمملكه موجود كان أنت دوار
    أرسلت من يقطع رقاق الحزومي=جمسآ عليه اللي يجيبون الاخبار
    وساعة لفوني بالخبر والعلومي=قالوا حبيبه مخلص(ن) له ولابار
    تصير للغالي جحود(ن)ضلومي=تراه دونك ماتسمع للاشوار
    تراه مايسمع كلام الرخومي=ولاشيّن النيه ولاهوب بوار
    وصلاة ربي عد وبل الغيومي=وعداد مايطلع من العود الاثمار
    على محمد كل ليله ويومي=شفيعنا يوم القيامه من النار[/poem][/align]
  • البريماني

    رابطة محبي الهيلا

    • Jan 2008
    • 1684

    #2
    صح الله السان الشاعرين


    قصيدين جزله هذي عوايدكم يالاد روق



    تسلم يالذيب

    تعليق

    • ابن صنهوت

      رابطة محبي الهيلا

      • May 2008
      • 1734

      #3
      سلطان لاهنت وصحت السنت الشاعرين واطال الله عمر والدك

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        [align=center]الله اكبر

        جو رائع جدا احتوته هاتين القصيدنين ..

        صح لساان نايف جريان وسالم الدلبحي ..

        وبيض الله وجهك ياسلطان [/align]
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • سلطان نايف العضياني
          عضو مميــز
          • Jul 2008
          • 1741

          #5
          الوفا طبعي

          أبن صنهوت

          محمد العتيبي


          حياكم الله

          تعليق

          العمل...