قصائد رثائيه في الأمير محمد بن جمل المهري

طي
X
 
  • التوقيت
  • إظهار
مسح الكل
المشاركات الجديدة
  • عمر الدغيلبي
    مشرف سابق
    • Dec 2006
    • 2015

    #1

    قصائد رثائيه في الأمير محمد بن جمل المهري

    [align=center]السلام عليكم ورحمة الله وبركاته



    هذه بعض القصائد الرثائيه التي قيلت في الأمير المغفور له بإذن الله


    محمد بن جمل المهري تغمده الله بواسع رحمته وغفرانه





    يقول فيه الشاعر / سعود بن ملهي الدغيلبي :



    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

    مرحوم يامحمد ياشيخ القبيله=اللي عن الضيفان ماصك بابه

    ومرحوم ياراعي العلوم الجميله=وحجاج يضحك صاف بالحبابه

    عزيزنفس ولا يداني الرذيـلــــه=على النقى يمشي بعزومهابــه

    مايوم اودع فالمصارف حصيله=مثل على ماقيل ماجا غدابه

    زيزوم شيال الحمول الثقـيلــــه=ليا عجز عنها خطات الزلابه

    اخذ نعم بذراع يمنا طــويــلــــه=ولاجت لبو ناصر نعـم بالنهابه

    ومن لاعته سود الليالي يجيله=اما من الاجناب ولا القــرابــه

    على السرير سنين روحه عليله=ياالله عسى ما جاه يخفف حسابه

    واليـوم يا خـالد تـقـرر رحـيلـه=واخر حياته يوم طوية ثيابه

    عسى سحاب الوسم لمطر مخيله=يمطر على قبر محمد لجابه

    وياخالد اتبع درب ابوك وسبيله=وليا نهجت الدرب مامن غرابه

    الموت حق ولامع الموت حيله=خذى النبي المصطفى والصحابه

    صلاة ربي عد نبت المسيله=على شفيع الخلق يوم الاجابه[/poem]





    ويقول الشيخ متلع بن جمل المهري ردا ً على قصيدة الشاعر سعود بن ملهي الدغيلبي :




    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ياسعود يوم انك رقيت الطويله = عينت من حطوه جنب الغرابه

    ماشفت لي راع العلوم الجزيله = حطوة في قبر خبيثاً ترابه

    قولة نعم ياخوي بحقك قليله = زعيم قوماً ماعثر في شبابه

    حرً على الطولات سباق جيله = لاجاله المسكين يشكي صوابه

    ياسعود والله ما لقينا بديله = البيت عقبه صار مثل الخرابه[/poem]






    ويقول الشاعر جعفر بن مرزوق الدغيلبي :




    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    الشعر من غيبة هل العز مبتور = أشوف حاله ما يناسب لحالي

    مبطي عنه ياصاحبي عدة شهور = مير البلا جت به صدوف الليالي

    من هاجس ٍ حزنه على الصدر منثور = كني لمحته في عيون الرجالي

    يبكيك يا راع المواجيب و الشور = ويابن الكريم اللي يدوس الريالي

    ويبكيك بيت ٍ للمناعير معمور = في مجلسه تمر الحسا و الدلالي

    وفيه الشبب يذبح من عصور وعصور = يوم الردي كفه من الجود خالي

    ويبكيك طرقي ٍ مع فجة النور = اليا التفت يمك وجاله مجالي

    هذاك ابوناصر عسى حظه الحور = ياواحد المعبود يا ذا الجلالي

    ندعيك يا جعله من الذنب مغفور = في ساعة ٍ تذهل صغير العيالي

    وقبرا ٍ يضمك يامحمد عن الجور = يسقيه ربي من حقوق الخيالي

    محد ٍ يبى ينساك وحضورك حضور = وانت الامير اللي حشيم ٍ وغالي

    لكن هذا الحق و الدرب مخبور = سنة نبي ٍ عزنا فالمقالي

    وما مات من خلى مقامات وصقور = وفعل ٍ على غيره عسير المنالي

    ان قلت يا ناصر ترى الاسم مشهور = وان قلت ياخالد عريب الخوالي

    شيخان ما جتهم من كتاب و سطور = وماهيب شيخة لابسين العقالي

    ومرحوم يا امير ٍ مع الناس مذكور = بالخير و المعروف أول و تالي

    يامثني ٍ روس المدايح على الفور = يامشرع الصيوان وجهه شمالي

    تفقدكم الهيلا كتيبه و طابور = ويفقدك من غنى البيوت الجزالي

    قلته و قلبي بين الاضلاع مجبور = يبكيك يا رمز الوفاء و المعالي[/poem][/align]
    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    في منتدى الهيلا زحول الرياجيل = بيت القبيله و النشاما إرواقه
    يزينه حرصه لزين التماثيل = ويجمله نبذ العلوم الدقاقه[/poem]
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]الله يرحمه ويغفر له ويجعله فالجنه ..

    مشكور ياعمر على انتقاء الرثائيات المؤثره جدا ..

    تحيتي لك
    ...[/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • ابو محمد الدعجاني
      عضو مميـــز
      • Aug 2008
      • 3759

      #3
      الله يرحمه ويغفر له ويجعله فالجنه ..

      مشكور ياعمر على انتقاء الرثائيات المؤثره جدا ..

      تعليق

      • عمر الدغيلبي
        مشرف سابق
        • Dec 2006
        • 2015

        #4
        محمد العتيبي


        ابن غزاي الخظري



        لاهنتوا على المرور
        [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
        في منتدى الهيلا زحول الرياجيل = بيت القبيله و النشاما إرواقه
        يزينه حرصه لزين التماثيل = ويجمله نبذ العلوم الدقاقه[/poem]

        تعليق

        • أبو مرحبا
          مشرف عــام
          • Jan 2005
          • 8037

          #5
          الله يرحمه ويسكنه الجنه وأموات المسلمين

          لاهنت ياعمر الدغيلبي على النقل الموفق

          تقبل احترامي
          [align=center]



          [/align]
          [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
          [align=center][/align]

          تعليق

          • عمر الدغيلبي
            مشرف سابق
            • Dec 2006
            • 2015

            #6
            ولا انت يا ابو مرحبا


            ومشكور على المرور
            [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
            في منتدى الهيلا زحول الرياجيل = بيت القبيله و النشاما إرواقه
            يزينه حرصه لزين التماثيل = ويجمله نبذ العلوم الدقاقه[/poem]

            تعليق

            العمل...