الشاعر سعد بن عسير / ماراح من شي ٍعلى الله بداله

طي
X
 
  • التوقيت
  • إظهار
مسح الكل
المشاركات الجديدة
  • الـ عـ طـ ا و ي
    عضو نشيط
    • Apr 2009
    • 49

    #1

    الشاعر سعد بن عسير / ماراح من شي ٍعلى الله بداله

    السلام عليكم ورحمة الله وبركاته
    قصيده للشاعر سعد بن عسير العطاوي يرحمه الله ابن الفارس عسير
    بن ساير العطاوي
    قصتها بعد الكمام عندما مر الشاعر ذات يوم واذا بالشيخ صالح بن حمد المغيري جالسن لحاله يغني وقد تردت
    احواله بعد ماطرحه الكبر فتذكر سعد الوقت الاول وتهيض وهاضت قريحته بالدرر التي تداولتها الاجيال الى اليوم
    يقول سعد:
    .




    هيّض علي اللـي يجـرّ الغَنَانـي

    في راس مرقاب ٍ مويـق ٍ لحالـه

    في راس مرقاب ٍ شمال المحانـي

    يجرّ صوتـه ليـن لجّـت حِيالـه

    دارك عليّـه يالمغنّـي تـرانـي

    صبري قليل وخاطري به زَعالـه

    هيّضتني واخلفتني مـن مكانـي

    واخلفت قلبي لين لجلـج محالـه

    يابن حمد خلك صبـور ٍ امسانـي

    وماراح من شي ٍ على الله بدالـه

    منوّل تسوق مشرهفـات الاذانـي

    شول ٍ يقهّر لـه خلافـه عيالـه

    تسوقهن مـع البِـرَق والطمانـي

    وواد الجرير اليا اعتقب نبت جاله

    مع الاد روق مشيّديـن المبانـي

    يرعون نبته مع جرايـر خيالـه

    يرعون نبته بالجنـوب المتانـي

    فالوقت الاول يوم لحقـه مجالـه

    سلفان عوج ٍ ماتشيـل العوانـي

    تخضّ نجد اليـا تطـارد ارهالـه

    وان جاهم العسّاس والنبت حانـي

    ذكرلهـم نبـت ٍ جديـد ٍ خيالـه

    شدوا طلوع الشمس من كل شاني

    ووقت العشي كل ٍ موطّن رحالـه

    وان وايق الصايح براس البيانـي

    وقال افزعو ذودي غدوبه رجالـه

    عنّو من العذره بنـات الحصانـي

    وكل ٍ فصخ عن مِرشحتها جِلالـه

    وركبوا علاهنه وركبنهن جنانـي

    قامـت تصاهـل ماتـردّه حبالـه

    ولحقوا على خمس وثلاث وثماني

    وكل ٍ نهضها فازع ٍ مـن قِبالـه

    هـذاه معـه مصقّـل ٍ هندوانـي

    وهذا معه شلفـا تحـزّم بشالـه

    تطلّقوا مثـل القطـا السرّحانـي

    وغطّا نفلها نايـف ٍ مـن جبالـه

    لحقوا قطيع ٍ غادي ٍ بـه فلانـي

    وحاسوه في حزم ٍ تطارد سهالـه

    وردّوه كيد ٍ غصب ماش ارضياني

    بشلف ٍ تبارق في يداهـم سِلالـه

    ...........................
    ............................
    وبرقا على ايمنهم تضد اقحطانـي

    وتردهم يمّ اليمـن عـن شمالـه

    اسفل منازلهـم طويـق اليمانـي

    يكـفّ منزلهـم شناخيـب جالـه

    في راي من يروي رهيف السناني

    خيّال زيزوم الرمـك فـي اقتالـه

    وخيّال عفـراً ربّعـت فالمثانـي


    حامٍ الها واد الرشا مـن عَيَالـه





    ..
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]صح لسان الشاعر / سعد بن عسير العطاوي العتيبي ..

    على هذه القصيده المؤثره ..

    وتسلم يداك يالغالي على النقل الموفق

    تحيتي لك
    ...[/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • حمود بن برجس
      شـــاعــر
      • Dec 2006
      • 221

      #3

      الله يرحمهم برحمته ويعفو عنهم واموات المسلمين اجمعين


      قصيده جزله من شاعر عرف بالجزاله


      الله لايهينك يالعطاوي

      تعليق

      • الـ عـ طـ ا و ي
        عضو نشيط
        • Apr 2009
        • 49

        #4
        تم النشر في الأصل بواسطة محمد العتيبي عرض المشاركة
        [align=center]صح لسان الشاعر / سعد بن عسير العطاوي العتيبي ..

        على هذه القصيده المؤثره ..

        وتسلم يداك يالغالي على النقل الموفق

        تحيتي لك
        ...[/align]


        الله يسلمك واشكرك على المرور والتعليق

        تعليق

        • الـ عـ طـ ا و ي
          عضو نشيط
          • Apr 2009
          • 49

          #5
          تم النشر في الأصل بواسطة ضامي عرض المشاركة

          الله يرحمهم برحمته ويعفو عنهم واموات المسلمين اجمعين


          قصيده جزله من شاعر عرف بالجزاله


          الله لايهينك يالعطاوي

          لاهنت واشكرك على المرور والتعليق

          تعليق

          • ابو ضيف الله
            مشرف عـام
            • Feb 2003
            • 8888

            #6

            بيض الله وجهك يا العطاوي
            و رحم الله الشاعر سعد بن عسير الغنامي العطاوي
            قال الشافعي رحمه الله: أركان الرجولة أربع: الديانة والأمانة والصيانة والرزانة.

            قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




            اللهم أنصر من نصر الدين وأخذل من خذل الدين

            تعليق

            • بواردي المدرهمات
              عضو
              • Jun 2008
              • 13

              #7
              يابن حمد خلك صبور ن مساني - وماراح من شي ن على الله بداله
              رحم الله الشاعر سعد بن عسير رحمة واسعه واسكنه فسيح جناته
              مشكور يالعطاوي على ايراد القصيده
              وللمعلوميه القصيده اطول من ذلك واللي عنده اضافه من الاخوان لا يبخل علينا

              تعليق

              العمل...