_ استغاثة _ محمد بن سمير الحزيمي

طي
X
 
  • التوقيت
  • إظهار
مسح الكل
المشاركات الجديدة
  • عنـاد الحزيمي
    شــــاعـر

    • Mar 2009
    • 140

    #1

    _ استغاثة _ محمد بن سمير الحزيمي

    السلام عليكم ورحمة الله وبركاته

    هذه احدى قصائِد الشاعر : محمد بن سمير الحزيمي

    استغاثه ..





    [poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    نجم السويبع شيف والوسم قربّ=والقاع ممحل يابسات ٍ طبوقـه
    يارب من رحمتك نطلبك مطلّبّ=طال الزمن والنبت قلت أوفوقه
    تامر بمزن ٍ مدلهم ٍ من الغربّ=ليا أقبل من المنشى حقوقه صدوقه
    بالخير والرحمه وفضلك موهبّ=ترعد رعوده مع تلاعج بروقه
    وليا إحتمل حمله من الماء ونصبّ=يطقه الشرقي وحمله يسوقه
    ويصب ماه ليا تعدى حضن صبّ=غيث ٍ ثجاج بدون شيء يعوقه
    يمطر وينصاء نجد بهداية الربّ=كن الجبال السود فيه مخلوقه
    وكن القنابل فيه والنار تشتبّ=وبرقه من أقصى ضلم يكشف خنوقه
    والناس من لونه تخاف وتغاربّ=غريب من مابه وعذب ٍ بذوقه
    وسحم الذيابه من رعوده تقانبّ=وباق النفوس تقول منه مخنوقه
    ليا أوحيت وبله قلت صلف الهوى هبّ=والأرض من وبله تقول معزوقه
    يمسح عقوم اللي يسكر بها الدربّ=ويظلم بجو الكون والشمس فوقه
    والضلع يشرب وجلد القاع يشربّ=وسيله مع الوادي وساع ٍ فتوقه
    وطرايح الوادي بسيله تقلبّ=ومثل الخيام البيض غثو ٍ يحوقه
    ونبت ٍ شواه القيض والوقت الأشهبّ=يسقيه من وبله ويحيي عروقه
    وتصبح فيافي نجد روض ٍ معشبّ=ليا مرها العساس نبته يشوقه
    كن الوطى مكسي بزل ٍ مهدبّ=جنه لراع النوق بأطراف نوقه
    وبعض الزواحف فالزماليق تنشبّ=ويلعب به القمري ويكثر خفوقه
    وريحه علاج اللي تعثر به الطب ّ=وتدله أنفوس أهل النفوس الحموقه
    وراعي سهاف القود يدله ويطربّ=وريح الخزامى والطعم في غبوقه
    وعقبه تساقيه السحايب على غبّ=من وادي الخرمه ليا أطراف لوقه
    لين العلف فالسوق ما عاد يجلبّ=يعفن ورى الكبرات ما طب سوقه
    وش ذنب مخلوق ٍ بليا مرتبّ=مسلم ومؤمن والليالي صفوقه
    يتبع حلاله في رجا الله ويتعبّ=ومن القساوه ناشفات ٍ إشدوقه
    وش ذنب حيوان ٍ مغر جلد وأجربّ=ومن العجاج منفجات ٍ إرموقه
    الناس تذنب ماترفع عن الذنبّ=ومن الحسد كن الحزوم محروقه
    كل ٍ بلوحه ذنب ماينتحسب ّ=لكن بالرحمه عبادك شفوقه
    مافيه شين عندك يارب يصعبّ=الخالق أنته والنفوس مخلوقه
    يالخالق الفالق ويافارج الكربّ=يامولج ٍ ليل الدجا في شروقه
    يامسير دم الشرايين فالقلبّ=فأضيق عروقه مستمر ٍ دفوقه
    يا الواحــد الفرد الصمد منبت الحب ّ=يارازق ٍ حوت البحر في عموقه
    تجعل ملك يمناي بالخير يكتب ّ=وتجعل ملك يسراي عنه مغلوقه
    وتقبل كلام اللي كلامه مرتب ّ=وأنت الذي تسمع وتفهم طروقه[/poem]



    اتمنى ان اكون وفقة في طرحها

    دمتم جميعاا
    ً
  • سـعـد الـعـصـيـمـي
    شـــاعــر
    • May 2009
    • 1418

    #2
    الله الله الله الله

    أختيار ممتاز يابو خالد

    صح لسان محمد الحزيمي

    وبيض الله وجهك على النقل

    تعليق

    • محمد بن غازي
      مشرف عــام
      • Jun 2005
      • 5252

      #3


      صح لسان الشاعر القدير والعزيز/ محمد بن سمير ....

      وتسلم ياعناد ..... والشاعر محمد من الشعار الذين اجادو النظم والمحاوره .... ونتمنى منك المزيد ...

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        [align=center]الله الله

        قصيده رائعه وأروع من الرائع

        صح لسان الشاعر المبدع / محمد الحزيمي ..

        وتسلم يداك على النقل الموفق

        تحيتي لك
        ...[/align]
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • عنـاد الحزيمي
          شــــاعـر

          • Mar 2009
          • 140

          #5
          سعـد العصيمي

          يامرحبــــــاا / ووجهك ابيض يابو مطرر


          شكرا ً على المرور

          تعليق

          • عنـاد الحزيمي
            شــــاعـر

            • Mar 2009
            • 140

            #6
            محمد بن غـازي

            حضـورك محل فخر وإعتــزاز

            لاااهنت يالغالي ..

            تعليق

            • عنـاد الحزيمي
              شــــاعـر

              • Mar 2009
              • 140

              #7
              محمد العتيبي

              بيّض الله وجهك على الحضـور المشرّف

              كُل الشكر ياذوق ..

              لالااهنت

              تعليق

              • حاكم الغنامي

                مشرف منتدى المحاوره

                • Jun 2006
                • 5026

                #8
                محمد الحزيمي


                صح لساانه مبدع في النظم والمحاوره

                ولاهنت ياعناد
                سبحــــان الله وبحمدهـ

                hakem81@live.com

                تعليق

                • عنـاد الحزيمي
                  شــــاعـر

                  • Mar 2009
                  • 140

                  #9
                  حــااكم

                  الإبـداع بحد ذاته هو تواجدك لا عدمتك


                  كُل الشُكر لك عزيزي

                  تعليق

                  • عبدالمجيد العطاوي
                    شـــاعــر
                    • Apr 2008
                    • 844

                    #10
                    بيّض الله وجهك يابو خااااااااااالد وصحّ لسااااااان قايلها عز الله انها وافية وكاملة والكامل وجه الله .....

                    [align=center]اقبل مروووووري المتواضع[/align]
                    تم التعديل الأخير بواسطة عبدالمجيد العطاوي؛ 15-May-2009, 12:16 PM.

                    تعليق

                    • عنـاد الحزيمي
                      شــــاعـر

                      • Mar 2009
                      • 140

                      #11
                      ابو نمر ، شرّفت ولا كلفت يالعطاوي / واسعدني تواجدك

                      ووجهك ابيض ولا هنت
                      تم التعديل الأخير بواسطة عنـاد الحزيمي؛ 15-May-2009, 09:49 PM.

                      تعليق

                      العمل...