كديميس العصيمي /الهطيـقـا تطلـطـح فالثـفـر=بين علـوى وبيـن ابـن شـرار

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • أبوضاري
    عضو ذهبي
    • Jan 2009
    • 321

    #1

    كديميس العصيمي /الهطيـقـا تطلـطـح فالثـفـر=بين علـوى وبيـن ابـن شـرار

    [align=center] هذه القصيده للشاعر / كديميس العصيمي كانت رد على أحد شعراء الهطيقا اللي هو مرزوق الحثل الخربي .[/align]



    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    مـد يمنـاك ياراعـي الشـفـر=واستلـم ردنـا وامـش بنهـار
    انصـرف دون تقديـر وقــدر=ومن هـدر قدرنـا مالـه وقـار
    ونحـر اللـي يبـا منـا العـذر=مهبـل اللـي يبـا منـا العـذار
    لا تحـرا العـذر يبـا الـدبـر=من خصيمن على قومـه يغـار
    وقـل لربعـك يشبـون الفـنـر=وحتزم يالقصير من القصـار
    وكل من لـه بصيـره أوبصـر=خلهـم للطلـب فـي بالانتظـار
    العصيمـي دعيتـوه وحـضـر=وفي المحاضر كلام الحر حـار
    والمعانـي لهـا بطـن وظهـر=ولا تصير البطون بـلا عشـار
    وخصمكم معه مفـراص ذكـر=ضربته بالبـدن تحـدث مضـار
    ضربته ماتمـوج عـن الصـدر=ولا يرده عـن القلـب الستـار
    يالحرابـي تعـديـت الحـكـر=اثـر غوجـك قمـوزن للخبـار
    أنت عندك كـلام بـلا حصـر=ميـر قافيـك توقيـع الـقـرار
    من هل المعرفـة وهـل النظـر=اثبـت أفعال جـدك بالمـنـار
    وكان عنـدك بصـر قـص الأثر=وتدري انك من اصحاب العسار
    ولو تشبثـت مـن مركـز فقـر=مايقـوم الفقيـر مـع التـجـار
    انت مفلـس وجـدك مـا تجـر=عندكـم نقذتـن خيبـة دبــار
    فرقنـا عنـك بأيام العـسـر=مثل فرق الحصان عن الحمـار
    يـوم الأيام مـن مـد لجـزر=كم حريبـن شكـا منـا العـوار
    وكـم طويلـن يطاولنـا قصـر=وكـم حريبـن يواعدنـا ونـار
    ماوفـى بالوعـد لأنه سـبـر=وشاف نمرا لها نـور و شـرار
    لابتي في اللقـاء عـزم وصبـر=بساعـة يبلـغ القلـب الـزرار
    نكسـب المجـد باليـوم الأغر=وقبلانـا مــن روس الكـبـار
    يوم نادر هـل العـارض شهـر=عبلة الضال صارت لـه مطـار
    جمع الناس مـن بـدو وحضـر=وأعلن الحرب واصدر له قـرار
    وجرها من حنيـذ ومـن هجـر=وقال نضرب على الهيلا الحصار
    وشـب نـار الفتيلـه واستعـر=وكـل يومـن يزيـد الاستعـار
    جمعهـم مثـل زيـران البحـر=كـل مـاراح زارن قــام زار
    ومشعل الحرب من يمـه عمـر=ومن قبلنـا وضـد النـار نـار
    المشـوك مثـل وبـل المطـر=والرديني مثـل حـذف الجمـار
    واظلـم الجـو مايوجـد سفـر=وغابت الشمـس مثنـاة النهـار
    وعقب تسعة عشر يومـن هـزر=فر وجـه الكحيلـة واستـدار
    والزعـامـة تقفـاهـا الجـبـر=ولا ومن لين حول فـي الغـوار
    عمـرنـا مانحنيـنـا للأمر=كود من عقب صـولات اختبـار
    يـوم وقعـة طـلال أم العبـر=بعـض الأيام عبـرة واعتبـار
    دايخ الرأس مـن قـو الدجـر=زارنــا بالطوابـيـر الكـثـار
    وقـام معـه الدويـش ولا قـدر=يخترق جمعنا لـو كـان أغار
    مثل وصف الجراد أليا انتشـر=جمعهـم عنـد خـط الانتشـار
    وجمعنا له قلوبـن مـن حجـر=بالمهـات يـهـدون العـمـار
    يـوم قمنـا بعـدلات القـطـر=ماتغـض العيـون عـن العيـار
    ادبـر الجمـع عنـا وانـحـدر=وافترق عقـب ماطـاح الشعـار
    واصبح العسر من بعـده يسـر=واقفت الخيل غاشيهـا الحمـار
    وهيلعـي الجبـل جـاه السبـر=بالخبـر مـن قطامـي الحـرار
    يـوم عـروى نوينـاه بسـفـر=مـار قـام وسبقنـا بالمـغـار
    بعـد جـاه الخبـر منـا كشـر=واصطفق من يمين ومـن يسـار
    وجمع الناس من غـرب وحـدر=وجرها من جبل شمـر وسـار
    وقال حـث الركايـب بالعجـر=لايفـوت السناعيـس القـطـار
    لاتجيـنـا مقابـيـس القـشـر=وينفلـت مـن يمانينـا الخيـار
    جمعهـم قـال شيـخ معتـبـر=حسبتـه تسـعـة ألافاً جـبـار
    وصبحونـا بعـد وقـت الفجـر=حسب تقريـر خـط المستشـار
    وهزنـا مـار حصلـه صخـر=كـل ماطقـه المخبـاط عــار
    وقبلـه هـذا تـرا عنـده خبـر=عـن صلفنـا ليـا ثـار الغبـار
    نقطـع الـراس ونفـج النحـر=بالمهنـد وصلـفـات المـثـار
    وراجت الخيل و الجيش العطـر=وكـل جمـعٍ يريـد الانتصـار
    والسطامي من الغـوج انشطـر=نصف اقعى عليه ونصف طـار
    وعادة النمـر ليـا مـن زجـر=مادركـه مخلبـه حطـه دمـار
    شيخنا للـي ليـا نيـدي ظهـر=مايهاب العدو من حيـث صـار
    وهيلعـي الجبـل قـام وعـثـر=والتفـت طيـر شلـوي للفـرار
    مار جاه المـدد جمـع الحضـر=وارجحت كفتـه عقـب انهيـار
    وعقـب هـذا عقدنـا المؤتمـر=وصار في الأمر خيـره واختيـار
    وقـام وأدى مجاهيـم وصـفـر=وقبل ماكـان يصخـي بالبكـار
    وشيخنا ادى له القحص الشقـر=مثل وصف الادام ليـا استـذار
    ولا حدن شـاف للثانـي شكـر=كلن اقفـى وعينـه لـلادار
    ولو هزمنـا كمـا قـال الغجـر=ماعطانـا ولا فرسـن حــوار
    ولا طلب وفدنا بالمختصـر=وفاوضه في الكبـار وفالصغـار
    وفي ربيع الرحـا مـد الجسـر=من كراديس خيل ومـن حـرار
    مـد شـره لكـن أحنـا الاشـر=ليا تغشـى المراقيـب الكـرار
    ودرات المعركـه دورة كـفـر=مهتـون ياخـذ الشرفـا طيـار
    مـار قدمـه معدلـة العـجـر=في المعارك على الرده جسـار
    يومنـا قمنـا وحذفنـا الغـتـر=عنـد تالـي المغاتيـر الخيـار
    دون الاذواد حسكـات الـوبـر=والمهابـه وكـسـر الاعتـبـار
    اشتبكـنـا بـسـلات الـبـتـر=ليـن دم الجميـع اروى العفـار
    وافترقنـا علـى مثـل الجمـر=كل واحـد يبـي مـن ذاك ثـار
    والمعارك معـه فـوق الحصـر=مار نذكـر بعضهـن باختصـار
    ولا فتـرنـا وجـنـده مافـتـر=كل عـام وتـروج بنـا المهـار
    ان فرصنـاه ماعـمـره جـضـر=وان فرصنـا صبرنـا باقتـدار
    وكل عام ٍ عليـه ادهـى وامـر=ليـن حتـى جنح للانحـدار
    مانتصرنـا عليـه ولا انتـصـر=والحقيقه حصل ضربـن قـرار
    ومات منهم ومـن قومـي بشـر=رحمة لله علـى ذيـك العمـار
    وعقب عود على حـدب الظهـر=الـرحـول الهـديـه للقـشـار
    يوم شافت جمـل شمـر هـدر=شاولـت كـن فيـهـا عـشـار
    لـو يجيهـا قعـودن مافـسـر=كوعـة لـه علـى ثفنـه وزار
    الهطيقـا كمـا جـص التـمـر=لا بغاهـا فتـح بـاب الجـدار
    كـم غزانـا وراكـم يالمـمـر=وفي طرف نجعكم شب الشعـار
    وارسـل العبـد يجبركـم جبـر=وقال سيـرو معـي ياعريب دار
    وكل منكـم تجمـع ثـم طمـر=وقال إنا معـك ليـات الديـار
    وجا يسـوق الضحايـا للنحـر=والنتيجـه نحـر ولا انتـحـار
    لاتبجـح وصفحـاتـك سـمـر=لابغـانـا نــقـب لـلاثــار
    انـت جـودك تلوبـد بالشجـر=وتسرق الجيش من تلعـة قفـار
    وخفت من صوك قصاص الجرر=ولا حدن قـال جاورنـا مجـار
    انطوى الياس من زيـد وعمـر=وصرت مابين نار وبيـن غـار
    ان قبضكم قطعك مـن العمـر=وان هربتوا لكـم عيـره وعـار
    ولك جنـاحٍ ضعيـفٍ وانشمر=ماحتمـى لاجديـع ولا ذعــار
    وتجهه يمنـا يـوم انـذعـر=واحتمينـاه بالحـدب القـصـار
    مـن حدتـة الحـوادي وافتقـر=العتيـبـي يجيـر من أستـجـار
    ماتـهـزه منـاديـب الـنــذر=لو لفت من يميـن ومـن يسـار
    الثـلاثـه منـاديـب الخـطـر=مـن ثلاثـة عناتـيـتٍ كـبـار
    ومن وراهم جموع مـن البشـر=والاداره بـوامـرهـم أدار
    ولا انحنيـنـا لتهـديـدٍ بــدر=من زحـولٍ تـزور ولا تـزار
    وجاهـم العلـم مختـوم بمهـر=وأحـدٍ زارنـا وأحـد استخـار
    والعصيمـي بساعـات الـكـدر=يحتمـي راع الــدن الثـبـار
    وقد حشركم على عرجا حشـر=ماتعرف الصياح مـن الخـوار
    جمعكم طـاح رمـزه وانكسـر=والكسيـره بعدهـا الانكـسـار
    ولا منعتوا عـن الشيـخ الاسـر=يـوم حطـت يمينـه فالوسـار
    عقـب دارت دواليـب المـكـر=من حليف سـرا عقـب استنـار
    وخيـش الفـرم عقبـه كالنسـر=ماكتـب لـه حليفـه بالمـسـار
    ويوم شـاف الكراديـس انبهـر=وشاف ضرب الحوافر بالقشـار
    ماقدر لايهوش ولاعبر =مع طريق الذي عاهد وبار
    انكفـى الجمـع عنـا وانشمـر=واستلمـنـا زمــام الابـتـدار
    وكـان عيـا لسانـك ماستـقـر=الوثايـق بعنـقـك كالـسـوار
    مالـكـم لامطـيـر ولا مـفـر=الممـرات ســدت والمـمـار
    الهطيـقـا تطلـطـح فالثـفـر=بين علـوى وبيـن ابـن شـرار
    حاولـت تقتضي منـه بغـدر=والنتيجـه هزيمـه وانـدحـار
    وعـودت مثـل عبـاد الحجـر=مستجيرن مـن الرمضـا بنـار
    لاتحـاول هـذا حكـم الـقـدر=طويت الصحف وللي صار صار
    ان رضيتـوه ولا فـي صـقـر=كل طيـر خـذا قسمـه وطـار
    ولو نظرت المصـادر والسيـر=شفـت الآثار ماجاهـا اندثـار
    مـار تغمـض عيونـك وتهـذر=وأنت ُتنظـر بعيـن الاحتقـار
    العمـى مانظـر نـور الـبـدر=انت فـي ليـل والنـاس بنهـار
    اعتـرف بالحقيـقـه لا تـفـر=مايفـيـد الـكـلام المستـعـار
    ويش جابك تكلـم بالحفـر=وحد دارك تحـت ظـل الزبـار
    منحتن من هل الرمز الخضـر=ماورى شحذت البشـك افتخـار
    عايشين بظلا منتصر =كل عاما لكم صاحب وجار
    ولا تــذم النـبـي المنتـظـر=وانت كبرت لـه عنـد المـزار
    يـوم مرتـب الدعـوى جهـر=صرتـوا انتم جنـوده فالمثـار
    جابكم مـن ورى بـان الحمـر=تتبعونـه مثـل روس الجـفـار
    وطاف بالبيـت فتـره واعتمـر=ليـه ماقمـت دون الانفـجـار
    ساقكـم للنحـر سـوق البـقـر=كـل مامـات ثـار جـاب ثـار
    فتنـة لفهـا طــرف الـدهـر=عندنـا راسهـا وانتـم فـقـار
    وكيف تفتح علـى ربعـك نبر=وأنت مـالـك صــلاحٍ بالمـسـار
    وكيف تطري الجعر وانت تخبر=يوم تمضـي الجـواز لزنجبـار
    وتشتري منهـم الـزرق الزهـر=وقرب أهمـس باذانيـك الصغـار
    القضيـه لهـا عـلـم وخـبـر=وكشفت اسرارها عـار وشنـار
    واقرب النـاس لذنـاب الجعـر=ربعـك للـي يمانيهـم قصـار
    تركبون الشغـر فـوق الشغـر=وتشملون الفحل ياهـل الشغـار
    وأنت لازلت ترضع ثم تدر=للجراوه تحاليلك غزار
    أنت يالحثل فراش الحصر =شالك السيل مع وادي نمار
    وانتي حصنـي ليـا ردد جحـر=لياشهر صقر جا فيـك انصقـار
    لاتعد الخمر يابالخمر =رص كبدك على الارض الخصار
    الحرامـي دخـل بيتـك ظهـر=وبال لك في الـدلال وفالوجـار
    صاهر الحثل والحثـل انصهـر=وانهصر لـه علشـان الصهـار
    بكرة الحثل ضيرها بكر =ورزمت عقب ضيرها الضيار
    لو تجمع عيوبك في مصر =ما خذتها دواليب المصار
    وطالع القطش منصاب بسرر=وعلة البطن هي راس البوار
    غرفة تتسع واحد نفر =ليش تسمح يجي فيها أختشار
    المنيحه بها جارك خشر =حسبه الله هدر حسن الجوار
    لك شطر بالحلوب وله شطر=وأنت ما بين ذله وغترار
    ينطر القطش ولا مانطر =غامر الجار من تحت الوزار
    كان في البيت من يمه نبر =سد باب الدريشه بالحجار
    وراقب الحوش وأبواب الحجر =وخل عينك على سطح العمار
    دامـة المسألـه غمـض تمـر=وبدلة الصوف ينظفهـا البخـار
    أنت عودك ليا هز أنهصر =لانك أرعن تحب الانهصار
    جنب الحر وأربض بالخصر =والحذر دودة أيام الخضار
    غرتك دودة أسوار البشر =تتبع الناس من دار لدار
    عام الاول تعيش من الفطر =مير وقت المساكين أستدار
    وصبحت عندها سلم نمر =للقبايل تعده بالعيار
    ويالعضب فيه كسر ماجبر =مايعالج مثل كسر الغضار
    راعي الجمس عقب أنه خطر =ضيفته دلتين بلابهار
    ليته أقف عليهن وأقتصر= مالعب داخل البيت القمار
    قام يشعب مطاياه العفر =ياسفابالبياض مع السمار
    والعضب مثل مخيول العشر=كن حاديه عن حقه هجار
    كل ماجاه صيعيا خدر =وقال دوك الخميره بالخمار
    وبعض الاعمال من نوع الكفر =عنده أغلاء بضاعه للاجار
    وجاه مني كلاما وأنحشر =ونفرط ضامره طير المقار
    عقب ماذاق مسموم الابر =أبتلش بالاصابه والغيار
    يلحقن العظم حدر الهبر =وكل جسمه تشبع بالصفار
    صايرن مبسمه مثل الدبر =يوم يرشح قراطيع الزقار
    وش تبي يالاوعيضب بالعمر =وأنت تطفي الحراره بالحوار
    أندمرت وجنا الغصن أندمر =مالك الا تطس لقندهار
    مالك الا النفي والا القبر =أختر البعد ولا الانقبار
    أسمعوا علمنا حامض ومر =وكل مره يزيد أبه المرار
    ماتستر وراء بعض الستر =والمكذب يقابلني جهار[/poem]
  • فهد سعد
    عضو فعال
    • Feb 2009
    • 106

    #2
    [align=center]وخصمكم معه مفـراص ذكـر
    ..... ضربته بالبدن تحـدث مضـار
    ضربته ماتموج عـن الصـدر
    ..... ولا يرده عـن القلـب الستـار


    عز الله أنه صادق ذوق الهطيقا الامرين كل ما سمعو ا بأسمه تطيرون من الارض
    الشكر موصولا لك أبو ضاري على جهوداتك الجباره [/align]

    تعليق

    • أبونواف

      رابطة محبي الهيلا

      • Nov 2008
      • 2163

      #3
      [align=center]صح لسان الشاعر الكبير كديميس العصيمي
      مشكور أبوضاري وبيض الله وجهك يالذيب ..
      [/align]

      تعليق

      • المهاجم
        عضو نشيط
        • Mar 2009
        • 65

        #4
        [poem= font="simplified arabic,4,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
        وعقب عود على حدب الظهـر=الرحـول الهـديـه للقـشـار
        يوم شافت جمـل شمـر هـدر=شاولـت كـن فيهـا عـشـار
        لـو يجيهـا قعـودن مافسـر=كوعـة لـه علـى ثفنـه وزار
        الهطيقـا كمـا جـص التمـر=لا بغاهـا فتـح بـاب الجـدار [/poem]

        [align=center]الله أكبر صح لسان كديميس العصيمي
        صلى بالهيطقا شرق
        الشكر لك أبو ضاري على القصيده الاكثر من رائعه .[/align]

        تعليق

        • أبوضاري
          عضو ذهبي
          • Jan 2009
          • 321

          #5
          تم النشر في الأصل بواسطة فهد سعد عرض المشاركة
          [align=center]وخصمكم معه مفـراص ذكـر
          ..... ضربته بالبدن تحـدث مضـار
          ضربته ماتموج عـن الصـدر
          ..... ولا يرده عـن القلـب الستـار


          عز الله أنه صادق ذوق الهطيقا الامرين كل ما سمعو ا بأسمه تطيرون من الارض
          الشكر موصولا لك أبو ضاري على جهوداتك الجباره [/align]

          [align=center]أشكرك على مرورك .[/align]

          تعليق

          • بعيد الشوح
            عضو نشيط
            • Mar 2009
            • 58

            #6
            [align=center]وكـان عيـا لسانـك ماستقـر
            -----------------------------الوثايـق بعنقـك كالـسـوار

            لا بيستقر ضروري ماعقب الصاعقه هذه الا الاستقرار غصيبه ..[/align]

            تعليق

            • أبوضاري
              عضو ذهبي
              • Jan 2009
              • 321

              #7
              تم النشر في الأصل بواسطة أبونواف عرض المشاركة
              [align=center]صح لسان الشاعر الكبير كديميس العصيمي
              مشكور أبوضاري وبيض الله وجهك يالذيب ..
              [/align]
              [align=center]أشكرك على مرورك . [/align]

              تعليق

              العمل...