للنفس شف وللمنايا مهاتيش ....نبا وتطوينا الليالي سباقي

طي
X
 
  • التوقيت
  • إظهار
مسح الكل
المشاركات الجديدة
  • آلاد غنـــام
    عضو فضي
    • Jan 2009
    • 270

    #1

    للنفس شف وللمنايا مهاتيش ....نبا وتطوينا الليالي سباقي

    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    من مرقب ٍ يفتش تقى الارض تفتيش=تبيـن مـن عالـي حجـاه المتاقـي
    مبدا ً لخال القلـب بـردا ً نشانيـش=وأنـا رقيـت وجانـي الهـم راقـي
    أمّـا تولّـم يانديـبـي مغابـيـش=والاّ أسر مع مسرى مخيف الطراقـي
    ليا طار شبل الناس مع لقمة العيـش=وجا بينهم حبـل التواصـل دقاقـي
    يلزمك منّـي بالوصـاه المطاريـش=لرفيقي اللـي مـن خيـار الرفاقـي
    رشيـد زيـزوم العيـال المداغيـش=ليـا لاذ بالجنـب المتيـن الرقاقـي
    وسلّم وقل يالقرم صاحبك في ويـش=رفيقك اللي في حجا الرجـم أواقـي
    غاد ٍ كما الفـرّاع بيـن الهواويـش=يغيـر بيـن الملتـقـي والمـلاقـي
    مما تشوف العين فالفكـر تشويـش=ضايق وجـات الذكريـات الغلاقـي
    حنّيت للماضـي حنيـن المعاطيـش=وسقت النظر مع مجرهـد الرقاقـي
    جرد ٍ تزيد موحّش القلـب توحيـش=عقب النزول اللـي عليهـا اشتياقـي
    مجالـس ٍ للنجـر فيهـا غطاريـش=ولاهي لمن يشتـم و يمـدح نفاقـي
    أسلافنا يـوم المعـاوش عراميـش=جيـل ٍ رحـل قـدم الامانـه تباقـي
    قوم ٍ لفزعة مـن نخاهـم مداهيـش=وملجا ً لمن ضيّـق عليـه الخناقـي
    يا ذخر ملحقة المتلّي مـن الجيـش=ليا جالهن عند الطريـح اصطفاقـي
    شفت الرسوم وهل دمعي جواهيـش=ومفتـاح غربـال المـود الفـراقـي
    للنفـس شـف وللمنايـا مهاتيـش=نبـا وتطوينـا الليـالـي سبـاقـي
    والعبد يجريله من الدهـر تمحيـش=وإن مر به عسر ٍ بعد يسـر ضاقـي
    وماقل دل وكثـرة الهـرج تدويـش=موجـز وبـاق ٍ للسوالـف بواقـي
    وأسلم وسلّم عـد وبـل الرواعيـش=عد الرشاش مـن الخيـال الحقاقـي
    وصلّو على اللي همّش الشرك تهميش=شفيـع تبّاعـه بـيـوم التـلاقـي [/poem]


    [align=center]للشاعر / مشلح بن براك الغنامي[/align]
  • أبونواف

    رابطة محبي الهيلا

    • Nov 2008
    • 2163

    #2
    [align=center]صح لسانه ولاهنت أخوي الاد غنام ..[/align]

    تعليق

    • آلاد غنـــام
      عضو فضي
      • Jan 2009
      • 270

      #3
      عافاك الله يابو نواف

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        [align=center]يا سلام

        صح لساااانه .. وصح لساانك يالآد غنام

        تحيتي لك يالغالي
        ...[/align]
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • آلاد غنـــام
          عضو فضي
          • Jan 2009
          • 270

          #5
          حياك الله يالطيب

          تعليق

          • آلاد غنـــام
            عضو فضي
            • Jan 2009
            • 270

            #6
            كلكم طيبين


            عافاكم الله

            تعليق

            • البريماني

              رابطة محبي الهيلا

              • Jan 2008
              • 1684

              #7
              صح الله السانه


              قصيده جززله واعجبتني


              لاهنت يالذيب على النقل

              تعليق

              • متـعـب المهيدلي
                شـــاعــر
                • May 2008
                • 216

                #8
                صح لسانه ولاهنت أخوي الاد غنام ..

                تعليق

                العمل...