واحد شعره كما هداج تيما ....ماينقص ماه لو كلٍ يميحه

طي
X
 
  • التوقيت
  • إظهار
مسح الكل
المشاركات الجديدة
  • آلاد غنـــام
    عضو فضي
    • Jan 2009
    • 270

    #1

    واحد شعره كما هداج تيما ....ماينقص ماه لو كلٍ يميحه

    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    اقول الشعرهاجوس وقريحه=يعافكلك ونوب يهب ريحه
    ليا صادفك موضوع يحسّك=تقوله وانت نفسك مستريحه
    وتقطف من زهوره كل ورده=وتستانس مع الورد ونفيحه
    تصوغ القاف وتصوغ المعاني=تخيّر فيه وتقد ّم مليحه
    ونوب الشعر عنك يصك بابه=ولذ ّاته على الشاعر شحيحه
    ياكود اللي يخبطه خبط عشوى=ولايفرق مليحه من قبيحه
    أحد شعره كما الحسو المرفّا=مجمّه دوب يملا له صفيحه
    وأحد شعره كما هد ّاج تيما=ماينقص ماه لو كل ّ ٍ يميحه
    وزمان اليوم شعّاره كثيره=يخلطون العسل فوق اللتيحه
    دخل شعر النبط شعر الحداثه=ودخل كلّه على شعر الفصيحه
    وكل ّ ٍ قام يرسل للمجله=ومحررها يسوي له شريحه
    ولو إنّه عارضه قد ّام ينشر=على عر ّاف وعقول ٍ رجيحه
    يدلّونه ليا غوي الدلايل=لاصار انّه يبا درب المديحه
    يبا من شعره المنشور عز ّه=وشعر ٍ قد ّّمه راس الفضيحه
    ليا منّك قريته سد نفسك=وودنّك من الصفحه تزيحه
    يعاتبك القلم ياللي كتبته=وتعاتبك المعاني والقريحه
    وأنا ماودّي أجرح لك مشاعر=وعرض اللي غفل مانستبيحه
    لكن أنصحك من باب الموده=و لعلّك تستفيد من النصيحه
    تريّث فالقصيد إليا نظمته=وتنق إلنا معانيه الصحيحه
    ولاتزعل على اللي ينصحونك=دخيلك لاتولعها قديحه
    وأنا ماأقول أنا أعرف من يقوله=أخذها كلمة ٍ مني صريحه
    وخلق الله طبايعها تفاوت=وكل ّ ٍ فيه ميزه وإله ليحه
    أحد مثل الذهب وأثقل بوزنه=وأحد مترديّه مدري نطيحه
    وأحد رجال تنعم في جنابه=وأحد قربه يشادي شوق شيحه
    ولوّ آعد ّهم ياما وياما=لكن الرجل يعرف من نضيحه [/poem]


    للشاعر / مقحم بن دحيم الغنامي
  • عبدالمجيد العطاوي
    شـــاعــر
    • Apr 2008
    • 844

    #2
    لله دررررررررررررررره من شاااااااااااااااعر حقيقةً سجّل أعجابي للامحدود لهذا الفحل يالاّد غنــام ,,,

    تعليق

    • آلاد غنـــام
      عضو فضي
      • Jan 2009
      • 270

      #3
      الله يعافيك يالعطاوي

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        [align=center]الله الله

        صح لسااانه مدد .. شاعر بحره غزير

        بيض الله وجهك يالغنامي
        ...[/align]
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • آلاد غنـــام
          عضو فضي
          • Jan 2009
          • 270

          #5
          الله يعطيك العافيه والصحه يامحمد ويبيض وجهك

          تعليق

          • أبونواف

            رابطة محبي الهيلا

            • Nov 2008
            • 2163

            #6
            [align=center]صح لسان الشاعر وبيض الله وجهك على النقل ..[/align]

            تعليق

            • آلاد غنـــام
              عضو فضي
              • Jan 2009
              • 270

              #7
              عافاك الله يابو نواف

              تعليق

              • سيف نت
                عضو ماسي
                • Feb 2009
                • 933

                #8
                صح لسانك ولسانه

                تعليق

                العمل...