المحروم الثالث

طي
X
 
  • التوقيت
  • إظهار
مسح الكل
المشاركات الجديدة
  • سلطان نايف العضياني
    عضو مميــز
    • Jul 2008
    • 1741

    #1

    المحروم الثالث

    لفت إنتباهي أحد المساجلات وجدتها في أحد أشرطة رشيد الزلامي

    القديمه.وهي مرسلها الشاعر/محمد بن نافل الروقي

    لشاعر /رشيد الزلامي

    عندما سمع قصيدة الزلامي اللتي وجهها للأمير المرحوم عبدالله الفيصل

    اللي يقول فيها:

    يامير أنا مهنة الحرمان قابلها+زميل مهنه ودوك أسمي وعنواني

    تكفا على صفحة الحرمان سجلها+عبدالله الفيصل الأول وانا الثاني

    فنتهز الفرصه الشاعر/محمدبن نافل الروقي وتمنى أن يكون المحروم

    الثالث..


    يقول محمد بن نافل الروقي

    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    في قبضة الأقدار من حيث لا أختار=لاعدت ياوقتن على القلب جوار
    وقتن يعذبني على غير مدلول=وقتن تحدى القلب والقلب صبار
    قم يانديبي دوك مفتاح جي أم=الجمس منوة من نوى درب الأسفار
    ولّم عليه وطلعت الشمس تله=وانص الديار اللي بها طيّب أذكار
    واليا وصلت أنشد عن مصخر القاف=رشيد قله يابعد كل من سار
    محروم ثالث يشتكي جور وقته=عقب السعاده يشتكي صالي النار
    من عقب ماهو بالسعاده تهنا=شاف العنا هم العنا لخافقه زار
    هم العنا بسباب فرقا وليفه=فارق وليفه وانتحى عن هل الدار[/poem]


    رد أبو جميل:


    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    هاض الضمير وقلت من خاف الاسرار=أبيات من جاش الحشا جات مدرار
    أسترسل القلب المعنى وغنيت=مثايلن تشبه لبن حسك الاوبار
    لو كنت ماني لتماثيل هاوي=ونصد عن بدع المثايل والاشعار
    يردني لشعر مثلك وشرواك=يامن شكى ضيم الليالي ولاقدار
    خطك وقيفانك على العين والراس=لاشك ماوضحت لي بعض الاخبار
    إن كان جايك من زمانك صواديف=فاطلب وانا في خدمتك يابن الاحرار
    رهن الإشاره باذلن كل معروف=ولالي بعد شكواك صده ومعذار
    وان كان من حب الغنادير منصاب=فالعشق للعشاق نار أبن عمار
    اللي وقع في حب تلعات الارقاب=كنه وقع في فخ مامنه مظهار
    لو إنهن في حبهن يشبك الطير=رفرف جناحه في مكانه ولاطار
    وانشد مجرب يامحمد وينبيك=من كان له بالحب مارد ومصدار
    اللي جراله من هوى البيض لوعات=مثلي ومثل اللي شرب كاس الامرار
    أعطنه الخفرات عهد ومواثيق=واصبح يطق الكف بالكف محتار
    لوحاولن معه الوفا صار مكنوف=بحاسد ونمامن وماكر وغدار
    تكانفوه الاربعه واشمتوا فيه=واصبح يهيم بوسط غبات الابحار
    ماله جدا ألا يظرب الخمس بالخمس=من الهم في قلبه ثمانين قنطار
    يحداه عن وصل المحبين حادي=الخوف والعفه وعمسين الاشوار
    هذي ضروف الحب واكبر بلاويه=حين الفراق اليا أنتحى جار عن جار
    واليا رغبت وصرت ثالث للأثنين=سجل بصفحة من عليه الدهر جار
    في صفحة الحرمان نكتبك محروم=وعسى يجي غيرك ولو عشرة أنفار
    نبي على الصفحه نسجل جماعه=عل وعسى تلفت لنا بعض الانظار
    واختامها مني تحيه وتقدير=واسلم ودم ماهل همال الامطار[/poem]
  • @ـايل

    مشرف المنتديات العامة

    • Jan 2008
    • 9251

    #2
    ياسلااااام ...

    رديّه رائعه بين كبار ...

    لاهنت ياسلطان العضيّاني ...والله يعافيك على النقل..

    ........
    تويتر : AlHooL@

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      [align=center]

      ياسلاااام ياسلاااام

      فعلا رائعه رائعه رائعه ..

      صح لساااان ابن نافل الروقي و ابو جميل

      سلطان العضياني

      انتقاء رائع يارائع .. شكرا جزيلا لك ..

      تحيتي
      ...[/align]
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      • سلطان نايف العضياني
        عضو مميــز
        • Jul 2008
        • 1741

        #4
        تم النشر في الأصل بواسطة هايل العتيبـــي عرض المشاركة
        ياسلااااام ...

        رديّه رائعه بين كبار ...

        لاهنت ياسلطان العضيّاني ...والله يعافيك على النقل..

        ........
        الله يعافيك ياهايل

        ولاعدمتك

        تعليق

        • سلطان نايف العضياني
          عضو مميــز
          • Jul 2008
          • 1741

          #5
          تم النشر في الأصل بواسطة محمد العتيبي عرض المشاركة
          [align=center]

          ياسلاااام ياسلاااام

          فعلا رائعه رائعه رائعه ..

          صح لساااان ابن نافل الروقي و ابو جميل

          سلطان العضياني

          انتقاء رائع يارائع .. شكرا جزيلا لك ..

          تحيتي
          ...[/align]


          ياهلابك يامحمد

          أشهد إن لك ثقل بالمنتدى يالغالي

          لاعدمتك

          تعليق

          العمل...