ديوان الشاعر الكبير / حمدان بن مناحي المقاطي

طي
X
 
  • التوقيت
  • إظهار
مسح الكل
المشاركات الجديدة
  • رايد الهديبي
    عضو مميـــز
    • Nov 2008
    • 997

    #1

    ديوان الشاعر الكبير / حمدان بن مناحي المقاطي

    [align=center]السلام عليكم ورحمة الله وبركاته

    يسرني ان اضع بين يديكم مااستطعت ان اجمعه



    من القصائد كتابةً

    لشاعر الكبير/ حمدان بن مناحي المقاطي
    [/align]




    [align=center]((علامة إستفهام؟كلمـه عابـره))[/align]



    [poem=font="simplified arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    يابنت معجب فيك وانتي خابره=والأفضل ان الشك نقطع دابره

    وفي قلبك ان كان الثقه معدومه=قلبي ليا من عاف محداً جابره

    ان ما وثقنا في بعضنا يعني؟=علامة إستفهام؟كلمه عابره

    وليا فهمتيها وقلتي عادي=صغرتي بعيني ولا انتي كابره

    تلقين في دربك حبيباً غيري=يهز لك راسه ويفرك صابره

    مشي عليه اللي يجي في بالك=وقولي له اصبر والحياه مثابره

    وانا غنياً عنك يامزيونه=لو كان فيك الزين ربي زابره

    احيا واموت وهامتي مرفوعه=ومادام قدري حي ماني قابره

    وطبيعتي لا يمكن اغيرها=والدرب الايمن عارفاً معابره

    أعطيتك المؤجز واظنه يكفي=والافضل ان الشك نقطع دابره[/poem]




    [align=center]((الــــــهــــــا جــس))[/align]




    [poem=font="simplified arabic,4,black,normal,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
    بيني وبينك لاتضيع المواثيق=ان كانها ضاعة بلاش العلاقه

    للطيبه نرقا بروس الشواهيق=ماهمنا صلف الهواء وأصطفاقه

    والهاجس اللي دق بأقصى المعاليق=ماهو على حب البنات إشتياقه

    شيً ليا دقق به الرجل تدقيق=شاف الخلل مثل السلوك الدقاقه

    وعذره يقول ان الليالي توافيق=الله ولا بعض البشروالصداقه

    ابشرك ماحدنا الله على الضيق=حتى لو ان الصبر علقم مذاقه

    واغلا رصيد اللي بوسط الصناديق=وقناعة الرجال مبداء انطلاقه

    وان كان عندك بعد وصلتك تعليق=حاول تمعنها بهدؤ ورواقه

    وان بينت قدم الرماه التفافيق=حزن ابدوياً وخذة اغلا نياقه

    والرزق لوهو في يدين المخاليق=بعض البشر يحسدك فنجال.ساقه

    وقبل على قلبي مراسيلك تويق=اخوك يهديلك من الورد باقه..[/poem]



    [align=center]((الردى عنه نظرتها بعيد))[/align]




    [poem=font="simplified arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
    قلت ياهاجسي وين القصيد=مد يمناك للي مدهـا

    صاحبي قال لي هل ممزيد=وأنت قلي لعلك قدها

    قال انا اضرب بسيفً من حديد=سلة السيف يعجب حدها

    لايهمك مادامك مستفيد=والنوادرلأهلها عدها

    وأبتدى الهرج والمعنى مفيد=مدها.قال دوك وشدها

    كل فكره عليها مانعيد=مدة اللي بعدها يدهـا

    قلت عينت علياء وابوزيد؟=سالفتنا هنا.لابدها

    قال بس انت قول اللي تريد=قلت عشقي معرب جدها

    والردى عنه نظرتها بعيد=ونظرتي للردى مألدها

    حبها سار في وسط الوريد=وعانقتني غلا من جدها

    قلت سبحان خلاق العبيد=يوم شفت العيون وخدها

    ولين العود والعنق الفريد=وقذلةً كل يوم تكدها

    والنحر مخملاً توه جديد=من دفع قيمته ما ردها

    والنساء باسهن باساً شديد=مثلها كل وحده ودها

    وحقها دون شرط ودن قيد=تأخذه مايوقف ضدها

    ترضخ الروس للراس العنيد=من تماري تجي في سدها

    والنهايه تبي العلم الأكيد؟=في خفوقي مسيطرودها

    وقربها والله انه يوم عيد=والقصيده مأدور ردها[/poem]



    [align=center]
    ((اخاف يصبح حبنا مسألة وقت))
    [/align]


    [poem=font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

    قولوا لعبدالمحسن أني توهقت=توهيقةًيأهل الهواء ما بعدها

    توهيقةً منها إلى الحين ما فقت=والله لأروح أن مافزعلي بيدها

    قولوا له أن القلب حب وتعلقت=وخوفي يكون الخافي أمر وأدها

    أخاف يصبح حبنا مسألة وقت=والفاتنه توعد وتخلف وعدها

    كانه تغير رايها ماتوفقت=والله ماتسوى حياتي بعدها

    أنا عليها كل ماتطري أشتقت=سبحان من حط الجمال بجسدها

    حوريةً لا طالعت في دنقت=وبعض العلوم تضيع وتقول عدها

    حاولت أوقف قدمها بس ماطقت=يرسل نظرها أوامره وأعتمدها

    وأن ساقني مع دربها قلبي أنسقت=لا ناشداً قلبي وهو مانشدها

    لأني ليا عاهدت باموت مابقت=وهي واعدتني ما تغير وعدها

    وأن ذقت من معسولها قلت ماذقت=مأرضى عليها أن البشر تنتقدها

    وقمة سعادتنا ليا راقت ورقت=وفلت جدايلها وبين نهدها

    وتحققت مني ومنها تحققت=هذا منى الارواح هذا سعدها

    وأن قالت بشعرك لغيري تطرقت=قلت ايه شعري كل جمه وردها

    لكن توي للقصايد تشوقت=لعيونك أقل برقها مع رعدها

    يشرح مطرها خاطري كل ماضقت=ويشفي غليل أهل المحبه بردها

    وأن كان ماعانقت حرفي وصفقت=خليتها مدفونةً في لحدها

    واخر علومي فرحتي كان وافقت=وكانك رفضت يحلها اللي عقدها[/poem]





    [align=center]((عذرنا منك وشهو يأول القبلتين ))[/align]



    [poem=font="simplified arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]


    انتهى الصمت واعلنها وجرحي دفين=وانت ياصبرنا ليلك جليد وضلام

    عذرنا منك وشهو يأول القبلتين=دام مافيه لارحمه ولابه سلام

    دونك الروح اقدمها فداء هالحين=ليه بكره لعل ارواحنا للعدام

    برفع الصوت بأسم القدس للمسلمين=واخذ البندقيه واحتزم بالحزام

    واجب التضحيه بأموالنا و البنين=صف واحد نسوق ارواحنا للزحام

    مستباحه على شانك دماء المعتدين=ذبحة ابن الحرام اكيد ماهي حرام

    لعنة الله على الكفار في كل حين=شبوا النار في جسم الكهل والغلام

    والنساءفالهن في كل الاحوال شين=بين نار إنتهاك العرض والانتقام

    والارامل ينادنا بصوتً حزين=والمنازل على الاطفال راحت هدام

    والصواريخ تقصف من يسار ويمين=وفي رجا الله لهم بالصبرخمسين عام

    بالحجاره بوجه المعتدي صامدين=وان نخونا حدانا الذل للانهزام

    مالنا ضلع في وقت المداحم متين=بين الضعف فينا مايبيله كلام

    ودنا ودنا لكننا خايفين=والجمل طاح بالحمله ولعاد قام

    والحقايق نغطيها ولكن تبين=والدليل العدى مشت علينا النظام

    وأمرنا للإله معذب المشركين=في حماه الضعيف من القوي مايضام

    ياإلهي تفرج كربة الصابرين=وانصر المسلمين اللي يبون السلام[/poem]





    ((الله يلعن اللي كذب))




    [poem=font="simplified arabic,4,black,normal,normal" bkcolor="white" bkimage="" border="outset,4,gray" type=1 line=0 align=center use=ex num="0,black"]
    غيرت رايي وأنا كنت اكتب الأوله=لأن المشاريه جت بين الجفاء والعتب

    والظاهر السالفه في هجرك مطوله=وان طولة قلت تبت يدك يأبي لهب

    كان الثقه بينا للعكس متحوله=بريال ابيع الغلا الله يلعن اللي كذب

    لافايده في غلاناوالخطاء بأوله=مصيري اتعب وتتعب والمسافه تعب

    تعال للي يبيك وماتبي سوله=الروح تفديك لو الدم وصل الركب

    غضبك من كلمتي لإرض الرضاءحوله=مابيك مثل الذي يبحث عن اتفه سبب

    دامك مربيك شيخ فعوله مهوله=اكيد علمك للفزعات وقت الطلب

    ولولا الغلاكان معك الهرج مأطوله=من يزعلك مايعرفك؟!ويخسى ويعقب

    وصلتك ما جبتها منقول ومقوله=وعادي لو اكسيك من راسك للرجلك ذهب

    وأن كان يرضيك اخاوي ناس متسوله=خذ راحتك شبها وانا ضلوعي حطب[/poem]




    [align=center]((ابك انت ينهج بك عن كل حاسد خلا)) [/align]


    [poem=font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

    قالت تعرف الحلا؟قلت إيه كلك حلا=هو فيه غيرك حلا؟هذا هو المستحيل

    وابشرك نحترمك ولك مكان وغلا=ونموت في غيبتك ونقول صبراً جميل

    ابك انت ينهج بك!عن كل حاسد خلا=مألوم من في غيابك دمع عينه يسيل

    وانا الذي في غيابك خاطري ماسلا=وانت الشفاء والسعاده والدواء للعليل

    ياليتني بس انا وياك دوم قبلا=وليا تمسكت في عودك عليه يميل

    عليك جاني بلا والشعرصابه بلا=والحرف مايشرب إلا الصافي السلسبيل

    اذكرك واذكرعيونك دون كحل كحلا=واشوفك الصبح يفهق عن محياه ليل

    وختامها ان رحت وإلا جيتلي ياهلا=وان قلت حبيت غيري قلت لك مستحيل[/poem]



    [align=center]((قالت ؟؟علينا ؟! خاف ربك ياصبي ))[/align]

    [poem=font="simplified arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]


    لقيتها بالسوق تفتر وتدور=وانا وغيري ما درينا وش تبي

    ولدت وقالت لي نبي مصنع عطور=قلت العطور بفمك ياعنق الضبي

    وذاب النظر فيها وهي جاها غرور=وانا بدون شعور قلت إلها أقربي

    قالت هذا مجنون قلت بلا شعور=من ضمن ما قلته تمني وأطلبي

    ماعاد افكر فالغياب ولا الحضور=ولإدري لو الحضار قالوا لي غبي

    وبعد انتباهي قلت انا ما قلت زور=قالت ؟ علينا؟! خاف ربك يا صبي

    قلت إعذريني قالت ابعد ومعذور=وخطيتي قلت امسحيها بشنبي

    قالت ترى مأنته بجاهل بالأمور=وإن كان تبغاني تفضل عند ابي

    قلت الصراحه ما حصل منكم قصور=ولا همني مالي وجهدي وتعبي

    لكن حظي من دبوراً في دبور=إلياء طلبته فزعته قام يحبي[/poem]





    [align=center]((اللي فعوله بس عند وخيته))[/align]


    [poem=font="simplified arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]


    يا مرحبا بالهاجس اللي جيته=تبري جروحاً بالضمير اخفيتها

    عرفت مقصوده وعارف نيته=وكثرة مطاليبه وانا لبيتها

    قال القصيد وقلت اخذ حريته=ماتنطفي ناره إليا شبيتها

    اركب المعنى على قافيته=ويطيب خاطرها ليا سريتها

    واشوم عن كل البيوت الميته=واللي عليها وسم ماضميتها

    عنها النظر فوق الجبال نحيته=وروس الجبال النايفه عديتها

    وليا لقيت الصيد في محميته=ماتخطي البندق ليا مديتها

    ما يفلس الرماي من مرميته=بأمر الولي من حيث ماحطيتها

    والشعر جرحه ماله إلا كيته=عسى الجروح تطيب لاداويتها

    وحقه علي اصب له بريته=اللي على جمر الغضى سويتها

    ترتاح من فنجالها نفسيته=وعنه الضرم ينزاح لا صبيتها

    والله ولا اطلب من بشر عانيته=ولاني من اللي ينتظر تصويتها

    الفكر راعي ماتضيع رعيته=ويموت بالجزله وانا حبيتها

    وصيت فكري واحتفظ بوصيته=وليا بناها الفكر ما هديتها

    لقيت كل الزين في منقيته=وضحاً يقول اني عليك اهديتها

    عطيته ما منها عطيته=يقول انا لاعطيت ما منيتها

    وانا ذكرت من الكثير شويته=واللي عليها نقص ماضويتها

    واطى على داب الطريق وحيته=للمجد سقت الرجل مارديتها

    وقدر الرجال الطيبين مبيته=اهل الفعول اموت ماسبيتها

    والشعر سيفه غير عن شبريته=ويفخر بشعاراً ينومس صيتها

    واللي فعوله بس عند اوخويته=ياليتها سلمت منه ياليتها[/poem]


    [align=center]
    ((ترى هذولاك لاقومي ولاقومك ))
    [/align]


    [poem=font="simplified arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]

    سمعت صوتك يناديني وانا نايم=قلت اه لبيه عجل عطني علومك

    ماودي الصوت عني ينقطع دايم=مرتاح له ياعسى يومي قبل يومك

    تبكيك عيني وعيني مالها لايم=وقلبي ليا جر ونه قلت مألومك

    عن حب غيرك فديتك خافقي صايم=وان قلت له صوم عني قال مأصومك

    متى بوصلك تجود وترحم الهايم=وتبشره ياقدوم الوسم بقدومك

    وترد روحه من البياع والسايم=ترى هذولاك لاقومي ولاقومك

    مادام الآرواح تفنى والله الدايم=تعال راضي بحكمك قبل مرسومك

    انا غريق الغرام وموجه العايم=وارجيك في كل يوم وصرت محرومك

    عليك صدق المشاعرطيرها حايم=بس انت نايم ولا أستيقضت من نومك

    وان كان غيري بحبك حضهم قايم=معاد فكرت.في ماطرك وغيومك[/poem]




    [align=center]((واوجودي)) [/align]



    [poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]


    واوجودي كل مالشمس هفت للغروب=وجد من شيب وتطريله ايام الشباب

    والولد واحد وصايع ونصاب وكذوب=كل ماناداه رده عليه اكل تراب

    منحرف عن طاعة الله ولا فكر يتوب=عاصياً ربه وناداه ابوه ولا استجاب

    والبلى إنه بالخطايا على ابوه محسوب=والأبو ما يمرح الليل كان الابن غاب

    يطلب الله يصلح الابن ويغفر الذنوب=ويعرف انه فيه يوماً لا بد من الحساب

    ويذكر انه في شبابه على الامر مغلوب=بين جنيه للخطايا ونسيان العذاب

    ويذكر انه طاوع النفس في كل الدروب=والحقيقه كل شيً مسجل في كتاب

    وحس يومـ(ن) المصايب جته من كل صوب=وادرك انه كان جاهل ويطردله سراب

    وقامت الدمعه على جفنه النازل تذوب=وسلم امره للبكاء والقهر والاكتئاب

    والتوجد راس ماله وعنه احيان انوب=صرت مثله بالتوجد ذهاب بدون إياب

    بس قلبي علته ما شكاها للقلوب=ولا طراله وإن طراله تعشاه الذياب

    وان تعب من حرها قال هبي ياهبوب=وايده على قراره وهو عين الصواب

    قلت خل السر في بير مانته بمغصوب=قال انا احرص منك مأفتح على الموضوع باب

    قلت له تبي الحقيقه ترى لازم نتوب=والحسايف بعد مده لطراد السراب [/poem]




    [align=center]((معونتي مهيب بشتاً حساوي))[/align]



    [poem=font="simplified arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
    يا مرحبا بالطير كله على شان=زيزومها وقت الحدى والعزاوي

    فهد له الوقفات في كل ميدان=وخصمه على البيدى يطيح متساوي

    من روس قوماً يوم صكات الازمان=تخضع لهم روساً وراها بلاوي

    شجعان وان ركبواعلى الخيل فرسان=وقبلي روى بفعولهم كل راوي

    ولانيب ناشد عنهم فلان وفلان=وبفعولهم مانيب جاهل وغاوي

    ومدحي لهم واجب ولانيب غلطان=لأل المحيا المدح سيله نحاوي

    ولاقلت فيهم قول من دون برهان=حبلي على الجمه طويل ورهاوي

    وحتى القصيد اعطوه حقه ولاهان=وهذا فهد كنه لجرحي مداوي

    فهد بمكتوبه رجح كل ميزان=كنه يذكرني قصيد العطاوي

    لقيت فالمكتوب لؤلؤ ومرجان=وبعده تقول الذئب بالصدر عاوي

    وتحركة معه القريحه مسيان=الله يكون بعون قلبً هواوي

    فهد شكالي من هواء خدر الاعيان=ويبشر بعزه في جميع الدعاوي

    بالجاه وإلا المال مانيب خسران=ومعونتي مهيب بشتاً حساوي

    وان كان بالقوه هذا السيف شامان=اللي يجي للروس قدمه تهاوي[/poem]





    [align=center]((الذكي يدريبها وإلا الغبي)) [/align]


    [poem=font="simplified arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
    الزمن سيفه يسله والحياه صعيبه = ناصل الاهداف وإلا احيان ما نا صلها

    كل ما فكرت في وضعي وفي ترتيبه = ضاعة علومي وضاعة فكرتي بأكملها

    والحضوض إليا تردة للرجال مصيبه = والبلا يوم الرجال حضوضها تخذلها

    رجل ما يسوى وتقبلبه ولا تقفيبه = خلته بين النجوم اللي محد يا صلها

    ورجل يستاهل وذاق من الزمن تعذيبه = عزتي للي يبا العليا ولا حصلها

    كل ما يسلك طريقاً قام يعوي ذيبه = وخلته دنياه تحت السافلين أسفلها

    ان صبر ما يدري الايام وش تلفيبه = وهامته للناس لو يموت ما نزلها

    وصار عند الناس عادي في رداه وطيبه = وعز نفسه سلعةً لا يمكن يبدلها

    ودون وجهه يمتلي جيبه ويفضي جيبه = وفي رجاء الله وان لقا الايتام قال اكفلها

    رجل مؤمن ماكتبله خالقه راضيبه = وان نخيته في قضيه قال عنك ازهلها

    ما تحصل عنده إلا الطيب والترحيبه = يالله إنك قدمه البيبان لا تقفلها

    والصحيح يقال والجمله لها تركيبه = والظروف تمر بعض الناس واتخيلها

    وإلا انا والفضل لله لي مكان وهيبه = والعطايا من يدين الخلق ماستقبلها

    والحياه دروس ودروس الحياه تعيبه = الذكي يدريبها وإلا الغبي يجهلها[/poem]




    [align=center]((شرهة الغالي على الغاااالين))[/align]




    [poem=font="simplified arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
    هلابك يالغلا كله هلابك كل ماتطرين=على بالي وأحس بضيقة الفرقاء ولوعتها

    هلابك كل ماقال الإمام ومن وراه أمين=هلابك كل مأقراء الفاتحه وإلا تبيعتها

    هلابك كل ماتذرف دموع عيوني الثنتين=هلابك من بدايات الحياه ليا نهايتها

    هلابك ثم هلابك لين حتى بالغلا ترضين=هلابك والمحبه في حروفي من بدايتها

    هلابك كل ماجيتي وراح الصدر لك قسمين=هلابك كل ماسجت ضلوعي مع تنهتها

    هلابك كل مأكتب فيك شعري واللحون تزين=هلابك والقصيده فيك وافكاري تبنتها

    هلابك كل مأذكر شرهة الغالي على الغالين=هلابك عشق والنيه من البارح مبيتها

    هلابك كل ماقلتي؟حبيبي هو مكاني وين؟=هلابك قبل طرحك لأسئلتك وقبل أجابتها

    هلابك والمكان إليا سألتيني مهوب ثنين=مكانك في خفوقي والآوادم في مكانتها

    سألتيني سؤالاً؟ماهضمته؟! ليه ماتدرين؟=أنا لعيونك الحساد ياعمري مسكتها[/poem]




    [align=center]
    ((عــلى عــمــاهــا))
    [/align]



    [poem=font="simplified arabic,5,darkblue,bold,italic" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    نقطة قلم وإحساس شاعر ونقاد=والوضع في هذا الزمن غير عادي

    وحبل الرجاء مازال للشعر ينقاد=وانا على الله تكلتي وإعتمادي

    وشعري معديبه على روس الأشهاد=وإليا بغيت الدرب مانيب غادي

    أعرف دروب المجد وسلوم الأجداد=أهل المروه والكرم والمبادي

    قوماً لهم عقب المحادير مسناد=ومن الشمال إليا جنوب البلادي

    أبناء الجزيره دون محصي وعداد=ماني مفرق بين خطل الأيادي

    يوم السنين دهور وحروب وجهاد=قطعانهم ترعابهم كل وادي

    واليوم ساد الأمن والخير يزداد=رحمه من المعبود رب العبادي

    والحكم لآل سعود ماعنه نشاد=أهل السيوف المرهفات الحدادي

    وشعري من الموروث ثم فيه ينعاد=ولا أسمعك ياللي للحداثه تنادي

    وش عاد لو مانعرب الحرف وش عاد=الشعر يفهم فهم ياأهل الدوادي

    ناساً تجيب العيد قدام الأعياد=والبيت كسره عندهم شي عادي

    خصيتهم بالنصح لكن مافاد=على عماها مهتوين العنادي

    وعلى العلوم العوج سرداد مرداد=وتلونت نياتهم بالسوادي

    والآ دمي له غير الأصحاب حساد=وفي هذي الأيام كثر الجرادي

    وختامها صلوا على سيد الأسياد=على الرسول المهتدي خير هادي[/poem]





    [align=center]((غطرسة توني بلير))[/align]





    [poem=font="simplified arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    لو جمعت ورود بستان الضمير=وجبتهالك ماكفيت ولاوفيت

    انت عنهم ياملاك الحسن غير=وانت كنك بالمحبه مادريت

    تستفزالقلب واسلوبك خطير=لين جتك أسرار قلبي كمبليت

    وأبك لوا قلبي كبر قلب البعير=ماقدر أصبر عنك حتى لو جفيت

    يعلم الله بالغلا مالك خشير=وكل ماتطري على قلبي بكيت

    في فضاي تشابه البدرالمنير=أستمد النور منك ليا سريت

    حطك الله في نظر عيني كبير=ولارأت عيني سواك ولالقيت

    وأشتياق الشوق مقطوع النظير=رحمتك مادامني فيك إبتليت

    ضمني ضمتك لإخوك الصغير=لعنبوا حيك تراني مستميت

    وأعرف أن أسرارنا في جوف بئير=والعهد مكتوب وأنت اللي قريت

    جيت لك وأنت الغني وأنا فقير=قلتها وأستغفرالله لو نسيت

    جيت لك جية فقيراً عند أمير= في حماك أن متت عندك وأن حييت

    لو تبناء غطرسة توني بلير=طاعتك هي غايتي وإبها رضيت[/poem]





    [align=center]((بى شعرها والنحر لافكته ))[/align]




    [poem=font="simplified arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


    البنت هاذي بالجمال مسكته=جمالها حتى بنبرة صوتها

    ان مابغة ترحم خفوقي بكته=والقلب يحياها ومر يموتها

    حلالها قلبي ولوا مازكته=لعل موت القلب يسبق موتها

    لبى شعرها والنحر لافكته=ولبى شفاياها تحت كبوتها[البرقع]

    مادامها باب الغلا ماصكته=أصير في يدها مثل ريموتها

    ومادام لو تمسك عدوي ذكته=لعيونها الحساد في تابوتها

    ومادام من يهرج وراي تسكته=تشري حكم وأنا ولد بيلوتها[/poem]




    [align=center]تابع [/align]
  • رايد الهديبي
    عضو مميـــز
    • Nov 2008
    • 997

    #2
    [align=center]((يستاهل الفنجال الأول ليا سيق ))[/align]



    [poem= font="simplified arabic,6,blue,normal,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]

    يا طارقين أبواب شعر المقاطي=عنكم ترى البيبان ماهي مغاليق

    شرعتها حشمه بدون اشتراطي=واعجابكم فيها من الله توافيق

    حتى ايش لو اني خذيت إحتياطي=الكامل الله والخطا للمخاليق

    واللي يرسيها على كل شاطي=يستاهل الفنجال الاول ليا سيق

    وأنا يزيد بكل غبه نشاطي=اغوص والامواج خلفي مفاهيق

    قوي عزم وللمهمات ساطي=وليا بغيت الدر جبته صناديق

    والول والمرجان ملئ الشناطي=واقدمه لأهل الوجيه المطاليق

    اللي لعل الله يزيد ارتباطي=معهم واخاويهم لروس الشواهيق

    ونبعد عن اهل الحكي واهل الهياطي=قوماً إذا تبلابهم فأنت في ضيق

    يالله عسى الخايب بحمى رهاطي=اللي ورى الغافل علومه تلافيق[/poem]



    [align=center]((تعال.وأمر.وش تبي.ماعصينااااك ))[/align]


    [poem= font="simplified arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


    ياغايباً عناء ترانا فقدناك=عساك ماتفقد من الناس غالي

    كان الغياب ضروف حناء عذرناك=وكانه زعل يرضيك خشم الريالي

    تبي تجي وإلا تريح وجيناك=تراك مانت رخيص منزلك عالي

    ولولى غلاك وحشمتك مادعيناك=وغيرك لياء اقفى مانشغل فيه بالي

    وان شفت حالك تالي الوقت عفناك=هذا الصحيح ولا يطول الجدالي

    واصل محبينك وجنب عن عداك=لا تنخدع في كلمة لسان حالي

    هاذي رساله واضحه لا عدمناك=وحناء عليك إنغار يابن الحلالي

    إنغار حتى من عطورك وحناك=ونقولها قدم البشر مانبالي

    تعال وامر وش تبي ماعصيناك=وان كان مانت بجاي يابري حالي

    شرعت لك بيبان صدري وتفداك=وبالكيف قدامك تفوح الدلالي[/poem]



    [align=center]
    ((ذكر فإن الذكرى تنفع المؤمنين))
    [/align]





    [poem= font="simplified arabic,6,white,bold,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]


    شهر الصيام اقبل علينا وحناء=تفكيرناء فيماتبث القنوات

    برامجاً عن ذكر ربي حدناء=والنت والموضه ونشر الدعايات

    وشلون منا يقبل الله عملناء=وحنا بغفله والخطايا كثيرات

    واللي خلقنا مايبي شي مناء=الا العباده والذكر والصلوات

    والواجبات الباقيه يعرفناء=مثل قراءة الفاتحه والتحيات

    ياقوم توبو وارضو الله عناء=حتى يغفر ذنوب الاحياء والاموات

    ياقوم فـ الجنه بيوتاً تبناء=والحور فيها الطاهرات العفيفات

    وتذكروهن؟فرحتين يعنناء=عند الفطور وعند رب السموات

    والمشكله لو نستمر بجهلناء=ماهو جهل لا والله الا العصايات

    الله يعافينا ولا يمتحناء=ويسعد مساكم بالرضى والمسرات

    والواجب التذكير منكم ومناء=وانا ذكرت من الكثير القليلات

    والفضل للي عزنا في وطناء=إله الثنى والشكر في كل الاوقات[/poem]





    [align=center]((ماحلى الفكسار والسايق دليله ))[/align]




    [poem= font="simplified arabic,6,black,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]


    ليت ابن عشاق يسمع صوت خاله=يوم قام يجر صوته يشتكيله

    يوم جر الصوت ثم صحى عياله=ماتهنى في منامه طول ليله

    طارياً له شي مدري وش طراله=قال مالي غير كساب الجميله

    طبع ابوه وطبع شباب وخواله=للمراجل من طويله في طويله

    قلتها والبن الاشقر في دلاله=مايصب الا لشيال الثقيله

    مثل شباب الهراني طاب حاله=فزعة اللي مامعه بالوقت حيله

    علموه ان كان يسمع من شكاله=يحتزم والحمل عن خاله يشيله

    والطلب واضح وعنوان الرساله=كلها مسراء ومسراح ومقيله

    في دياراً نبتها مازول جاله=ونتمشى من عدامه في مسيله

    والهواء لاهب عنا الهم زاله=اشهدانه هو شفاء الروح العليله

    الهواء لاهب ريح النبت شاله=صوبنا والنبت توه سال سيله

    ينشرح صدري وصدره لاعناله=كان في صدره مثل صدري مليله

    يوم للفكسار لامنه مشاله=وسايق الفكسار يكره عزتيله

    مايحسب مادفع من راس ماله=ماحلى الفكسار والسايق دليله

    سبعةً ماتو فك من الوكاله=انطبق زين المزايا مع مديله

    ليمتدوابيض وبخوانه لحاله=ينسجم راعيه حين يدق ويله

    كل مايقبل طرح قدمه سؤاله=الله اكبر والاجابه مستحيله

    وان مشاء بالعرض مزناً في خياله=اشرقة شمسه ومن حوله يخيله

    وان قفيته زاد في عينك جماله=والرفارف لمعة سيوفاً صقيله

    من عجز عن قيمته واعزتاله=لا تذكر قيمته يخلي سبيله

    مركباً لاهل الوفاء واهل الشكاله=ابعد المكفول تكفى ياكفيله

    ابعد الهندي عنه لوضاق باله=واجبه لاهنت غيرك مايجيله

    والسلام ختام في تال الرساله=عدما يرعد ويبرق في مخيله[/poem]





    [align=center]((فديتك ))[/align]






    [poem= font="simplified arabic,5,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    على راسي وعيني ماطلبتي=لو انك في قصيدي مارغبتي

    ابي اكتب فيك قمة مفرداتي=مادام انك بخفاقي لعبتي

    اناحساس وشعوري قصايد=ولاللناس ديناَ في رقبتي

    عتيبياَ مع الوافين وافي=واعرف ان الاحدقافيه سبتي

    تجمعنا الليالي ونتفرق=نسوق ركابنا في كل خبتي

    وعلى عد الروى نارد ونشرب=تعالي طابة ايامك وطبتي

    تعالي وشربي من سلسبيلاَ=على كبدك لذيذلياشربتي

    انايابنت احبك للثماله=ولافكرت فيك ليا أنسحبتي

    فديتك كل شي إلاالكرامه=عليك حسابها لوماحسبتي

    وفديتك كل شي إلاالخيانه=إذاخنتي نبذتي وأنكبتي

    وفديتك كل شي إلاالتغطرس=طريقاَ لومشيتيبه نشبتي

    وقليل الهرج يكفي عن كثيره=وعلى راسي وعيني ماطلبتي[/poem]



    [align=center]

    ((يابري حااالي ))
    [/align]






    [poem= font="simplified arabic,6,white,bold,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
    الصوره اللي عليها اسمك وتوقيعك=من كل قلبي عليها يابري حالي

    كانك تشابه لها بشريك مأبيعك=وأبوك وخوانك ارضيهم بالاموالي

    وأمك بعد!وانت تأمرني وانا اطيعك=مادامك انت الوحيد اللي على بالي

    تبيني أدلعك؟راضي بتدليعك=يحقلك وانت الأول مأنت بالتالي

    تعال لو بعدها ياصعب توديعك=ان غبت والله لأصيح بصوتي العالي

    وأشكي على كل حرفِ في مواضيعك=وعادي ليا سالة الدمعه على غالي

    والهجر كأنك حسبته من مشاريعك=انا ضحيتك!ّوأستذنبت بعيالي[/poem]





    [align=center]((الداءوالدوى&&جديدي&& ))[/align]



    [poem= font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
    حبل الوصل بين الرفاقه تردى=وتملة قلوب البشربالقراده

    كلاً يقف عندالخطاءماتعدى=ويقول اناعندي ثبوت وشهاده

    صارالرفيق معاندي ويتحدى=ورفيقه الثاني تغطرس زياده

    والله يقول؟ان القريب المبدى=وحناخذيناقطع الارحام عاده

    ومن خاف ربه بالرسول يتقدى=والنصح واجب بينناوالعباده

    وبيض النواياوالدواءيطردالدى=وتسامح قلوب البشروالركاده

    ونقف بوجه المعتدي ونتصدى=اللي بليس لكل منقودقاده

    اللي يودي هرج صاحبك ودى=هرجك وشب النارلوهي رماده

    عشاه عرض الناس وإلاتغدى=وعينه بجنبه مثل عين الجراده

    قولوا عسى دعواتناماتردى=تفتح لها ابواب السماءوالسعاده

    ويغفرلنا اللي بالعباده مبدى=اللي خلق ثقلينها للعباده[/poem]




    [align=center]((الضيقه))[/align]





    [poem= font="simplified arabic,6,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
    انامنعمس ياعاذلي صبلي فنجال=لعل العماس يروح وتفارق الضيقه

    لكن البلى كان أستمرة بهذا الحال=علي الحرام ان الحكي منك مأطيقه

    ويمكن؟تحصلهاعلى الزقم بالجوال=خذالكلمه اللي صح ماهيب تلفيقه

    اناللعذاب اصبرت والصبرأشوفه طال=اناوالنصيب اللي قليله توافيقه

    نصيبي عليه؟وفيه؟عساه للسلال=حياته كذا؟يسرح ويضوي على ريقه

    والآيام قسوتهاقويه ولاتزال=من اسبابهاقلبي لعب في معاليقه

    اعذل على قلبي وأغنيله الموال=ولاهوب في حال القصيد وطواريقه

    والايام عسى فالها ماوراه عقال=وتزين الضروف ويبعداللهم والضيقه[/poem]





    [align=center]
    ((اقفى وخلى المقاطي رايحً فيها))
    [/align]






    [poem= font="simplified arabic,6,white,bold,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
    ياطالبين القصيده مانقسدها=إماتجي كامله وإلانخليها

    إماتجي تسعدالخاطرويسعدها=وإلاشطبناعلى أولهاوتاليها

    أنالياقلتهاأخذمن فرايدها=من شان لاينقدالسامع وقاريها

    لكن وقت الطلب وشلون بأجدها؟=والفكرمشغول مع شخصً طلبنيها

    شخصً خذالقلب والآعصاب جمدها=واقفى وخلى المقاطي رايحً فيها

    لوفيه مخلوق يعبدكان نعبدها=وادعي لها في صلاتي يوم اصليها

    ولوهي تبيني على القرأن اعاهدها=لآقسم لهابالوفاءوالكلمه أوفيها

    رح وأرضها يافهدقدام والدها=لازم تنفذطلبها لين ترضيها

    وعلم.........حياتي لاتنكدها=ترؤف بي لاتمادا في تغليها

    ترى الكبودالعطاش الماءيبردها=لكن علم ليالي نجدتسقيها

    شكواي بسمك تسجل وأنت رايدها=ماعلمك بالجمايل وانت راعيها

    وأن كان ماقمت لي ساعةشدايدها=فزعتك بعدين قلي وين اوديها؟[/poem]






    [align=center](( صنعةيهود ))[/align]






    [poem= font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
    ياراعي الموتراللي بالجمال وصفوه=تستاهله ياطويل العمرتستاهله

    لو ان اهل مصنعه يدرون ماوردوه=إلاإلك والناس غيرك ماحداَياصله

    مايرسل إلاعلى شانك ويرتاح اخوه=لوكان سوقه يخالط حابله نابله

    غيرك يردون ياسلطان لوهم بغوه=ماغيرشخصيتك للجرمني قابله

    ألفين وثنين قيره بالذهب حددوه=والباب يقفل تقول ان الهواءقافله

    وأخذمن الثلج لونه والبردلعنبوه=من قالب الثلج كن مصممه عازله

    وحرصاًعلى صاحبه ضد الرصاص صنعوه=وكنك بغرفة عروسه وانت في داخله

    صنعةيهوداً خذو من كيفهم وحكروه=مامنهم اللي يصلي لله النافله

    وللمملكه بعدماشيك عليه ارسلوه=واللي دفع قيمته سلطان وأشتاقله

    ماقال كم قيمته يوم انهم نزلوه=مهوب من يحسب الاصفاروالفاصله

    عدو مزاياه لكن اعجبه كلبوه=شدانتباهه جماله والعرب غافله

    وأبن ملافخ فعل لين الجميع مدحوه=واللي سواته جميع الناس ترتاحله

    طويل يمنى كريم وبالفعول ذكروه=والخيرتجزى عليه بخيريافاعله

    وختامهاالعودالازرق والغلاوصلوه=والموتراللي حروفه[قرم]تستاهله[/poem]






    [align=center]((توبه وتوبه))[/align]



    [poem= font="simplified arabic,6,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]


    اخوك يامحمدعن الحب تايب=ونفسه لياطابت مهيب مغصوبه

    مرت عليه سنين واليوم شايب=وابن ادم الاخطاءعليه محسوبه

    والفرق واضح بين مخطي وصايب=من شاف عيب الناس شافوا عيوبه

    واللي ورى المقفي يحث الركايب=خله وفي دربه يواجه صعوبه

    عنداخر الرحله تجيه المصايب=ولحداً يلدبنظرة العين صوبه

    والحب يامحمد من الله وهايب=وان مالبس ثوب الشرف نددوبه

    كثرة هروج الناس قوم وقرايب=ولاله طعم لامنهم عذربوبه

    وشانة نفوس اللي منول حبايب=وكلاًعلى الثاني تغير اسلوبه

    هاذي علومي ياعطيب الضرايب=وقبل اختم الموضوع توبه وتوبه

    وختامهاياللي تديرالهبايب=عبداً لجاءلحماك تغفر ذنوبه[/poem]





    [align=center]((كله على شانكم،،،،،،الثالثه ))[/align]




    [poem= font="simplified arabic,6,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]



    عسا القصايدفداكم ياجماهيري=بحروفها والنقاط وكل مافيها

    كله على شانكم مشغول تفكيري=ابحث عن اللي تزين بعين قريها

    ادوراللي تعب من دونها غيري=حتى تقولون صح لسان راعيها

    ماني مقدم لجمهوري معاذيري=لوكان الايام تعلن لي تحديها

    وقصايدي شربها من جمة البيري=لأبد مايشرب أولها وتاليها

    ومعها يقدم لكم صفراَ مباهيري=دوكم دلال الغلا والكيف ماليها

    عنكم فناجيلها ماهي مدابيري=تسوقها صوبكم يمنى مسويها

    وأن كان قصرت وإلاخان تعبيري=الطامنه عادة الطيب يعديها

    ولاهوب شرط اتوفق في تقاريري=احيان ابيها مثل ماقيل واخطيها

    وأختامها العودالازرق ياجماهيري=والكاد قدامها والمسك قافيها[/poem]





    [align=center]((على يده في شرع الهواء والغرام اسلمت ))[/align]


    [poem= font="simplified arabic,6,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]


    الا يا محمد كيف ترقد وأنا ما نمت=ورا ما جلست تشارك القلب في همه

    أنا والهموم امسيت مابين عذل وشمت=همومً تجيني لأظلم الليل ملتمه

    بغيت اتخلص من همومي ثم استسلمت=وقامت تجيب الحرف بالكسر والظمه

    سبايب وليفً بذ حالي بكثر الصمت=ليا جيت اشوفه يا محمد درق فـ (امه)

    على يده في شرع الهواء والغرام اسلمت=ابي جنته ثم جتني النار من يمه

    جداي الدموع اللي تزايد ليا سلمت=واشوف الاوادم في ماهيب مهتمه

    وانا ما علي ان كان لامن نخيتك قمت=ولا خير في من لا وقف مع ولد عمه

    ابي منك توصيل الرساله كرمت ودمت=ليد واحدً خلاني امشي بلا يمه

    وقله تراني عن جميع البني حرمت=ولالي بغيره يمسك العلم ويظمه[/poem]







    [align=center]((لكن القلوب انواع يقضه ومنطمسه ))[/align]






    [poem= font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
    انــا والـقـمـر والـلـيـل والــهــم والـتـفـكـيــر =جمعنا النصيب وصار مجموعنا خـمـسـه

    لفوا مع غروب الشمس قلت ابشروا بالخيـر=أنـا مـن رجـالاً تـشـري الـبـن وتحـمـسـه

    أنــا مــن عـتـيـبـه والـقـبـايـل لـهـا الـتقديـر=أقـولـه لـجـل لا تـصبـح أفكار ملتـمـسـه

    وتـعـشـوا ثـلاث مــن الـغـنـم مع فقار بعيـر=وسـهرنا سوى لين النهار طلعت شـمـسـه

    وبـعـد مـاسـهرنـا كـل واحـد كـتـب تـقريـر= وأنا أكتب والاحض خطر الربع منعمسـه

    وأثـر كـل واحـد مـاكـسـب من زمانه خـير=وأنـا مـثـلـهـم والراي واحد على خـمـســه

    تـقـاريـرهـم تـقـول هــذا الــزمــن خـطــيـر=وأنا أقول يرمس والبلاوي ورى رمــسـه

    نـوايـاه بـان ألـهـا عـلـى الـمـجتمع تأثـيـر= لـكـن الـقـلوب أنـواع يـقـضه ومـنـطـمســه[/poem]

    تعليق

    • رايد الهديبي
      عضو مميـــز
      • Nov 2008
      • 997

      #3
      !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

      تعليق

      • حمـد المقاطي
        مشرف سابق
        • Dec 2006
        • 1953

        #4
        يعطيك العافية يا رايد

        وصح الله لسان الشاعر حمدان المقاطي

        لاهنت
        بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !!

        سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

        تعليق

        • رايد الهديبي
          عضو مميـــز
          • Nov 2008
          • 997

          #5
          [align=center]يا هلا والله يا حمد

          مرورك منور الصفحه
          [/align]

          تعليق

          • %الخنفري%
            عضو ماسي
            • Jan 2008
            • 418

            #6
            صح لسان الشاعر حمدان ومجهود تشكر عليه يارايد

            تعليق

            • رايد الهديبي
              عضو مميـــز
              • Nov 2008
              • 997

              #7
              الخنفري الف شكر علي المرور

              تعليق

              • ابن صنهوت

                رابطة محبي الهيلا

                • May 2008
                • 1734

                #8
                لاهنت يارايد بس ليتك مكبر الخط الشوف شجر هههه

                تعليق

                • رايد الهديبي
                  عضو مميـــز
                  • Nov 2008
                  • 997

                  #9
                  [align=center]ههههههههههه

                  الله يسلمك علي المرور
                  [/align]

                  تعليق

                  • محمد العتيبي

                    مشرف منتدى شعراء قبيلة عتيبه

                    • Mar 2005
                    • 10789

                    #10
                    [align=center]بيّض الله وجهك يارايد

                    اهنئك على الذائقه الفاخره.. في الأنتقاء الفاخر للشعر ..

                    صح لسان الشاعر المميز والرائع /

                    سعود بن مناحي المقاطي

                    وسيضاف ديوان الشاعر لدواوين شعراء عتيبة المثبته بأعلى القسم ..

                    تقبل تحيتي
                    ...[/align]
                    [align=center][/align]








                    [align=center]للتواصل عبر twitter تويتر


                    al_bargawy@
                    [/align]

                    تعليق

                    • رايد الهديبي
                      عضو مميـــز
                      • Nov 2008
                      • 997

                      #11
                      [align=center]لاهنت ياذيبان

                      علي المرور
                      [/align]

                      تعليق

                      • حمدان المقاطي
                        عضو
                        • Apr 2009
                        • 10

                        #12
                        اخوي/رايد الهديبي


                        الف الف شكر لك على هذا المجهود الرائع والراقي

                        وهذا دليل على طيب راسك وطيب اصلك


                        شكرا لك مدد يارايد الهديبي

                        تعليق

                        • الصاقب
                          عضو
                          • Aug 2011
                          • 14

                          #13
                          لاهنت يارايد وابيض وجه وصح لسان الشاعر حمدان المقاطي ابوعبدالعزيز ويعطيكم العافيه جميعا والى الامام وشكرن

                          تعليق

                          العمل...