قصيدة ترحيبية بالامير/فيصل بن سلطان

طي
X
 
  • التوقيت
  • إظهار
مسح الكل
المشاركات الجديدة
  • ابويوسف المقاطى
    عضو
    • Mar 2004
    • 1

    #1

    قصيدة ترحيبية بالامير/فيصل بن سلطان

    هذه القصيدة القاها الشاعر / حسين بن على المقاطى
    بمناسبة زيارة الامير فيصل بن سلطان بن حميد واخوانه
    الكرام لدولة الكويت
    [poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=350% align=center use=ex length=0 char="" num="0,black" filter=""]
    سلام فى الحفله ومن تنتمى له = وسلام للحضار من قلب ولسان
    للى لفوا من كل صوب وفصيله = وللى تواجد من قبايل وشيخان
    ولعتيبه الهيلا مقر الجميله = سلام احلا من شهاليل الامزان
    ربعى سلاطين الفعول المهيله = قول على برهان واثبات واركان
    ذباحة الحايل خصام الهزيله = لطامت العايل والافعال برهان
    والشعر نسرج بالجزيلات خيله = وحنا منابيع القوافى والالحان
    ناخذ من زهوره ومن سلسبيله = ونشعل شعاره بين وافين الافنان
    ويامرحبا باسمى وباسم القبيله = ترحيبة باهل الفخر شانها شان
    ترحيبة بالعد ماهى قليله = اعداد ما يحصى على مر الازمان
    مثل المطر لا هل ثم سال سيله = ومثل الفياض اليا اسحرت كل الاعيان
    بدار الصباح اللى كرمهم مخيله = ودانها الدينار من قصر دسمان
    نقولها بمحالفين الجزيله = اللى تشرفنا بهم وسط هدلان
    ذوى حمد نسل الجدود الاصيله = ومنهم مقادمنا مذاخير سلطان
    عيال من هز القبيله رحيله = شيخ مواقيفه لنا سر واعلان
    سلطان سلطان الامور الجليله = ليا جاء المزاعم قام ما هوب بلشان
    كم قالة فى حلها مستحيله = خلص نشبها منتهاها بليهان
    شيخ شموخ الطايله ينحنى له = من الفخر مليان بالعرف مليان
    كلمة حميد يشيلها ما تشيله = عساه للجنه برحمه وغفران
    صان الفخر والاسم عن كل عيله = اسم بنوا ساسه ثقيلين الاوزان
    وحطوا لنا مجد جنينا حصيله = فى ديرة متوسطه بين الاوطان
    مجد رسا فى نجد محد يزيله = والمجد له تاريخ شامخ وعنوان
    جو حادرين من السنين المحيله = وتربعوا فى نجد بالسيف شامان
    محدارهم يبر الكبود العليله = ورسوا مثل مايرسى النير واذقان
    من عقب ما واجه عميل عميله = كم غارة عيد بها الذيب سرحان
    شربوا قراح وخصمهم حنظليله = عقب اسقوا المصقول ومذلق الزان
    وعلى مثل ما قال تركى بقيله = جينا ندور شف حلوات الالبان
    قبيلة عند المواقف ثقيله = يلين صم الصلب والباس ما لان
    براى امرانا مقحمين الدبيله = كسابة الامداح فى كل ميدان
    مروين حد المرهفات الصقيله = كم راس شيخ طيروا بين الامتان
    والهم خلاف الوانيات اتحويله = حماية الساقات باهوال الاكوان
    من مات منهم للجنان الظليله = آمين ياعالم خفا الانس والجان
    ومن عاش قدم والاوايل دليله = يمسك زمام الامر ويقود الاضعان
    ومادام فيصل منسبه مرتكى له = تاج الزعامه فوق راعيه منصان
    سلايل شيوخ خطاهم طويله = المجد مبنى والفخر كل الاحيان
    فيصل ولد سلطان زيزوم جيله = وزيزومنا مقدم طويلين الايمان
    شيخ زعامة لابته تستوى له = قد المهام وعوق الاخصام لا هان
    ما فيه عن منهاج الاسلاف ميله = يرقا سنود وغايته رفعة الشان
    الله يعزه بالنوايا النبيله = ويجمع عتيبه كلها جمع الاخوان
    ونورك يا بو سلطان كل يخيله = خله يرفرف بالضحى والمسيان
    خل العتيبى لا تضايق يجيله = ولم القبيله لمها يا كحيلان
    وجيتك هذى بالضماير نزيله = سرت عتيبه وابهجت كل وجدان
    لو كل عام اتعاد ياشيخ ليله = ويصير للعتبان موعد بخيطان
    ويامرحبا باسمى وباسم القبيله = ترحيبة يصدح صداها بهدلان
    [/poet]
العمل...