قصيده لشيخ/هادي بن ناشي الفليت العتيبي(رحمه الله)

طي
X
 
  • التوقيت
  • إظهار
مسح الكل
المشاركات الجديدة
  • عبدالله هادي ناشي الفليت.

    رابطة محبي الهيلا

    • Sep 2007
    • 1791

    #1

    قصيده لشيخ/هادي بن ناشي الفليت العتيبي(رحمه الله)

    السلام عليكم





    كيف حالكم




    ان شاءالله بخير وصحه




    هاذاي قصيد لشيخ/ هادي بن ناشي الفليت العتيبي (رحمه الله)
    وهي قصيده جميله وفيها من الحكم الكثيرر



    [poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    توكلت بالله ربنا خالق الانسان=وكلآ على الله في مسيرة وتوكاله
    يقول العتيبي يوم عدى على مابان=يعد المثايل ويم عدى على جاله
    نوينا وعزمنا على راية الظفران=ولانأخذ من الآريا من اللاش واشكاله
    عسى الله يسهل رحلة الربع ياسلطان=عسى الله يسهلها بالاقفاء والأقباله
    انا سائل رب البيت بالعفو والغفران=يخفف عن المسلم بحله وترحاله
    مشينا طلوع الشمس نتبع هوى الذيدان=تحت دبرة الله منتوين بالاشمالة
    فهقنا الدام وصار مسهاجنا فزران=نبا الصلب الاقصى حين مازان منزاله
    وراهن ثلاث جيوب والجمس والنيسان=جداد المكاين والدبلات شغالة
    نسوق المتالي ونتقهقر مع الحيران=على ساقة الذود المطرق ومجداله
    ويما حلى لا ولاعو قدمنا الضيان= وخطو السنافي قدمنا وبهر دلاله
    إلى من جلسنا في المعشى بلا صيوان= على دله صفرى وفنجان وبياله
    ترى الابل صعيبه ماتبي واحد كسلان=ولاتبغي اللي لامشى يسبر ضلاله
    تبي عبقري يفهم العلم بالنيشان=حريب الردى والطيب دايم على باله
    صميدع صليب الراي مع ضحكه الحجان=كريم بكفه والبطولة من افعاله
    حنا زيب عرب ماداني مداج الضان=تعدى عن الشاوي واليا طق مخياله
    ألى من قزت نقزي ونبعد عن المرحان=نشد الرحال ونتبع البوش حواله
    يازينهن لدوجن في القفور بدان=وراعي الغنم في مرتعه يرضع اطفاله
    تميل من العرفج على الرمث والظمران==تلف الزهور ولآخضر العشب مياله
    تمرجحبنا حرش العراقيب في الجيان=تقطف دقاق العشب وتميل لجلاله
    عليها وسوم جدودنا والعدو مهان=اليا شافها الطماع يزداد بجفاله
    لبنهن قرى للضيف ولامن ضوى جيعان=لاصار المعزب طيبآ ينشرح باله
    وحنا وراهن مانغثي على الفرقان= ولانقبل العيله ولانا بعياله
    وطينا القليب ماتبعنا طريق هدان=على الراي ربعن للمخاسير حماله
    نعرف الدروب ونفهم الزود والنقصان=ندل الطريق ولانبي فيه دلاله
    سهجنا اللقيح واتجهنا على الشعلان=ضربنا الربيع وكل واحد على فاله
    لقينا الخزامى واشهب الربل والحوذان=وصفار والبسباس تشبعبه جماله
    تشوف الفياض مخضرة كإنها بستان=وعشب السهل يزداد ويزيد بجباله
    نزلنا واقمنا والتقينا مع العجمان=ملاقا مخوة والشرف نمسك حباله
    وجونا وسالونا وقلنالهم عتبان=وكل ٍ على ماقيل معروف بأفعاله
    دعونا على الواجب وعلى البن والخرفان=مع العود الازرق والردي يذلف لحاله
    زحازيح يام اليا ثور الدخان=سلاطين بالمجلس وللخيل خياله
    رجال تعز الجار وتكرم الضيفان= هل الجود بالمجود للطيب بذاله
    وطنهم عساه السيل مع جملة الآوطان=يعم الجزيرة والهماليل هطالة
    انا من عتيبه والقبايل لها عنوان=زحول الرجال اللي للأثقال شياله
    نفك الدخيل ونكرم الضيف والجيران= وسعد الخوي حنا نعزه وناواله
    قولن باليا فعل ضايع بلا برهان=تري ذاك مغرور وبنفسه يوراله
    وكل العرب وافين مافي العرب نقصان= وكل ٍ على ماقيل يافي بمعداله
    ترى الطيب سندي ويتعصب على الرديان=ويعيش الردي ويموت والطيب ماطاله
    أنا أحب راعي الصدق ماأعامل الكذبان=ولاحب ناسآ بالسواليف دجالة
    رجال النمايم والحكايا كما النسوان=وبالك يغرك سنحت النذل بعقاله
    ضعاف النفوس هيوس مداحهم خسران=يبان الردي فيهم واليا صعبت القاله
    يغيرونك الانذال في ضحكه الأسنان=عملهم نفاق وللعراقيب شقاله
    اوصيك يالطيب تبعد عن الخوان=ترى رفقه الخوان خيبه ومحبالة
    يردك عن العليا يحدك على الحقران=عسى الله يحد اللي دعاويه بطالة
    توكد عن الرجال لاصرت به بحلان=علشان تعرف ويش جده ومن خاله
    تقولون وللا ماتقولون يالخبلان=احب الشلي واللاش انامالي وماله
    ترى اللاش ولد اللاش في خانة الحيوان=ولا أحد يعد الاش بأقفاه واقباله
    انا لبنيت البيت حطيت له سيسان= علشان ماتصبح مبانيه منهاله
    نرى القاف يالعراف يوضع على الميزان=علشان راعي العرف لقال من قاله
    ولاكل من يرمي الهدف يضرب النيشان =ولاكل توبآ قد راعيه تفصاله
    عيال الجزيره كلنا عرب وأخوان=تحت حكم نوره يعيشون بظلاله
    مقدم اهل العوجاء أهل الفضل والأحسان=رجال العدالة لرخم السيف نقاله
    اصلي واسلم عد ماهل من ودان=على سيدنا اللي كلنا نتبع أعماله[/poem]





    تحياتي
    عبدالله هادي ناشي الفليت
  • ابوزعبه

    رابطة محبي الهيلا

    • Dec 2006
    • 3969

    #2
    الله يرحم ابوجزاء ولاهنت ياعبدالله وياليت تتحفنا بقصايد ابوجزاء الموجود عندك

    تعليق

    • عبدالله هادي ناشي الفليت.

      رابطة محبي الهيلا

      • Sep 2007
      • 1791

      #3
      ابشررررر وان شاءالله قررررريب بحط قصاايد كتابيه و صوتيه لآبوي



      شكرآ على المرور

      تعليق

      • محمد النفيعي511

        رابطة محبي الهيلا

        • Jan 2008
        • 2128

        #4
        [align=center][/align]

        تعليق

        • عبدالله هادي ناشي الفليت.

          رابطة محبي الهيلا

          • Sep 2007
          • 1791

          #5
          مشكوووور على المرووووور
          تم التعديل الأخير بواسطة عبدالله هادي ناشي الفليت.؛ 20-Mar-2009, 01:46 AM.

          تعليق

          • أبونواف

            رابطة محبي الهيلا

            • Nov 2008
            • 2163

            #6
            [align=center]صح لسانه ولاهنت على النقل [/align]

            تعليق

            • العتيبي أبا غيث
              عضو ماسي
              • Mar 2008
              • 552

              #7
              سلمت يداك يا عبدالله

              تعليق

              • عبدالله هادي ناشي الفليت.

                رابطة محبي الهيلا

                • Sep 2007
                • 1791

                #8
                تم النشر في الأصل بواسطة أبونواف عرض المشاركة
                [align=center]صح لسانه ولاهنت على النقل [/align]
                صح بدنك

                ومشكوووور على المروووور

                تعليق

                • @ـايل

                  مشرف المنتديات العامة

                  • Jan 2008
                  • 9251

                  #9
                  الله يرحمه بواسع رحمته ...والله يعطيك العافيه ياعبدالله ابن هادي على النقل ...
                  تويتر : AlHooL@

                  تعليق

                  • عبدالله هادي ناشي الفليت.

                    رابطة محبي الهيلا

                    • Sep 2007
                    • 1791

                    #10
                    تم النشر في الأصل بواسطة العتيبي أبا غيث عرض المشاركة
                    سلمت يداك يا عبدالله
                    الله يسلمك..

                    وتسلم يدك على المروور

                    تعليق

                    • عبدالله هادي ناشي الفليت.

                      رابطة محبي الهيلا

                      • Sep 2007
                      • 1791

                      #11
                      تم النشر في الأصل بواسطة هايل العتيبـــي عرض المشاركة
                      الله يرحمه بواسع رحمته ...والله يعطيك العافيه ياعبدالله ابن هادي على النقل ...
                      اللهم اميـــن

                      ومشكوووور على المرووور..!!

                      تعليق

                      • خالد بن ضمين
                        عضو نشيط
                        • Sep 2007
                        • 86

                        #12
                        مشكور ولاهنت


                        والله يرحم الشاعر



                        وصح لسااااانك

                        تعليق

                        • عبدالله هادي ناشي الفليت.

                          رابطة محبي الهيلا

                          • Sep 2007
                          • 1791

                          #13
                          تم النشر في الأصل بواسطة خالد بن ضمين عرض المشاركة
                          مشكور ولاهنت


                          والله يرحم الشاعر



                          وصح لسااااانك
                          العفو..

                          ومشكور على المرور يبو ضمين..!!

                          تعليق

                          • .الدعجاني.
                            عضو نشيط
                            • Feb 2010
                            • 97

                            #14
                            وتسلم يمينك على الطرح الرائع

                            تعليق

                            العمل...