الشاعر/شباب بن فايح

طي
X
 
  • التوقيت
  • إظهار
مسح الكل
المشاركات الجديدة
  • سلطان نايف العضياني
    عضو مميــز
    • Jul 2008
    • 1741

    #1

    الشاعر/شباب بن فايح

    يسرني أن أنقل لكم هذه القصيده لشاعر الكبير/شباب فايح العضياني

    أرجوا أن تنال إعجابكم.......



    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يا رازق اللي همـوم القلـب يخفيهـا=محدن خبر حاجته لو كـان محتاجـي
    أصبر عليها وصبر النفـس يغنيهـا=والصبر راعيه موعـوداً بالافراجـي
    والنفس من همهـا كثـرت طواريهـا=نومي تماليل يـا فيحـان واسهاجـي
    ما غير أعذّل على نفسـي واناجيهـا=وأساهر الليل ليـن الصبـح ينباجـي
    نفـس طموحاتهـا ترفـع معانيـهـا=مـا ترتخـي للهزيعـه والتلـواجـي
    يا الله يا خالـق الدنيـا ومـا فيهـا=تكتب لنا مع طريق الخيـر منهاجـي
    ياللي بذكرك قلـوب النـاس تحييهـا=تغفر ذنوب الفقير الخايـف الراجـي
    ما ازكـي النفـس كـود الله يزكيهـا=يا رب تغفر ذنوبي يـوم الأحراجـي
    يوم الصحايف يحضر كـل مـا فيهـا=في موقفن من نجا من كربتـه ناجـي
    الله على اللـي بعيـد الـدار يدنيهـا=جيب شبـح وردوه بجمـرك الباجـي
    يبعـدك عـن دار وديـارن يدنيهـا=ومزودن بالدبـل والكشـن ديباجـي
    يا زين سمكة غباره مـع صحاريهـا=ما همه الخـط قدمـه يـوم ينعاجـي
    أقـذال قــدام وأقــذال متعديـهـا=يسهج كما الزورق اللي فوق الأمواجي
    اكرام نفسـن ليـا حصلـت مناويهـا=مشي العذاء ما تبي الديره والازعاجي
    مع ديرتن عشبهـا كـاس مطاويهـا=من سيلها مـا مشاهـا كـل دواجـي
    ريضان وسميتـن والصيـف واليهـا=ريحة ثراها يخـل الضيـق ينباجـي
    فيهـا أم سالـم مهوجرتـن غنانيهـا=جاين لعجة زهور العشـب نجناجـي
    يازين بيت الشعر فـي حيـد واديهـا=والنار سمرن حطبها يسرج اسراجـي
    في ربعتـن للنشامـا مجلسـن فيهـا=ما سكروا بابها بالقفـل أبـو تاجـي
    هبايـب النـود يـذرنـه ذواريـهـا=في فيضتن علها الوسمـي برهاجـي
    والفرق تسعين مـن نقـوة مقانيهـا=والذود شرشوح عربن كلها انتاجـي
    والشـاص يبرالهـا والعايـدي فيهـا=والبيت فيه ام عشر وخمس مغناجـي
    والدار ربي مـن الرجعـان معطيهـا=والناس ما فيه زول لـزول يحتاجـي
    هاذي طـراة الحيـاة وخـل باقيهـا=مالي بها لو ملكت قصـور وابراجـي
    أدري انها مقفيـه والمـوت قافيهـا=محدن لقاله طبيـب وطـب وعلاجـي
    وختامهـا فـأول الكلمـه وتاليـهـا=يارب تغفر ذنوبـي يـوم الاحراجـي [/poem]
  • عبدالرحمن الهيلوم
    عضو
    • Apr 2007
    • 21232

    #2
    أبداع
    ابا عتب

    صح السااااااانك والسانه
    دمت بود

    تعليق

    • سلطان نايف العضياني
      عضو مميــز
      • Jul 2008
      • 1741

      #3
      هلاااااااااااااااابك يالهيلوم

      لاعدمناااااك

      تعليق

      • ابن صنهوت

        رابطة محبي الهيلا

        • May 2008
        • 1734

        #4
        صح السان الشاعر....شباب فايح العضياني ومشكور ياسلطان لاهنت
        اخوك بن صنهوت

        تعليق

        • سلطان نايف العضياني
          عضو مميــز
          • Jul 2008
          • 1741

          #5
          هلابك ياابن صنهوت

          الله يحييك يالذيب

          تعليق

          العمل...