رشيد الزلامى والثنتين

طي
X
 
  • التوقيت
  • إظهار
مسح الكل
المشاركات الجديدة
  • ابن مورق
    عضو فعال
    • Mar 2004
    • 133

    #1

    رشيد الزلامى والثنتين

    [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
    هو كما هو لايتغير

    لا يتنكر 000 عندما تشاهده للوهله

    الاولى تشعر بأن ثمه تاريخاّ متحركاّ

    يمشى على الارض رشيد الزلامى

    ورائعه من ورائعه ستبقى الى ابد الدهر



    انا ويش اسوى في زمانى يابن نماس"=" زماناّ مغامر والثقه فيه تخدعنى

    يحاول يوقفنى على شفه من ياس"=" وعيت دروباّ تاسع الناس تاسعنى

    اخذبي على درب الشقاء والعناء مرواس"=" ولاباقي الا في المهامه يضيعنى

    تحملت من جور الليالي بدون قياس"=" ولو حملها ميل على المتن واوجعنى

    وصبرا ّ على الشده شجاعه وقوه باس"=" لكن الضروف القاسيه ماتطاوعنى

    ليا اجتمعت الثنتين حاجه وشيمه راس"=" وهذي تنزلنى وهذيك ترفعنى

    رفعت النظر والله عطانى نظر واحساس"=" وهي ميزه في كل الاحوال تنفعنى

    ولو كان بين الصم والبكم لي مجلاس"="هذا مايكلمنى والاخر مايسمعنى

    حياه التجارب علمتنى وانا حساس"="وخلتنى اعرف نظره العين وش تعنى

    وانا لو بدت لي حاجه عند بعض ناس"=" اريد الكلام وعزه النفس تمنعنى


    وسلامتكـــــــــــــــم

    اخوكم/ ابــــــــــ( مــــــورق ) ـــــــــــن
    [/poet]
  • فرهودي
    عضو ماسي
    • Feb 2004
    • 886

    #2
    ابن مورق:
    ماشاء الله وش هالقصيدة..
    غير طبيعيه .. إطلاقاً
    الصراحة من أروع القصايد اللي شفتها ...


    حياه التجارب علمتنـى وانـا حسـاس" .."وخلتنى اعرف نظره العين وش تعنـى
    وانا لو بدت لي حاجه عند بعض نـاس" .." اريد الكـلام وعـزه النفـس تمنعنـى


    وماهي غريبه على الزلامي..

    =--===-=-=-==-==-==-=-=-=--=-==-==-=-=-=-=-===-=

    ذكرني بقصيدة كديميس اللي مرسلها لزيد بن غازي بن عضيب:
    أنا ويش اسوي بالهواجيس يابن عضيب .. انا لي هاجوس عند الليل يسريبي
    كما انك فهيم(ن) بالمعاني ورايك مصيب .. أو انك مشيت المعاني كلها بالتجاريبي
    حليم(ن) وفهيم وبادي فيك رمس الشيب .. نبي الراي يبن عضيب ياماكر الطيبي

    مشكور على القصيدة الرائعه..
    والله لايخلينا مشاركاتك..


    اخوك فرهودي

    تعليق

    • ابن مورق
      عضو فعال
      • Mar 2004
      • 133

      #3
      اخى فرهودى

      مالرائع الا انت

      وكم هو شرف لي ان اجد اسمك يتخلل بين صفحاتى

      والعفو اخى ماسوينا شى والود ودنا انا نخدم منتدانا بعيونا

      ونحاول نقدم اللى يرضيكم سواء من قصائد شعراء عتيبه الكبار

      او شعراء عتيبه الذين يصغرونهم سنا بالنسبه الى اعد نفسي

      مستشعر وهاوى شعر تحديدا من متذوقي الشعر

      اخى

      اعدك باذن الله ان ترى ماهو اورع في القادم

      الف الف كل الشكر لك على حظورك البراق

      تعليق

      • ولد روق
        عضو مهم
        • Apr 2003
        • 528

        #4
        ابن مورق
        شكراً على هذه القصيدة او اللوحة الشعرية الرائعة..
        بيان وجزالة وحكمة ..
        هكذا يصوغ الكبار قصائدهم ..

        تحياتي ..

        تعليق

        • ((الدلبحي))

          رابطة محبي الهيلا

          • Mar 2003
          • 6010

          #5
          يعطيك العافيه
          وبيض الله وجهك
          قصيده جزله لشاعر متميز
          صح السانك والسان ابوجميل

          تعليق

          • خالدالعصيمي
            عضو ماسي
            • Aug 2003
            • 688

            #6
            الاخ بن مورق

            بيض الله وجهك على هالرايعه من روايع

            أبو جميل رشيد الزلامي


            تحملت من جور الليالي بـدون قيـاس
            ولو حملها ميل على المتن واوجعنـى


            وصبرا ّ على الشده شجاعه وقوه بـاس
            لكن الضـروف القاسيـه ماتطاوعنـى


            ليا اجتمعت الثنتين حاجه وشيمـه راس
            وهـذي تنزلنـى وهذيـك ترفعـنـى


            تسلم يمينك وصح اللسان بن زيد



            -

            تعليق

            • ابن مورق
              عضو فعال
              • Mar 2004
              • 133

              #7
              اخى ولد روق

              العفو ماسوينا شى

              شكرا لك على مرورك العبق

              لك تحياتى

              تعليق

              • ابن مورق
                عضو فعال
                • Mar 2004
                • 133

                #8
                اخى الدلبحى
                لاهنت اخوى وصح بدنك يالغالي

                تقبل ارق التحيا واعذبها

                تعليق

                • ابن مورق
                  عضو فعال
                  • Mar 2004
                  • 133

                  #9
                  اخى خالد العصيمى

                  ومن يقول ولاهنت اخوى

                  لاعدمناك يالغالي

                  الف الف الشكر لمرورك الذي اسعدنى

                  تقبل ارق التحايا واطيبها

                  تعليق

                  • ابو وعيل
                    مراقب سابق
                    • Aug 2002
                    • 1707

                    #10
                    بيض الله وجهك على القصيدة الاكثر من رائعه

                    وعشت ياابن مورق ،،،،،

                    تحياتي

                    تعليق

                    • ابن مورق
                      عضو فعال
                      • Mar 2004
                      • 133

                      #11
                      اخى ابو وعيـــــــــل

                      بيض الله وجهك ولاهنت يالغالي

                      سلمت لنا ودام حظورك بدوام قلمك

                      تعليق

                      • شجاع
                        عضو فعال
                        • Mar 2004
                        • 194

                        #12
                        صح لسان الزلامي وسلمت يمين من جابها لنا

                        تعليق

                        • الكاتب
                          عضو
                          • Apr 2004
                          • 11

                          #13
                          من يعرف تكملت هالقصيده للزلامي

                          [poet font="Simplified Arabic,4,darkblue,normal,normal" bkcolor="transparent" bkimage="backgrounds/18.gif" border="solid,9,seagreen" type=0 line=350% align=center use=ex length=0 char="" num="0,black" filter=""]
                          الله من قلب به النار تشتب 000 هبت وشبت واستمرة شبوبه
                          قلبً غدا للهم ماردومشرب 000 وماضع من هم العرب راح صوبه
                          همً على ربعُ وهم على غب 000ومقلبات المذاهب عقوبه
                          وياعبيد انا مانيب ضبً ولد ضب000 يصبر لمايسمع وينفذ اذروبه
                          انا عتيبيً عريبً معرب 000 ولي ماقفً كل الجميع اشهدوبه
                          من سب داري قلت سب ثم سب 000 وارخصة روحي دون داري جلوبه
                          مانيب خبلاً لماتغرب نسي الوطن000 خسروا هله يوم جوبه
                          فيده مع الظفران صفرً مكعب 000 عطيس قلبً فرصة النوم دوبه


                          مع الاعتذار للشاعر الكبير الشيخ /رشيد الزلامي
                          واتمنى ممن يحفظها كامله يسجلها
                          والسلام
                          [/poet]

                          تعليق

                          • ابن مورق
                            عضو فعال
                            • Mar 2004
                            • 133

                            #14
                            اخى الكاتب

                            والله لااحفظ منها شيئاّ

                            ولاكن استغرب منك نشر هذه الابيات في

                            صفحتى لأنها لاتلت بموضوعي بأي صله

                            اخى لاتفسر كتابي او كلامى بالغلط فارجوا المعذره

                            تعليق

                            • الكاتب
                              عضو
                              • Apr 2004
                              • 11

                              #15
                              لاتنزعج

                              كنت اظن ولازلت اني ابغى ازيد طيبك ومدحك لزلامي
                              وهاذي ماتتعارض مع تلك انت فتحت صفحتك لزلامي وهو يستاهل ابوجميل
                              على العموم اتمنى من المشرف يحطه بصفحه مستقله والي عنده تكملتها يجيبها
                              مع شكري وتقديري لك

                              تعليق

                              العمل...