الزلامي×السديري

طي
X
 
  • التوقيت
  • إظهار
مسح الكل
المشاركات الجديدة
  • سلطان نايف العضياني
    عضو مميــز
    • Jul 2008
    • 1741

    #1

    الزلامي×السديري

    يسرني أن أطرح لكم مساجله بين الزلامي والسديري

    الزلامي

    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    أكتب ويكتب لي أنا اقول حتيش=حبر على قرطاس ماهوب كافي
    والوضع ماهو قابلن للمطاريش=ياامير بشرني عساها عوافي
    سجيت يوم اغصون قلبي مواريش=واليوم يافرز الوغى شاب قافي
    وعروق كبدي يالسديري معاطيش=أمشي وانا مقفي واعاين خلافي
    رافقت حجاج الهنود الدراويش=وسريت مسرا الذيب رجلي وحافي
    طول المسير وصار بالجو تشويش=متى على الله يصبح الجو صافي
    شي(ن) يخدش ثومة القلب تخديش= وسره يعود أليا القلوب النظافي
    يكفيك لايح كلمتي دون تفتيش=وعندك خبر ماقال صقر النصافي
    أرض(ن) خلا لو مابها لقمة العيش=أخير من رزقن عليه إختلافي
    والرمز يكفي الحر والخاتمه ويش=واقبل تحياتي وانا شاب قافي[/poem]


    رد محمد الأحمد السديري


    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياطير ياللي فالهوى تنفض الريش=ياللي تهز أطراف ريشك خفافي
    ياللي تهضت الصبح عند المغابيش=وقت الصباح وكلن أبصر وشافي
    بعطيك سرن مخزنه بالنشانيش=وانحر رشيد ولك بداره ملافي
    رشيد من ربعن عداتن مداغيش=وصل سلامي للعديم السنافي
    وقله عرفت أهل القلوب المغاشيش=اللي عصوا باللي ثمانه رهافي
    زين الصباح منقش الخد تنقيش=عنق العنود اللي ترب الشعافي
    برقن يفوتك لو مزونه مراهيش=لاتستخيل أمطار سحبن مقافي
    العام قلت أطلب هل الخيل والجيش=أهل البيوت موسعين الرفافي
    اليا غدا فعل المراجل تناويش=أفعالهم مثل الفنر والكشافي
    وقلوبهم لضيف دايم هشاهيش=وعدوهم سقوه مرن زعافي
    دوّر مع الأجواد ضاف العكاريش=وابعد عن اهل الكيد والستر ضافي
    رزقن ورا الانذال جوع وعراميش=والشرب منهم يالزلامي عيافي
    أعزم وشم واعرض وبعد عن الهيش=مافيه كود الشوك مثل لشلافي
    فيه العقارب والافاعي محانيش=والغل وسط قلوب الاشرار خافي
    واليا عصوا مالك بنجدن مهاوش=حكمن وسيفن لشريعه لحافي
    راحت سنين الخيل مع حزّب الجيش=وهذي سنينن يالزلامي عجافي
    رشيد أهل خلك ترا عندهم طيش=ويفرقون أهل القلوب الولافي[/poem]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    الله..

    ابو نايف بيض الله وجهك
    على هذه المساجله الرآئعه
    لاثنان من اعلام الشعر

    الله يرحم السديري

    ويبقي ابو جميل ويعافيه


    الف شكر لك

    محبك
    .,
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • أبو مرحبا
      مشرف عــام
      • Jan 2005
      • 8037

      #3
      [align=center]سلطان العضياني

      شكرا لك على القصيدتين من قصائد

      اساتذه في الشعر [/align]
      [align=center]



      [/align]
      [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
      [align=center][/align]

      تعليق

      • سلطان نايف العضياني
        عضو مميــز
        • Jul 2008
        • 1741

        #4
        عبدالله الجذع

        أبو مرحبا

        شكرآ لكم

        تعليق

        العمل...