قــصيدة الشـآعر الكبير : مخلد بن ضاوي بن شعاف الذيابي

طي
X
 
  • التوقيت
  • إظهار
مسح الكل
المشاركات الجديدة
  • انـجـل.الـذيـابـي
    عضو
    • Jan 2009
    • 5

    #1

    قــصيدة الشـآعر الكبير : مخلد بن ضاوي بن شعاف الذيابي

    قصــيدة ترحيبه واجتماعيه بمناسبة ..(حفل ذوي شعـآف .. من الوطـحة من قبيلة الذيبة من الروقه )

    [poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    الا يـآمرحـبـآ بـاللي لفو حشمة لنا وتقدير= تراحيب المـطر لآمن فرح به ممحل الديره
    سنـآفياً بـذودهـ في رجى رب ٍ كثير الخير= يصلي ويطلــب الرب الكريم ولاطلب غيره
    عقب شاف المزون اللي تزبر من ظهر وعصير = رفع كفه لربة يرتجيه بحــــسن تـدبيرهـ
    وسيـل وبلهـآ هـآك الديـآر وغرد ابهـآ الطـير = وزادت فرحـته يوم الحيـــآ بـآنت تخـآضيره
    وانا مثله فرحت وقلت اعبر بـالشعر تعبير = وارحب بـالصديق وبـالرفيق وصآحب الجيره
    هلا يامرحبا واهلاً هلا يـآمرحبـآ تكرير = عدد وبل السحاب اليا غشى روض شخاتيره
    في حلة من تكرم ضيفها وتوقرهـ توقير = تقدم له سمـآن الحيل وكيفٍ طـآب تبهيرهـ
    ترحب بـالضيوف اليا لفوهـآ وسيرو تسيير = يفز رجالها في مجلس كثرو مسـآييره
    اهل فزعه واهل نخوه واهل صدق بلا تزوير = وعون للرفاقه من قديم الوقت والسيـــــــرهـ
    رجال في المواقف ثابته ماهزها معصير = رقو متن الفخر مع ربعهم من دون تـآخيره
    وعقبه هيض الخـآطر زمـآن صار به تغير = زمـآن يخلف الرجال ويشغل كل تفكـيرهـ
    زمان كثرة همومه وعكر صفونـآ تعكير = هموم خلت المسلم يعيش بـصمة وبـحيره
    به الظلم وبه الغدر وبه القتل وبه التعزير = زمـآن يالله دخيلك كثر شرهـ على خيرهـ
    بشر تمشي وتكفر غيرهـآ واللي يصير يصير = ومنهو يختلف معهـآ ينفذ حكم تفجيرهـ
    تغرر بـالشباب المندفع نحو الخطر تغرير = واحلوا بالفتـآوى قتله المسلم وتكـفيرهـ
    سياستهم وغـآيتهم قتل وارهاب مع تدمير = ومن يبغى الشهادهـ ينتحر في حزمة ذخيرهـ
    نسوا دينٍ نزل رحمة مسير للبشر تيسير = ومالو للطريق المنحرف في خطه وسيرهـ
    وبشر تبغا تنسينا عوايدنا مع التطوير = نعزل الدين في المسجدى وبرى نترك الغيره
    ونعطي للمرهـ فرصهـ تسوق وتختلط بـالغير = وترمي سترهـآ وحجـآبهـآ وتقلد شكيرهـ
    وبشر عـآشت على الجهل وتحجر مخهـآ تحجير = تموت وعقلهـآ مقفل ولا ترضى بـتطويرهـ
    يحبون الجدال ويكثرون من الغلط تكثير = ولا تقدر تقنعهم بـرايك لو هو الخيرهـ
    وتلقى مـآلهم هم سوى الفتنه فقط لآ غير = يعيشون بـقلوب كلهـآ حقد وشريرهـ
    وكلاٍِ يعتبر رآيه صحيح وجـآب له تبرير = وقفى في هوى نفسه يطيع ابليس ويشيره
    تبـآعدنا عن السنه ونهج المصطفى البشير = وتهنـآ في زمـآنٍِ مـآعرفنـآ ويش معـآييرهـ
    ينام المسلم ويصحى على حزن وعلى تكدير = وصرنا في مهب ماتريحنا معـآصيرهـ
    وضاعت هيبة المسلم في صنع الرأي والتقدير = ونعـجز عن مـشـآكلنـآ ولو هي كانت صغيرهـ
    وصرنا لاسلام ولا احترام ولا لنـآ تأثير = مجرد عـآلم ثـآلث وكلٍِ ودهـ يديره
    ولحد من الخطـأ معصوم كبير كـآن ولا صغير = ومن لا يصعد الشــآمخ يطيح بجرف دحديره
    ومن يمشي على الدرب السليم لـيومه الاخير = يفوز بـجنة الفردوس بأمر الله وتقديرهـ
    اقوله واسمحولي يـآجمـآعه لو حصل تقصير = صخرت القاف لجل قدومكم وافراح بتصخيرهـ
    مشاعر حسهـآ قلبي بـواقعنـآ لهـآ تفسير = ولي وجهة نظر في عالم يأصعب تفسيرهـ
    وعقبه بـأطلب الرب العظيم الواحد الكبير = يثبتني على الدين ويوفقنا بتيسيرهـ
    وينصر امة محمد على ذلك هو القدير = ويحفظ كل مسلم من هموم الوقت ويجيرهـ[/poem]
    (ابـو راكـآن 16/5/1424هـ)..
    الملفات المرفقة
    3
  • انـجـل.الـذيـابـي
    عضو
    • Jan 2009
    • 5

    #2
    .. نرجو من اللي يشوف الموضوع مـآيبخل بـ: الرد .. ويحط البيت اللي معجبه في القصيده سواء بيت ولا 2 ولا 3 ولا 10 .. وشكــراًَُ

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      [align=center]قصيده رائعه

      وصح لسان الشاعر / مخلد الذيابي

      ولاهنت ياغالي

      تحيتي
      ...[/align]
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      • انـجـل.الـذيـابـي
        عضو
        • Jan 2009
        • 5

        #4
        يسلمووو .. على المرور الأكثر من رائع وصح بدنك اخوي محمد .. ونرجو منك التثبيت ..

        تعليق

        • @ـايل

          مشرف المنتديات العامة

          • Jan 2008
          • 9251

          #5
          ونعم في الوطحه من الذيبه ...

          وصح لسان / مخلد الذيابي ...والله يعافيك ...
          تويتر : AlHooL@

          تعليق

          • انـجـل.الـذيـابـي
            عضو
            • Jan 2009
            • 5

            #6
            مـآعليك زود اخوي هـآيل العتيبي وصح بدنك .. ومـشكور علىآ المرور الاكثر من رائع .. والله يعطيك العافيه
            تم التعديل الأخير بواسطة انـجـل.الـذيـابـي؛ 05-Jan-2009, 07:58 PM. السبب: السبب في بطن الكـآتب

            تعليق

            العمل...