قصيده لن تمل من قراءتها للدكتور حمد العصيمي

طي
X
 
  • التوقيت
  • إظهار
مسح الكل
المشاركات الجديدة
  • فهد العصيمي ss
    شـــاعــر
    • Dec 2006
    • 201

    #1

    قصيده لن تمل من قراءتها للدكتور حمد العصيمي

    والله اني رغم ما فا الراس من علم وغزراه
    عن حضارات القرون اللي خلت واللي تلاها


    والدّها والفطنة وفن التخاطب با الاشاره
    والحروف اللي تباهى بي وانا فيها اتباهى


    واعتقادي اني الشخص الذي صعب اختباره
    واني اعرف ما تقل الارض وتظله سماها


    ليلة البارح فضح عجزي سوال البنت ساره
    يوم قالت لي ( يبه كلمة عرب ويش معناها؟)


    بعثرتني يرحم الله والداها في عباره
    وجمعتني في عباره يرحم الله والداها


    ارتبكت ولا حظت فا العين دمعة وانكساره
    كم دموع ٍ تفضح الواحد لو انه ما بكاها


    وضحكت مني وقالت( ورني وين الشطاره)
    قلت شمعه في مهب الريح مدري وش طفاها!!


    لو سالتيني من اللي هد برجين التجاره
    كان جاوبتك وانا واثق هدمها اللي بناها


    العرب امة لها تاريخ وامجاد وحضاره
    اصطفاها الله ومنها المصطفى المبعو ث طه


    انشدي عن صبرها قمة حرا النايف وغاره
    والرسول اللي تحمل بهذلة قومه واذاها


    عن طهارتها الحرم من منبره لين المناره
    والقبور اللي بطيبه طيب المولى ثراها


    عن شريعتها كتاب ٍ ما يمس بلا طهاره
    والصحاح الاربعه وام الكتاب ومن قراها


    عن عدالتها عمر والقبطي ورد اعتباره
    يوم قله من عطاك بنص كف اعطه ملاها


    وانشدي عن سيفها اللي يقصم الظهر وفقاره
    كيف عز رقابها واخضع لها هامة عداها


    وانشدي عن جودها حاتم وسكينه وناره



    قاطعتني بابتسامه في حلاوتها مراره
    جمعت ضدين بسمه مرها يغلب حلاها


    قالت وهي تلعب بثوبي وتربط لي زراره
    ما بقى الا بنتك الصغرى تبا تضحك علاها!!!


    العرب كانوا كذا واليوم لا والله خساره
    انت تقرا صفحة ٍ تاريخنا الحاضر طواها


    والعلاقه بينهم صارت مثل راس السيجاره
    من قضى منها بدون مشاوره تحته رماها


    وان لقى فيها نفس عود عليها باستداره
    حطها من تحت رجلينه وباقدامه وطاها


    اليهودي با القنابل يقصف اطفال الحجاره
    والعرب تزعل وترضى من خلاها في خلاها


    ان رضت طول جداره وان عصت صدر قراره
    ما حسب هيبة شواربها ولا هيبة لحاها


    غز بين الضفة الغربية وغزه جداره
    فوق ميل ارض اغتصبها واربع اميال اشتراها


    حوطوها مثل ما حوط على المعصم سواره
    وذبحوا ورعانها الرضّيع واستحيوا نساها


    من هو اللي غيرنا استعمر وشّرد من دياره؟
    غيرنا من نكس الهامات والروس وحناها؟!!


    العروبه صارت ان الجار ما يامن لجاره
    والسيوف اللي تقص الروس رجعت في خباها


    امة في كل ليله تركب الموت وقطاره
    المقاعد من قنابل والتذاكر من دماها


    قلت يكفي وتركتني كوكب ٍ ضيع مساره
    في سما الافكار يسبح من فضاها في فضاها


    مرة يدخل فا المدار ومر يخرج عن مداره
    ضيقة صدري وانا اللي ما بغيت الا رضاها


    ولعت همي جمر وظلوعي العوجا وجاره
    يستعر والنار ما يشعر بها الا من صلاها


    وتركت لي ليل من طوله تعبت ارقب نهاره
    كن شمس الصبح شحت وحجبت عني ضياها


    يوم خيط النور ازاح الليل من خلف الستاره
    قلت لا والله عقلها الله ورجعت من حياها


    بعدها صليت لله ركعتين الاستخاره



    ما وصلت لشاطي البحرين من شان الزياره
    غير لي حاجه منعني دونها والا عطاها


    ان منعني دونها حقه ولا فيها استشاره
    وان عطاني قلت طالب حاجه بحق وخذاها


    امرؤ القيس احتمل عنا لوا الشعر وشعاره
    ما غزت شرد المعاني غير هو عاقد لواها


    واحمد المتنبي اللي كل بيت من ابتكاره
    اشغل العالم ورى معناه والدنيا ملاها


    من وراهم جيت فارس شعر ما شقوا غباره
    راكب لي حرة ما خلق فا الدنيا كماها


    ان مشت مشية مليكة عرش نمرة واستماره
    وان عدت من سرعها رجلينها تلحق يداها


    ( وصفها تقريب تتفل فارتخا ذيب المغاره)
    (ساقها ساق النعام وتشبه الظبي ايطلاها)


    دام انا خيالها اللي ما رضي غير الصداره
    وش عليها كان خلت باقي العالم وراها!!


    عين يعقوب استردت شوفها عقب البشاره
    مير انا عاذر عيون ما تراني من عماها


    لا نتزعت اعجاب جمهوري وصفق في حراره
    كني اللي منتزع بلقيس من دولة سباها


    وان حصل للشعر امير وصار للشعار اماره
    ما تعدا ربعي عتيبه وانا احد من ومراها


    يا الخليج اليعربي عقب انتهى وقت الزياره
    ما بقي فا الخاطر الا كلمة وردت غطاها


    بعد عشر سنين لا مرت عليك البنت ساره
    قل لها الدكتور دور للاجابه ما لقاها!!





    د. حمد العصيمي - الداهية
    تم التعديل الأخير بواسطة فهد العصيمي ss؛ 01-Jan-2009, 05:53 PM.
  • فهد العصيمي ss
    شـــاعــر
    • Dec 2006
    • 201

    #2
    وان حصل للشعر امير وصار للشعار اماره
    ما تعدا ربعي عتيبه وانا احد من ومراها


    وان حصل للشعر امير وصار للشعار اماره
    ما تعدا ربعي عتيبه وانا احد من ومراها


    وان حصل للشعر امير وصار للشعار اماره
    ما تعدا ربعي عتيبه وانا احد من ومراها

    وان حصل للشعر امير وصار للشعار اماره
    ما تعدا ربعي عتيبه وانا احد من ومراها

    تعليق

    • عبد العزيز العضيــاني
      (بحر جده)
      • Aug 2008
      • 715

      #3
      صح لسااااااااااااااااانه


      ولاهنت يافهد

      تعليق

      • فهد العصيمي ss
        شـــاعــر
        • Dec 2006
        • 201

        #4
        صح بدنك ياعبدالعزيز
        ونورت الصفحه بوجودك

        تعليق

        • عيضه الثبيتي
          شـاعــر محاوره معروف
          • May 2005
          • 877

          #5
          ليلة البارح فضح عجزي سوال البنت ساره
          يوم قالت لي ( يبه كلمة عرب ويش معناها؟)


          بعثرتني يرحم الله والداها في عباره
          وجمعتني في عباره يرحم الله والداها


          ارتبكت ولا حظت فا العين دمعة وانكساره
          كم دموع ٍ تفضح الواحد لو انه ما بكاها


          وضحكت مني وقالت( ورني وين الشطاره)
          قلت شمعه في مهب الريح مدري وش طفاها!!


          لو سالتيني من اللي هد برجين التجاره
          كان جاوبتك وانا واثق هدمها اللي بناها





          الله الله


          رائعه من روائع الشعر


          لن نمل من قرأتها


          تقديري
          [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
          البارحه كان اللقاء مابينا كله حلو=احلا من السكر وكلّك يابعد عمري حلا!!
          من يوم ماقلتي ياروحي يابعد عمريالو)=وأنا بخير وعافيه قدام لا اقلّك هلا)[/poem]

          للتواصـــ عيضه الثبيتي ــــل

          ezah_6@hotmail.com

          [align=center](ديواني)[/align]http://www.otaibah.net/m/showthread....131#post925131

          تعليق

          • فهد العصيمي ss
            شـــاعــر
            • Dec 2006
            • 201

            #6
            حياك الله ياشاعرنا ويااستاذنا القدير عيضه الثبيتي
            ولاتبخل علينا بجديد قصائدك ياامرؤ القيس

            تعليق

            • من عيني
              عضو فعال
              • Aug 2008
              • 123

              #7
              صح السان الدكتور وعسى الله يحميه ويطول
              في عمره

              تعليق

              • بدر الكريزي

                مشرف سابق

                • May 2008
                • 2584

                #8
                [align=center]
                صح لسان الدكتور حمد ..

                و لا هنت يا فهد على النقل والاختيار الرائع ..
                [/align]
                [align=right]قرأت فيما قرأته من بلوغ المرام .,
                اللي ترك شيء لله ( عاضه الله بخير ) .,
                [/align]

                [align=center].,[/align]
                [align=center]استغفر الله العظيم , و أتوب إليه ‘.[/align]

                تعليق

                • الامـــــبــــراطــــور
                  عضو نشيط
                  • Dec 2008
                  • 36

                  #9
                  ســــــلام عـــــــلايــــــكم

                  تعليق

                  • عبدالله الجـــذع
                    مشرف منتدى قصه وقصيده
                    • Sep 2007
                    • 8093

                    #10
                    دكتور ومهندس شعر



                    فعلا فريده ونادره

                    صح لسان الدكتور حمد حتى يرضى

                    ولاهنت على النقل يالغالي


                    محبك

                    .,
                    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                    .
                    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                    .

                    موقع يضم جميع القراء


                    هنا

                    تعليق

                    • صقر غامد
                      عضو
                      • May 2007
                      • 11

                      #11
                      يا الخليج اليعربي عقب انتهى وقت الزياره
                      ما بقي فا الخاطر الا كلمة وردت غطاها


                      بعد عشر سنين لا مرت عليك البنت ساره
                      قل لها الدكتور دور للاجابه ما لقاها!! صح لسانك


                      وانا اشهد ان مالها اجابه



                      وعسى الله يطول في عمر الدكتور

                      وشكرا لك يا فهد على القصيده الي ما نملها

                      تعليق

                      • الرتوعي
                        عضو ماسي
                        • Aug 2004
                        • 525

                        #12
                        [align=center]


                        صح الله لسانه

                        حمد العصيمي

                        وش اسمه الكامل ومن ايات العصمه

                        ان ما عليك امر يا فهد
                        [/align]

                        تعليق

                        • فهد العصيمي ss
                          شـــاعــر
                          • Dec 2006
                          • 201

                          #13
                          اسمه الكامل الدكتور حمد بن وصل العصيمي
                          وهو من الشفعان

                          تعليق

                          العمل...