ابـــوفــيـصل و ابـــوفــيـصل

طي
X
 
  • التوقيت
  • إظهار
مسح الكل
المشاركات الجديدة
  • الـمـــعــترض
    عضو
    • Feb 2004
    • 10

    #1

    ابـــوفــيـصل و ابـــوفــيـصل

    http://kmokaze.jeeran.com/1221.JPG [img] [img]

    خادم الحرمين الشريفين جلالة الملك :
    فـــــهـــد بن عبدالعـزيز آل ســعــود حفظه الله
    والأمـير رحمة الله الشيخ :
    ســــلطان بن جـهـجـاه بن حــــــميد
    في حوار ألتقطته كميرا القناه الأولى للتلفزيون السعودي.
    وقد كان الامير يرحمه الله علماً بارز متصفاً بأخــلاق الشيوخ الرفيعه وشمائلهم من أسرة شهد التاريخ لهم بالمجد ماضياً و حاضراً أهــل دين وبيت زعامه.
    قال الشيخ تركي بن حميد :
    أبكي على ربعي بعيدين الاذكار ....أهل السموت ولابسين الترامي
    أمس وهم عندي جلوس وحضار ... واليوم من تحت النصايب علامي
    راحو ولا منهم على الارض ديار ... ولحدن على الدنيا مقيم دوامي
    وقال الشاعرالمبدع غازي بن دخيل الله بن عون في وفاة
    الأمير/ سلطان بن جهجاه رحمه الله
    خطب دهانا لو يصيب الصخر ذاب.....مافي الخطوب اللي دهتنا نظيره
    خطب هوآ نجمه على نسل عتاب.....من الداهنه لأقصى مضامي عشيره
    وهذه قصيده وقعت بين يدي منذ ايام قلائل وقد قيلت قبل خمس سنوات تقريباً بمناسبة عودة الامير/ سلطان بن جهجاه رحمه الله
    بعد تلقيه العلاج في الخارج.
    رائعه أبدعها :
    نــايف بن محمد بن عمر بن جهجاه بن حميد

    [poet font="Simplified Arabic,4,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
    عــساك سـالم ياحـشـيم المواعــــيد ؛؛؛ ويـكـفـيـك ربـي من لـواهــب كـدرهـــا
    تـعـبك يـتــعب يازبــون المــواريـــد ؛؛؛ وان طـبـت طـبـنا يا دليلة سـفـــرهـــا
    سـلامــتك فـيــها فـرحه وتـجـديـــد ؛؛؛ وفــرحــة عـيـّونٍ كم تـطاول سـهـرهـــا
    يا مرحبا ترحيبة الـبدو بالـعـيـــد ؛؛؛ أليا تـوافـق عــيدهـا مـع مـطــرهـــا
    يا مرحبا ما ردد الخـلق تـشـهــــيد ؛؛؛ وســط الـحرم في وقت حجة شهــرهـــا
    يا دار طـيـــبي للريا جيل و الغــــيد ؛؛؛ ويا طير غـرد فوق طـيـب شــجـرهـــا
    دام ألهنا...وأيامنا عــيد وتعـــــيد ؛؛؛ مـادام راس الـشــيـخ حي يـعـمــرهــا
    قالو:هـلالي..قلت:وش عاد ابوزيـد ؛؛؛ وهــذي الجرر يامـقـتـفـين بأثرهـــــــــا
    قالو:عدامي..قلت زيدوا وانا أزيـــد ؛؛؛ مـحــدٍ يـصـدق هـــــــمـةٍ مانـظـــــرهـــا
    شـــيخٍ تعـلا ذروة المجــد تـســـنـــيد ؛؛؛ زار الـــدروب المـبـهــمات وعـبـرهـــا
    شـــيخٍ يـجيـب العلم بالحلم والكـــــيد ؛؛؛ فـــيـه المــعالـي فــطـرة مابـتــكـرهـا
    شـــيخٍ حـباله يـدركـن المــــقاصـــــيد ؛؛؛ وان طــالـت حـبـالٍ يـبـنـه قــصــرهـــا
    شـــيخٍ يـقـود الـخيل في الليل بالبــيد ؛؛؛ لــونــها صــارت عــلـيه احــتــكـرهـــا
    شـــيخٍ نصـيبه في الأمـور المقـالــــيد ؛؛؛ تـعـزا له الـعــلـيا ويـركــب خـطـرهــــا
    شـــيخٍ قـدح له في الـثريا مـواقــــيد ؛؛؛ يانعم والله يامــــعــــطر ســــــيرهــــا
    شــيخ الـشيوخ اللي يعدى به المــيد ؛؛؛ شـيـخ الـشـيـوخ اللي يـحـنك فكـرهـــا
    ياسعد منهو يكسب الشـيخ ياعــــــيد ؛؛؛ ذخــــيـرة يـاحــظ مـنــهـو ذخــرهـــا
    أليآ فوحـت فوق الكـبود اللـواهــــيد ؛؛؛ مـزبـان ريـف ألــيـا تـقـطع غـــثـرهـــا
    لو للشـيوخ قـضاه واحكام تعــــديد ؛؛؛ حاز الـجـوايز مع شـهادة فـخـــرهـــا
    الله خـلق في الخـلق فـهاد و فــهـــيد ؛؛؛ وفـرق الرجال يـشوفها من سـبــرهــا
    دور وتـلـقا للمهــمات عـــنـــــديـد ؛؛؛ شـيخ الـشـيـوخ وضـيها ياسـفـــرهـــا
    شفت الشيوخ أيام و (عمي) لها عـــيد ؛؛؛ وشفت الشيوخ نجوم (عمي)قمـرهـا
    ياطـيـب الـجـدين ياحـيد من حــــــــيد ؛؛؛ الأو لـــه والـتــالـــيـه لـك خــــبرهــا
    بانـت فـعــو لك ياسـليل الصـنــــــاديد ؛؛؛ ولآ.....الأعـادي مـعــمٍ الله بصــرهــا
    لـيت الرجال أعمارها بفـعلها تــــزيد ؛؛؛ أن كان عـمـــرك دام دايــــم دهـــرهــا
    لــياعـددو بـين الحمايـل بـأوالــــــــيد ؛؛؛ ولـــيـدة يــفــرح بــهـا مـن ذكــــرهــا
    يـامـا سـعى في فـك كرب الأجـاويـد ؛؛؛ ومـعـروفـه اللي رمـيـته في بــحــرهــا
    ياطـى برجـل مـارتـخت يوم للـقــــيد ؛؛؛ يـســوقـها قـلبٍ يــعـــنـي وعـــــــرهــا
    ان كبرت القالات وحدة لها ســــــــيد ؛؛؛ غــصــب عن اللي مايـثـمـن قـــــدرهــا
    قــطاع هــيم لـيا ورد قـال مـاهــــــيد ؛؛؛ ورَّاد خــيـر ومــارده مـن خـــــيــرهــا
    ســـــديد راي وكـل رايـه تـســـــاديد ؛؛؛ صـلـيـب ضـلـع وبـيـعـته ماكـســرهــا
    شال الحـمول وزمـها منـقع الجــــــيد ؛؛؛ عــيا يـطـيـعه سـوقــها ثم جـبــــرهــا
    قــــداد...مــــداد...هّــداد...صـــنديد ؛؛؛ نــمـار نــمـرا والـنــــمـاره نــمـرهــا
    في درب تركي وأبن هندي وأمـاجـيد ؛؛؛ و أبـن بــجـاد الله يــعــلي قــدرهــا
    (( مامت والله عـشـت ياجــدي حـمــيد ؛؛؛ صـمـيـدعٍ جـبـتـه نـدر من وكـرهــا))
    (أبـك) أنت نـقـدم مانهـاب المـنـاقـــيد ؛؛؛ نـقـدم على الـعيال ونــقـطـع دبــرهــا
    تنهض على الصيدات في زمـة الـصـــيد ؛؛؛ تــفــتـك براثـنـها وتـفـتـك نـحـرهـــا
    ماهو بـمـنـهو يـنـتظر في الحـفـر فــيد ؛؛؛ مـثل الثــعـال اللي تـدور ســـورهـــا
    ماصـفـقـوله وســط رزّه وتـحـــــديد ؛؛؛ وقالو:له..أنـته عقب ابوك تـحصـــرهــا
    الـثوب يـنطـله الـهوى عـقـب تركـيــد ؛؛؛ خــرقه لــيآ رزت..يـهـب و ثــبـرهــا
    يـاقـاك ربي من نـفـــوس المـقــاريد ؛؛؛ وان كان غرت عنك ما أكــبر غـــررهــا
    ياأبوالقــبيـله في الليالي الـســرامـــيد ؛؛؛ و وقـت الرخا كلً فـعـو له شـهـرهــا
    يـآ منتهى الـهيلا ترى مالك أقـــنـــيد ؛؛؛ وتــموت حـــساد الــملا في قـهــرهــا
    ماعــندنا وان صــار للـعــلم تـــــــرديد ؛؛؛ قص الشوارب عكفها مع عــطـــــرهــا
    دنــيا قضاها حـق وحـقـوق تـفـــنيد ؛؛؛ ونـيـل المـعـالي رشــفـة من مــــــررهــا
    من طاب طـبـنا له عـلى العــز ياعــــــيد ؛؛؛ ومن خـاب خـابـت بـذرة لـــه بـذرهــا
    للشعـرنـشـوه وانفعالات تـمـــجـــيد ؛؛؛ لا صـــار في شــــخـص يــزيـن دررهــا
    ماقلت فيي(عمي) فـلا انـقــص ولاازيــد ؛؛؛ اشـوف وأسـمـع والامـور اختــبـرهــا
    مانيب أزكي والـفـعــول الــشـــواهـيد ؛؛؛ الله يــزكي والـفـعــأيـل نـــــشـرهــا
    باطلع على روس المـنـيـفـات واشـــــيد ؛؛؛ بطـيـبـين الـذكـر والا أخــتــــــصرهـا
    [/poet]


    نـايـف بن محمد بن عمر بن جهجاه بن حميد
    الـتاسع من رمضان للعام 1419هـ المــوافق السابع والعشرين من شهر يونيوللعام 1998م.
    (( فسح وزارة الأعلام))
  • ولد روق
    عضو مهم
    • Apr 2003
    • 528

    #2
    الـمـــعــترض

    مشاركة جميلة ،ورحم الله أبو فيصل ..
    وشكراً جزيلاً لك ..

    تعليق

    • الـبـتــار
      عضو فعال
      • Feb 2004
      • 112

      #3
      رحم الله ابو فيصل
      وصح لسان نايف ابن حميد
      ومشاركه راعه ياالمعترض

      تعليق

      • راع الاخبار
        عضو ماسي
        • Mar 2004
        • 504

        #4
        الـمـــعــترض

        مشاركة جميلة ،ورحم الله أبو فيصل ..
        وشكراً جزيلاً لك ..

        تعليق

        • ابو وعيل
          مراقب سابق
          • Aug 2002
          • 1707

          #5
          مشاركة رائعه ... رحم الله ابو فيصل

          بيض الله وجهك اخوي المعترض ..ماقصرت .

          تعليق

          • golden
            عضو فعال
            • Nov 2003
            • 141

            #6
            مشاركه أكثر من رائعه يالمعترض.......

            المفروض... هالصوره تثبت على الصفحه الريئسيه ...
            لها أكثر من دلاله على صلة هذه القبيله ووزنهاالكبير
            عند الأسره الحاكمه....

            مشاركه أكثر من رائعه يالمعترض.......

            تعليق

            • golden
              عضو فعال
              • Nov 2003
              • 141

              #7
              الله يرحمه ويسكنه جنه الفردوس

              الله يرحمه ويسكنه جنه الفردوس



              الوقـت يمضـي بيـن يـومٍ iiوليلـه

              والآجل مكتوبٍ على صفحـة iiكتـاب

              واليا انتهى المكتـوب مافيـه iiحيلـه

              مهمـا يقولـون الاطبـاء فالاطبـاب

              مرحـوم يامـن لارضينـا iiرحيلـه

              لكن لا جف القلـم جـات iiالاسبـاب

              رحـل عـن الدنيـا زعيـم iiالقبيلـه

              وترك فراغٍ من يسـده بعـد iiغـاب

              شيـخٍ تبـا تتعـب دروبـه بديـلـه

              لا كثرت الابـواب بـابٍ ورا iiبـاب

              حملـه قليـل اللـي يبـا iiيرتكيـلـه

              يبـا يعجـز لـه شبـابٍ iiوشـيـاب

              ما كـل مـن يبـرك لحمـلٍ يشيلـه

              ولا كل من شال التفق للهدف iiصـاب

              رجـال صعبـات المواقـف iiقليلـه

              لكنهم يرجـع لهـم حـل iiالانشـاب

              سلطان ابن جهجـاه رمـز الفضيلـه

              نزه الجنـاب مسكـتٍ كـل iiمغتـاب

              نعم الامير ونعـم مـن ينتمـي iiلـه

              ابناه وابنـا العـم واحفـاد iiواقـراب

              ذوي حمـد لاشتـب راس iiالفتيـلـه

              مهوب عن حـوض المنايـا iiبهيـاب

              يوم العـرب مابيـن عيلـه iiوميلـه

              ومابيـن نهـابٍ ومابيـن iiغصـاب

              لامـن كـلٍ قـام صاعـه يكيـلـه

              ولا عاد عن وجه المعادين iiمجنـاب

              وتناوشـو سـرد المهـار iiالاصيلـه

              وتواعدوا فالمعركه قطـع iiالارقـاب

              تعـرف مواقفهـم خـلاف iiالذبيـلـه

              لاجت من بيـن القبيلـه iiوالاجنـاب

              تطلـع مواقفهـم كـبـار iiوجليـلـه

              تشهد بها الاجناب من قبل iiالاصحاب

              ولهـم قبيلـه فالمـعـارك iiثقيـلـه

              يفرح بها المضيوم في حـزم iiكـلاب

              عتبان اهل سمـر البيـوت iiالضليلـه

              يامن بهم المطلوب من كـل iiطـلاب

              اهل الكرم واهـل السلـوم iiالجميلـه

              قومٍ لهـا صطـوه وهيبـه iiوتنهـاب

              نعـم القبيلـه فـالامـور iiالمهيـلـه

              ونعم الزعامه لا غشا الزمل ضبضاب



              والقصيده اطـول مـن ذلـك iiبكثيـر

              تعليق

              • الـمـــعــترض
                عضو
                • Feb 2004
                • 10

                #8
                (( ولد روق ............الـبـتــار.......راع الاخبار........ابو وعيل........golden ))
                تحيه طيبه لكم ......
                golden شـكـراَعلى القصيده
                أســتــودعكم الله،،،،،،،،،،،

                تعليق

                • golden
                  عضو فعال
                  • Nov 2003
                  • 141

                  #9
                  مرثية الشيخ / سلطان بن حميد رحمه الله للشاعر/ فارس مقبل العصيمي

                  آلا يـا مـدرج الأفـلاك iiبيـده عزيز الملك يامحصـي عبيـده

                  إيلاه الكون عز وجـل iiشأنـك ورب الخلـق مبديـه iiومعيـده

                  آلا يـارب يامشكـاي iiلطـفـك وثبتنـي علـى نهـج iiالعقيـدة

                  ومن به ضر ترفع عنـه ضـره ومن به خير من خيرك iiتزيـده

                  أنا مؤمن وماض ٍ فـي iiحكمـك وتفعـل ماتشـاه ومـا iiتريـده

                  آلا يـاالله تصبّرنـي iiوتجـبـر مصابـي ياإيلاهـي iiفالفقـيـدة

                  فقيدة جمعنـا وأكبـر iiخسـارة عسى روحـه بجناتـك iiشهيـدة

                  أبن جهجـاه سلطـان iiالمسمـى زعيم المجـد والعـز iiوعميـدة

                  فقدنـا مقـدم الهـيـلا iiلعـلـه بوسط أنهار وإجنـان ٍ iiنضيـدة

                  ويشرب شربة الكوثر iiويـروى ومن خيراتك الجـزلات زيـده

                  وتجعل له خليفـة مجـد iiمثلـه وتجعل عروته عنـدك iiجويـدة

                  بعـد فقـدان سلطـان المكـارم فريـد الجـود وفعولـه فريـدة

                  أعزي بعـد ماعزيـت iiنفسـي جميع أهل التواريـخ iiالمجيـدة

                  أعـزي مملكتنـا فـي iiغيابـه وأعزي به حكومتنـا iiالرشيـدة

                  وأعزي روس روق وروس برقا وأعزي كل فـرد مـن iiالبديـدة

                  وأعزي نجـد بغيابـه iiوأعـزي فيافي نجـد وأشجـاره iiوحيـده

                  وأعزي فالحجاز ربوعنا iiاللـي ليا طقـت حديـدة فـي حديـدة

                  نصيناهـم و ننخاهـم iiونفخـر وراعي نجد فحجـازه iiعضيـده

                  وأعز المجـد وشيـوخ القبايـل قريبيـن القبـايـل iiوالبعـيـدة

                  وأعزي كـل مطلـوب ٍ بدمـه لياقـرب المهنـد مـن iiوريـده

                  ليـا منـه تمنـى لـه iiوجاهـة وعجزت فزعة أنصـاره iiتفيـده

                  وأعزي كـل محتـاج ٍ iiلفزعـة بعد ماضاع حقـه مـن iiيعيـده

                  وأعزي كـل مسجـون ٍ iiمكبّـل حزين ٍ حز فـي رجليـه iiقيـده

                  وأعزي كل من ضاقت iiبوجهـه خطوط الجـو وبحـوره وبيـده

                  وأعزي كل مديـون ٍ iiوعاجـز وهو من قبل أبوفيصل iiرصيـده

                  وأعزي كل من يطلـب iiمعونـة ولا ترضيـه مـدات ٍ iiزهيـدة

                  وأعزي كل أديب وكـل شاعـر ليا منـه نـوى ينظـم قصيـدة

                  قصيدة مدح طول الدهـر تبقـى ويحفظهـا بعـد موتـه iiحفيـده

                  لهـا معنـى وبرهـان iiودلايـل بقول الحـق وفعـول ٍ iiوكيـده

                  بعد سلطان بن جهجـاه iiمـدري على من هـو يسجلهـا بريـده

                  بدون قصور فأهل الطيب لكـن ولد جهجاه يفرق عـن iiضديـده

                  ليـا منـا رجعـنـا iiللوثـايـق وقرينا كل صفحـات iiالجريـدة

                  لقينـا قبـل فعلـه فعـل iiجـده ويصعب حصر فعلـه iiوتعديـده

                  ولقينا فعل أبـوه وفعـل iiخالـه لهم صـولات وأمجـاد ٍ iiتليـدة

                  قرينا لتركي أبـن حميـد iiنبـذة عتيد المجـد وأمجـاده iiعتيـدة

                  يبرهن صولتـه فعـل وقصايـد ومحداره بجمـع ٍ هـو عقيـده

                  ولقينـا فـارس الهيـلا iiمحمـد ولد هنـدي وليـدة مـن iiوليـدة

                  ليا أصتكت على رأس iiالمعـادي يحولهـا ويشعلـهـا iiوقـيـدة

                  ولقينا عقاب أبن شبنـان iiسطّـر ضروب المجد صولاته iiعديـدة

                  ولقينا لضيف الله العفّار iiسيـرة بهـا وقفـات وأفعـال ٍ شديـدة

                  وتحمل كلمـة العفّـار iiمعنـى يعفـر الشيـخ ويجنـدل iiقنيـده

                  وبعدهـم قـام جهجـاه iiوتربّـع على عرش الزعامات iiالأكيـدة

                  وصال وجال في نجد iiوعمرهـا وصارت في حجا ضفه iiسعيـدة

                  وقرينا دور سلطـان iiالمجاهـد سلطان الديـن وأفعالـه حميـدة

                  سلطان أبن بجـاد اللـي iiبفعلـه أذاب الظلـم والجهـل iiوجليـده

                  ضربت أمثال والشيخان iiواجـد وكامل فعلهـم صعـب iiتحديـده

                  من آل حميد وافيـن iiالخصايـل علاقتهم مـع الشيخـة وطيـدة

                  شيوخ المجد وشيـوخ الجهامـة هل الرايات والأريـاء iiالسديـدة

                  كرمهم دوم للأمثـال iiمضـرب وشجاعتهم على الروس iiالعنيـدة

                  وعلى مبداء المروءة iiوالشهامـة لهـم وقفـات فالدنيـا iiوحيـدة

                  ومهما قلت في قولـي iiمقصّـر نتيجة بحـث والجملـة iiمفيـدة

                  وعوضنا بعد أبوفيصل بفيصـل عسى أيامه على الدنيـا مديـده

                  يلـم بكلمتـه شمـل iiالقبيـلـة ويلحم مجـد ماضيـه iiبجديـده

                  وصلىالله على الهـادي iiوسلـم شفيع الخلـق وإمامـه وسيـده

                  الشاعر/فارس مقبل العصيمي

                  تعليق

                  • الـبـتــار
                    عضو فعال
                    • Feb 2004
                    • 112

                    #10
                    القصائد الي في رثاء الامير كثيره ومن افضل المرثيات التي قيلت
                    مرثيت ابن غتار الدعجاني وغازي ابن عون وفهد ابن حنس العصيمي ومرزوق العتيبي وقد نشرت قصيد ت الاخير في المختلف

                    تعليق

                    • عتيبي عفيف
                      عضو فضي
                      • Mar 2004
                      • 263

                      #11
                      الاخ / المعترض

                      مشكوووووووووووووور على المشاركه

                      وننتظر الاجمل

                      ولك تحياتي عتيبي عفيف

                      تعليق

                      • golden
                        عضو فعال
                        • Nov 2003
                        • 141

                        #12
                        قصيده ل فهد بن حنس العصيمي

                        موجهة للأمير سلطان بن جهجاه بن حميد رحمه الله في 13/3/1413هـ

                        الذهب مصهور نكتبه قصيد
                        والحروف ألماس والقاري قرا

                        نشغل الرشاش بالجو الجليد
                        لين قدح النار بالظلمة يرى

                        ونفرش الأزهار والزل الجديد
                        من أسافل نجد لطلعة كرى

                        والمشاعر وسط قلبي ما تحيد
                        عن محبة مــن نباه معطرا

                        شيخنا عملاقنا الحر الفريد
                        مالنا من دون سلطان أومرا

                        من زحول الرأي بالرأي السديد
                        شيخ برقا وروق وبهم تظفرا

                        يا عميد الطيب ما غيرك عميد
                        عزنا .. زيزومنا .. الغضنفرا

                        مزبن الفخذين ملجأنا الشديد
                        الذرى بالله ثم بك الذرى

                        طيب رأسك يجعل المبغض نكيد
                        زاد غيظه والمزاج معكرا

                        غالي يا شيخ والرب الشهيد
                        حبكم بالدم مجرى الأبهرا

                        يا سلالة من على البيدا تبيد
                        بالصباح وبالجهاد الأقشرا

                        يا سلالة مسكت الحربة تجيد
                        ( اخبرا بالدين وبالحرب خبرا )

                        مسلمين مؤمنينٍ ما تكيد
                        من مشاهير القبائل والورى

                        ودي أوجز موجز الماضي المجيد
                        من على عصر الرسول النيرا

                        عصر الرسول الاكرم......(صلى الله عليه وسلم)

                        أمة الإسلام شرفها الوحيد
                        بالرسالة يوم حلت في حرى

                        حطم الأصنام وإبليس المريد
                        واصدعوا بالحق الله أكبرا

                        وأشرقت شمس الخلافة دون قيد
                        والخليفة بالجنان مبشرا

                        طهروها من البراثن والصديد
                        عزوا الإسلام بالكون اجهرا

                        وصال بالصولات عامر والوليد
                        لين كسرى الفرس قفا وأدبرا

                        وسارت الأيام عيدٍ بعد عيد
                        من عصورٍ في حلاها تبهرا

                        بنو أميه عصرهم عصر حميد
                        سطّر التاريخ عنهم ما فترى

                        والعباسي عصر هارون الرشيد
                        ارتكى للروم....ما تقهقرا

                        ....................... يبدأ الآن عصر عتيبة

                        ودارت الأفلاك في جهدٍ جهيد
                        بين عز وبين رجعه للورى

                        ثم اعود للجزيرة من جديد
                        اذكر اللي في الجزيرة قد طرا

                        قرننا الثاني عشر شرحه يزيد
                        وقرننا الثالث عشر ما يسترى

                        يوم كانت للقوى الصايد يصيد
                        وش جرى في نجد اسمع وش جرى

                        شيوخنا في نجد تفعل ما تريد
                        عافوا العدوان لذات الكرى

                        أسرةٍ فيها الزعامة من بعيد
                        كل شيخ ٍ فيهم أدهى وأخطرا

                        ما نسينا شيخة الوقت المكيد
                        ذكرهم جوف القلوب معطرا

                        تركي اللي سيًر الحشد الحشيد
                        من بحرها لبحرها يذكرا

                        أمطروا برماحهم مثل الأسيد
                        وسالت الوديان دمٍ أحمرا

                        قرروا من بعد حلينا الشديد
                        بالسيوف الحدب غصب محدرا

                        في نهار الكون شيبنا الحفيد
                        وانتصرنا في النهار الأغبرا

                        وجدك اللي حاز في نجد الرصيد
                        ابن هندي فوق نجد مؤمرا

                        محمد اللي لا طبخ دم الوريد
                        بالمعارك ما يهان ويخسرا

                        ويوم حذف الروس من دون تعديد
                        بالجماجم سودت صفرا العرى

                        أحكم القبضة على نجد الوقيد
                        من يمين ومن يسار ومن وراء

                        تشهد الصعران وشيوخ الرشيد
                        والصحيب اللي عن صحيبه سرى

                        ومن عجائب دنيتي برجٍ حديد
                        برج (أيفل) بالعجائب يخبرا

                        ومن عجائب نجد عفّارٍ عتيد
                        شيخنا اللي بالأعادي يعفرا

                        وأطول حروب الأصايل والعبيد
                        باردة ما بين شعب إنجلترا

                        وأشرس حروب الميسّر والزهيد
                        حربنا في نجد نارٍ تسعرا

                        وعمك ابن بجاد لطّام الضديد
                        مجلي الأشراف من أم القرى

                        ساق حسين مع الفيافي كالمعيد
                        واتجه للشام والجيب أنفرى

                        بأربعينات أول العهد السعيد
                        أن درى التلميذ ولا مـا درى ؟

                        الحقائـق ما تغطا بالجريــد
                        والعلوم الطايلة ما تنكرا

                        الفعائل تجلب العلم الوكيد
                        والملاحم ما تباع وتشترى

                        والصغار صغار والله ما تفيد
                        ما تكبر لو عليها مجهرا

                        وكل شيخٍ دون ما جوبه عنيد
                        ومن يذم الخلق ينشب في لغرى

                        ودمت يا سلطان بالعمر المديد
                        ويرحم الله من دفن تحت الثرى

                        ما حلا بدع المثائل والنشيد
                        واسمحوا لي كان قافي قصرا

                        يرحمك الله يا أبا فيصل في جنة الخلد الملتقى بمن ورحمة من الله

                        نرجو ان تحوز القصيدة على اعجابكم والمزيد قادم
                        --------------------------------------------------------------------
                        زماننا غير زمانهم وحتى نتذكر الاولين
                        اخوكم ابن نجد

                        منقول............( أبن نجد )

                        تعليق

                        • golden
                          عضو فعال
                          • Nov 2003
                          • 141

                          #13
                          للشاعر مرزوق النفــــيعي العتيبي

                          مرثيه في الأمير سلطان بن جهجاه بن حميد رحمه الله

                          للشاعر مرزوق النفــــيعي العتيبي


                          الدمع ما بلّل كموم و مناديل=بلّل قلوب الناس وأدمى حشاها

                          وأصعب بكاء - بكي القلوب المعاليل=وش انت يا ملح المحاجر وماها

                          الدمع - دمع الأفئده والهماليل=من سبّلت كل المحاني مداها

                          ضاقت وسيعات الصدور المداهيل=بالحزن والضيقات لا واعناها

                          لقى عليها الهم باب ومداخبل=حتى تفرعن فالضلوع ورقاها

                          واخذ يرتلها على الضيق ترتيل=حتى إستوت منبر شجون وتلاها

                          للحشرجه وسط الصدور المواويل=وألاّ الذيابه يوم تقنب عواها

                          والموت هدام الملذات والحيل=وخنّاق الأنفس لا دنا واعتراها

                          في كل يوم يحط فالناس ويشيل=ولا نشد عن غيضها من رضاها

                          والناس ماهي للخلود التماثيل=مدامها حيّه قفاها فناها

                          بس الفقيده في رحيله بهاذيل=وسلطان موته كسرةٍ ما وراها

                          ( ما مات رجّال وتعوضه رياجيل )=ماتت بلاد إب مدنها وإب قراها

                          ومن السما طاحت بموته قناديل=وخفت من شموس المكارم سناها

                          ومن الصخاء شلّت اكفوف ومكاييل=ياما بجزلات العطايا ملاها

                          ومن الفضيله مالت أبراج والميل=حل بديار الجود واربك حجاها

                          في غيبته عزّا الجدي مطلع اسهيل=وعزّا النجوم المرقبات وسماها

                          وعزّت عليه الخيل مرابط الخيل=وسروجها وأرسانها وامْعداها

                          والقود تخلج والثمر والمحاصيل=سنبل بها حزن الرحيل وطواها

                          وألاّ السيوف المرهفات القواتيل=سلاّتها تنعى القضاء في حداها

                          وعزّت به ( الهيلا ) بعضها مغاليل=وعزّت به اجناب الرجال اقرباها

                          وعزّا الحجاز جباله السود والسيل=عزّا الحجيج وبادلته بدعاها

                          والورد وأزهار الشفا والأكاليل=على فضاء الطايف عزاها شذاها

                          ونجد الشكاله والكرم والمشاكيل=عزّت قبايلها على ما دهاها

                          مجالس الاجواد عن كل تعليل=يرودها حزن الفراق وحكاها

                          وامست تسامر ضيمها والمعاميل=واحسن عزانا الله واحسن عزاها

                          فاللي حياته مدرسة جيل عن جيل=نتاجها حمد الرجال وثناها

                          له فالحناجر كل ما ينذكر قيل=نعمٍ يردد فالحناجر صداها

                          ( سلطان بن جهجاه ) والسيره النيل=وبجاله غصون المديح ونماها

                          على ضفافه للشواهد دواليل=ومن الشجر طيب العروق وزكاها

                          عليه زاحمني كلام وتفاصيل=وإليا ارتبط فيه الكلام يتباها

                          كن الكلام البيد واذكاره السيل=والسيل لا مر البسيطه حياها

                          من يمّه الطاري مزايا وتبجيل=والطيب والكف الجزيل ورهاها

                          ومن يم جدّانه فمي يمتلي هيل=وأرمي عقالي للفعول وطراها

                          كم سرّجوا للمعضلات المشاويل=وكم درّجوا على المهانه رحاها

                          بأرماحهم جاء للمنايا مراسيل=من زرقها تلقى الضواري عشاها

                          لطّامة العيّال ذبّاحة الحيل= مقادم ( عتيبه ) وقادة لواها

                          تاريخهم جغرف اديار ومنازيل=يوم الديار اديار للي ولاها

                          وشهودهم منها حيود وغراميل=يحكي حصاها ويتكلم ثراها

                          لقبورهم غيث الحيا والمخاييل=ولعظامهم برد الجنان وجناها


                          للشاعر مرزوق النفيعي العتيبي

                          تعليق

                          • golden
                            عضو فعال
                            • Nov 2003
                            • 141

                            #14
                            للشاعر معيض الروقي العتيبي

                            في رثاء الأمير سلطان بن جهجاه بن حميد رحمه الله


                            ياموت مادورت لك غيـر iiسلطـان
                            ماشفت لك ياموت شخـص iiبدالـه
                            ماهو اعتراض لحكمة الرب iiسبحان
                            سبحانـه المعبـود جـل iiجـلالـه
                            لاوالله الا ضيقـة البـال iiواحـزان
                            في خاطـر مهمـوم ماهـوب دالـه
                            جانا الخبر في شهر رحمة iiوغفـران
                            لعل رحمـة والـي العـرش iiفالـه
                            الحزن عم النـاس حظـر iiوبـدوان
                            شرق وجنوب وغرب نجد وشمالـه
                            تبكـي فراقـه نجـد دار iiوسـكـان
                            وطويق الادنـى والحجـاز iiوجبالـه
                            وعتيبـه الهيـلا شبـاب iiوشيبـان
                            ترثي وريـث المعرفـه iiوالشكالـه
                            وسلطان ابو فيصل سلايل iiكحيـلان
                            عون لمـن وقتـه وطاه..وشكالـه
                            موسوعة تمشي على هيئة iiانسـان
                            من كل علم وعلم لـه فـي iiمجالـه
                            في حق ربه مكمل خمـس iiالاركـان
                            وزود عليهـا ريـف للـي iiعنالـه
                            كل شهد له جود وايمـان iiواحسـان
                            تنفق يمينه مـادرت عـن iiشمالـه
                            في العرف له صيت ومكانه وله شان
                            وعلم النسب والشعر له فيـه طالـه
                            له كلمة يرجـح بهـا كـل iiميـزان
                            كـنـه ليامـنـه تكـلـم iiلحـالـه
                            عساه عند الرب في نعيـم iiوجنـان
                            ويجبر عزانـا والبقـا فـي iiعيالـه

                            الشاعر معيض الروقي العتيبي

                            منقول....(نجد)

                            تعليق

                            • golden
                              عضو فعال
                              • Nov 2003
                              • 141

                              #15

                              تعليق

                              العمل...