ديوان الشاعر/ صنيتان بن صنهات السعساع الشيباني

طي
X
 
  • التوقيت
  • إظهار
مسح الكل
المشاركات الجديدة
  • ابن مشيب
    إدارة أقسام القبيلة
    • Nov 2002
    • 9791

    #1

    ديوان الشاعر/ صنيتان بن صنهات السعساع الشيباني

    بسم الله الرحمن الرحيم

    السلام عليكم ورحمة الله وبركاته

    واخواني القراء , اليكم هذا الديوان الشعري لبعض قصائد الشاعر/ صنيتان بن صنهات السعساع القرفاني الشيباني:




    قصيدة دينية



    [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    مرحبا حييت ياشهر الصيام= المكارم فيك وانت افضل شهر
    سعد من صلى وصامك بالتمام= ولاتقفى عرض غافل ماحضر
    ولاشذب عرقوب واحد بالكلام= ولايتابع كل واحد بالنظر
    وحافظاً نفسه عن دروب الحرام= ولايطيع ابليس مقطوع الظهر
    من يطيع ابليس يبشر بالعدام= خاسراً من طاوعه مير الحذر
    كل واحد صبح ملفوفاً بخام= وناشده ربه ولاعنده عذر
    ياهني الي يصلون القيام= يسهرون الليل ليا وقت السحر
    خايفين الصبح من قبراً ظلام= يحشر المذنوب لاطبه حشر
    لاصديق ولارفيق ولامقام= لامطير ولامنير ولا مفر
    مالكه ملاك يمشي بالنظام= ماعمل يالقاه قدمه في القبر
    حافظاً مايعمله في كل عام= في كتاباً حافظاً كل البشر
    وصلاة الله عدد وبل الغمام= وعد من زار المدينة وعتمر[/poem]




    قصيدة اجتماعية
    [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]

    اول جوابي بسم ربي بادي=اطلبه في التوفيق والتيسير
    ارجيه يغفرلي ذنوبي وزلتي=يالله دبرنا احسن التدبير
    ياواحداً عن غيب عبده داري=وتوحي دبيب النمل وهو يسير
    يامالكن كل العباد بملكه=يالي على كل العباد كبير
    الاولة يالله زين ميتتي=واني دخيلك من لهيب الكير
    واني دخيلك من عذاب الدنيا=الي تحط ازكى الرجال غرير
    والثانية يالله خلص ديني=حتى عدوي مايقول فقير
    المال انا شفته طرات ابن ادم=اثره يحط اردى الرجال امير
    اثره يحط اردى الاوادم باشة=لو كان مايامن من الصفير
    بالليل لو يوحي خلاخيل حرمته=خطراً عليه من الفراش ينير
    اشرد من العصفور واروغ من الثعل=وفي الواجبات الطيبة غرير
    هذاك عند الناس يسوى وزنه=لو كان مايكرم بمد شعير
    لو كان مايقضي لزوم العاني=وشبره عن دروب الرجال قصير
    وصلاة ربي عد من حج وعتمر=وعداد خلق الله نبات وغير[/poem]





    قصائد وطنية

    هذه قصيدة في صاحب السمو الملكي الملك فيصل بن عبدالعزيز رحمة الله , قالها الشاعر في احدى برامج البادية عام 1392هـ:

    [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]


    يالله يالله يامعبود ياوالي=ياواحداً مايغرك ربع مثقالي
    يامنزل الغيث من جو السماء العالي=ياعلماً كل مايجري للانسان
    لتعز الاسلام وتقوي حكومتنا=الي بزين النباء والخلق ضمتنا
    واليا طلبنا زيادة علم زادتنا=ياجعلها عامرة وتزيد عمران
    من يوم عبدالعزيز اسس لنا الطاعة=بالحق نمشي وفي العدوان قطاعة
    حرر لنا المملكة بالسف وذراعة=وذخر عيال السعد فالملك عوان
    عيونها من ورانا ماتخلينا=يقودها واحداً ماهوب ناسينا
    هوه ابونا وحنا له مطيعينا=يالله يالله تعصمنا بالايمان
    فيصل هو الي نبتنا في مشاريعه=واليا ومر بامر نمشي معة ونطيعه
    نرجي من الله يرعانا بتسنيعه=رعاية الحفظ والتقوى والاحسان
    فيصل هو الي ومر لشعب بزيادة=اموازنتنا تعدت من وراء العادة
    شياً كثير اسمحولي مقدر اعدادة=واجد وواجد وراس المال كثران
    زاد الرواتب وشعبه فاز وتهنا=وحنا عيال الحكومة حين ماكنا
    مابيننا تفرقة منهم وهم منا=الاصل واحد سعوديين واخوان
    الاولة كل واحد قال مشاء الله=كلن يبارك لنا فيما عطانا الله
    كلن يقول السعودية رفعها الله=وهي دايم الفايزة من عصر عدنان
    تمت وصلو عدد من حج وطافي=وعداد همالاً من مزن السماء الصافي
    على نبي الشريعة بين وخافي=ولاقلتها مستعير افلان وفلان[/poem]



    وهذه قصيدة القاها الشاعر امام صاحب السمو الملكي الامير عبدالله بن عبدالعزيز حفظة الله , في احدى المناسبات العسكرية في الحرس الوطني , التي حظرها سموة عام 1390هـ:


    [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]

    مرحبا بالريس الي يزورنا=كل ماجانا تزيد اسرورنا
    والفرح دايم وهو بصدورنا=كل ماشفناه نفرح من جديد
    مرحبا بك يابو متعب في محلك=نفتخربك يابو متعب مانملك
    والحرس كله افردك تحت ظلك=ياعساك تزورنا في كل عيد
    انت ريس للحرس حنا جنودك=وانته الي كل صعباً مايكودك
    وانت عزاً للحرس كلاً شهودك=انت طورت الحرس وصبح يزيد
    الحرس فايز وحنا الفايزين=فيه معلومات واله مرشحين
    كلنا في واجبه متعلمين=جاهزيناً لطلب لو هو بعيد
    بدر نايبك المباشر مايبور=بدر نور وزادنا نور وسرور
    عارفاً كل الاوامر والامور=بدر بدر العز والحض الرشيد
    ان تباشربه مثل بشرى الهلال=فكه الله من صواديف الليال
    من تعرضله عليه الحق مال=اخذاً حقه وضداً للبعيد
    كلنا في حكم فيصل خادمينه=فيصل الي كل الامة عارفينه
    هو ملكنا مالكن والله عوينه=هو مالكنا ماينن فيما يريد
    هو ملكنا قايد الشعب السعودي=ماينام الليل والعالم رقودي
    رتب القوات في كل الحدودي=من مشاريعه نفيد ونستفيد
    هو ملكنا العاهل الحر المجرب=العدو المملكة دمر وخرب
    من سطى فيه بسهم معاد قرب=مملكتنا لبست الثوب الجديد
    كلهم احرار مافيهم لزيز=الفخر لله ثم عبد العزيز
    فيه فكر وفيه عرف وفيه ميز=والشجاعة ساسهم شياً اكيد
    تمت وصلوا على خير البريه=يالله المعبود واقي كل سيه
    اغفر الزلات عني والخطيه=ياولي العرش في ايام الوعيد[/poem]




    القصائد الغزلية



    هذه قصيدة صنيتان رد على الشاعر حمود بن سالم القرفاني:


    [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    يامرحبا ياخط ابو علي حييت=الي حروفه هاضني رمزهنه
    جاني كتاب حمود يومني امسيت=يشكي ويبكي والليالي حدنه
    واصبحت جاهز مانقص عود كبريت=اواني المطراش واتباعهنه
    والجمس واقف قايساً ماه والزيت=وتوانكه ممتاز عبيتهنه
    وسرحت توي صبح من يوم صليت=راع الهواء مجنوان وزداد جنه
    خصاً ليا جاء طاري الزين فزيت=من كثر مافي جاش صدري وكنه
    دارس ومارس في الهواء لين بذيت=شاكي وباكي مت مدركتهنه
    اصبر بصبري يوم في الحب طبيت=مع واحداً غبر السنين اقلعنه
    الي خياله مال شكلة تحليت=ابو خدوداً كنها اثمار جنه[/poem]




    قصيدة غزلية اخرى:

    [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    الله من قلباً سراء الليل مابات=من شافني يقول حالك علامه
    بعد صلاتي للعشى عشر ساعات=والعين ماذاقت لذايذ منامه
    قالوا علامك قلت لي غالياً مات=وانا بلاي الي طواني هيامه
    شقر القرون ام العيون الوسيعات=ماله وصيفاً غير ضبي العدامه
    اخذت مع زين التواصيف سجات=اميزه بالهون واخذ كلامه
    وحول بقلبي في بحوراً غزيرات=من طب فيها ماطمع بالسلامه
    محرني انخالي من الناس فزعات=ووميلهم بالثوب هو والعمامه
    انخى الجماعة كلهم والقربات=وانخى الرفيق الي يبالي سلامه
    انخى الرفيق الي يحل الشكلات=يوماً كلش قد قراء في نظامه
    عساه في الدنيا حياته بلذات=وميت الجنان الخضر تسقي عظامه[/poem]





    وهذه قصيدة غزلية اخرى:


    [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    يامل قلباً من هواء الزين منعاج=منعاج مثل القوس وقوى انعواجي
    على عشيراً كل ماشافني ماج=والي ذبحني نظرته بالحجاجي
    ماشفت غير محيجره يلعج العاج=لمحة نظر بالعين شفته مفاجي
    ومبيسماً ماطالعه كل هراج=ولاشافه الي فيه بالهرج داجي
    لقطت شري منه ماعاد يحتاج=طبع بقلبي طبع قفل ابو تاجي
    والله منسى زين الاوصاف ياسراج=لو حط دوني قفل في حق عاجي
    الي على الخفرات يستاهل التاج=وزوده على الخفرات نجمة وتاجي[/poem]






    اتمنى ان يحوز هذا الديوان الشعري للشاعر/ صنيتان بن صنهات السعساع القرفاني الشيباني , على رضاكم وإعجابكم




    تحياتي
  • ابوسعدالحليفي
    عضو فعال
    • Jun 2003
    • 130

    #2
    شكرا على الاضافة

    بيض الله وجهك مجهود طيب من وجه طيب ولشاعر جيد

    تعليق

    • متعب العضياني
      عضو ماسي
      • May 2003
      • 707

      #3
      تسلم مليوووووووووون ياابن مشيب

      وجهد كبير تشكر عليه الله يعطيك العافيه
      وصح لسان الشاعر صنيتان القرفاني الشيباني
      والله يبيض وجهك
      وتقبل تحياتي

      تعليق

      • ابن مشيب
        إدارة أقسام القبيلة
        • Nov 2002
        • 9791

        #4
        اخي الكريم/ ابوسعدالحليفي

        وجهك ابيض , ومشكور على هذا الاطراء , ويستاهل الشاعر...........


        تحياتي.......

        تعليق

        • ابن مشيب
          إدارة أقسام القبيلة
          • Nov 2002
          • 9791

          #5
          اخي العزيز/ متعب العضياني

          ومن قال سالم , ووجهك ابيض , ومشكور على اطرائك ومرورك الكريم........


          تحياتي........

          تعليق

          • وصل العطياني؟؟؟
            مشرف عام
            • Jul 2003
            • 3809

            #6
            يستاهل الديوان بدون أدنى شك..
            بيض الله وجهك يابن مشيب...



            تحيااااااااتي.
            [align=center][/align]




            [align=center][move=right]na111na@hotmail.com[/move][/align]

            تعليق

            • مطلق الشيباني
              عضو ذهبي
              • Jan 2003
              • 308

              #7
              الى ابن العم ............. ابن مشيب

              قصائد جزله من يمين جزل ومن راس جزل

              وصح لسااااانك يا بن مشيب وصح لسان السعساااااع

              حنا الاد مشيب لا نصابي ولا ناخذ كرا @@@@ نــاخــذ البـل غبــا وجــهـــرا

              وتسلم ملياااااااااااااااااار يابن العم

              تقبل تحيات المخلص :- مطلق الشيباني .......................

              تعليق

              • ابن مشيب
                إدارة أقسام القبيلة
                • Nov 2002
                • 9791

                #8
                شاعرنا الكبير/ وصل العطياني؟؟؟

                اشكرك على الاشادة لهذة القصائد , اللتي لولا اقتناعي بجزالتها لما نشرتها.......


                تسلم والله ووجهك ابيض لاعدمناك.......


                تحياتي....

                تعليق

                • ابن مشيب
                  إدارة أقسام القبيلة
                  • Nov 2002
                  • 9791

                  #9
                  ابن العم العزيز/ مطلق الشيباني

                  ماعليك زود يابو سهيل , وتسلم والله على هذا الثناء والاطراء , كما اشكرك على المرور والرد الاكثر من رائع , وما قول غير بيض الله وجهك يابو سهيل.........


                  تحياتي......

                  تعليق

                  • ابو وعيل
                    مراقب سابق
                    • Aug 2002
                    • 1707

                    #10
                    ونعم والله ..... وبيض الله وجهك ياابن مشيب

                    جهد جبار تشكررررر عليه .. وقصائد رائعه نتمنى

                    ان تعطينا المزيد من قصائد الشاعر صنيتان .

                    تحياتي
                    ابو وعيل الرويس

                    تعليق

                    • ابن داعج
                      عضو فعال
                      • Jun 2003
                      • 151

                      #11
                      ابن مشيب تسلم

                      وشي طيب انك توثق قصايد شاعر مثل هالشاعر الكبير
                      والله يسلمك ويبيض وجهك

                      تعليق

                      • ابن مشيب
                        إدارة أقسام القبيلة
                        • Nov 2002
                        • 9791

                        #12
                        اخي العزيز/ ابو وعيل


                        ماعليك زود , ووجهك ابيض , ولا شكر على واجب , وان شاء الله انني اتمكن من انزال الكثير من قصائد هذا الشاعر..........


                        تحياتي...........

                        تعليق

                        • ابن مشيب
                          إدارة أقسام القبيلة
                          • Nov 2002
                          • 9791

                          #13
                          اخي العزيز/ ابن داعج


                          ومن قال سالم وغانم , ومن المفترض ان لايتجاهل شعراء عتيبة , الغير ظاهرين على الساحة , امثال هذا الشاعر وغيرة الكثير.........


                          كما اشكرك على مرورك وردك الكريم.......



                          تحياتي.........

                          تعليق

                          • الخليفي
                            عضو فعال
                            • May 2003
                            • 194

                            #14
                            بيض اللة وجهك يابن مشيب على هذا الجهد الرائع الذي يستحق الاشادة من الجميع

                            تحياتي ....................ا ل خ ل ي ف ي

                            تعليق

                            • طلال الثعلي
                              مشرف سابق
                              • Sep 2003
                              • 828

                              #15
                              ابن مشيب

                              عساك والله سالم...

                              على هذا الجهد الرائع...


                              قصائد من ذهب...


                              وصح لسان الشاعر الكبير صنيتان بن صنهات السعساع

                              واطال الله في عمره...



                              تحياتي

                              تعليق

                              العمل...