ياطير عقبي كن خاطرك شاين (( عبدالله بن عون ))

طي
X
 
  • التوقيت
  • إظهار
مسح الكل
المشاركات الجديدة
  • بن عون
    عضو نشيط
    • Nov 2003
    • 83

    #1

    ياطير عقبي كن خاطرك شاين (( عبدالله بن عون ))

    [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
    ياطير عقبي كن خاطرك شاين = خاطرك شين وغيبتي عنك يومين
    النقص فيك مبين له بواين = في لمعة الريشه وفي ناظر العيــن
    ياطير انا ويّاك كنا خذاين = وبيني وبينك ولف ومعامل زيـن
    يوم انتخاوى مع وجيه الضعاين = ونهمل سبوقك في مناكب خسيرين
    ولا شمال الهضبتين القراين = شرقي طلال ومن سواحيق يميـن
    ولا عطينا سكة التابلاين = ولا قد عطيناها عليها حرازيـن
    نصبح على طارات شهب المكاين = بين العراقيين والاردنييـن
    في خايعن به كن عيني تعاين = ربد الحباري به على اربع وثنتيـن
    ونأخذ لنا ايام بذيك الدفاين = مابين برقع والغدف والبسيتين
    ونكسر على ماينحدر من ضواين = ونأخذ هناك اسبوع والا سبوعين
    وننكف نشاط وسالمين الصخاين = ولو كان نتعب عندنا مستريحين
    قدّام يطلع للصقاره زباين = ناس تحوش القوبعه بام روحين
    وليا روحو بمشحنات الخزاين = مافي نحاهم ذوقوه الامرين
    واليوم مابيني وبينك مداين = انا سعودي وانت جاين من الصين
    وان مالقينا للحباري عواين = ولا توادعنا وداع المحبين
    الوقت ماتاليه معنا بزاين = والبر في حادور من حين لحين
    ادناه مليان كراتين فاين = واقصاه ضاق وضيقوا به اهل الضين
    وضاقت مناهج طيبين الضـ = اللي على المقناص بالطير ضارين
    واليوم كن اللي يحاكيك ماين = هذي سبوقك وانتهض بالجناحين
    وهاجر مهاجر مبحرات السفاين = للصين والا اهبط على ضلع قزوين
    لو كان عندي مافراقك بهاين = حنا عزاز ولا نهين العزيزين
    خلك تروح ولا تشوف الغباين = شاملك عفوِِ مثل عفو المساجين



    لشاعر/ عبدالله بن نايف بن عون الرويس العتيبي
    [/poet]
  • geath
    عضو فضي
    • Apr 2003
    • 229

    #2
    تسلم على القصيده

    الشاعر عبدالله غني عن التعريف بس ودي المنتدى يسوي لقاء مع الشاعر ولا وش رايك

    تعليق

    • بن عون
      عضو نشيط
      • Nov 2003
      • 83

      #3
      والله ودي انهم يسوون معاه لقاء ,.,

      واويدك في اللقاء ..

      تعليق

      • خالدالعصيمي
        عضو ماسي
        • Aug 2003
        • 688

        #4
        [poet font="Simplified Arabic,6,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
        الـوقــت ماتـالـيـه مـعـنـا بـزايــن "=
        والبـر فـي حـادور مــن حـيـن لحـيـن
        ادنـــاه مـلـيـان كـراتـيـن فــايــن "=
        واقصـاه ضـاق وضيقـوا بـه اهـل الضيـن




        الاخ ابن عون
        بيض الله وجهك على المشاركه الطيبه

        للشاعر عبد الله بن عون

        لك اجمل تحياتي
        خالد العصيمي





        -
        [/poet]

        تعليق

        • حسان
          عضو ذهبي
          • Nov 2003
          • 302

          #5
          لو كان عندي ما فراقك بهاين---- حنا عزيز ولا نهين العزيزين

          نعم يا عبد الله بن عون إنك عزيزمن لابة عزيزة
          فأولكم إشتهر بالشجاعة والكرم والنخوة والعلوم الطيبه0

          إبن عون أشكرك

          ولاتبخل علينا بقصائد عبد الله ---وقصائد الشاعر غازي بن دخيل الله

          وترى له قصيدة طالبها أحد الأخوة في المنتدى

          وتقبل فائق إحترامي

          تعليق

          • وصل العطياني؟؟؟
            مشرف عام
            • Jul 2003
            • 3809

            #6
            يعطيك العافية..
            شاعر غني عن التعريف..
            يطرب لسماع وقراءة قصائده..



            تحياااااتي.
            [align=center][/align]




            [align=center][move=right]na111na@hotmail.com[/move][/align]

            تعليق

            • ابو وعيل
              مراقب سابق
              • Aug 2002
              • 1707

              #7
              شاعر غني عن التعريف

              بيض الله وجهك ياابن العم .. ولاتحرمنا من قصائد عبد الله بن عون

              وغازي ....

              تحياتي

              تعليق

              • بن عون
                عضو نشيط
                • Nov 2003
                • 83

                #8
                ابشروا بكل خير ..

                تعليق

                • متعب العضياني
                  عضو ماسي
                  • May 2003
                  • 707

                  #9
                  تسلم يابن عون

                  وصح لسان الشاعر الكبير عبدالله وهو غني عن التعريف
                  ومن هالمستوى لافضل

                  تعليق

                  • بن عون
                    عضو نشيط
                    • Nov 2003
                    • 83

                    #10
                    صح بدنك اخوي متعب العضياني ..

                    تعليق

                    العمل...