الصوينع .... والمورقي

طي
X
 
  • التوقيت
  • إظهار
مسح الكل
المشاركات الجديدة
  • بدر غالي الصوينع
    عضو نشيط
    • Apr 2008
    • 57

    #1

    الصوينع .... والمورقي

    [align=center]قصيده للشاعر غالي بن شباب الصوينع الدعجاني
    موجهه للشاعر / ملفي المورقي
    [/align]

    [poem=font="simplified arabic,6,black,bold,italic" bkcolor="transparent" bkimage="" border="double,4,black" type=1 line=0 align=center use=ex num="0,black"]
    القصيده بنت مايهتك شرفها = يارياجيلٍ على العوره غيوره
    كلمتي من غر مايعرف هدفها = يوم بنت العم ماهيب محجوره
    والسريب اللي تجاذب ثم جرفها = الجبال اللي ترده عن عبوره
    ومن تعزوى قام والغتره حذفها = مثل ملفي راعي النفس الجسوره
    حرٍ اشقر لالقى الصيده خطفها = له فعولٍ فالمقانيص مخبوره
    وكم وكم صعبه ليا وقف عسفها = خابر من راسه اليا اقصى جذوره
    من رجالٍ يامن اللي في طرفها = راجحٍ ميزانهم ماضي عصوره
    والعتيبي عزوته ماحدٍ كتفها = فالعزاوي عزوتٍ دوم محذوره
    القضيه يابن مزيد قوم شفها = ضيقتي من تبوك اليا شروره
    ولاتلوم النفس جاها ماصرفها = من خليج العرب لا جده ضروره
    وانت مثل القاضي اللي تكتشفها = يوم ابن شباب بين لك شعوره
    البحر لو ماتت الجثه قذفها = وانت رجالٍ نبا علمه وشعوره
    لك مواقيفٍ قويات نعرفها = الخطوره ماوارا هاذي خطوره
    والنجوم اللي خلقها الله خفها = غيرها ظني اضعيفه ومعثوره
    انت تعرف علة الكبد وتلفها = وإن لقيت الطب والا قود ثوره
    والضريبه لاجلس ملفي نتفها = ياوجودي ياطغاه وزود جوره
    المعاني تشتكي ماحدٍ نصفها = قوم الشعار والا أخوان نوره
    اردعوا ناسٍ مضيعها ترفها = حطو الشعر القديم اليوم كوره
    من لقطها قام بالرجل وحذفها = من يرده يابو وافي عن غروره
    غير قومٍ تعرف العالم صلفها = فعلها فعل الذيابه والنموره
    يستريح الضيف دايم في كنفها = وللمعادي لا رحومه لا غفوره
    والجبال الراسيه ما حدٍ قصفها = مير تال الوقت شفنا فيه بوره
    والختام الشاعر اللي يستلفها = لعنبوه ولعنبو شاعر يزوره
    والقصيده بنت مايهتك شرفها = يارياجيلٍ على العوره غيوره[/poem]







    [align=center]ورد الشاعر / ملفي المورقي [/align]






    [poem=font="simplified arabic,6,darkred,normal,italic" bkcolor="transparent" bkimage="" border="double,4,black" type=1 line=0 align=center use=ex num="0,black"]
    رجعتني للهواء يلعن جدفها = جادل من كامل الزين مغروره
    رجعت عيني على زايد صلفها = واحرمتني لذة الوقت وسروره
    جادل متخبيه محدٍ كشفها = من اخباها وجهها صعب ظهوره
    ما عرفها اللا الفهيم اللي عرفها = يوم وصفها بسطر من سطوره
    هو صحيح اللي بتوصيفه وصفها = كامل وصفه وقاصرة قصوره
    ياعتيبي وعنا روحي وأسفها = من بعد طعم الحلا ذقت المروره
    النخيل اللي منول نخترفها = يستلذ بها سواتك مع فطوره
    وفالسنين التاليه مكثر حشفها = مال فيها الطير نقره من نقوره
    عفتها وانته يابن شباب عفها = عز نفسك يالصوينع ومعذوره
    خلها للي مقرط في سعفها = ما درا ان الطلع راح وراح دوره
    وانت يارجال منته بمحلفها = امحلفها واحدٍ يمشط شعوره
    ان مشة رجليه تشكي من جنفها = سالمه وتقول فالمشي مهصوره
    بارك الله في عباة ملتحفها = دافيٍ جنبه وياكل من جذوره
    لا تلومه لو سلوم اهله نتفها = سلمهم منبوذ والرجال صوره
    حاجة راحت وجز منها وطفها = لك عبور وكل واحد له عبوره
    البحور الراهيه جاء من نزفها = كل بحر مرقب له دينسوره
    عنده الرشفه ليا منه رشفها = كنها السكر لو ان الغورغوره
    وانت رح للمزرعه وحفها وشفها = روضةٍ بستانها ترقص زهوره
    وفي طرفها مشرب الوضح وعلفها = نعمة في يدك ماهيب محكوره
    يرحم الله شايب شيد غرفها = سيرته بيضاء وغالي زاد نوره[/poem]






    [align=center]مع التحيه والتقدير[/align]
  • عمر الدغيلبي
    مشرف سابق
    • Dec 2006
    • 2015

    #2
    الله الله

    صح لسان والدك

    وصح لسان ابووافي

    ومساجلة رااااااااائعه

    لاهنت يا ابوغالي
    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    في منتدى الهيلا زحول الرياجيل = بيت القبيله و النشاما إرواقه
    يزينه حرصه لزين التماثيل = ويجمله نبذ العلوم الدقاقه[/poem]

    تعليق

    • بدر غالي الصوينع
      عضو نشيط
      • Apr 2008
      • 57

      #3
      [align=center]اخوي




      عمر الدغيلبي


      مرحبابك وصخ بدنك



      ومشكور على التواجد[/align]

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        [align=center]الله الله

        صح لسان الشعراء الكبار ..

        الصوينع والمورقي

        ولاهنت يالغالي على الاختيار الطيب

        ياطيب ..

        تحيتي
        ...[/align]
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • عبدالله هادي ناشي الفليت.

          رابطة محبي الهيلا

          • Sep 2007
          • 1791

          #5
          الله الله صح لساااااانهم

          والصوانعه شعاااار ماشاءلله


          ياليتك تزودنا بقصايد رباح الصوينع


          تحياتي لك

          تعليق

          • بدر غالي الصوينع
            عضو نشيط
            • Apr 2008
            • 57

            #6
            [align=center]اخوي








            محمد العتيبي






            الله يحييك




            وصح بدنك






            ولاهنت على التواجد ومرورك شرف [/align]

            تعليق

            • بدر غالي الصوينع
              عضو نشيط
              • Apr 2008
              • 57

              #7
              [align=center]اخوي





              عبدالله







              مرحبا تراحيب المطر






              ومرورك شرف كبير





              وياليت تزودني بالاسم كامل رباح ابن من على شان انشد وابحث عنه [/align]

              تعليق

              • يوسف العازمي
                عضو ماسي
                • Aug 2009
                • 562

                #8
                صح لسان الشاعرين

                ومشكووور على النقل لاهنت

                تعليق

                • أبونواف

                  رابطة محبي الهيلا

                  • Nov 2008
                  • 2163

                  #9
                  الله الله

                  صح لسان الشعراء الكبار ..

                  الصوينع والمورقي

                  ولاهنت يالغالي على الاختيار الطيب

                  تعليق

                  العمل...