هموم العتيبي

طي
X
 
  • التوقيت
  • إظهار
مسح الكل
المشاركات الجديدة
  • دسمان
    عضو
    • Feb 2004
    • 8

    #1

    هموم العتيبي

    تلعب طرب وانا بنومي هواجيس *** ماسامرك بالليل كثر الهمومي

    أسهر إلى نامت عيون الهداريس *** بالليل أساهرساهرات النجومي

    أونس بقلبي مثل صلي المحاميس *** الله يـلوم اللي لحالي يلومي

    قالوجهلت وقلت جهل ٍ بـلاقيس *** الجاهل أللي مايعرف اليمومي

    أشوف عـدلات اليالي معابيس *** ولأحد ٍ من الدنياعظامه سلومي

    ماينبني بنيان من غير تاسيس *** ومن لاتعلم مـا تثيب العـلومي

    ولاخير في كثر الحكاوالتماليس *** وقول ٍ بلافـعل ٍ يجيبه وهومي

    واليا ركبت إمعالجات المضاريس *** يبردعلى كبدي لهيب السمومي

    بالليل أصالي حاميات المحاميس *** والصبح أصالي كل قبّاوكومي

    وأقفن بنا مثل النعام المماريس *** إلى هف عجل ٍمع رفيع الحزومي

    نستلحق أللىّ يطلبون النواميس *** أللىّ من الاقصين وأدنا اللحومي

    ولومي على أللي ينقلون العبابيس *** أهل الفرنج وكل رامي لحومي

    وشلف ٍ تركب بالرماح الأناسيس *** وسلت المهار وكل قبا قحومي

    والعز فوق معسكرات السواديس *** إلى قصدت اللي بالاشيا رحومي

    قب ٍتنازا بالنـشاما كـراديس *** والطير في روجـاتهنه يحـومي

    إن جن بالميدان مثل الدواويس *** وتعـاقبوا من فوقهن السـهومي

    عرِّج بهـلهن كنهن القرانيس *** على الطريح مصوبرات ٍ كضومي

    حتى يزين إلنا المثل والتوانيس *** والكيف طاب لمن يفك القحومي

    ومن لايقلط شذرة السيف والكيس *** يصبح عليه من الليالي ثلومي

    ومن لايدوس الراي من قبل لاديس *** عليه دا سوه العيال القرومي

    ومن لااخـذ الدنيابميز ٍ وتقيـيس *** مثل الذي يسبح ببحر ٍ يعومي

    كلّ القلم من كتبنا بالقراطـيس *** وركابنا من كثر الادلاج تـومي

    وشيخ ٍ لنا يعطي الفقارى المفاليس *** عسـاه بالـدنيا بعز ٍ يدومي

    حـر ٍ ليا دبت عليه النواميس *** إليا اعترض جول الحباري صرومي

    اليا اكترب من بعض الاشيا سبابيس *** أعزم ولا بد الفرج للعزومي

    ثوب الفرح لبسك نظيف الملابيس *** إن قيل بايام الكرب والزحومي

    واعمـل وتلقا وفهم العلم بالقيـس *** دنيـاك لو زانت تراها نقومي

    تضحك وتخفي لك خفي الهناديس *** تفطر لنا يوم ٍ ويوم ٍ تصومي

    أربع اسنين ودمع عـيني أماريس *** العين تسهر كن فيها الهزومي

    يجلى صدا قلبي ضبيح المهاريس *** لاجاك شراب الحشايش يعومي

    ودلال فوق النار دايـم محـابيس *** إكرامـهن دايم علينا لزومـي

    ابهارهن عشر ٍ بليــا دنافيـس *** كـيف يعدى لنشاما القـرومي

    عده لحمــاي الجياد المراويس *** والا الحصان اللي بقيده يهومي
    الشيخ / تركي بن حميدالعتيبي
  • ابن مشيب
    إدارة أقسام القبيلة
    • Nov 2002
    • 9791

    #2
    رحم الله الشيخ الكبير تركي بن حميد.......


    اشكرك اخي دسمان على هذة المشاركة لشيخ الفارس تركي بن حميد..........


    واستبيحك عذراً لنقلها لقسم شعراء عتيبة............

    تحياتي.......

    تعليق

    • ((الدلبحي))

      رابطة محبي الهيلا

      • Mar 2003
      • 6010

      #3
      يعطيك العافيه
      على حسن المشاركه
      وتسلم يمناك
      ورحم الله الشيخ ابن حميد وكافة المسلمين

      تعليق

      العمل...