غـــربــــة الـــــروح للمبدع مرزوق الروقي

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    غـــربــــة الـــــروح للمبدع مرزوق الروقي

    [align=center][align=center]نص في نظري مليء بالرومانسية والعذوبة والإبداع

    للشاعر المبدع/[/align]


    مرزوق الروقي[/align]



    [poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    رضيت بالحزن عمر وبالمواجع خليـل=وقدرت اعيش بحيـاةٍ باهـتٍ لونهـا
    عودّت نفسي مدامي جيت عابر سبيـل=كل ما دهتني مصيبـه قلـت ياهونهـا
    عاصرت من دورة الأيام شـيٍ مهيـل=ومريت بـدروب غيـري مايمرونهـا
    من كثر ماشلت ماباقي بجوفي مشيـل=روحي تدور معيـن ولا لقـت عونهـا
    كم شجرةٍ جيت أدور لي تحتهـا مقيـل=وحتت ورقها وعرّت فوقي غصونهـا
    واليا رميت الهموم بسهم صبراً جميـل=اما يجـي خلفهـا والا يجـي دونهـا
    اسمع بصدري صياح وهمهمات وعويل=وأردهـا خايـفٍ لا النـاس يوحونهـا
    من غربة الروح ضيعت الهدى والدليل=وخطاي تاهت ولابـه مـن يقدونهـا
    نهاري أعتم وليلي بالتعاسـه طويـل=الكون مشرق وروحي مظلـمٍ كونهـا
    هذي علومي بعد فقد الظـلال الظليـل=مالي من الدور خاويهـا ومسكونهـا
    زهدت في عيشتي بعد ام طرفٍ كحيـل=ياليتي ادري بتالي الوقـت وشلونهـا
    عهدي بها يوم تروي قلبي السلسبيـل=من قيظ الأيام توردني علـى عيونهـا
    وتفيض في قلبي الظميان شوق وتسيل=وأروى ولا أروى وأعود أظما لماعونها
    وان سولفت كني أسمع للحمايم هديـل=وأقوم أغنـي لهـا والاحـي لحونهـا
    كان اختصار الأنوثه في جسدها النحيل=يلغي جميع النسـا بعيـون مفتونهـا
    كنا سوى والزمن بالوصل مده جزيـل=ذقنـا حـلاة الحيـاه اللـي يقولونهـا
    ومن ذاق قلبه حنان منقضات الجديـل=والله لتشتالـه الدنيـا علـى متونهـا
    وانا بعد ما أهتنيت أقفت وحل الرحيـل=وياويل حالـي ليـا قامـو يطرونهـا
    بابقى عليلٍ يحركـه النسيـم العليـل=لاهب في قاع روحـه جنـت جنونهـا
    ومادام راحت مابي من حلمي الا القليل=أن عشت في قلبها وان مت فعيونهـا [/poem]
  • السبيــــعي
    عضو ممـــيز
    • Jan 2008
    • 2949

    #2
    [align=center]اسمع بصدري صياح وهمهمات وعويل
    وأردهـا خايـفٍ لا النـاس يوحونهـا


    ^
    يشبهني هالبيت


    كان اختصار الأنوثه في جسدها النحيل
    يلغي جميـع النسـا بعيـون مفتونهـا


    ^
    يشبهها


    فيصل راااااائع بحق احساسك

    صح السان الروقي
    شخص راقي ونص أرقى

    سلمت يداك لاعدمناك
    [/align]

    تعليق

    • وافي الخماش
      عضو ممـــيز
      • Apr 2008
      • 4089

      #3
      تغيب فتأتي بالنص الفاخر والنخبوي صح لسانه ولا هنت ..

      تعليق

      • فيصل المسعودي
        مشرف عام
        • May 2005
        • 8296

        #4
        تم النشر في الأصل بواسطة السبيــــعي عرض المشاركة
        [align=center]اسمع بصدري صياح وهمهمات وعويل
        وأردهـا خايـفٍ لا النـاس يوحونهـا


        ^
        يشبهني هالبيت


        كان اختصار الأنوثه في جسدها النحيل
        يلغي جميـع النسـا بعيـون مفتونهـا


        ^
        يشبهها


        فيصل راااااائع بحق احساسك

        صح السان الروقي
        شخص راقي ونص أرقى

        سلمت يداك لاعدمناك
        [/align]
        [align=center]ياهلا والله بالغالي

        وبمروره الطيب وحضوره الجميل كعادته

        وجودك في مواضيعي هو الدافع للإتيان بكل جديد

        هلابك والله

        شكراً لحضورك الراقي

        تحياتي[/align]

        تعليق

        • فيصل المسعودي
          مشرف عام
          • May 2005
          • 8296

          #5
          تم النشر في الأصل بواسطة وافي الخماش عرض المشاركة
          تغيب فتأتي بالنص الفاخر والنخبوي صح لسانه ولا هنت ..
          [align=center]هلا بوافي

          وجود أصحاب الذائقة المميزة والرفيعة امثالك

          هو الدافع للإتيان بكل ماهو فاخر

          شكراً ياوافي الوافي

          على حضورك الوافي

          تحياتي[/align]

          تعليق

          • /عبد العزيز الجذع/

            رابطة محبي الهيلا

            • Apr 2008
            • 7289

            #6
            فيصل.

            انا من شفت انكـ انت اللي جايب القصيدة دخلت على طووول.

            وصح لسان الشاعر الرائع/ مرزوق الروقي على هالرائعة.


            تحياتي.

            تعليق

            • فيصل المسعودي
              مشرف عام
              • May 2005
              • 8296

              #7
              تم النشر في الأصل بواسطة /عبد العزيز الجذع/ عرض المشاركة
              فيصل.

              انا من شفت انكـ انت اللي جايب القصيدة دخلت على طووول.

              وصح لسان الشاعر الرائع/ مرزوق الروقي على هالرائعة.


              تحياتي.
              [align=center]هلا والله

              لبا تواصلك وحضورك المستمر ياغالي

              شكراً لحضورك الرائع وردك الأروع

              تحياتي ياغالي[/align]

              تعليق

              العمل...