فواز فيحان العتــــــــــــــــــــــــيبي

طي
X
 
  • التوقيت
  • إظهار
مسح الكل
المشاركات الجديدة
  • ابو زايد العتيبي
    عضو
    • Jul 2008
    • 24

    #1

    فواز فيحان العتــــــــــــــــــــــــيبي

    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ماهوب كرهٍ لك ولكن علـى ويـن =والله ماطيعـك ياعـدو الرخـامـة
    ماني بخويك للسفر ياحمـر العيـن= ولانيب ملحقـك الـردى والملامـة
    ولاتحايلنـي اليـا جيـت بعـديـن= انا حذفـت عـن الذلـول المسامـة
    وان كان تبغالك خويٍ علـى الديـن= في مصيفٍ تسبـل عليـك الغمامـة
    وتبغى الجبال المخضرة والبساتيـن= وشوف الوجيه اللي عليها الوسامـة
    فانا مصيفي عنـد سـود العرانيـن= في ديرتـي مابيـن عـز وكرامـة
    عند البكـار المكرمـات المزاييـن= ومقـابـلٍ للبـاخـرة والنعـامـة
    واليا لفو يمي مـن يسـار ويميـن= الطيبيـن اهـل الوفـاء والشهامـة
    ثم ذعذع النسناس بيـن العشاويـن= وغاب الشفق والليل سـدّل ظلامـه
    يسوى براد جنيف وجبـال برليـن= لاصار مايلقى الضميـر انسجامـه
    ولهايب الجـوزا وحمـو الكليبيـن= وسموم نجد وعـج نجـد وعسامـه
    وشمس النهار وصلو بين الصلاتين= ومسح العرق عن جبهتي بالعمامـه
    هذا بـرادي لـو اخسـر الملاييـن= في خيمةٍ فـي راس هـاك العدامـه
    وإن كان تطرب في لحون المغنيـن= فأنا لحونـي فـي خفوقـي علامـه
    الأولـة لأوحيـت حـس المواذيـن= والا قـرا فأهـوال يـوم القيـامـة
    وتسمع من الخشية خنيـن المصليـن= للعيـن دمـع وللصـدور انهشامـه
    والثانيـة حنّـت قطيـع المحيليـن= لاجالها علـى الرحـول ارتزامـه
    والثالثـة دعـو الحـرار الملاويـن= لاقلت هات الشلـو واذبـح حمامـه
    هذي لحوني وعندي ان صوتها زين= وارقابهـا للمـجـد ذروة سنـامـه
    ان كان زعلانين وان كان راضيـن= عيبٍ علـى اللـي مايثبـت كلامـه
    وإن جازلك فأجلس معي ياحمر العين= والا تـروح ورافقتـك السـلامـة
    [/poem]
    تم التعديل الأخير بواسطة ابو زايد العتيبي؛ 22-Jul-2008, 07:46 PM.
  • عبدالرحمن الهيلوم
    عضو
    • Apr 2007
    • 21232

    #2
    صح السانك يااااااااااااااالغالي

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      [align=center]صح لسان الشاعر المبدع / فواز فيحان العتيبي ..
      قصيده وافيه من شاعر وافي ..
      تحيتي ..
      ...[/align]
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      العمل...