مرثيه....في الام والابناء والزوجه

طي
X
 
  • التوقيت
  • إظهار
مسح الكل
المشاركات الجديدة
  • ابو خالد الدلبحي
    عضو فضي
    • Dec 2003
    • 255

    #1

    مرثيه....في الام والابناء والزوجه

    قالها ضيف الله بن حمدان الدلبحي مرثيه في امه وابنائه وزوجته
    اثر حادث حصل لهم اسال الله ان يتغمدهم بواسع رحمته





    ]يالله ياللي عالم غيب الاقدار*****وامرك على كل المخاليق صاير
    افرج لقلب ذاق ويلات الامرار**** * وعين تهل الدمع منها عباير
    امنت بك يالواحد النافع الضار***** ياعالم المكنون وسط الضماير
    اجبر عزاهم يوم فاضت الاعمار***** روح بساره وامها مع بشاير
    واخذ وليد وجدته شمعة الدار***** وامه توفت وامر الاقدار صاير
    ستة نفوس روحت وقت الاسحار**** يالله اجرهن عن لهيب السعاير
    وسكنهن بروضه وجنات وانهار**** في منزل مافيه حزن وخساير
    دار النعيم اللي يفوز ابها الابرار***** وتغفر كبار ذنوبهم والصغاير
    ويالله تشفي من نجا عقب الاخطار****واليوم صاروا فوق بيض السراير
    يامنجي ابراهيم من لاهب النار ***** وعافيت جسم أيوب عقب العزاير
    واسالك يامنزل من المزن الامطار***** تجبر عظام اللي عليها الجباير
    واعط الشفاعه من توفوا وهم اصغار*****يوم القيامه والصحايف تطاير
    يوم الاحساب ويوم تزوغ فيه الابصار*****من شدتة يصبح به الفكر حاير
    هذا وصلى الله عدد نبت الازهار*****وعداد ماغرد على الغصن طاير
    على نبين خصه الله واختار*****شفيع خلقه يوم كشف السراير
  • ابن المغيري
    عضو
    • Feb 2004
    • 29

    #2
    يعساهم في جنات النعيم

    الله يصبر اهلهم ويجعلهم في جنات النعيم
    ويجبر مصيبتهم

    تعليق

    • حسان
      عضو ذهبي
      • Nov 2003
      • 302

      #3
      الله يرحمهم بواسع رحمته

      الله يغفر لهم ويدخلهم جنة النعيم 0

      ويلهم ذويهم الصبر وإحتساب الأجر

      اللهّم أرحمهم وأرحم أموات المسلمين0

      تعليق

      • ابو وعيل
        مراقب سابق
        • Aug 2002
        • 1707

        #4
        الله ارحهم ورحم اموات المسلمين


        قصيدة معبرة .

        تعليق

        العمل...