سعد بن مزيبد ......< الشاعر الداهيه>

طي
X
 
  • التوقيت
  • إظهار
مسح الكل
المشاركات الجديدة
  • متعب العضياني
    عضو ماسي
    • May 2003
    • 707

    #1

    سعد بن مزيبد ......< الشاعر الداهيه>

    بسم الله الرحمن الرحيم والصلاه والسلام على من الانبي بعده امابعد
    انتهيت مؤخرا من كتابة بعض المواضيع عن بعض شعرائنا الذين اندثر اغلب شعرهم
    وساكتب مااعرفه من سوالفهم وقصائدهم وبتكاتف الاعضاء قد نستطيع كتابة بعض سيرهم
    والكتابه بهذا المجال ليس للحنين لذلك الوقت الاغبر ولكن لتذاكر افعالهم وافعال القبيله لاسيما قصيدهم الذي اندثر اكثره للاسف

    وعلى ماقال الشاعر

    مااهبلك يالي تبي العصر الاول يعود **مايعيده كود محيي العظام البايده

    واول هالشعراء الذين ساكتب عنهم هو الشاعر الكبير سعد بن مزيبد من الكراشين من العضيان من عتيبه


    الحقيقه لاتوجد معلومات عن حياة هالشاعر الاانه ترك قصائد وتشرح حياته
    وتفسر شخصية شاعرنا

    والقصص التي حصلت له في غزواته فالوقت الماضي نورد منها
    مانعرف

    يذكر ان الشيخ جهز بن شرار غزى على عتيبه وحالفه الحظ بكسب بعض الاذواد
    فلحقه الفزع من عتيبه وتمكن من استرداد بعض البل والبعض اخذها ابن شرار

    وعندما عاد الفزع اكتشف ان الاذواد الماخوذه للعضيان

    فجلس ابن مزيبد وكان قد كان ضمن الفزع وكف ذود من امام ابن شرار
    واعجب به ابن شرار ايما اعجاب

    واجتمع ابن مزيبد وعدد من شعراء العضيان وتذكروا سالفه يستطيعون يحاجون ابن شرار عندها وهي نوع من الدخله بين ذوي ميمون والعضيان

    فاشار عليهم ابن مزيبد انكم يالشعار الموجودين وهم حوالي اربعه
    ان كل واحد يقوله قصيده تذكر ابن شرار بالمعاهدات ليرد الابل


    فذهبو لمضارب قبيلة مطير لكنه حين اقبل عليهم قاله لخوياه ابا اتقدمكم وارى الوضع

    فذهب لبيت ابن شرار وسال العرب عن بيته وقالوا هذا بيت زوجته بنت فلان <ارفعهم درجه > وهذا بيت زوجته بنت فلان < اقلهم درجه>
    فذهب لبيت الزوجه الاولى التي ابوها انساب جهز وضافها ولم يكن جهز موجود
    فقالت زوجة جهز انه ليس موجود فقال اجل باروح لمجلس جهز عند بنت فلان
    اقل انساب جهز درجه > الي تحلبلها الدواحه كل صباح
    والدواحه اباعر العضيان الماخوذه
    فغضبت الزوجه وقالت : تخسا والله انه مجلسه عندي وان الدواحه تحلبلب كل صباح ويجيني هنا


    فتركها وراح للزوجه الاخرى وهناك حدثت القصه الشهيره الي قال فيها قصيدته المعروفه وان كنت لاعرف منها الاانه يقول

    يابنت لحيتي ................****تبى تذريبها الهبايب مادنستبها العيب

    لاخر ماقال


    وخرج وقصد مجلس جهز هو وخوياه عند البيت الاول
    واخبروه بالقصه وبان البل يجب ان تدا ون عندهم قصايد سيلقوها

    فرفض ان يسمعم وقال لهم : ماعندي لكم الاهذا يعني التراب

    عندئذ اخذ سعد التراب واخذ يصره

    فقاله جهز: ماذا تفعل
    قال : ابا اروح لشيوخ عتابه ابا اقول هذ اعطيتي من المطاري وهذا الحق من عنده

    فضحك جهز وقال قولوا قصايدكم

    فقالوها وهي قصايد تشرح الوضع

    فقال جهز انت يالي تميدح وين انت عن البل يوم اخذتها

    فقال : والله اني على الصفراء فاك من ذودين وكافها وانت تعاين
    قال جهز : والمجلس مذهول مما يقول ابن مزيبد :
    شلافي الفلانيه معي هاك اليوم ولا لا
    فقال ابن مزيبد : لا ماهيب معك . <وهي معه لكنه اجابه ذكيه>

    فقال جهز ردينا البل يامطير
    فجمعت البل وردت



    وله قصه اخرى مع قبيلة مطير بعد ان كسرت رجله في معركه معهم
    وقال القصيده المتعارف عليها انها لابن مزيبد وليس كما يقول المطران انها لابن زيد شيخ السمره من الروقه

    يقول سعد بن مزيبد:
    وارجلي اللي بدت روس المراقيب أمسا قدمها عن العرقوب متحادي
    حطيتها في محل الخبثiوالطيـب لين اعطبوها رمـات ألادiعبـادي
    أهل العزاوي إذا جات المطاليـب وإن ترسوا دونهم مكني وسـوادي
    وإذا ركبنا على شيب المحاقيـب نسبر غضيره ورجع العرج منغادي
    كله حشايم بكار وفطرن شيــــب ماهي حشايمك يامركوز الأنهادي
    أهذل هذيل الفهد وأبري كماالذيب وأبدى مباد الصقور الشقر الأفرادي

    وإذا ركبنا على شيـب المحاقيـب نسبر غضيره ورجع العرج منغادي

    كله حشايم بكـار وفطـرن iiشيـب ماهي حشايمك يامركوز الأنهـادي


    أهذل هذيل الفهد وأبري كم الذيبi وأبدى مباد الصقور الشقر الأفرادي

    أصفح عن اللي يسجون المواجيب والبس ثياب المعزه بين الأجوادي

    1 أصفح عن اللي يسجون المواجيب والبس ثياب المعزه بين الأجوادي


    وله من قصيده طويله هالبيت
    سارين من ترب وايمنهم وطا الذيب ** يبون جبار والاشطو ميراد


    وهالموضوع اعتبره مقدمه تكتمل بمشاركة الاعضاء الذين يثرون الموضوع بالتاكيد

    وتقبلو تحياتي
  • ابن داعج
    عضو فعال
    • Jun 2003
    • 151

    #2
    هلابك يامتعب

    وابشر بالخير اباادور علوم سعد واجيبها
    وانت ماقصرت بيض الله وجهك

    تعليق

    • الفيصل
      عضو نشيط
      • Jan 2004
      • 34

      #3
      مشكور

      قصص بطوليه واشعار رائعه

      لاااملك ان اقول الى الامام دائما يامتعب وشكرا على مواضيعك الجيده .



      تحياتي لكم

      تعليق

      • متعب العضياني
        عضو ماسي
        • May 2003
        • 707

        #4
        ابن داعج العزيز

        اشكرك على المرور واتمنى لك التوفيق وعوده موفقه للمنتدى

        والله يعطيك العافيه

        تعليق

        • متعب العضياني
          عضو ماسي
          • May 2003
          • 707

          #5
          الفيصل

          اشكرك على كلامك والله يعطيك والعافيه على هالاطراء
          واشكرك حقيقة على المرور
          وتقبل تحياتي

          تعليق

          • ابن مشيب
            إدارة أقسام القبيلة
            • Nov 2002
            • 9791

            #6
            اشكرك اخي متعب العضياني , على التعريف بهذا الشاعر والفارس , سعد بن مزيبد.....

            كما اشكرك على التواصل المستمر واثراء المنتدى بكل ماهو مفيد.............

            تعليق

            • متعب العضياني
              عضو ماسي
              • May 2003
              • 707

              #7
              اخي العزيز ابن مشيب

              اشكرك على هالاطراء واشكرك على المرور الي اسعدني جدا
              وتقبل تحياتي

              تعليق

              • طلال الثعلي
                مشرف سابق
                • Sep 2003
                • 828

                #8
                الاخ :متعب العظياني


                طيب ومايجي منك الا كل طيب...


                وجهودك تشكر عليها..


                شكرا من الاعماق...


                ورحم الله سعد

                تحياتي....

                تعليق

                • متعب العضياني
                  عضو ماسي
                  • May 2003
                  • 707

                  #9
                  طلال بن ثعلي

                  اشكرك على هالاطراء واشكرك على المرور والله يعطيك العافيه
                  والله يرحمه وجميع موتى المسلين
                  وتقبل تحياتي

                  تعليق

                  • ابو وعيل
                    مراقب سابق
                    • Aug 2002
                    • 1707

                    #10
                    يعطيك الف عافيه على التعريف بالشاعر سعد بن مزيبد


                    ولاهنت يالذيب ونتظر جديدك ....


                    تحياااااتي
                    ابو وعيل

                    تعليق

                    • متعب العضياني
                      عضو ماسي
                      • May 2003
                      • 707

                      #11
                      مراقبنا العزيز ابو وعيل

                      الله يعافيك ومشكوور على مرورك الي اسعدني بالحيل يالغالي
                      تقبل تحياتي

                      تعليق

                      • راعي عمهوج
                        عضو
                        • Feb 2004
                        • 12

                        #12
                        رد وايضاح

                        السلام عليكم ورحمه الله وبركاته اخواني اسم الشاعر والفارس الشجاع هوسعدي ابن مزيبد وهو من السحله وهوغني عن التعريف هذا والله يوفق الجميع

                        تعليق

                        • مرزوق بن دحيم
                          شــــاعــر
                          • Feb 2004
                          • 104

                          #13
                          يا جماعة الخير انا مشتاق اسمع القصيدة اللي تقول/ للاني صحت ومزيبد اوحاني** شبو علي النار مثنية ادور عليها من زمن



                          مزيبد تراه ابو سعدي وكلهم فوارس وشجعان وهم ابناء عتيبه وفرسانها منذو القدم بس حبيت اطرح هالبيت لاني ابحث عنه من قديم

                          اخوكم مرزوق
                          [align=center]
                          [/align]



                          [align=center][poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
                          الحر عينه يم روس الطويلات=ماهيب عينـه مثل عين الجراده
                          يقديّ أكبر منـه راي وقنـاعات=الشـور شوره والمراجل شداده [/poem][/align]

                          تعليق

                          • متعب العضياني
                            عضو ماسي
                            • May 2003
                            • 707

                            #14
                            راعي عمهوج

                            يعطيك العافيه على الايضاح وكلامك صحيح هومن الصوالح من السحله
                            ضاع اكثر شعره للاسف
                            وتقبل تحياتي

                            تعليق

                            • متعب العضياني
                              عضو ماسي
                              • May 2003
                              • 707

                              #15
                              مرزوق

                              مشكور على المرور
                              وبالنسبه للقصيده سابحث عنها وانا اخوك وانشرها باقرب فرصه

                              تعليق

                              العمل...