دارٍ ابهـا المشهـور مصـري وفــلاح

طي
X
 
  • التوقيت
  • إظهار
مسح الكل
المشاركات الجديدة
  • /عبد العزيز الجذع/

    رابطة محبي الهيلا

    • Apr 2008
    • 7289

    #1

    دارٍ ابهـا المشهـور مصـري وفــلاح

    قصيده قالها الشاعر الكبير

    شقير الجذع

    وهو في مصر

    واترككم مع القصيده التي تشرح نفسها بنفسها





    [poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    اليـوم انـا قلبـي علـى خـف وجنـاح=مـا عـاد يبغـى مصـر شطـه ونيلـه

    حتيـش لـو يطلـع بمنـجـى وتـفـاح=وحتيـش لـو فيـه العمـايـر طويـلـه

    دارٍ ابهـا المشهـور مصـري وفــلاح=مـا حـدٍ يعـد اصلـه ولا لـه قبيـلـه

    ربـعٍ تضيـف ضيفهـا رجـل وجنـاح=واطيبهـم اللـي جـاب ديــكٍ يشيـلـه

    اشتالـه البـركـان والصـبـح منـبـاح=وعـوض مبانيـهـا الرفيـعـه نثيـلـه

    ويصبح صحن صاحي من النزل صحصاح=وينجابـه اللـي خالقـة يعتـنـي لــه

    ينجابـه اللـي فيـه يأمـر بـالاصـلاح=ومـن لايخـاف الله عسـى الله يزيـلـه

    دارٍ انساهـا لبسهـا شــرب وشـبـاح=والـلـي يحاكيـهـا تـقـف وتحكيـلـه

    يمشـن والاسـلاب مـن قــدم فـتـاح=وانــا دخـيـل الله منـجـي دخيـلـه

    ماجيـت لـه ياسيـد البيـض ســواح=ولـولاك والله يـا الغـضـي ماعنيـلـه

    ولو قلـت لـك مرتـاح مانـي بمرتـاح=يعلـم بـه اللـي كــل هــمٍ يزيـلـه

    وصبرت لاجـل دواك ياضبـي الابـراح=هـذي مـن السـفـره ثلاثـيـن ليـلـه

    اقعد من المغـرب ليـا نـور الاصبـاح=القلـب كنـه فـوق حـامـي المليـلـه

    قلبـي قفـل ولـه الهواجيـس بمفـتـاح=ليـا صـدر هاجـوس الاخـر يجيـلـه

    صبرت صبر ايـوب ليـن الصبـر راح=راح الكثـيـر ولا بـقـى الا قلـيـلـه

    قلبـي كمـا طيـرٍ دعيـلـه بـمـرواح=هـواه نجـد وجلستـي ويــش هيـلـه

    وجـداه يـا شمـة ذعـاذيـع الاريــاح=فـي نجـد غـب مـروحٍ سـال سيلـه

    مـن الحجـاز ليـا شـروره والاسيـاح=مـا بـه شعـيـبٍ مـاتـدارج مسيـلـه

    ديـرة مكسـرة الجنـابـي والارمــاح=مـاهـو بــدار مصلحـيـن البليـلـه

    دارٍ بهـا عشنـا شريفـيـن وصـحـاح=مـا قيـل ذي جربـا وهــذي عليـلـه

    يازينهـا لـو عيشهـا صعـب وكـفـاح=وياحلوهـا لــو شربـهـا حنضليـلـه

    ويامـا حلـى فيهـا ولـد بـاش سـراح=سجـه ومـع بعـض الرجـال تعليـلـه

    في مجلـسٍ هرجـه سواليـف ومـزاح=والـنـار تشـعـم والمسـيـر يجيـلـه

    والكبش جابه من هل المـرح الاشحـاح=من ضـان ربـاط العصـا فـي صميلـه

    وقـال اقلطـوا ياعيـال عـن الشبطـاح=ورمـى الشـوا بيـن الحطـب والنثيلـه

    لا مـن طيـر النبـت غـب النبـا نـاح=هـذي طـرات العـمـر والله وكيـلـه

    ويازيـن فيهـا جلسـتٍ قبـل الامـراح=صـافٍ قمرهـا غـب نــو المخيـلـه

    فالعبلـه اللـي رملهـا تـقـل مسـبـاح=ابيـض كمـا اللولـو والاحمـر مثيلـه

    يعطيـك بألـوانـه تشاكـيـل وألـمـاح=مثـل الـخـرز ومشـاركـه دق نيـلـه

    ارضٍ عليهـا مشـي الاقـدام يـرتـاح=سجـتٍ قـدم بالنعـل ماتحـتـري لــه

    ليا ذعـذع الغربـي وريـح النفـل فـاح=سقـوى سقـى الله سجـت فيـه ليـلـه

    بأطـراف قطعانـن تمرجـح تمـرجـاح=ترعـى فـالارض قفـرٍ خـلا مولفيلـه

    يقهـر لـه المقهـور سرحـه ومـرواح=وتكسر على صـوت الحـوار وعويلـه

    وتـرازمٍ لفـواق مــن ذود مـصـلاح=ودرهــم بمحـلابـه ونـفـذ شليـلـه

    وقرب لهن ماعـون ليـن الرغـو سـاح=مــا كـنـه الا بالـوقـايـا يسـيـلـه

    اثن البطون السـداس مجهـم ومضيـاح=ومـن لا كسبـهـن ساعـتـه عزتيـلـه

    حتيـش لـو يكسـب ملاييـن الاربـاح=تعبـان قـلـب وراس يـومـه وليـلـه

    يتـعـب وتاكلـهـا قليلـيـن الافــلاح=نـاسٍ تجـي بعـده وتنـسـى جميـلـه

    ومرقـد العمـر الفنـا ويــن مــاراح=فـراشـه الطـيـن وغـطـاه النثيـلـه

    وتطلع ملايكـة العمـل بيـض الالـواح=وتخسـر بهـا اعمـال اليديـن البخيلـه

    ويخسر بها اللي يعمـل الجـرم منـزاح=تــوه بــدا ولا لـيـالـه طـويـلـه

    مثـل البهيـم ليـا شبـع فالحيـا صـاح=لمتـلـى بطـنـه تـزايـد صهـيـلـه

    وليا غـاب بطنـه صـار للحـق نفـاح=مايكـتـب الا الناقـصـه والفشـيـلـه

    لاخايـفٍ ربــه ولا طــاع نـصـاح=يلعـبـه الشيـطـان بـيــا وسـيـلـه

    نـذل يبـى بالجـرم شـهـرة ومــداح=يرضـى شياطيـنـه ويـزعـل كفيـلـه

    وهذاك حظـه لـو صعـد للعـلا طـاح=جـزاه نـار مـا عمـل تحتـري لــه[/poem]






    تحياتي للجميع
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    الله اكبر

    ..

    صح لسان العملاق ابو جمآل
    قصيده كسابق قصائده
    الروعه والجماآل عنوانها

    الف شكر
    محبك
    .
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • وافي الخماش
      عضو ممـــيز
      • Apr 2008
      • 4089

      #3
      صح لسانه متميز شقير الجذع علم ..

      تعليق

      • /عبد العزيز الجذع/

        رابطة محبي الهيلا

        • Apr 2008
        • 7289

        #4
        مشكوووورين يالغالين على المرور...

        تعليق

        • محمد العتيبي

          مشرف منتدى شعراء قبيلة عتيبه

          • Mar 2005
          • 10789

          #5
          [align=center]قصيده روعه للشاعر العلم /

          شقير بن عقيل الجذع ..

          صح لسانه .

          وتسلم يداك ياعبدالعزيز ..
          ...[/align]
          [align=center][/align]








          [align=center]للتواصل عبر twitter تويتر


          al_bargawy@
          [/align]

          تعليق

          • السبيــــعي
            عضو ممـــيز
            • Jan 2008
            • 2949

            #6
            [align=center]

            قصيـــدة راااائــــعة يا عبدالعزيز ..
            صـــــح السانــــــه .. وسلمت يمينك على النقل الجميل

            الله يعطيك العافيــــــة يالغالي
            [/align]

            تعليق

            • /عبد العزيز الجذع/

              رابطة محبي الهيلا

              • Apr 2008
              • 7289

              #7
              [motfrk]مشكووورين يالغالين على المرور الجميل...[/motfrk]

              تعليق

              العمل...