اجمل قصائد للشاعر خالد الكسر

طي
X
 
  • التوقيت
  • إظهار
مسح الكل
المشاركات الجديدة
  • صنديد العصمه
    عضو فضي
    • May 2008
    • 251

    #1

    اجمل قصائد للشاعر خالد الكسر

    بسم الله الرحمن الرحيم

    حبيت انقل لكم بعض من قصائد الشاعر الكبير خالد بن عقاب الكسر المرشدي العتيبي

    يقول:

    الله من قلبٍ نهيته ولا طـــــاع=يلعب به الهاجوس لعب المنازيع

    متحيرٍ بأمرة غدى شمله امزاع= صبرٍ جميل ويرجع القلب ويطيع

    قفت تجره خافظة روس الآصباع= ام الثمان الضيقات اللواميـــــــع

    خلي من الخفرات ماهيب مهباع= ولاهي من السرد الطوال النعانيع

    بطنه عفيف جاذبه طول الاضــواع =ركَّابها دايم بتل المصــــــــــــــاريع

    ما شذبت بالزور طراف الأكــــــواع =لا ضكت العيرات تسبق على الريع

    يا عود ريحانٍ غدى له تمريــــــــاع= تذري عليه من الهبايب ذعاذيـــــع

    لا شفت زوله يجني القلب مرباع =لو ما حصل لي من قباله منافيـــع

    عيوا بها عني قليلين الأسنــــــاع= اسباب ساس البغض ماهم طماميع

    ادعي عليهم والدعا حيث مدلاع =ادعوا معي عسى تصيب المقانيـــع

    ارجي عساهم للبلاوي والأوجــاع= من كل صادوفٍ تجيهم قوامـــــــيــع

    الله يعرضهم من روس الأشـــعاع= ذريةٍ من محكمات المصــــــانــــيــــع

    دخانها مثل القبيسي الا انـــــذاع= تآخذ على طرافهم بضع أســــابــيع

    عند الأوادم هاجنينٍ وصـــــــــراع =طش الجماجم كالزبيدي مصـــــاليع

    الله يعرضهم غضب كل ما طــــاع= من مزنة يرمي بردها صــــــوامــيع

    هديمةٍ ما ضاح بالشوف لمـــــاع= يسوقها الغربي وشرقي رواديـــــع

    تبحل فيهم القلب منهم ويرتــــاع= منها تضيع أفكارهم والمــــــراميــــع

    يعلن بغالي سلعته كــــــل طماع =وتذهل عن المرضع قلوب المراضــيع

    تآخذ ثلاث شهور والمزن ما مـــاع= والسيل حاير ما لقى له مطــــاليع

    واليا غدوا مثل الطفل والنسم ضاع= يفتح لهم بالقاع درب وبواليــــــــــع

    هفت غريق الموج من غير مرجــاع =من فوقهم سبع الاراضي شواميع

    يضرب بهم وسم على كل الأنــواع= تشهر بهم كل المحطات وتــــذيع

    القصيده الثانيه يقول:

    البارحـه يــوم الأوادم مـرشـه=عيت عيـوني تسـتلذ الفراشـي

    يامـل قلب طـوَل الوقـت غشه=والحـال مما بالفـؤاد متـلاشـي

    عليك ياللي زرع قلبي تحشه=من عقب ماهو بين الاضلاع ناشي

    ياورع يازملوق عشبٍ بدشه=غاذيه من غر السحايب رشاشي

    ياورع عطني مـن ثنايـاك نشـه=لوبس من حمر البراطـم نواشـي

    ترى الدسم يكفي منـه ذوق مشـه=والهزل ما نبغـاه لوهـو بلاشـي

    هرجك على قلبي نقاريـش طشـه=احلى من الما للقلـوب العطاشـي

    زولك ظريف وقمت عنا تخشه=وين انت قاصر ياقلـيل المماشـي

    والبيض غيرك مثل حوش المقشه=وايا غزال الريم وايـا الخشاشـي

    ورع صغير وشـد قلبـي وهشـه=هش الهواء ارض على جال طاشي

    واومابي اوماي العصـا بالمنشـه=اوماي هجـن يبعـدن المعاشـي


    القصيده الثالثه يقول:

    كنت آخذ المرقاب عصر ومغباش=ولا شفت به زود عن اللي لقيت أمس

    الله من قلب عليه البلا جاش =عده على جمر الغضا حامسه حمس

    على حبيب صار للعمر حشاش =اللي طواني طي سيم على جمس

    لا سلهمت بعيونها نصف الارماش =تنظر بحمر خدودها كامل الخمس

    انعم من الديباج وابيض من الشاش =واحمر من التفاح وانور من الشمس

    اصفى من الجوهر به اللون يهتاش=واطرى من الياسين تجفل من اللمس


    واتمنى منكم المزيد عن هذا الشاعر العملاق ,,,,,,
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]قصائد وافيه للشاعر الرائع ..
    خالد بن عقاب المرشدي العتيبي ..
    لاهنت ياصنديد العصمه وبيَض الله وجهك ..
    ...[/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • صنديد العصمه
      عضو فضي
      • May 2008
      • 251

      #3
      ووجهك ابيض يابو مشعاب
      ومشكور على المرور,,,

      تعليق

      • الامير حريبيش

        رابطة محبي الهيلا

        • Jan 2007
        • 1071

        #4
        صنديد العصمه لا هنت علي النقل المميز

        تعليق

        • صنديد العصمه
          عضو فضي
          • May 2008
          • 251

          #5
          الامير حريبيش


          الله يعطيك العافيه ومشكور على مرورك ياالغالي.....

          تعليق

          • الطيار007
            عضو نشيط
            • Jun 2008
            • 41

            #6
            [align=center]الله على القصايد الجميله للعملاق خالد المرشدي

            مشكور لك اخوي
            [/align]

            تعليق

            • صنديد العصمه
              عضو فضي
              • May 2008
              • 251

              #7
              [align=center]
              تم النشر في الأصل بواسطة الطيار007 عرض المشاركة
              [align=center]الله على القصايد الجميله للعملاق خالد المرشدي

              مشكور لك اخوي
              [/align]

              مشكور على مرورك ياغالي
              [/align]

              تعليق

              • السبيــــعي
                عضو ممـــيز
                • Jan 2008
                • 2949

                #8
                [align=center]الله

                صح الساان شاعرنــاا ..
                قصايد راائعة بروعة نااقلها

                لاتحلامنا جديد يابعدي
                [/align]

                تعليق

                • عبدالله الجـــذع
                  مشرف منتدى قصه وقصيده
                  • Sep 2007
                  • 8093

                  #9
                  الشاعر خالد الكسر
                  شاعر جميل جدا

                  الف شكر كل يالغالي

                  ننتظر جديدك

                  محبك
                  .,
                  قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


                  .
                  قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
                  فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

                  .

                  موقع يضم جميع القراء


                  هنا

                  تعليق

                  • صنديد العصمه
                    عضو فضي
                    • May 2008
                    • 251

                    #10
                    [align=center]
                    تم النشر في الأصل بواسطة السبيــــعي عرض المشاركة
                    [align=center]الله

                    صح الساان شاعرنــاا ..
                    قصايد راائعة بروعة نااقلها

                    لاتحلامنا جديد يابعدي
                    [/align]

                    مشكور على مرورك الرائع
                    [/align]

                    تعليق

                    • صنديد العصمه
                      عضو فضي
                      • May 2008
                      • 251

                      #11
                      [align=center]
                      تم النشر في الأصل بواسطة عبدالله الجـــذع عرض المشاركة
                      الشاعر خالد الكسر
                      شاعر جميل جدا

                      الف شكر كل يالغالي

                      ننتظر جديدك

                      محبك
                      .,


                      مشكور على مرورك ياغالي
                      [/align]

                      تعليق

                      العمل...