قصيدة مجاراه لقصيدة عبدالمعين الثعلي

طي
X
 
  • التوقيت
  • إظهار
مسح الكل
المشاركات الجديدة
  • ابن سهاج
    شـــاعــر
    • Mar 2003
    • 172

    #1

    قصيدة مجاراه لقصيدة عبدالمعين الثعلي

    السلام عليكم ورحمة الله وبركاته.................

    هذه قصيدة للشاعر: حمود زايد العيه الدلبحي مجاراه على قافية وقصيدة
    الشاعر عبد المعين الثعلي.......وتتحدث عن نفسهاااااااااااااا


    ياقلب دوبك والقوافي تحداك //// دوبك ولابه قاف" يصعب علاكا
    عبد المعين اللي بيوته على ياك //// قافه لذيذ وذقت منه الهلاكا
    ياقاف لو انك بسوق" جلبناك ///// كل"يبا قربك وكل" يباكا
    وياعدّ لو انك مخيف" وردناك //// ولا قيل جانا فاللزوم ارتباكا
    وياقلب ماوالله بيوم" عصيناك //// اعطيك ماتطلب وجالك مناكا
    ابحث عن المطلوب وادوّر رضاك //// ورضاك عند اللي سطع في سماكا
    ماضنتي ياقلب خلك بينساك //// ارسله المكتوب مع ذا وذاكا
    ارسل مراسيلك وعبّر بدعواك //// وقله ترى المرسل يتله هواكا
    وقله ترى خلك وصل حد الادراك//// ماأقساك في خلك وماصعب جزاكا
    وضّح تواصيفه وسرّك لذولاك //// بالخافي المقصود واللي دعاكا
    يازين ماينلام قلب" تمناك //// في ذمتي يازين ماكثر حلاكا
    لو اقدر الهجران مثلك هجرناك ////ارفق على خلك وش اللي دهاكا
    كن القمر خمسة عشر في محياك //// واسود سواد الليل ناعم غطاكا
    وكن العسل يازين يصنع من شفاك //// وعروق قلبي(موتت)من ظماكا
    وعينك وعين اللي على الوكر بشباك //وردف" شلع بالثوب نابي وراكا
    سبحان منهو ياأريش العين سواك //// وياسعد من يرعاك واللي رباكا
    وجدي على قربك ووجدي بلاماك//// ووجدي على ماكون داخل حماكا
    وصدر" كما التفاح(لارحم مجناك) //// وأنعم من الديباج لمسة يداكا
    ولجلك نظمت القاف كله لعيناك //// واكثر طعون القلب همسة نباكا
    لو اكثر التوصيف تتعب مزاياك //// ولاحد" دخل بين الحنايا سواكا
    يارود،ياريحان،يامسك،ياراك //// وجدي على ماقضي حياتي معاكا
    يادر،ياياقوت،يالول،مغلاك //// كل الجواهر ماتجي مستواكا
    نصف الجمال اللي يذكّر تغشاك //// والنصف الاخر في مواطي خطاكا
    يمناي تشفق يالصغير ليمناك //// (والبرد اكلني طامع" في دفاكا)
    جعل العذارى ياغصن موز تفداك //// (واستثني امي والبقايا فداكا)
    ياقل جنسك فالجزيرة وحلياك //// عذبتني يازين ماكثر سحاكا
    ياعنق ريمي" ولحد" تحلاك //// من خلقتك محد" تجرى يراكا
    ولاآمرك في وصلك عليّه ولاانهاك //// كان الحنين اللي وطاني وطاكا
    مالك حلي فالشام وديار الاتراك //// والغرب كله ليا ضواحي سكاكا
    انته ربيت (بنجد) ياحي مرباك //// خشف" ربى في (نجد) وارض الدكاكا
    جعل العذول اللي على البعد وداك / /// اللي قلع يازين عني مداكا
    اللي سعى لاجل القطيعه بفرقاك //// واللي على ماقيل عني نهاكا
    منا عليه تصك بقعا ومناك //// تذرف عيونه طول وقته تباكا
    حتى ليا مني نشدته وش ابكاك //// تذرفه عيونه دم حمر وعساكا


    واستبيح منكم العذر بعدم تنظيم القصيدة بشكل جيد........عليمي فالنت ههههه

    والسلام عليكم ورحمة الله وبركاته...............
  • الباحث الصغير
    عضو نشيط
    • Nov 2003
    • 38

    #2
    سلللللمت يابن سهاااااج .. وصح لسان الشاعر الدلبحي

    فعلا قصيده جزله ذات قافيه صعبه والمجاراه اكثر من رائعه ولاتقطعنا

    من مشاركاتك

    تعليق

    • الخنفري
      عضو فضي
      • May 2003
      • 210

      #3
      صح السانك ابن سهاج

      ولسان قايلها الدلبحي

      والله لا يهينك على النقل

      تقبل تحياتي :اخوك الخنفري

      تعليق

      • نايف الفرو
        عضو
        • Jan 2004
        • 3

        #4
        صح لسانك يا بن سهاج و لسان من قالها وبيض الله وجهك

        تعليق

        • ابن سهاج
          شـــاعــر
          • Mar 2003
          • 172

          #5
          حياك الله يالباحث الصغير

          الله يسلمك ياخوي الباحث (الكبير).........................

          ويشرفني ويسعدني مرورك الكبير..............

          اخوك فهد العضياني

          تعليق

          • ابن سهاج
            شـــاعــر
            • Mar 2003
            • 172

            #6
            حياك الله الخنفري

            حياك الله اخوي الخنفري والله لايهينك................

            وصح لسان قائلها الشاعر ابو زايد.............ومرة اخرى حياك الله واسعدني

            مرورك...............

            تعليق

            • ابن سهاج
              شـــاعــر
              • Mar 2003
              • 172

              #7
              هلا اخوي نااااااااايف

              الله يسلمك اخوي ناااااااايف الفرو.............وصح لسان قائلها.......

              وسعدت بمرورك...............

              تعليق

              • متعب العضياني
                عضو ماسي
                • May 2003
                • 707

                #8
                ابن سهاج

                الله يعطيك العافيه
                وصح لسان قايل القصيده
                وصحيح انها قصيده قافيتها صعبه لايقولها الاشاعر متمكن
                وتقبل تحياتي

                تعليق

                العمل...