ثواب بن طنف رحمة الله

طي
X
 
  • التوقيت
  • إظهار
مسح الكل
المشاركات الجديدة
  • ضاامي وفااا
    عضو ماسي
    • Jan 2008
    • 623

    #1

    ثواب بن طنف رحمة الله

    [poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
    الهوازنيــه
    سبحان محي الارض من بعد موتها = ولولا العنايه كان ماخضر عودها
    حنت عليها المرزمات الغوادي = يرجع بها المسني ليا اوحى رعودها
    كن البرد حول الحصى حين ينتثر = جوهر عذارى نثرت من عقودها
    غدرانها سفاح تزهى رياضها = ريح العوالي في المحاني تذودها
    تغرد بها الاطيار من كل ناحيه = من الطرب حدارها وسنودها
    تلعب بها الاشواق حتى تجاوبت = واسترسلت من شوقها مجهودها
    وجاوبتها بالصوت ماني بعاشق = لكن افكار الضماير تعودها
    ان جيت ابا اقهرها تضايق بها الحشا = وان جيت اناحيها تزايد ورودها
    كنيتها في خاطري واتعبتني = ولاتختفي دعوى تبين شهودها
    تسعى لنا الدنيا وتطوي عمارنا = وبيض الليالي ماتعلم بسودها
    عزوم ٍليا قفت غرورٍ ليا اقبلت = مكارةٍ بواقةٍ في عهودها
    ان جيت احاربها واحارب نعيمها = روحي تباها والاماني تقودها
    وان قلت اجد السير اباها تعذرت = وهي نومست ناسٍ هتيله زنودها
    تنومس هتيل حربته لابن عمه = دايم مولمها وراكز عمودها
    دايم مولمها ويطعن بها القفا = والطيبه من خلقته ما يفودها
    وعزي لقومٍ ينزل البغض بينهم = بالتفرقه والبغض تشمت حسودها
    ومن عرض اقرابه لعوج الطلايب = يذهب معزتها ويكثر زهودها
    ويقطع هبيلٍ حكمته عند حرمته = يبدي لها سده وتبدي سدودها
    على بساط البحث بينه وبينها = يبدع لها كلمه وياخذ ردودها
    حتى ايش لو كانت حياته طويله = عسى حفرته في سرع تطوى لحودها
    وترى تفاصيل الرياجيل واجد = يتعب مغنين المثايل عدودها
    عرفت لي منها معاني كثيره = خابر ثعالبها وخابر فهودها
    ترى الثعالب ما تغير عيالها = لو كان تنقش بالزمرد جلودها
    والحر الاشقر ما سكن فوق عرفجه = لو كان مالت بالثماري فنودها
    ومن لاتنقى في المناسب تندم = وروح الفتى تزهيدها ما يزودها
    واناعتيبي من سلالة هوازن = ربعي عوايدها الفخر من جدودها
    ما نوشي الفتنه ولا نحرث الردى = ولا نهاب اليا تسامت وقودها
    ان ميل الميزان من قوم يمنا = صبرنا لها لوكان كبرت لهودها
    وان ميل الميزان منا على العدا = نروي من السم السقطري كبودها
    رسمنا الثلاث البيض في الجاهليه = واقرها الاسلام واثبت حدودها
    من لاومن جاره فلا هو بمؤمن = واهل الشرف للجار تبذل جهودها
    ومن لا اكرم اضيفان ما هو بمؤمن = واهل الكرم جادت على قيس جودها
    ومن لا يعدي عن خويه بسيفه = خساره على سبلاه تسكن خدودها
    ساهمت باابيات الشعر في محلها = مع جملة الشعار لا جت وفودها
    نفخر باصالتنا ويفخر مليكنا = تحت راية التوحيد ثابت وجودها
    ملكنا امام الشعب قايد جيوشه = فيصل سعدها في ليالي سعودها
    واخوانه الاحرار نصره على العدا = نمورٍ يقهر كل طاغي صمودها
    والمملكة من غربها لين شرقها = ان حك حيدٍ حيد حنا جنودها
    اموالنا وارواحنا فدوة لها = نسخى بها لسهالها واحيودها
    ويحرم عليها ما تزين لغيرنا = لو غطرفت بقعا وساقت قعودها
    تمت وصلى الله على خيرة الملا = اللي هدى الكونين بامر معبودها[/poem]
  • البريماني

    رابطة محبي الهيلا

    • Jan 2008
    • 1684

    #2
    قصيده كبيره للشاعر المرحوم بأذن الله ثواب الجعيد

    مشكوررررر ياضامي وفا على النقل الموفق

    تعليق

    • وافي الخماش
      عضو ممـــيز
      • Apr 2008
      • 4089

      #3
      صح لسان ابن طنف
      ونسأل الله الرحمه له ولجميع اموات المسلمين ..

      مشكور ولا هنت ..

      تعليق

      • ضاامي وفااا
        عضو ماسي
        • Jan 2008
        • 623

        #4
        مشكورين على المرور

        تعليق

        • /عبد العزيز الجذع/

          رابطة محبي الهيلا

          • Apr 2008
          • 7289

          #5
          بارك الله بك , شكراً أخي الكريم

          تعليق

          • محمد العتيبي

            مشرف منتدى شعراء قبيلة عتيبه

            • Mar 2005
            • 10789

            #6
            [align=center]الله يرحمه ..
            تسلم يداك يالغالي ..
            ...
            [/align]
            [align=center][/align]








            [align=center]للتواصل عبر twitter تويتر


            al_bargawy@
            [/align]

            تعليق

            • ضاامي وفااا
              عضو ماسي
              • Jan 2008
              • 623

              #7
              مشكور ولا هنت ..

              تعليق

              العمل...