خـــــــلف بن هذال ويفشل المقلدون

طي
X
 
  • التوقيت
  • إظهار
مسح الكل
المشاركات الجديدة
  • خالدالروقي
    موقوف لمخالفة الأنظمة
    • Feb 2007
    • 119

    #1

    خـــــــلف بن هذال ويفشل المقلدون

    [align=center]خلف بن هذال شاعر الوطن ويفشل المقلدون..
    ..[/align]


    [poem=font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يالله يالله فزعتك يارحيم وياودود=ياكريم عند دفع المصايب يسألا
    ياجوادٍ كل جاد من جودك يجود=يامشّرفنا بحمل الكتاب المنزلا
    ماسجدنا إلا لوجهك لطاعتك السجود=بأمرك احداث الليالي تحلّ وتفتلا
    إلتفتنا للحرايب ووثقنّا القيود=خطةٍ تبرم وتضرم وجهدٍ يبذلا
    حرّك الفتنه عميل الشيوعي واليهود=هامل الجدّين مسرج ظهور الهملا
    جعل يوم جاب صدام يومٍ مايعود=المشاكل تصطلي والخطر منه إصطلا
    إعقلوا عدو الإسلام بعقال القعود=خلّوا النازي يشمّ التراب مكبلا
    إنشق البارود حتى يطيب لنا الكبود=وإسحب أذيال الهزيمه وناد إلك إزملا
    أنت حربك خاسره لو حشدت أكبر حشود=مقبرتك إمهده عاجله ماتجلا
    تنتظرك النار بين النصايب واللحود=قاتل المسلم يمرّ القصاص ويقتلا
    الهوى والنفس غرّتك يالنجس الحقود=تذبح الأطفال والناس والمرضعات الرملا
    مثل غاز الخردل اللي هجدت به الرقود=الطيور تموت والناس ووحوش الفلا
    أنت ماتربطك معنا مواثيق وعهود=الخيانه تربطك مع قليلين الحلا
    وانت سرد عراق مالك يمين ولا شهود=ماتصّدق لو تعاهد وتحفظ بكفلا
    وأنت شخصية ثعل منت سد من الأسود=عدّل المكياج شخصك بشخصين بدلا
    وأنت شخصك مزدوج لاتقاد ولاتقود=الحيا عن كل وجهك تجلا وإنجلا
    وجهك اسود مثل ليلك لك الأيام سود=حافله بعلوم فيها العواقر حِملا
    ماخبرنا بباطل ساد والله مايسود=إنتصار الحق مضمون رغم السفلا
    كان لك تاريخ في مزبلة عاد وثمود=منكرٍ ماودعك ربك وماقلا
    يوم ولّعت الفتيله وقرّبت الزنود=ثلث جيشك عندنا اسرى وثلثين قتلا
    طلقةٍ في راسك الصبح تطلقها الفرود=وطلقةٍ في راس حنّا وطلقه في علا
    سدنا ماهرفلو به رديين السدود=حظنا عالي وفي قمّة العز إعتلا
    من تلّوى في ذرانا يبى يلقى سنود=كم غريبٍ في حمانا نسى الهم وسلا
    ربما من ضارةٍ نافعه تبني وجود=وإن دعتنا المعركه مرحباً وأهلاً هلا
    ياوطنا ياوطنا عمت عين الحسود=ماتهزك لازوابع ولا غدر عملا
    ياوطنا لاتزعزع وحنّا لك جنود=البلا نصب فوقه مقابيس البلا
    غطرفي يابنت وأرمي علينا بالورود=وإرقدي بأمان رب السماوات العلا
    أمرحي بآمانا عن ملطّمة الخدود=يوم جيش الرافدين إبتلانا وإبتلا
    كل ماذعذع من الشرق ولاّ الغرب نود=إحترك زرع المحبه وبالطيب إمتلا
    السراه تعاكس الريح عن صحراء النفود=والخليج وساحل البحر الأحمر ماجلا
    البلاد مقيم ومكرّسين لها الجهود=والوكيل الله ولا ضاع للحق وكلا
    والعدا لاتشتبه في الخوراط والحدود=الحدود من الحديده إلى أقصى كربلا
    قِد رفعنا في سماه العلم فوق العمود=بين رجم من الجماجم وحشد من الملا
    وقعةٍ زلزالها مثل زلزال الرعود=في نهارٍ فيه صمّ الرمك ترم الفلا
    ملحمين سيوفنا في المناكب والعضود=ومطعمين رماحنا بالقلوب وبالكلى
    ياكلاب المجزره يامسّحبة الجلود=الخلا عن دارنا والخلا مير الخلا
    كلنا الخفجي ولا عنك يالخفجي صدود=قطعةٍ منّا وفينا وعدت مجمّلا
    وكلنا للتضحية والتصّدي والصمود=من يريد منازلتنا نقوم له إنزلا
    مادخل في صفنا مرجفون ولا شرود=تعقل العيّال منّا وحنّا العيّلا
    الشجاعه ورث أهلنا جدودٍ عن جدود=للعوارف دار ندوه وللجهل جهلا
    كل مدرك يعلم إنا على الشِطه نزود=والسفيه نخاطبه لاولالا وألف لا
    قادنا فهد بن عبدالعزيز بن سعود=وإقتنعنا بالقياده وأخذ منا الولا
    الزعيم اللي عن العرب وأوطانه يذود=قايدٍ للحرب والضرب يِتلا ماتَلا
    عزِك الله ياملكنا وللكايد تكود=ضاع كيد دماغ غِلٍ تغلغل ثم غلا
    إحتميت الأرض والعرض والدنيا ركود=والوطن فينا بدم القلوب مسجّلا
    وياحرسنا فيك أملنا على النصر معقود=أنت رمز أمجادنا والشعار الأمثلا
    مومن تصمد لنص الصوادر والورود=بالأمانه والفدا والجهاد محمّلا
    فاد عن شبه الجزيره ولاتخلف وعود=العمل الحين وشوي ماهوب أولا
    وإلبس أنواط الشرف والكرامه والخلود=ماتقوم إلا تجيب اللزوم مكمّلا
    وجّه النيران وإسحب من المجرم وقود=طِق راس الشر والكيف جاك مهيّلا
    ريّسك ولي عهد الفهد ذخر الفهود=من نواه بسو يهزم ذليل ويخذلا
    ابو متعب قاسي الباس حلال العقود=طيب المبدا طويل الذراع الأخطلا
    وعشت ياسلطان قدّ المهمه والقدود=ابو خالد فيه كل الدفاع إمثلا
    ويحفظ الله بدر نايب وبالفضل محمود=نايب محبوب وبه النجاح مكللا
    وسمّ ياطيّار وإصعد وعادتك الصعود=خلّ الأرض مزلزله والحريب مزلزلا
    واصل الغارات وإخذ القنابل بالردود=هِلها فوق المسّلح وخلّ العزّلا
    ماذكر بالحنظله غصن ينفع منه عود=شجرةٍ لاشرب فيها ولا فيها كلا[/poem]
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]خالد الروقي بيّض الله وجهك على المجهود الطيب يالغالي ..
    وصح لسان شاعر الوطن الكبير : خلف بن هذال العتيبي ..
    واسمحلي بتنسيق القصيده
    تقديري واحترامي لك ..
    ...
    [/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • وافي الخماش
      عضو ممـــيز
      • Apr 2008
      • 4089

      #3
      صح لسان ابو هــذال

      مشكور ولا هنت يالذيب ..

      تعليق

      • عبدالله الجـــذع
        مشرف منتدى قصه وقصيده
        • Sep 2007
        • 8093

        #4
        [poem= font="Simplified Arabic,5,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        ياوطنا ياوطنـا عمـت عيـن الحسـود=ماتهـزك لازوابـع ولا غـدر عـمـلا
        ياوطنـا لاتزعـزع وحنّـا لـك جنـود=البـلا نصـب فوقـه مقابيـس البـلا [/poem]


        الله على ابوهذآل

        شاعر فوق الوصف

        الف شكر لك ياخالد يالغالي
        محبك

        ,’
        قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


        .
        قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
        فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

        .

        موقع يضم جميع القراء


        هنا

        تعليق

        • فهد النفيعي
          مشرف سابق
          • Dec 2005
          • 11363

          #5
          ياوطنا ياوطنا عمت عين الحسود ماتهزك لازوابع ولا غدر عملا
          ياوطنا لاتزعزع وحنّا لك جنود البلا نصب فوقه مقابيس البـلا



          صح لسان ابو هذال وهذه القصيده من ايام ازمة الخليج عز الله انها مدويه

          تعليق

          • خالدالروقي
            موقوف لمخالفة الأنظمة
            • Feb 2007
            • 119

            #6
            تم النشر في الأصل بواسطة ابومشعاب عرض المشاركة
            [align=center]خالد الروقي بيّض الله وجهك على المجهود الطيب يالغالي ..
            وصح لسان شاعر الوطن الكبير : خلف بن هذال العتيبي ..
            واسمحلي بتنسيق القصيده
            تقديري واحترامي لك ..
            ...
            [/align]
            بيض الله وجـــــــــــــــــهك من من بحر جـــــــــــده للدمام على التنسيق

            تعليق

            • القادم بقوة

              رابطة محبي الهيلا

              • Jan 2008
              • 2463

              #7
              صح لسان شاعرنا خلف
              ويا حبي له


              ومشكور يا ولد روق (خالد)

              تعليق

              • /عبد العزيز الجذع/

                رابطة محبي الهيلا

                • Apr 2008
                • 7289

                #8
                صح لسان شاعر الوطن..

                ولاهنت ياخالد على الاختيار الموفق..

                تعليق

                • ابن مشيب
                  إدارة أقسام القبيلة
                  • Nov 2002
                  • 9791

                  #9
                  صح السان ابوهذال , شاعر تميز عن بقية الشعراء , وسوف تخلد اشعارة في عالم الأدب , ولاتجد شخص من متابعي الشعر , الا وقد حفظ للشاعر الكبير / خلف بن هذال ابيات عديدة من عدة قصائد , والله لايهينك على هذه المشاركة ياخالد


                  تحياتي

                  تعليق

                  • نجر بن هاجد
                    موقوف لمخالفة الأنظمة
                    • Oct 2007
                    • 1701

                    #10
                    لاتعليق كبير ابوهذال وب تبقى كبيري حتى لوقلدك ورعن صغيري

                    تعليق

                    • حازم عباطه
                      عضو
                      • Oct 2008
                      • 2

                      #11
                      بيض الله وجهك ياخالدوخلف شاعركبير قصايده كلهاتعجبني
                      ومنهابيت عن فرض ربي ماتهاون ولاغيب مكه وانافنقرترا قبلت الي

                      تعليق

                      • الـثـقـفـي
                        عضو ماسي
                        • Oct 2007
                        • 533

                        #12
                        مشكوووووووووووور ..وبيض الله وجهك ...على المجهود الطيب
                        وصح الله اللسان شاعر الوطن ...خلف بن هذال العتيبي
                        تم التعديل الأخير بواسطة الـثـقـفـي؛ 25-Oct-2008, 08:26 PM.

                        تعليق

                        العمل...