ديوان الشاعر :ملفي بن مزيد المورقي العتيبي ..

طي
X
 
  • التوقيت
  • إظهار
مسح الكل
المشاركات الجديدة
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #1

    ديوان الشاعر :ملفي بن مزيد المورقي العتيبي ..

    [align=center]السلام عليكم ورحمة الله وبركاته :

    اود ان اطرح بين ايديكم عدد من قصائد الشاعر الرائع
    الشاعر ملفي المورقي .. اتمنى ان تنال اعجابكم ..
    [/align]
    [align=center]قصيده يمتدح بها الشاعر قبيلته :[/align]


    [poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    مـادام كـلٍ قـام يـمـدح قبيلـتـه=ويذكـر مناسبهـا ويذكـر فعولهـا
    إلي الفخر في مـدح ربعـي عتيبـه=اللي تسلسل مـن هـوازن أصولهـا
    ربعي هل التاريخ والعـز والفخـر=ليا مـن دقـت للحرايـب طبولهـا
    إلها إسمها الرنان مع ساير العـرب=ليا ضيقت بعض العـرب صوتولهـا
    مثـل الجبـال الشامخـه فالجزيـره=متراميه عرض الجزيـره وطولهـا
    من قو هيبتهـم ومـن قـو باسهـم=كل الديـار اللـي يبـون وصلولهـا
    إليا ساقو العطفه وسارت جموعهـم=الأرض ترجف من حوافر خيولهـا
    تمشـي برغبتهـا وتمشـي بكيفهـا=ما كن إبه ناسٍ مـن النـاس حولهـا
    لين إنها وسط الجزيـره تمركـزت=وشرت على أطراف الجزيره نزولها
    هيـلا ً علـى ماقـال الاول مهيلـه=تطـول غايتهـا ولاحـدن يطولهـا
    بحدب السيوف اللي تجـاذب قنيبهـا=وشلفٍ عريضـاتٍ وسـاع دحولهـا
    مـا تأكـل الا كـل شيـخٍ مجـرب=تخلي عن الخيل الأصايـل حمولهـا
    يوم إنهـم هـاك الليالـي تحـدروا=مثل المـزون اللـي تدلـت ثعولهـا
    بروقها بيـض السيـوف الرهايـف=ورعودها العزوه ليا ضاق جولهـا
    وثعولهـا البـارود عنـد انصبابـه=والدم مـن فعـل النشامـا سيولهـا
    هـذا وأنـا ملفـي فعايـل عتيـبـه=ليا من جات المعضـلات إرتكولهـا
    ومن لاذ بحماهم من الخـوف يامـن=تضفي عليه عن البـلاوي سدولهـا
    يصير فـي عيطـا ً قـوي حجاهـا=تحجي وتذري من دخل في كفولهـا
    من طيبها ينسب لهـا عـدة اسمـى=أسمىً دواليب الدهـر مـا تزولهـا
    ذكرت منها البعض والبعض الآخـر=ما أوفي حروف رسالتي لين أقولهـا
    ذباحـة الحايـل ولطامـة الـعـدا=حتـى نعاتيـت الطغـاه إشهدولهـا
    قـدم العـدا نـار قـوي جحيمهـا=وقدام وجه الضيـف زيـنٍ قبولهـا
    أبوابهـم طـول الليالـي مشـرعـه=مـا حلجـوا قـدم المسيـر قفولهـا
    وإن جاهم الطرقي لقى العود والشبب=ودلال رسـلانٍ تعـاقـب بدولـهـا
    يكيـف الضرمـان خنـة عبيـرهـا=أهل الكـرم والمكرمـات إتعبولهـا
    وكل السلوم الطيبـه مـن سلومهـم=أسلومهـم سـارت ونالـت قبولهـا
    كم اصلحوا من مشكله غير الاخرى=الصلح مـن بيـن القبايـل ميولهـا
    ربعي سراج الدين في ظلمة الجهـل=ما تمشي الا مـا مشابـه رسولهـا
    قلته وانـا شاعـر وامجـد قبيلتـي=اللي مـن الحكمـه ثقـالٍ عقولهـا
    والشاعر اللـي مـا يمجـد قبيلتـه=يا عنك مـا ثمـن مسـاع سعولهـا
    همه ليا غنـى القصيـد لمصالحـه=يا كل به العيشه ويعـرف دخولهـا
    في مدح ربعه مـا تدرهـم قصايـده=وفي غيرهم محفٍ سمـاري ذلولهـا
    ما يـدري الدنيـا رحـىً مستديـره=يمكن عليه تدور مـا حـال حولهـا
    واختامها مني صـلاة علـى النبـي=شفيـع الأمـه يـوم يـزداد هولهـا [/poem]



    [align=center](( انا بنجد وصاحبي يم جده ))[/align]


    [poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    اسلم وسلملي علـى مـن نـوده=قلبي مـود وزايـد ٍ فـي وداده

    قلبي مود وزايـد ٍ فـوق حـده=ووداد خلانـه شـرابـه وزاده

    ود السـلام لداعـج العيـن وده=مانسنس الغربي وذعذع بـراده

    الحبل من بيـن المحبيـن مـده=ياموصل ٍ في كل حبـل ٍ زيـاده

    انا بنجـد وصاحبـي يـم جـده=مبعد بلادي عن ضواحي بـلاده

    ود الخبر يمـه وعطنـي مـرده=اضني اشعر بالفـرح والسعـاده

    ذكرني البـارق جبينـه وخـده=براق مزن ٍ قايـد الخيـر قـاده

    والاشقر اللي فوق متنـه يكـده=ذيل الحصان اللى تزايد طـراده

    لاجيت اصد عن الهوا ماش صده=قلبي من الغالـي تمـزع فـؤاده

    واما رحمني لعنبـو جـد جـده=وراه مابلـغ لقلـبـي مــراده [/poem]



    [align=center] (( والله وما قالت ))[/align]




    [poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    والله ومـا قالـت بخـط الصداقـه=اللي يجي للشرق الأوسط من الغرب
    فيـه العلـوم الساذجـات الدقاقـه=متعلقه بالجمع والطـرح والضـرب
    عساه مـا يفتـح فالإسـلام طاقـه=ونصير جربٍ كلبونا مـن الجـرب
    ياواحـدٍ مثلـي تشيـل البطـاقـه=أبعد بروحك لا تجي ساحة الحـرب
    وإن كـان مشتـاقٍ تسـوي علاقـه=المجد قدامك ونـورٍ علـى الـدرب
    [/poem]


    [align=center](( قالوا تودّ ؟ ))[/align]


    [poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    قالـو تـود وقلـت ود ٍ يـهـوّل=ما مثل ود ٍ في ضميري و لا ود
    لا وقتنا الحاضر ولا الوقت الأوّل=مافيه من وده تجاوز وراء الحـد
    ياكود انـا وأظـن ودي مطـوّل=حيثه مواريثٍ عن أباء وعن جـد
    أحب لـي ملحـاً قراهـا متـوّل=من شافها بالعين ما أغضى ولاصد
    راع النظـر لازم عليهـا يحـوّل=ملحاً سنادٍ زينـت العنـق والخـد
    وان ساقهاالراعي يباهـا تجـوّل=قامت تهوس تقول فيهـا ولا بـد
    ماكنها الا مـن حـلال المعـوّل=سلطـان والا فهـد إبـن محمـد
    يازينهـا قـدام ابوهـا تـشـوّل=إليا إنطلق ثعله على اللحي وإنهـد
    وغـدى بفنيـات صوتـه يمـوّل=يجـرّ موّالـه ويزبـد ويـرعـد [/poem]

    [align=center]
    (( قصيده في صاحب السمو الملكي الامير سلطان بن عبدالعزيز آل سعود ))[/align]




    [poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    سلام يامـن عـم الأجـواد جـوده=كم خيّر يكرم ومـن جودكـم جـاد
    سيرتك مـع كـل العبـاد محمـوده=ياطيب المبـدى وياريـف الأجـواد
    لو عدّت أفعالـك ماهيـب معـدوده=ماعدّهـا راوي وكاتـب وقـصّـاد
    قـولٍ صناديـد النشامـا شـهـوده=مـا ينقـده ياسيـدي كــل نـقـاد
    ما فيه من وصفك توصـل حـدوده=أطيب هل التوصيف من ينصف الماد
    لاكن شـيٍ فـي ضميـري يـروده=من وصف كساب الثناء راع الأمجاد
    لو هاجسي مـا كـل شـي يقـوده=لاكن فـي سلطـان يمشـي وينقـاد
    هـداج تيمـاء اللـي تداحـم وروده=تضربه الأمثـال فـي بـر وبـلاد
    من جاه يشرب منـه كنـه يـزوده=جمه بحـر مـا ينقصـه كـل وراد
    ولا خيـالٍ مـا تــرزم رعــوده=وبـلٍ يهـل بـدون بـارق ورعـاد
    مسمّـرِ صـدره وبيـضٍ خـدوده=متعزّلٍ بيـنٍ علـى روس الأشهـاد
    يمطـر وساكـرةٍ ذعاذيـع نــوده=سحٍ عدق ضافٍ على الحضر والباد
    يحي الهشيم اللي رعى السوس عوده=من عقب سيله كـل الأنعـام تزتـاد
    خالقـك ربٍِ مـاش حـالٍ يكـوده=لأمة محمـد كلهـا عـون وإمـداد
    يالله طلـبـة عـابـدٍ لمـعـبـوده=ياواحـدٍ مالـك شريـكٍ ولا أنـداد
    تعـز أبـو خالـد وتبقـي وجـوده=شوفه ربيع ونور وأفـراح واعيـاد
    ويبقى علمنـا شامـخٍ فـي عمـوده=للمسجدين ولأرضهـا درع واسنـاد [/poem]

    [align=center]
    مساجله بين الشاعر :ملفي المورقي والشاعر الكبير : عبدالله بن نايف
    بن عون العتيبي .
    [/align]


    [align=center]قصيدة الشاعر ملفي المورقي :[/align]


    [poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يقول المورقـي يـاالله ياللـي=علـى كـل المخاليـق متعلـي
    لتنجيني مـن الحـب وعذابـه=بعدفـي غبتـه حولـت كـلـي
    من اول كنت طيـب وامتعافـي=ماغيراقـرا كتـاب الله واصلـي
    ماعرف اهل المحبـه والمحبـه=واقول لمن عشق جعلـه يولـي
    كمنـي ماعرفـت اللـي بقلبـه=ولاادري وش يشيل ووش يخلي
    مـن الدنياوصكـات الـبـلاوي=واثروضـع المهـاوي مايسلـي
    والاياعاشـق ٍضليـت الومـك=تعال وشوف بالله وش حصلـي
    ماغير اهرف سوات اهراف ذيب ٍ=من الحره علـى نجـد متدلـي
    نزل يـم الخطرمـن كثرجوعـه=يبايافرس مـن المـال المفلـي
    وقلبي كـل يـوم يزيـد همـه=ولاضنيـت هـمـه بمتجـلـي
    من اسباب الهوى الله لايعـوده=هوى راع الحجـاج المسفهلـي
    وابوقـرن ٍ لياهـلـه وحــوّل=كماثعـل الخيـال المستهـلـي
    وخـد ٍ مثـل نـور البدرنـوره=علـى كـل الديرنـوره مطلـي
    هـذا ماغيرموجزمـن وصوفـه=وصـوفـه مايحليهاالمحـلـي
    ولكن كـل الاوصـاف الحميـده=بهازيـن التواصيـف متحلـي
    رماني فـي هـواه الله يصيبـه=يصيبه مثل يـوم انـه حبللـي
    يقول اني معك فالحب مخلـص=لكن اثره ماهوب بمخلص ٍ لـي
    تغيربيـن يـوم وبيـن ليـلـه=وطارن له طوارن ماطـرن لـي
    مـن اول كـل ماجيتـه مسيـر=ياعرضني ومـن قلبـه يهلـي
    ويضحك ضحكة ٍتنعش فـوادي=الـذ شـوي مـن درالمتـلـي
    لكـن اليـوم قـام يصدعـنـي=ولادري هوجـفـا والاتغـلـي
    ضحكلـي ليـن وهقنـي وقفّـا=وخلانـي طريـح ٍفـي محلـي
    وانامدري لو ان الزيـن مجبـر=على فعله هذاه من اللـي اللـي
    يباني ما التفـت بالعيـن يمـه=واجوزمن الهوى واطوي سجلي
    ولالي غير ابا استفـزع رفيقـي=يعاونّّي على احـوال ٍجـراً لـي
    والاياصاحبـي عبـدالله اسمـع=تراي من الهـوى يزتـاد ذلـي
    اخاف ان الهوى يلحـق عليـه=واروح ضحيّـة ٍلعيـون خلـي
    لكـن الحـق عليّـه يابونايـف=ترا ماالسالفه ضحـك وتسلـي
    ولوماقدجـرالـك مـاجـرالـي=كتـمـت السرلويزتـادغـلـي
    لكـن الحـب قدلوعـك قبلـي=والا يامجـرب اللوعـات قلـي [/poem]


    [align=center]رد الشاعر عبدالله بن عون :[/align]


    [poem=font="Simplified Arabic,5,purple,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    عسامامن كلف ياشاكـي ٍلـي=بشكـواًَ لاتـكـل ولاتمـلـي
    تماسي بالمسى جـاري جهيـم=و تشكيله وتصبح جاهـم ٍلـي
    تناديناباسامـيـنـاوتـنـخـا=سوات اللي خلاف الجيش خلي
    اثرمالـك علـى الفرقاجـلاده=صميلك ضيق مدري مضمحلي
    وانايالمورقـي والله مالومـك=على ماجـاك مـن فرقامسلـي
    عشير ٍعلقت روحـك بروحـه=على عرش الغـرام المستقلـي
    وانايامامـن الخـلان قبـلـك=شكولي في ليال ٍقد مضـا ًلـي
    شكولـي ميرانامافـي يدينـي=لمبلي الهـوى ربـط ٍ وحلـي
    ولوشكـواك هـذي يارفيقـي=يـدل بنورهـا اللـي مايدلـي
    بعدناجيتهاعـادة هجـوسـي=والامثال الجسام استعرض ٍلـي
    وتخيرت الطويلـه والجميلـه=وهن عجلات عين يركـد ٍلـي
    وبعدماحزتهـن حوزالجـوازي=علـى النوزالبعيدورايـع ٍلـي
    رزيت اللي رزيت وجيت ضاوي=معي من روسهن دق ٍ وجلـي
    وانا محتـج ياملفـي بحجـه=عليك ان كان تقبل حجـة ٍلـي
    مبي في تالـي الدنياشكـاوي=ولاضيـف ٍيصيرمعـزب ٍلـي
    بعدحوّلت عن ركـب المحبـه=وقصرت الرجل اباكوده يزلـي
    تجي واتشب في روحي شراره=وتشعل نار عشق ٍ مضمحلـي
    عسـا عـذراً كودبالنارقلبـك=بزين الهرج والرمش المضلـي
    تسويبـك سـوات العامـريـه=بقيس وماتسـوي جايـز ٍلـي
    وتذوق اللي من اللوعات ذقنـا=ويجري لك عذاب ٍجـاري ٍلـي
    بوقت ٍفـات يـوم ان المحبـه=على وضح النقاعشق وتعلـي
    اجاحد مالجابي مـن صوابـي=ولاتبدي ضروفي خافـي ٍلـي
    واودع هـم واستقبـل زميلـه=همـوم ٍذايـشـدوذا يحـلـي
    وهوجـاس ٍليامنـه تـعـدى=ليا الهوجاس الاخروالمن لـي
    ولوانك مثل نـاس ٍلاشكولـي=يخمـون المعلـي والمـدلـي
    حصل لك منـي المردودصـده=وتجاهل ليـن ياملفـي تملـي
    لكن اسلوبك الطيـب جذبنـي=ونضم بيوتك اللي وجهن لـي
    بيوت ٍمـن سمعهـن يجعلنـه=ينادي ذيـك ويناجـي هذلـي
    ومني كان مطلوبـك نصيحـه=وتبغامنـي الـراي المعـلـي
    غرام اهل التعارف بالهواتـف=خياراسمـاه عشـق ٍبالتبلـي
    ولايصلـح لمثلـي لاولالــك=ولايستاهـل الرجـل الاجلـي
    وتقبل مني المـردود واسلـم=بلامزلوه ياللـي شاكـي ٍلـي [/poem]

    [align=center](( قصيده في مزاين عتيبه ))[/align]

    [poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياعيدنا اللي صاير(ن) بيـن عيديـن=بين رمضان وبيـن عيـد الضحيـة
    جعلك تعود ليال وشهـور واسنيـن=وحنـا بخيـر ولا رزانـا رزيــه
    نعم بنعـم الضافـي الأمـن والديـن=ماعنـدنـا بغـضـا ولا مكرهـيـه
    في ظل ربـي ثـم بظـل السلاطيـن=العادليـن اللـي ذممـهـم بـريـه
    حكامنا الوافين فـي العسـر والليـن=فـي حكمهـم كـل القبايـل سويـه
    وحنا لهـم طـول الليالـي مطيعيـن=علـى كتـاب الله وسـنـة نبـيـه
    من عهد أبو تركي مقـر الموازيـن=اليـا عيـالـه طيبـيـن السجـيـه
    متكاتفيـنـن كلـنـا ومتصافـيـن=الـرأي واحـد والضمايـر نقـيـه
    سوات هذا اليـوم فالمحفـل الزيـن=اللي حضرنـا فيـه مـن كـل نيـه
    في أربع ميه وإلف وثمنيه وعشرين=في شهر عشره وسط نجـد العذيـه
    مسجل(ن) فـي قلوبنـا والدواوييـن=مايمحـي مادامـت الشمـس حيـه
    مزايـن الهيـلا للأبـل المزايـيـن=أهل الحـلال اللـي قليـل(ن) حليـه
    سود(ن) وواضح(ن) غاليات المثامين=وشعل(ن) وصفر(ن) فيهن الجاذبيـه
    نسع الغـوارب ضافيـات العرانيـن=وظهورهـا فيهـا تقاعـس شويـه
    معمقـات(ن) مـن خيـار البعاريـن=ماحولـت فيهـا الزمـول الـرديـة
    ومن السطر فيهـا تـدك المياديـن=عسكـر ولـو ماتعـرف العسكريـه
    تعمل عروض خلاف ويسار ويميـن=تقـول راعيهـا مــدرب سـريـه
    والوحـده منهـا تراعيـه بالعـيـن=تقول تضـرب لـه سـلام وتحيـه
    ماجـات معنـا بالتسلـف وبالديـن=والا عطـن مصفـوط والا هـديـه
    اللي ورثها من رجـال(ن) مسميـن=وصية(ن) يوصـي عليهـا وصيـه
    واللي دفـع فيهـا مئـات الملاييـن=ويقـول مهمـا سقـت فيهـا بليـه
    والبـل تـرى ماتؤخـذ الا بثنتيـن=شي(ن) مجرب من علـى الجاهليـه
    أمـا بنثـر الـدم يـوم الأكـاويـن=ومصافق الفريـس صبـح وعشيـه
    والا قناطير الذهـب والذهـب ويـن=يخلـي النـاس الفـقـارى غنـيـه
    وحنـا كسبناهـا مـن أول وذلحيـن=بالجهـد وعـزوم الرجـال القويـه
    وقمنـا بواجبهـا كـلام(ن) بتثميـن=واللـي يسـوي مثلنـا حـي حيـه
    مرباعنا عرعر وأبا القـور ويميـن=اليا الحجـر ومـن تحتهـا شويـه
    وأن صار للصيف المبكـر وداديـن=علـى العبـال الشاسعـات الخليـه
    جاتك تخافـق مخزيـات الشياطيـن=تبغا الجنـوب اللـي تطـارد نصيـه
    وأن صار يامشكاي وجه الدهر شين=وضاعت علوم اللي يسـوق المطيـه
    علـى مصارفهـا بربـي قوييـنـن=درك عشاهـا لـو نباتـه اوقـريـه [/poem]


    [align=center]اتمنى ان ينال اعجابكم ..
    ...
    اخوكم
    ابومشعاب[/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    الله..الله...الله..الله

    ابومشعآب

    لاهنت ديوآن مليء بالشعر الجزل والأبيآت الجميله

    اكرر شكر لك

    وصح لسآن الشآعر ملفي المورقي

    ولي رجعه على القصآئد

    محبك

    ,
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • محب الهيلا
      عضو ممـــيز
      • Nov 2007
      • 20292

      #3
      [align=center]مشكور ويعطيك العافية
      على هالقصائد الرائعة
      [/align]

      تعليق

      • وافي الخماش
        عضو ممـــيز
        • Apr 2008
        • 4089

        #4
        الله

        الله

        عرفت من تختار لا هنت ومشكور يالذيب ..

        تعليق

        • /عبد العزيز الجذع/

          رابطة محبي الهيلا

          • Apr 2008
          • 7289

          #5
          قصائد رائعة...


          لاهنت يابو مشعاب...


          وصح لسان ابو وافي..


          تحياتي...

          تعليق

          • محمد العتيبي

            مشرف منتدى شعراء قبيلة عتيبه

            • Mar 2005
            • 10789

            #6
            تم النشر في الأصل بواسطة عبدالله الجـــذع عرض المشاركة
            الله..الله...الله..الله

            ابومشعآب

            لاهنت ديوآن مليء بالشعر الجزل والأبيآت الجميله

            اكرر شكر لك

            وصح لسآن الشآعر ملفي المورقي

            ولي رجعه على القصآئد

            محبك

            ,

            [align=center]
            الشكر لك انت على مرورك الرائع ..
            وحياك الله بأي وقت ..
            تحيتي ..
            [/align]
            [align=center][/align]








            [align=center]للتواصل عبر twitter تويتر


            al_bargawy@
            [/align]

            تعليق

            • محمد العتيبي

              مشرف منتدى شعراء قبيلة عتيبه

              • Mar 2005
              • 10789

              #7
              تم النشر في الأصل بواسطة محب الهيلا عرض المشاركة
              [align=center]مشكور ويعطيك العافية
              على هالقصائد الرائعة
              [/align]
              [align=center]
              الله يعافيك على مرورك الرائع ..
              تحيتي لك يالغالي ..
              ...
              [/align]
              [align=center][/align]








              [align=center]للتواصل عبر twitter تويتر


              al_bargawy@
              [/align]

              تعليق

              • محمد العتيبي

                مشرف منتدى شعراء قبيلة عتيبه

                • Mar 2005
                • 10789

                #8
                تم النشر في الأصل بواسطة وافي الخماش عرض المشاركة
                الله

                الله

                عرفت من تختار لا هنت ومشكور يالذيب ..
                [align=center]
                وافي الخماش ..
                الشكر الجزيل لك على مرورك الجميل ..
                تحيتي وتقديري ..
                ...
                [/align]
                [align=center][/align]








                [align=center]للتواصل عبر twitter تويتر


                al_bargawy@
                [/align]

                تعليق

                • عمر الدغيلبي
                  مشرف سابق
                  • Dec 2006
                  • 2015

                  #9
                  الله الله

                  لاهنت يا ابو مشعاب

                  بيض الله وجهك

                  طرح مميز

                  اختيار موفق

                  إلى الإمام يا ذيبان
                  [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
                  في منتدى الهيلا زحول الرياجيل = بيت القبيله و النشاما إرواقه
                  يزينه حرصه لزين التماثيل = ويجمله نبذ العلوم الدقاقه[/poem]

                  تعليق

                  • محمد العتيبي

                    مشرف منتدى شعراء قبيلة عتيبه

                    • Mar 2005
                    • 10789

                    #10
                    تم النشر في الأصل بواسطة عمرالعتيبي عرض المشاركة
                    الله الله

                    لاهنت يا ابو مشعاب

                    بيض الله وجهك

                    طرح مميز

                    اختيار موفق

                    إلى الإمام يا ذيبان

                    [align=center]
                    هلا غلا ياعمر ..
                    ووجهك ابيض ياكحيلان ..
                    وكل هذا تعليمك يااستاذ
                    تحيتي وتقديري لك
                    [/align]
                    [align=center][/align]








                    [align=center]للتواصل عبر twitter تويتر


                    al_bargawy@
                    [/align]

                    تعليق

                    • الاصمعي
                      عضو ذهبي
                      • Sep 2005
                      • 316

                      #11
                      [align=center]صح لسان الشاعر الكبير ملفي بن مزيد المورقي العطاوي العتيبي على القصايد الجزله وخصوصا قصايد المزاين والقبيله مشكور يابومشعاب على ذوقك الرفيع .[/align]

                      تعليق

                      • محمد العتيبي

                        مشرف منتدى شعراء قبيلة عتيبه

                        • Mar 2005
                        • 10789

                        #12
                        [align=center]الشكر لله تعالى ثم لك على مرورك ومشاركتك
                        الرائعه ..
                        تقديري واحترامي ..
                        ...[/align]
                        [align=center][/align]








                        [align=center]للتواصل عبر twitter تويتر


                        al_bargawy@
                        [/align]

                        تعليق

                        • نايف بن ملحق الثعلي
                          شـــاعــر
                          • Mar 2007
                          • 2120

                          #13
                          ابو مشعاب بيض الله وجهك
                          وصح لسان الشاعر الكبير ملفي المورقي
                          وهو علم من اعلام الشعر
                          ما هوب لازم توقيع00

                          تعليق

                          • ابو سعد العتيبي
                            عضو
                            • Oct 2008
                            • 12

                            #14
                            ماقصرت بيض الله وجهك

                            تعليق

                            • محمد العتيبي

                              مشرف منتدى شعراء قبيلة عتيبه

                              • Mar 2005
                              • 10789

                              #15
                              تم النشر في الأصل بواسطة /عبد العزيز الجذع/ عرض المشاركة
                              قصائد رائعة...


                              لاهنت يابو مشعاب...


                              وصح لسان ابو وافي..


                              تحياتي...


                              [align=center] الرائع مشاركتك يالغالي ..

                              شكرا لك
                              ...[/align]
                              [align=center][/align]








                              [align=center]للتواصل عبر twitter تويتر


                              al_bargawy@
                              [/align]

                              تعليق

                              العمل...