ديوان الشاعر خلف هذال

طي
X
 
  • التوقيت
  • إظهار
مسح الكل
المشاركات الجديدة
  • فالح بن مسيب الدحيلي
    عضو فضي
    • Aug 2007
    • 253

    #1

    ديوان الشاعر خلف هذال

    [align=center]شاعر الوطن :

    خلف بن هذال العتيبي
    [/align]







    [poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يا لله بما إنك من النكبات تامنا=والدار بحماك تمنها وتامنها
    لأوامر القائد الا على تمثلنا=أرواحنا في سبيل الله نعربنها
    بقيادة الفهد شلنا الصوت وأذنا=على المنابر تلج ابنا مآذنها
    وإن كان صاح الفهد صاحت قبايلنا=بالصيحة اللي جميع الكون يذعنها
    صيحة ندى والفدا فن ولنا فنا=فينا فنون المعارك ونتفننها
    وإليا نخانا ولي العهد ثمنا=النخوة اللي على الوقفة نثمنها
    حوله ومن حول من حوله تكونا=جزمه ولزمه وضربات نعينها
    وإلى اعتزى النائب الثاني تزهلنا=لمصامخ المعتدين وقصف أماكنها
    والمملكة في حمانا حيث ماكنا=بالدم نسقي ثراها وانتحضنها
    فرض علينا وعهد قد مضى منا=إنرد بالنار هجمات العدا عنها
    صنا المشاعر عن أشرار العدا صنا=عنها الشوارب إلى فتلت نحسنها
    مكة وطيبة لنا والنا وغضب النا=ترسانة الدين للعالم نترسنها
    على الجزيرة بحزم وعزم هيمنا=تفخر بنا فايسر العربان وايمنها
    بالعدل والعرف والحكمة تسلطنا=نترك كثير الامور ونأخذ احسنها
    لاهانت بلاد اخونوره ولا هنا=الجوخه اللي لبسنا من بطاينها
    دار ربتنا وضمتنا وفضلنا=الموت فيها ولا نجس يدرنها
    دار على خدها الطاهر تمكنا=فيها ومن فوقها نحفظ توازنها
    يا دار طير السعد والعز لك غنى=حلو الأناشيد بأصوته يلحنها
    يا دار ما تقتحمك الأنس والجنا=دونك عيال تفادي عن مواطنها
    ذباحة الحيل وأهل الهيل والبنا=نطاحة القوم حماية ظعاينها
    في سوق جاتك ماهوب بسوق هونا=تحمى علمها وإلى ماتت يكفنها
    إن دندنت طبلة الحراب دندنا=بآيات حق على وبلال دندنها
    كم من حريب تورط في حبايلنا=حبايل من اسلوب الحرب نتقنها
    جاك امتنكس ويخسر من يراهنا=مثل الذبيحة بأسافلها نكر عنها
    واليادعا من يشيل الحمل له شلنا=ارقابنا في حياض الموت ترسنها
    وحنا على جبهة الغازي تكامنا=حاضر بحاضر عدانا ما نعاينها
    وحنا ليا عدت فعول العرب حنا=انساند العرب وندعم تضامنها
    وحنا اليا انحلت الآسرة تعاونا=وقمنا على جمعها حتى نحصنها
    وحنا ليا اشتدت الأزمة توصلنا=على حلول العقود اللي تهونها
    وحنا ليا جاتنا الغلطة تحملنا=الاوله نباع الغلطه ونعلنها
    وأن جاتنا الثانية .. لا ماتماهنا=بالسابقة نسحب الأخرى ونقرنها
    وراعي الغلط معقول ومثنى=يلقي الحقايق وبعيونه يعاينها
    نسمع بنبح الكلاب ولا تجننا=الكلب له حربه بكره نسننها
    من دون صهيون .. بذتنا صهاينا=تكفر بالإسلام وتركز كماينها
    الله يا الأنذال يقلع رمسكم عنا=اطماعكم عندنا بانت بواينها
    مع منكرين الصنيع أمست محاسنا=سيات تحكي به العدوان بألسنها
    واليا تضايق غريب الدار يزينا=تدمغ له الروس وأن طالت نطمنها
    لوهي تلين الجبال الصم مالنا=على الحقوق ارتكينا في ممكنها
    يا شيخ جابر لك الله ما تهاونا=الفهد يأكد لك العودة ويضمنها
    ياشيخ والله زعلك اليوم مزعلنا=والمهزلة والمهونة مانواطنها
    ابشر بنصر يشيد فوق ويبنا=بأيدي رجال محكحكة معادنها
    ترجع لدارك وهذي من صمايلنا=خطوة وسطوة وتاريخ يدونها
    ما دام معك الفهد لا يلحقك ظنا=أبشاية الله كويتك لزم تسكنها
    والقصر دسمان تجلس به وتتهنا=لابد من فرحة تطفي غباينها
    بالغش يال*** والخدعة مباطنا=تطوي سيورك على الفتنة وتدهنها
    بمعاملات اليهود .. اثرك تعاملنا=تطمع بجارتك يالخاين وتطعنها
    سلب النسا وانتهاك العرض غابنا=اعمال سوء لك الشيطان زينها
    مخزي ومذنب ولا تقدر تقابلنا=تجمع فرايسك يا لحصني وتدفنها
    صبحت معروفنا وامسيت خاينا=بغداد تلعنك يالفاجر وتلعنها
    جاني وفي المجتمع منبوذ ومجنا=شعبك بري منك والنخوة بري منها
    كفك ملطخ بدم الشعب ومحنا=ما عاد تنظف يمينك لو تصوبنها
    حنا حميناك يوم اعلنت واعلنا=بالحرب جتك أسلحتنا من مخازنها
    بالمعركة لك ثمان اسنين مشغلنا=ولك القوافل مداومة مكاينها
    هذا جزى ما فعلنا من جمايلنا=تحشد علينا جنودك وانت خاينها
    لك يوم محتوم تصغر به وتتمنى=ما كنت فوق الوجود ولك نقننها
    عليك باسم الله اكبر من تضامنا=بالأرض سبع الفواسق وانت ثامنها
    ياشعب دجلة ترى موطنك موطنا=لا ترخص الروح للمجرم وترهنها
    احسن تقولون : سل السيف واقتلنا=في حكم مجنون لا يأمر ولا ينهى
    الواجب انك على وصلك تواصلنا=ازحف على طغمة الطاغوت واطحنها
    والياقمعتوه لا عرج ولا ثنى=نقص على ظاهر الدنيا وباطنها [/poem]


    [align=center]
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ[/align]
    [poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    على الراعي سلام من الرعيه سنة الرحمن=من السنه سلام و للرعيه عاش راعيها
    رعاه الله إمام المسلمين و للوطن عنوان=و رمز و نور نجد و عز حاضرها و باديها
    حضرنا للتراث اللي يمثل ماضي العربان=و لا يبقى للأمة قيمةٍ من دون ماضيها
    صحيح من قرا التاريخه يلقا به عربان و أوطان=قرونٍ حافله ما يمكن التاريخ يخفيها
    هلا و مية هلا بضيوف حلوا في محل إخوان=تراحيب المضيف و بالضيوف الله يحييها
    ملك و جنادريه و الأمان بديرة الإيمان=بلاد السلم و الإسلام و المعبود حاميها
    بلادٍ تطعم الجايع بلادِ تكسي العريان=بلاد آمنه ما روّعت و الأمن كاسيها
    و فيها قبلة المسلم و فيها من ولد عدنان=ميامينٍ تحت راية ملبيةٍ لداعيها
    و فيها شعب وافي و الوفاء ورثه من الجدان=على الشدات يرسي مثل ما ترسي رواسيها
    و فيها من ملوك العرب من قادوا رسن و عنان=ميامينٍ تحت راية ملبيةٍ لداعيها
    حموا شبة الجزيرة من جيوش الظلم و الطغيان=قياداتٍ تعاقب بأول الهجرة و تاليها
    نفوز بشوف عبدالله و شوفه يرضي الزعلان=ليا شفناه كنا نملك الدنيا و ما فيها
    تهاتف له جماهيره و تعزف له طرب و ألحان=أناشيد الفرح بحضور سيدها تغنيها
    له بالفعل الجميل و له جزيل الشكر و العرفان=تحيات الثناء للقائد الأعلى نثنيها
    تغشى سيدي بالورد و اليشموم و الريحان=على روس الأصابع صاحب الخبرة منقيها
    تقدم في طبق لولو و بروازه من المرجان=هدية شاعر لمربي الأجيال مهديها
    ملك نعم الملك شيخ الشيوخ مشيّخ الشيخان=ملك كل القلوب و يملك الغالين غاليها
    فتح صدره و رحب بالجموع و شرع البيبان=تجي و تقابله و تروح مقنعها و مرضيها
    تمد له القدح فاضي و ترجع بالقدح مليان=عزيز النفس وجه و جاه و القدحان ماليها
    شجاع مع كرم و الظفر منجا و الكريم معان=عيون يذر فيها الشب و عيون يداويها
    مواقيفه يسربها الصديق و تقهر العدوان=على وجه تباشير السعد تبدي مواريها
    ملك مؤمن ملك مخلص ملك مدرك بطل ميدان=هذا صقر العروبه الساحه و مخليها
    هذا المصلح هذا المفلح كلام الصدق بالبرهان=سياسة عبقري يرسم الخطة و يمضيها
    ملك مد الجسور و خاطب العالم بكل لسان=طرح كل الدروس و من عظام الراس ممليها
    تحرك و التقا بالشرق من ساسة دول و أديان=و له دينة و له رأي و علاقاتٍ ينميها
    حكيم الرأي في حسم الأمور يقرر الميزان=ليا حطت موازين العرب من بين أيديها
    يدافع عن عقيدة مالها في العالميين أثمان=كرامتنا عقيدتنا نموت و لا نخليها
    علينا ما تهون و من تخضع للهوان يهان=يشوف الذل و يذوق المرارة عقب حاليها
    تحدث عن قضية جوهرية جمدوها أزمان=فراعنة العذاب و بالخراب إبليس مغويها
    رموها و تركوها المفسدين بسلة النسيان=تغط بنوم ما ندري متى الدنيا تصحيها
    يسومون العرب بديارهم سوء العذاب ألوان=عساها للذهاب و يذهب المولى ذراريها
    يحل أبها ما حل بقوم نوح ساعة الطوفان=تساوي بالسيفينة بأمر مرسيها و جريها
    تعدي يالسفينه و أعبري بحكمة الربان=على بر الأمان مبرمج الرحله يقديها
    حفظك الله ملك ياللي خذيت الشعب بالأحضان=قريب منه و كمومك على العورات مضفيها
    على جنبك ولي العهد أخو نايف و أخو سلمان=رجل طيب و شخا و إن كبرت القاله يلاقيها
    حجا الرملا رجاء الكهل الكبير مغذي اليتمان=تبارك ثم تبارك خطوةٍ سلطان يمشيها
    عيال موحد الملك العظيم مشيّد البنيان=على الدين الحنيف يسير و النيه مصفيها
    صبي توحيد و موحد و له قدر و مكان و شان=يقيم الشفع ثلث الليل و الآيات يتليها
    صدق من قال خلص حاجتك بالسر و الكتمان=ليا بنات خصائص حاجتك وشلون تقضيها
    شهر عبدالعزيز لما كره مثل أشقر الجنحان=مخاليبه من الفرسات أخو نوره محنيها
    حمل روحه على كف شباب بزهرة الريعان=سواة مغامري من غير أبو تركي يسويها
    يبي حلمٍ كبير و من وراه و دونه الفرسان=نشامى تجلتد و الموت الأحمر في يمانيها
    ثلم حدب السيوف المرهفات و كسر العيدان=مداغيش العيال اليا اعتزت سكت عزاويها
    هجد فوق الصويتيه و ريمه و الجمل ريمان=على ظهور الأصايل يأخذ الصحراء و يطويها
    هجيج من المضحا للمعشى كنها غزلان=يسوج بطانها ببطونها و الليل ضاويها
    عرايب من ركايب و الركايب من ركاب عمان=تقول إن الوحوش مع الخلا الخالي تباريها
    ما جاته بالسوالف و العوافي جت بصفق أكوان=معارك طاحنه و العج شمس الظهر غاطيها
    تزوع أبها العقول الراسيه و تشيّب الولدان=بها سود النواصي عوّدت بيضٍ نواصيها
    جلا وجه الحياة و غاب وجه الفقر و الحرمان=و أزال الخوف و أعلن دولته و أصبح مسميها
    و أببعث من فؤادي ما أختزن شوقي من الوجدان=على قوم توارت في سنه ماني بناسيها
    فقدنا بالخليج و بالجزيرة للديار أركان=سلاطينٍ تساقط كيف ما نحزن و نبكيها
    رحل عنا أربعه و الأربعه عدل و عطا و إحسان=من الدنيا خلت و لا تخلت عن مباديها
    فهد و شيوخنا جابر و ابن راشد و ابن سلطان=رجالٍ سطروا لشعوبها مجد يكفيها
    رجال الخير و التدبير و التطوير و العمران=بنت بلدانها بنيٍ يخلها بأساميها
    ألا يالله تجزا المحسنين العفو و الغفران=تلهمها و الصواب و من عذاب النار تنجيها
    إله الكون تمنحنا مزيد الصبر و السلوان=بعدهم و أنصر الحيين و أدحر كيد أعاديها
    كريم القوم لا كرمته ملكته لك يصير مدان=هل المعروف لو هي بالقبور الذكر يحييها
    و إن أكرمت اللئيم و طال عرفه صد عنك و خان=عليك يدوّر العثرات و الحسنات غاويها
    و من لا يذكر الله و يتذكر ما فعل شيطان=ردي الحظ دايم للأذى نفسه معنيها
    تحملنا و لا عاد نتحمل و المغطى بان=مبيتة الخدع في حقدها و الحقد معميها
    و من ينوي لنا بشر هذا جاهلٍ غلطان=و نقول إله جاهل و الجهالة لا تطريها
    و لا نجهل و إلا يجهل علينا كاينٍ من كان=ماهي بعلوم جهال حجاويها تسليها
    و لا ضاعت حقوق و لا طلب من حقوق إنسان=حقوق الناس قبل حقوقنا حنا نبدّيها
    صحافات تصدر بالفلس و الخزي و الخسران=بضاعه فاسده خسران بايعها و شاريها
    دعايات تروجها العدا بالزور و البهتان=خرافه في صحافه مع مهب الريح نرميها
    يبرّي ذمته من قال أنا صاحب قلم فهمان=يفكر في الحقائق و يتحقق قبل يبديها [/poem]

    [align=center]
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ[/align]
    [poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    السلام ولا سهى القلب عن ذكر الإله=ربنا اللي نزّل اقرا و علّم بالقلم
    جل شانه في جلاله تبارك في علاه=منفرد بالغيب يعلم ولا غيره علم
    نسأله عفوه و لطفه صمد ما احدٍ سواه=صوّر الانسان وانشأ وجوده من عدم
    نطلبه الجنة و نرجيه من النار النجاه=في نهارٍ فيه خصمٍ اذا خاصم خصم
    فوق عرشه مطّلع يستجيب لمن دعاه=ناصر المظلوم منزل عقوبة من ظلم
    القمر خمسة عشر مستهلٍ في سماه=في جماله في كماله تهلل و ابتسم
    و الوطن بايدي امينة تربّت في حماه=ذخر فتّاك الركايب اليا ازبد و التطم
    البطل يذكر و يشكر على سعيٍ سعاه=بالعزيمة جاب ما غاب يوم انه عزم
    اعلن الوحدة بيومٍ ملى الدنيا صداه=رُسمت الخطّة على عين رسّامٍ رسم
    ثبّت المبنى على ساس يرحم من بناه=صرح شامخ ما تزعزع كيان ولا انقسم
    المؤسس من نشد عنه تكفيه الرواه=و اسأل التاريخ و الوسم و أسم اللي وسم
    استرحنا تحت امانه و نمنا في ذراه=تو ذقنا العافية تو ما ارتد النسم
    البشير يجيب بشرى و يفرح من نصاه=ابشروا بالخير و الشر ولّى و انهزم
    الوطن عهدة فهد ما مشى الوالد مشاه=حارسٍ مامون دون المحارم و الحرم
    له علينا مبايعة و الولاء والله ولاه=من وفى بالعهد للفهد والله ما ندم
    يوم جندنا المبدا رفيعٍ مستواه=نخدم الاسلام و لخادم الكعبة خدم
    مرخص الغالي لشعبه وهذا من وفاه=رافع المبنى للاوطان يبني ما هدم
    مكرمٍ يعطي و نعطي العطايا من عطاه=كاسب المعروف رجل المروة و الكرم
    الكريم ليا حلب في قدح فاضي ملاه=راعي الكرما فهد و الفهد حر و شهم
    دين ما مثله ترعرع و حلّق في صباه=يافعيٍ ينزع الحق وان غار انتقم
    طلعته طلع السعد نادرٍ يحمد ثناه=بالشجاعة و البراعة تحلّى و اتسم
    داهية وله الدواهي تخضّع من دهاه=ما تردد في قراره , ليا قرّر حسم
    الوطن ينخى فهد وا هني اللي نخاه=نخوته في ساعة الضيق نخوة معتصم
    الوطن يندب فهد في رجا الله ثم رجاه=ينقذه من غدر قوم و عميلٍ متهم
    للوطن حنا فدا و الملك حنا فداه=الزعيم اللي عن الدين فسّر و احتزم
    يا ملك نِعم الملك يا ملك نخوة و جاه=بالممالك يا ملك كنك الطودة الاشم
    عادتك يا ثالم السيف من روس الطغاه=يا عساه الكسر سيفٍ يعلق ما انثلم
    خل شامان يعلج لا ترده في خباه=لين يروى من حجامة سقيم ما احتجم
    عند باب الحكم سيّاف و الحكم اصطفاه=من تهاون و استمع شور غيره ما حكم
    المواضي تنشر العدل و تعمر الحياه=يستتب الامن بالسيف و ذراعٍ عسم
    حفلنا الليلة يليق بمكانة من رعاه=نايب القايد ولي العهد راعي الشيم
    مرحبا باللي حضر و اسعد ( الباري )مساه=ركن نجد و ركن من يزهمه وقت الزهم
    شيخنا عدل المناكب وقاه الله وقاه=سلمه ربي لخدمة بلاده و العلم
    في سبيل العز بالعز معقودٍ لواه=مجذم الهيجا ليا عودوا خلف الزخم
    طيب الذمة كساه التواضع و اكتساه=ما تباهى و افتخر بالتبجّح و الفخم
    ان زعل نزعل و نزعل و نرضى من رضاه=وان تألمنا تألم و شاركنا الالم
    له عهود وله جنود تقدّر له غلاه=في لزومه يتبع الصف صفٍ منتظم
    سيدي يزهى بك الشعر ما مثلك زهاه=شاعرٍ ينظم من الشعر و اسمع ما نظم
    مخلصٍ يبعث شعوره يا عله يا عساه=يشبع المعنى و يحظى برغبة محترم
    سرت بالتوفيق و يسير من سارت خطاه=في طريقك يمسح الدرب عن شوك السلم
    ابو خالد كم يتيمٍ تبناه و رباه=متّعه عن والدينه و سلّي و انسجم
    يرحم المحروم سلطان و يخفف عناه=سخرة الرحمن والله يرحم من رحم
    طال عمره ما يسويه من خيرٍ كفاه=عن صواديف الليالي و دسعات الرمم
    ما يخطط للعروبة يثير الانتباه=يا رجال ان الفرص يوم تسنح تغتنم
    انظروا بالوضع و استمعنوا ويش السواه=لا يضيع الراي و نضيع و يطيح الهرم
    يجري الماء من تحتنا نراه ولا نراه=العرب تسبح على امواج بحرٍ ما هضم
    العليل ان طوّلت علته يصعب دواه=يسهر الممروض و يموت من طول السقم
    و الورم يكبر و ظني طبيبه ما احتواه=كل ما ينزع ورم بالجسد يطلع ورم
    الوطن ماهو بمرتع خراب لمن بغاه=نحتميه وقد حميناه من ( روم ) و( عجم )
    نتفانى له و نملى المقابر في ثراه=و الذوايد من نصيب الحنادي و الرخم
    من توهق بمغزانا لعن غزوٍ غزاه=ارضنا ما للعدو فوقها ماطا قدم
    الوطن منّا و فينا ولا نلحق جزاه=الامان و لقمة العيش من حمر النِعم
    امة التوحيد حنا وحنا اهل الصلاه=و الزكاة و رمز الاسلام من بين الامم
    لو طغى راعي الهوى ما مشينا في هواه=ما نطيع افكار ملحد ولا نعبد صنم
    من يقابلنا بحجّه نحجّه و نعصاه=بالدليل نخاطب الناس ( لا ) ولاّ ( نعم )
    ما طرقنا بالاذاني لوشوشة الوشاه=قافلين الباب عن كل كذابٍ هيم
    قامت ارباب السوابق تستّر بالعباه=عن عباة الدين يخسون هافين الذمم
    كيف رب البيت ما يدري الا عن عشاه=هو تعشا ! هو تغدا ! على رز و لحم
    و الخطر و الموت بين الغرف يطحن رحاه=ما وعى في مرقده لو يشرّك له لغم
    الابو مسؤول عن ما يدبّر من وراه=سارحٍ في غفلته لا هموم ولا همم
    لو يضيّع شاه كدّر على اهله و إقصراه=و الشباب يضيع و يقول ما ضاعت غنم
    الولد يطلع ولا قيل وش اسم زملاه=اجتماع الذل و العار و التفكير اهم
    صنّع التخريب شين الطبوع ومن خزاه=انطلق به و انتحر بعد ما ظن و زعم
    انه اقرب للنبي وانه اقرب من عصاه=من هباله في خيال الشهيد ليا هجم
    الشهيد اللي عن الدار ياقف ويحماه=من يمينه في صدور العدا يرسل سهم
    كان ما للجاهل أحدٍ يرده عن خطاه=ما بقى عاقل ولا صار للدنيا طعم
    غايب الاحساس يذهب حياته في شقاه=الشقي ما يدرك الحلم خيبة من حلم
    مس سرج ابليس و اطلق عنانه و امتطاه=بالخراب الخايب اما سرى ولا جهم
    منحرف مفسد مراهق موجّه من اعداه=غرّروا به و اغدروا به عساهم للوهم
    امسحوا مخّه و ساقوه عكس الاتجاه=و اصبح المخدوع و امسى عمى و ابكم و اصم
    العمى عمى البصيرة هذا والله عماه=العمى ماهو كفيف البصر دين و قسم
    بس في فعل الردى من امره ومن نهاه=الغبا واهل الغبي لو يفهّم ما فهم
    رايحٍ للهاوية سرمدة ليلٍ سراه=يسري المنجوم و يكذّب انه ما انّجم
    الهدف مشبوه و المشتبه بيّن رداه=للخساسة طافي النار سلّم و استلم
    خارج الملّة مرق يوم ربي ما هداه=بالمصايب و الكوارث نسف كل القيم
    تاجب اللعنة على محدثٍ جانا بأذاه=نشهد انه خان بامانته و اجرم و اثم
    ومن أواه ومن رضي فعلته تبّت يداه=وجهه اسود كحت و اسود سواد من الفحم
    ما درى كبش الفدا لو يقادي للذكاه=و الكلام بخاتم الانبيا تم و ختم [/poem]


    [align=center]
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ[/align]
    [poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    سوو لي الكيف وأرهولي من الدله=البن الاشقر يداوي الراس فنجاله
    كيف لنا نحرقه بالنار ونزله=وليا انقطع لو ورا صنعاء عنينا له
    البارحه الليل ماغمضت به كله=أراقب الصبح جالس واتحرى له
    ابعث شريطن مضى وأطويه وفله=وأقول من يحفظ التاريخ لأجياله
    قل للعراقي يفتش جعبته قله=يلقى بها شي مايطري على باله
    الهم والغم والطاعون والعله=حقه لحاله كفايه حقه لحاله
    من صفعتن ذاقها بانت بها الخله=يذكر هزيمة شهر شعبان وهلاله
    قام الثعل يشتغل ويشاغل الشله=عزت وطارق وعد عدي وأمثاله
    يذبح ويصلخ يده حمراء ومبتله=شي يخلي جبين الحر ينداله
    ياناس ياويل من هذا زعيم له=الشعب في وضع يؤسف له ويرثى له
    شعبن شرب كره وأكل كره كره له=يتفل على صورته ويدوس تمثاله
    تبت يدا ابو لهب تب (ن) وتبله=واللي معه بالحطب للقوم حماله
    مقبل على طبختن بالحيل تعمله=يوخذ بها الثار والثورة تسوى له
    حتى نسيبه ولد خاله تحيل له=لغم له الهليوكبتر وأنشدوا خاله
    الله مايهمل الظالم ويمهله=وأن طال به عمر اخس شوي وأردى له
    الحكم منهار والاحزاب منحله=مخس من حالتن فيها ولا حاله
    من ردى حظه في أهل بيته يزوله=صار الشجر قوم في عيونه يورى له
    من كثر مايرتميه يخاف من ظله=ومن يعلم الغيب لو عدي قتاله
    صدام انا بنشدك وش انت حي إله=مثلك يموت بغبنه وموته اشوى له
    ماعاد تملك من السلطه خبر لله=خارج عن السيطرة دولتك منزاله
    جمع عظامك سوات مجمع الجله=واحرق بها مادرى بغداد برجاله
    الجيش يرزح تحت ذل من الذله=والشعب مسكين تضحك له وتغتاله
    وإذاعتك ياسويد الوجه منشله=ماعندك ألا يا لالا يا لالا لالا
    أي بله اسمعك زين أي بله اي بله=وليا تبين عدو بنا وحنا له
    ماتدري إنا نعقد الحبل ونحله=بالعسر واليسر حلاله وفتاله
    نعسف الصعب ثم يجيك مزين (ن) دل له=اديب مايشتكي عرقوب جماله
    مانقتنع بالهجاد نصبح الحله=مع الغطاليس رجليه وخياله
    والدار ماهيب ياصدام محتله=ما استعمرت قبل حكم العود وعياله
    واليوم عنها نسن السيف ونسله=من شط وأخطى الطريق نصلح احواله
    والفهد تخسى عنه منت بقبيل إله=وطى برجله على غاربك بنعاله
    منته بكفوه ولا شرواك كفو إله=الفهد يكرم عن المشبوه واشكاله
    الفهد عز العرب والعرب عز إله=وكم دولة (ن) تستغيث المال من ماله
    العادل العدل والاسلام شرع إله=ولبيعة المسلمين البيعه أولى له
    ولا انت مهزوم لا مذهب ولا مله=مقطع اربع تطيح بكل محباله
    من ما بظلك تخدع الشعب وتظله=مفسد ويدعى عليك وفهد يدعى له
    وين انت يلي له العذرى تكحل له=يقوم لعيونها وتشوم لافعاله
    من طيب ابوها تبي وصفه حلي إله=يقلط على شوبة البارود وظلاله
    ابيك في لازم (ن) قدك وقد إله=قمر عربسات يبرى لك وتبرى له
    أمر (ن) ضروري وخلك مستعدإله=منته مراسل تجي وتروح برساله
    عندك مهمه وقلبك مابرد غله=جدول مسيرك تعرف العام مدهاله
    اركب على اللي قنابلها من السله=بمكبرات الصور بالجو جواله
    اخذ المدرج وتل بريكها تله=واخفقبها خفقت الكدري لمقياله
    انحر بها خاين النهرين وافطن له=لاذكر بالخير في حله وترحاله
    حدد مكانه بتل سكوب وانزله=انزل رويدا رويدا واكبس الأله
    حربية (ن) عاديه سوداء تسلل له=تسللت من جهة عمان وجباله
    جاته من الغرب عبر اجواء صديق إله=تحمل على متنها حزنه وسلاله
    ترسم هدفها على الليزر وترسله=اشارة الضبط وبالمضرب تهيا له
    ماتحمله ماترفعه ترفعه مترين وتهله=مع ذرة الشمس في قصره تحما له
    تعطيه ضربه تدك القبو بالفله=والشر فاله وفال الله ولا فاله
    من شدة الانفجار اقول باسم الله=تهتز الاهوار والبصرة بزلزاله
    في سبع الارض تحفرله وتدفن له=من تحت الانقاض والانقاذ ما شاله
    ياخذ سنه يلتهب قبوه كما المله=ويذوب صنقل الساعه وسلساله
    ثم خل غيره يشوف ويعتبر خله=واللي يبي مثلها بالحال تثنى له
    الضعف ما حطه الطيب سبيل إله=قد قيل من لايعيل تجيه عياله [/poem]




    [align=center]
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ[/align]
    [poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    على هذا المكان ومن رعاه ومن تربع فيه=سلام وراية الاسلام فوق الراس مرفوعه
    ترف بكل عز وكل مجد وضمها بيديه=امام المسلمين وكلمته بالكون مسموعه
    أخص القايد الاعلى فهد درع الوطن حاميه=من العدوان ما عاثت فلول الشرك بربوعه
    ملكنا اللي نحبه ثم نحبه والغلا نغليه=على دربه نسير ونستنير الدرب بسموعه
    ملكنا اللي يشرف حاضره ومشرفٍ ماضيه=يسجل له مدى التاريخ للتاريخ موسوعه
    ملكنا اللي فتح قلبه لنا يالله لنا تحييه=فريدات الخصايل في مقر العز مجموعه
    يصون مقدسات وبالثبات مخططه ماشيه=عسى أوطانه لبراق الحيا بالرجع مرجوعه
    تمتعنا بعهده بالرخاء والخير والترفيه=شربنا الماء قراح ومدنا وامتد ينبوعه
    ليا صّدر قرار يتم وبريشة قلم يمضيه=يورّد جاري التنفيذ والاوراق مدفوعه
    يوجه ما يوجَّه منفرد بالراي والتوجيه=يحلّ اوضاع غيره ما ابتحل في حل موضوعه
    ليا منّه تنهّض زلزل الغبرا تحت رجليه=يامكبر هيبته والارض تستكلم تحت طوعه
    سعوديٍ ملا الكرسي صحيح ومنصبه ماليه=ليا زمجر وطالع بالسباع تخر مفجوعه
    تليق به القياده والسياده والامن مضفيه=على شبه الجزيرة ساد تشريعه ومشروعه
    بلاده ما يقارب ربع قرن بساعده يبنيه=ولايَتبع فهد يُتبع فهد وخطاه متبوعه
    يعود الراي لاهل الراي واخذ الراي من راعيه=يعد ارياه مفتوله ومثنيه ومربوعه
    بتوع ليا مضى يمضي بسيف العدل ما يثنيه=ليا عدوا قواطيع السيوف ابتر وقاطوعه
    ليا اشتد الخصيم بخصمته من حكمته ينهيه=ينوخ للحقوق وتصبح الحقاد مرجوعه
    جبل راسي ومن طبع الجبل ما يحترك راسيه=ذرى المفزوع واللي طار عنها الستر مفجوعه
    جنودك يافهد شعبك لياطق الحدى حاديه=فداك الامن يفداك الحرس والجيش وفروعه
    عليك براس الافعى ما دفق سمه وكيف وليه=يروّجها الغبي واللي ثقتنا منه منزوعه
    من الضربه يطيح من اوله والحق على تاليه=قبل فتك الافاعي خلها في البيض مخلوعه
    عصابه يا بوفيصل بثت التشويش والتشويه=على ارضك ما لها بيعه ومن بيعتك مخلوعه
    على يمناك اخوك اللي مناظيم السرب تتليه=على اكتافه كبار الواجبات اليوم موضوعه
    تصدى من تعدى ويتحدى والوطن يعنيه=تعبّر كلمةٍ في نشرة الاخبار مذيوعه
    صدق راعي المثل لاركبت حر ارقد ولا توصيه=ولو حددت له رحلة شهر ياتيك باسبوعه
    نرحب في ولي العهد ونحييه وتحييه=جماهير تردد له بيوت الشعر مبدوعه
    هلا يامرحبا واهلين يارجل الوطن ذاويه=بعد هذا الزعيم انت الوطن وحماه ودروعه
    علينا عهد لك ياسيدي والعهد ما نصخيه=عواتقنا قلايدها العهد بايمان مقطوعه
    معك سلطان حماي الحدود ليا احتمى صاليه=يجيب لك القلايع من يدين القوم مقلوعه
    يسلم ثالث الاثنين ويعافيه ويدوّيه=ابوخالد له الهامات بالتقدير مخضوعه
    على الارهاب شنوا حرب شعوا واقطعوا طاريه=تموت الشجرة اللي من عروق الجذع مقطوعه
    على من روّع الصيام خزي ولعنة تخزيه=عسى من راعهم رب الفلق يبلاه ويروعه
    تموت اطفال وتموت النسا فعل طغى طاغيه=بكل الوصف وحش مفترس ويغير بفزوعه
    جريمة ما تشبه بالجرايم يصعب التشبيه=عقول للحدث ما استوعبت خرقا ومصدوعه
    كلام للبعيد وللقريب يسمعه باذنيه=لعله يستفيد ويستقر العلم باسموعه
    نجابه طغمة بان الردى منها ولاتخفيه=هذا والله هو الارهاب مهما يختلف نوعه
    خذت عدوى وجتنا بالوبا من تلمسه تعديه=كفى الله شرها وبقدرة الرحمن مقلوعه
    ملغمة المصاحف ما لها بين الرجال وجيه=هبت والله وجيه للهوى وابليس مركوعه[/poem]

    ــــــــــــــــــــــــــــــــــــــــــــــــــ ـــــــــــــــــــــــــــــــــــــ



    [poem=font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يالله يالله فزعتك يارحيم وياودود=ياكريم عند دفع المصايب يسألا
    ياجوادٍ كل جاد من جودك يجود=يامشّرفنا بحمل الكتاب المنزلا
    ماسجدنا إلا لوجهك لطاعتك السجود=بأمرك احداث الليالي تحلّ وتفتلا
    إلتفتنا للحرايب ووثقنّا القيود=خطةٍ تبرم وتضرم وجهدٍ يبذلا
    حرّك الفتنه عميل الشيوعي واليهود=هامل الجدّين مسرج ظهور الهملا
    جعل يوم جاب صدام يومٍ مايعود=المشاكل تصطلي والخطر منه إصطلا
    إعقلوا عدو الإسلام بعقال القعود=خلّوا النازي يشمّ التراب مكبلا
    إنشق البارود حتى يطيب لنا الكبود=وإسحب أذيال الهزيمه وناد إلك إزملا
    أنت حربك خاسره لو حشدت أكبر حشود=مقبرتك إمهده عاجله ماتجلا
    تنتظرك النار بين النصايب واللحود=قاتل المسلم يمرّ القصاص ويقتلا
    الهوى والنفس غرّتك يالنجس الحقود=تذبح الأطفال والناس والمرضعات الرملا
    مثل غاز الخردل اللي هجدت به الرقود=الطيور تموت والناس ووحوش الفلا
    أنت ماتربطك معنا مواثيق وعهود=الخيانه تربطك مع قليلين الحلا
    وانت سرد عراق مالك يمين ولا شهود=ماتصّدق لو تعاهد وتحفظ بكفلا
    وأنت شخصية ثعل منت سد من الأسود=عدّل المكياج شخصك بشخصين بدلا
    وأنت شخصك مزدوج لاتقاد ولاتقود=الحيا عن كل وجهك تجلا وإنجلا
    وجهك اسود مثل ليلك لك الأيام سود=حافله بعلوم فيها العواقر حِملا
    ماخبرنا بباطل ساد والله مايسود=إنتصار الحق مضمون رغم السفلا
    كان لك تاريخ في مزبلة عاد وثمود=منكرٍ ماودعك ربك وماقلا
    يوم ولّعت الفتيله وقرّبت الزنود=ثلث جيشك عندنا اسرى وثلثين قتلا
    طلقةٍ في راسك الصبح تطلقها الفرود=وطلقةٍ في راس حنّا وطلقه في علا
    سدنا ماهرفلو به رديين السدود=حظنا عالي وفي قمّة العز إعتلا
    من تلّوى في ذرانا يبى يلقى سنود=كم غريبٍ في حمانا نسى الهم وسلا
    ربما من ضارةٍ نافعه تبني وجود=وإن دعتنا المعركه مرحباً وأهلاً هلا
    ياوطنا ياوطنا عمت عين الحسود=ماتهزك لازوابع ولا غدر عملا
    ياوطنا لاتزعزع وحنّا لك جنود=البلا نصب فوقه مقابيس البلا
    غطرفي يابنت وأرمي علينا بالورود=وإرقدي بأمان رب السماوات العلا
    أمرحي بآمانا عن ملطّمة الخدود=يوم جيش الرافدين إبتلانا وإبتلا
    كل ماذعذع من الشرق ولاّ الغرب نود=إحترك زرع المحبه وبالطيب إمتلا
    السراه تعاكس الريح عن صحراء النفود=والخليج وساحل البحر الأحمر ماجلا
    البلاد مقيم ومكرّسين لها الجهود=والوكيل الله ولا ضاع للحق وكلا
    والعدا لاتشتبه في الخوراط والحدود=الحدود من الحديده إلى أقصى كربلا
    قِد رفعنا في سماه العلم فوق العمود=بين رجم من الجماجم وحشد من الملا
    وقعةٍ زلزالها مثل زلزال الرعود=في نهارٍ فيه صمّ الرمك ترم الفلا
    ملحمين سيوفنا في المناكب والعضود=ومطعمين رماحنا بالقلوب وبالكلى
    ياكلاب المجزره يامسّحبة الجلود=الخلا عن دارنا والخلا مير الخلا
    كلنا الخفجي ولا عنك يالخفجي صدود=قطعةٍ منّا وفينا وعدت مجمّلا
    وكلنا للتضحية والتصّدي والصمود=من يريد منازلتنا نقوم له إنزلا
    مادخل في صفنا مرجفون ولا شرود=تعقل العيّال منّا وحنّا العيّلا
    الشجاعه ورث أهلنا جدودٍ عن جدود=للعوارف دار ندوه وللجهل جهلا
    كل مدرك يعلم إنا على الشِطه نزود=والسفيه نخاطبه لاولالا وألف لا
    قادنا فهد بن عبدالعزيز بن سعود=وإقتنعنا بالقياده وأخذ منا الولا
    الزعيم اللي عن العرب وأوطانه يذود=قايدٍ للحرب والضرب يِتلا ماتَلا
    عزِك الله ياملكنا وللكايد تكود=ضاع كيد دماغ غِلٍ تغلغل ثم غلا
    إحتميت الأرض والعرض والدنيا ركود=والوطن فينا بدم القلوب مسجّلا
    وياحرسنا فيك أملنا على النصر معقود=أنت رمز أمجادنا والشعار الأمثلا
    مومن تصمد لنص الصوادر والورود=بالأمانه والفدا والجهاد محمّلا
    فاد عن شبه الجزيره ولاتخلف وعود=العمل الحين وشوي ماهوب أولا
    وإلبس أنواط الشرف والكرامه والخلود=ماتقوم إلا تجيب اللزوم مكمّلا
    وجّه النيران وإسحب من المجرم وقود=طِق راس الشر والكيف جاك مهيّلا
    ريّسك ولي عهد الفهد ذخر الفهود=من نواه بسو يهزم ذليل ويخذلا
    ابو متعب قاسي الباس حلال العقود=طيب المبدا طويل الذراع الأخطلا
    وعشت ياسلطان قدّ المهمه والقدود=ابو خالد فيه كل الدفاع إمثلا
    ويحفظ الله بدر نايب وبالفضل محمود=نايب محبوب وبه النجاح مكللا
    وسمّ ياطيّار وإصعد وعادتك الصعود=خلّ الأرض مزلزله والحريب مزلزلا
    واصل الغارات وإخذ القنابل بالردود=هِلها فوق المسّلح وخلّ العزّلا
    ماذكر بالحنظله غصن ينفع منه عود=شجرةٍ لاشرب فيها ولا فيها كلا[/poem][/QUOTE]

    ــــــــــــــــــــــــــــــــــــــــــــــــــ ــــــــــــــــــــــــــــــــــ
    [poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    الكنـق والله كنقنـا ياهـل الكنـق=كنق الشرف ماهي سواليف ومزوح

    يحكم بحد السيف ماصـدر الشنـق=راع المظالم قدمـه البـاب مفتـوح

    قالوا تعرف السنق قلت الغنا سنـق=ربابتي جلد الحويـر علـى الـوح

    قلت البكا قالولي اسمه كـرا ينـق=هذي دموعي تسقي الخـد وتفـوح

    تخنقني العبراتـساعة مشـى خنـق=كن مافي دمعـة العيـن مصلـوح

    ياللي ضحي السبت سافر على بنق=يحفظك ربٍ بالسفينـه حفـظ نـوح

    ليتك تسلملي علـى ناحـل العنـق=سلام روحٍ تشرح الحب عـن روح

    حب الغضي في لنق والكون في لنق=وانا شهد ان اللي سبالعقل مملـوح

    إ ن سال قله بيـن ميـدن وريدنـق=وان مانشد عني مجمـل ومسمـوح [/poem]




    [align=center]
    شاعر الوطن :خلف بن هذال العتيبي ..[/align]
  • وافي الخماش
    عضو ممـــيز
    • Apr 2008
    • 4089

    #2
    لا هنت يالذيب على النقل المميز ..

    تعليق

    • /عبد العزيز الجذع/

      رابطة محبي الهيلا

      • Apr 2008
      • 7289

      #3
      بارك الله بك , شكراً أخي الكريم

      تعليق

      • محب الهيلا
        عضو ممـــيز
        • Nov 2007
        • 20292

        #4
        يعطيك العافية

        تعليق

        • عمر الدغيلبي
          مشرف سابق
          • Dec 2006
          • 2015

          #5
          لاهنت يا فالح

          وبيض الله وجهك

          جهد مميز تشكر عليه

          وسيتم تنسيق القصائد بعون الله

          وإضافة الديوان لدواوين شعراء عتيبه
          [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
          في منتدى الهيلا زحول الرياجيل = بيت القبيله و النشاما إرواقه
          يزينه حرصه لزين التماثيل = ويجمله نبذ العلوم الدقاقه[/poem]

          تعليق

          • فالح بن مسيب الدحيلي
            عضو فضي
            • Aug 2007
            • 253

            #6
            شكرن اخوي عمر على العبارات الانسانيه وهذا حافز من حوافز التواصل والتقدم بارك الله فيك

            تعليق

            • فهد النفيعي
              مشرف سابق
              • Dec 2005
              • 11363

              #7
              لا هنت على النقل المميز

              تعليق

              • محمد العتيبي

                مشرف منتدى شعراء قبيلة عتيبه

                • Mar 2005
                • 10789

                #8
                [align=center]الاخ الغالي فلاح بن مسيب الدحيلي ..
                سلمت يداك على المجهود الرائع
                واسمحلي بالتنسق وبعض الاضافات ..
                ...
                تحيتي وتقديري..
                ...
                [/align]
                [align=center][/align]








                [align=center]للتواصل عبر twitter تويتر


                al_bargawy@
                [/align]

                تعليق

                • القادم بقوة

                  رابطة محبي الهيلا

                  • Jan 2008
                  • 2463

                  #9
                  مشكور وبيض الله وجهك

                  تعليق

                  • يوسف العازمي
                    عضو ماسي
                    • Aug 2009
                    • 562

                    #10
                    صح لسان الشاعر الكبير شاعر الوطن : خلف بن هذال

                    ولاهنت على نقلك

                    تعليق

                    • محمد سعيد العراده
                      عضو نشيط
                      • Jun 2009
                      • 89

                      #11
                      على راسي الشاعر خلف بن هذال العتيبي والعشر أنعام الله يحفظه

                      تعليق

                      العمل...