ماا نت أول حبيب :: نايف صقر

طي
X
 
  • التوقيت
  • إظهار
مسح الكل
المشاركات الجديدة
  • خالدالعصيمي
    عضو ماسي
    • Aug 2003
    • 688

    #1

    ماا نت أول حبيب :: نايف صقر

    يمتي شمس وأيامي نهار وحبيب

    دفتري قلب وعروقي عطى لاعطيت

    صرختى نار لاصار الردى فيك طيب

    سكتي حق بايعها القدم مادريت

    للحريق الطريق اللي يودي يجيب

    للعمى عين تبكيني وأنا مادريت

    للعذاب الجروح اللي مابيها تطيب

    ودي أنزف غرامك واكتبه لا شتهيت

    ياشبيه الظنون اللي بعضها يصيب

    خذ رقادي ولا ناشدك لامن خذيت

    تدري اني نصيبك لاقريت النصيب

    رح متى مابغيت أرجع متى مابغيت

    من غلاك النخل ساق الرطب والعسيب

    ومن جفاك انهدم في ديرة الدمع بيت

    وان لمست الحشا سالت عروقي لهيب

    تحرق اخضرك واليابس وانا ماقسيت

    خلك الشمس في رحمة يدين المغيب

    ودعتك ابتديت استقبلتك انتهيت

    ما انت اول حبيب ولا انت اخر حبيب

    دامني حي وايامي عطى لاعطيت





    نايف صقر العتيبي





  • رفيع الشان
    عضو
    • Dec 2003
    • 6

    #2
    لله درك يابو صقر

    ياخي اقسم بالله لعتيبه الهيلا الفخر انك منها والله العظيم ويكفيك انك معروف بالابداع على مستوى الخليج العربي وليس على مستوى المملكه فقط وابي اذكر معلومه يمكن مايعرفها اكثر الناس وهو انك سليل بيت من بيوت الاماره وانك ابن مسعد شيخ معروف من شيوخ الروقه ,,,, وفي الختام يارب تبقى لنا يالصقر نايف على طول ,, والشكر كل الشكر لكاتب المقال ,,سلااام

    تعليق

    • خالدالعصيمي
      عضو ماسي
      • Aug 2003
      • 688

      #3
      الاخ رفيع الشان

      رفع الله شانك في جنان النعيم

      انت وساير المسلمين اجمعين

      تمنياتي لك بالتوفيق

      تعليق

      • سلطان الفهد
        عضو ماسي
        • Nov 2003
        • 891

        #4
        جزاك الله كل خير بنقل موضوعك عن نائف بن صقر العتيبي

        تعليق

        • ابو وعيل
          مراقب سابق
          • Aug 2002
          • 1707

          #5
          بيض الله وجهك ياخالد على هذه القصيدة الرائعه


          من الشااااااعر المتألق والمبدع ...


          تحياتي لك

          تعليق

          • خالدالعصيمي
            عضو ماسي
            • Aug 2003
            • 688

            #6
            الاخ سلطان الفهد

            الف شكر على مرورك

            تمنياتي لك بالتوفيق

            تعليق

            • خالدالعصيمي
              عضو ماسي
              • Aug 2003
              • 688

              #7
              الاخ ابو وعيـــــــل

              الف شكر على مرورك الكريم

              تمنياتي لك بالتوفيق

              تعليق

              العمل...