ربعي ثبيت الهم مكان ومقـــامي...

طي
X
 
  • التوقيت
  • إظهار
مسح الكل
المشاركات الجديدة
  • محب الهيلا
    عضو ممـــيز
    • Nov 2007
    • 20292

    #1

    ربعي ثبيت الهم مكان ومقـــامي...

    [align=center]السلام عليكم ورحمة الله وبركاته



    هذه قصيده للشاعر/معيوض بن دبيان وقد قالها عندما قام بزياره


    لدى قبايل المراوحه في بني سعد....




    [frame="7"]سلام رديه مـن اقصـى حساسـي***لأهل الحصون الشامخات الرواسـي
    يالله عساكـم دايمـاً فالمـراسـي***رغم ٍ على الحساد وابليس ملعـون
    سـلام الله سـلام بــلا نهـايـه ***لمـن يرسـم ويعـزم فـي محلـه
    جينـا نسلـم ونتـبـادل زيــاره ***في مثلكم يالربـع ماهـي خسـاره
    أنتـم رياجيـل الوفـاء والوقـاره***رغم ٍ على الحساد وابليس ملعـون
    ولا يالله طلـبـنـاك الـهـدايــه***ياعلـم كـل شـي دقـه وجـلـه
    الشيخ ابو ماجـد ونايـف مليحـان***عوارفٍ يافـون فـي كـل ميـدان
    والعلم الـه كفـه ترجـح بميـزان***رغم ٍ على الحساد وابليس ملعـون
    كتبـت الشعرواتقـنـت القـرايـه***علـومٍ واضحـه مـثـل الأهـلـه
    أن جيت في غُرضان وأن جيت زائر***ميقاع عـرف وموطـن ٍ للسوايـر
    وأن جاء نهارٍ فيه جمـع الذخايـر***رغم ٍ على الحساد وابليس ملعـون
    ولا يابـن علـي فيـك الكفـايـه***يابـو ماجـد كلامـك مـا نمـلّـه
    والخير الآخر فـي فـروع القبيلـه***أهل الوفاء والجود وأهـل الجميلـه
    الوجـه ينـدى والأيـادي طويلـه***رغم ٍ على الحساد وابليس ملعـون
    كـلام الصـدق ماهـو بالدعـايـه***مثـل بـرق المـزون المستهـلـه
    ربعي ثبيت الهـم مكـان ومقامـي***أهـدي تحياتـي لهـم بالأسـامـي
    شرقي وغرّبي وجنوبـي وشامـي***رغم ٍ على الحساد وابليس ملعـون
    تـرى مانـي بجايبـهـا روايــه***حقيقـه قلتـهـا والشـكـر لِـلـه
    مع واقع التاريخ تضـرب جـذوره***ياباحـث التاريـخ تلقـى سطـوره
    الأصل ثابـت والبيـوت معمـوره***رغم ٍ على الحساد وابليس ملعـون
    أخذعلـم الرجـال مـن البـدايـه***وحــدّك بالصـراحـه لا تـزلـه
    كلٍ بربعـه يعتـزي يـوم يحتـاج***حتى البحور اللّي تلاطـم بالأمـواج
    والسيف مايضـرب ليامنّـه انعـاج***رغم ٍ على الحساد وابليس ملعـون
    هـل الطيـب ونظيفيـن الحكـايـه***يدونهـا المـدّون فــي سجـلـه
    فينا العـدود المرويـات الرصينـه***ومنّـا العديـم وللعـدى محتزينـه
    وفينا العقـول الراجحـات الرزينـه***رغم ٍ على الحساد وابليس ملعـون
    وأنـا مـن خلقتـي ماشقرعصايـه***وخلـق الله كــلٍ فــوق دلــه
    عاداتنا هذي على عصـر الأجـداد***سواة لزمة راعـي الملـح والـزاد
    ميراث والميـراث يبقـى لـلأولاد***رغم ٍ على الحساد وابليس ملعـون
    وجـوبٍ فـوق مأمـون الوصايـه***لعلـه مايـجـي فـالأمـر خـلـه
    ولاني بغافـل عـن قبائـل عتيبـه***الهـم مكانـه مستقـلـه وهيـبـه
    الاسـم هــذا كلـنـا نعتزيـبـه***رغم ٍ على الحساد وابليس ملعـون
    على وضح النقـاء ماهـي غبايـه**أهل مذهـب وأهـل شيمـه وملـه
    يوم العصـور الماضيـات الأوايـل***يـوم التحـدي بيـن كـل القبائـل
    ارعو قرارة نجـد والـراس طائـل***رغم ٍ على الحساد وابليس ملعـون
    صناديـد الرجـال اهـل الحمـايـه***نجـومٍ فـي سمـاهـا مستقـلـه
    أهل الشيم والجود وأهل المواجيـب***ويبادلون أهـل المـرؤات بالطيـب
    ربـعً يعـزون اللحـى والأشانيـب***رغم ٍ على الحساد وابليس ملعـون
    أهل كيـفٍ وأهـل ضيـفٍ وغايـه***مبـاد يـهـم تـراهـا مستقـلـه
    قبيلة ً بيـن العـرب جالهـا شـان****واللّي يعد الصـدق ماهـو بغلطـان
    الهرج اله مقياس يعـرف وبرهـان***رغم ٍ على الحساد وابليس ملعـون
    ليـا جـودت سيـسـان البنـايـه***علـى كيفـك يطيـب البنـي كلـه
    ومن خوف يلحقني من الناس منقود***كل القبائـل فيهـم الخيـر والـزود
    الباديه والحضر من جود في جـود***رغم ٍ على الحساد وابليس ملعـون
    ليـا زلـيـت زادوهــا رفـايـه***وساقوهـا مــع ارواع المـذلـه
    السعر اله ميزان والعلـم الـه ذوق***واللّي يجيب الصدق مايقبل البـوق
    يجيك يالغالي من يسـاوم السـوق***رغم ٍ على الحساد وابليس ملعـون
    ليـا سولفـت سولـف بالـدرايـه***وحـبـل ٍ واصليـنـه لا تحـلـه
    ياطير ياللّي تنفض الريـش ياطيـر***قول الله يجازي هل الخيـر بالخيـر
    عد المزون الصافيـات المصابيـر***رغم ٍ على الحساد وابليس ملعـون
    شعـار الديـن لـلإسـلام رايــه***نحبـه ونتـذرى فـي ذرى الــه
    سبحان من بيدينه الأمـر والكـون***اللي بعث بالحق موسـى وهـارون
    وارسل رسوله بالهدى خير مامـون***رغم ٍ على الحساد وابليس ملعـون
    وعلـم الله مانلحـق لـه نهـايـه***عسـاه يظلنـا مـن تحـت ظلـه
    علـى رسـو الله سـلام وصلاتـي***عـد النجـوم الـردف الساهراتـي
    شفيعنـا يـوم البشـر شاخصاتـي***رغم ٍ على الحساد وابليس ملعـون
    رسول لـه مـن المولـى حمايـه***شفـيـع المسلمـيـن المستـدلـه
    والأنبيـاء والمرسليـن الكـرامـي***عليهم أفضل قول وازكـى سلامـي
    عداد من صلـى صلاتـه وصامـي***رغم ٍ على الحساد وابليس ملعـون
    وعـيـن الله ترعـاهـم رعـايـه***ورب الكـون كـلٍ خاشـع الــه
    [/frame]
    [/align]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    والله ونعم وستين نعم..

    محب بيض الله وجهك وصح لسان الشاعر الغالي..

    لاهنت..
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • محب الهيلا
      عضو ممـــيز
      • Nov 2007
      • 20292

      #3
      تم النشر في الأصل بواسطة عبدالله الجـــذع عرض المشاركة
      والله ونعم وستين نعم..

      محب بيض الله وجهك وصح لسان الشاعر الغالي..

      لاهنت..

      [align=center]وجهك ابيض يالغالي

      يعطيك العافية على المرور
      [/align]

      تعليق

      • أبو ذعار المسعودي
        عضو فعال
        • Aug 2007
        • 114

        #4
        والله ومليوون نعم في الثبتان خوالي

        تعليق

        • محب الهيلا
          عضو ممـــيز
          • Nov 2007
          • 20292

          #5
          تم النشر في الأصل بواسطة أبو ذعار المسعودي عرض المشاركة
          والله ومليوون نعم في الثبتان خوالي
          [align=center]يعطيك العافية

          على المرور
          [/align]

          تعليق

          العمل...