قصيدة للشاعر / فاروق بن نايف بن ثعلي

طي
X
 
  • التوقيت
  • إظهار
مسح الكل
المشاركات الجديدة
  • سلطان بن ثعلي
    عضو ذهبي
    • May 2007
    • 325

    #1

    قصيدة للشاعر / فاروق بن نايف بن ثعلي

    بسم الله الرحمن الرحيم

    هاذي قصيدة من والدي الشيخ الشاعر الكبير / فاروق بن نايف بن ثعلي

    والتي تتحدث عن وصف القهوه وكيف يحسن القهوجي سواته لها

    ووصف الرجال النشاما شرواكم وفعلهم وعلومهم الطيبه واليكم

    القصيده تتحدث عن نفسها...


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    ياحمود قم صلح لنا الكيف ياحمود = إن كان تعرف تشغله يا الهلالي
    عليك شب النار والبن ماجود = وليا شعمته دن صفر الدلالي
    وافهق بحمسه لين يخبا سنا العود = ثم احمسه لاصار للجمر صالي
    وليا اصفر لونه والعرق بش ماكود = لاحق عليه ولايجي له توالي
    ها ثم دقه واسحقه سحق بارود = واذهن تحبس النجر خله يلالي
    وليا فاح وسط اللي قعابيبهن سود = زله بصفر لونهن با شتعالي
    وترى بهاره هيل ويخلط معه عود = ويكثح عليه الزعفران الشمالي
    ها ثم صبه واحترص كل منقود = واول ما تبدا به زحول الرجالي
    اهل الكرم واللي لهم فعل مشهود = واهل المواقف محتمين التوالي
    واللي ليا جاء المس والحبل مشدود = يحلها ويصير فيه احتمالي
    وان جاء نهارً فيه حاوي ومردود = فعله يشاف ويحتمي كل تالي
    وباقي الملأ ياحمود نقصً بلا زود = مافيه لامكسب ولاراس مالي
    ان جاء العدد باسمه مع الناس معدود = وعند اللوازم مايجي له مجالي
    واليوم وقت يستر النقص والزود = كل الاوادم فيه يا هملالي
    اللي منول يكسب النعم ويزود = عود يدور بس ستر الحوالي
    واصبح كثير المال ماعنه منشود = كنه من امثال ابو زيد الهلالي
    قام يتحدى النذل والنذل محدود = هو يحسب ان الطيب جاء با لريالي
    هومادرى ان الطيب كودً ورى كودً = مايدركه خبل قصير المدالي
    الطيب كسب اللي لهم فيه مقصود= طبع لهم من ساس عم وخالي
    واخير من هذا ومن ذاك ياحمود = فرض الصلاة وركعتين التوالي
    وطلبة ولي العرش هو خير معبود = اللي خلق سبعَ رست بالجبالي
    ينجيك من نار لها الخلق محشود= في موقف يرعب ذهون الرجالي
    وصلاة ربي عد ماتذري النود = على الرسول المصطفى اول وتالي[/poem]
  • عبدالعليم سلطان الروقي
    عضو نشيط
    • Mar 2008
    • 33

    #2
    سلطا ن بن ثعلي بيض الله وجهك على نقلك للقصيده وصح لسان الشاعر ومشكور

    تعليق

    • محب الهيلا
      عضو ممـــيز
      • Nov 2007
      • 20292

      #3
      [align=center]يعطيك العافية

      مشكور وماقصرت
      [/align]

      تعليق

      • سلطان بن ثعلي
        عضو ذهبي
        • May 2007
        • 325

        #4
        عبد العليم سلطان الروقي

        وجهك ابيض والله يعافيك اخوي

        وصح بدنك ومرورك يشرفني ويسعدني

        ولك تحياتي

        تعليق

        • سلطان بن ثعلي
          عضو ذهبي
          • May 2007
          • 325

          #5
          اخوي محب الهيلا

          الله يسلمك ونورت الصفحة بوجودك المشرف يا الغالي

          ولاهنت ولك تحياتي

          تعليق

          • على الغيم
            عضو فعال
            • Jun 2005
            • 114

            #6
            مشكور اخوي ما قصرت

            تعليق

            • الحمادي 511
              عضو نشيط
              • Feb 2008
              • 34

              #7
              شكرا يابن ثعلى على القصيدة الطيبة..........وتقبل مروري

              تعليق

              • سلطان بن ثعلي
                عضو ذهبي
                • May 2007
                • 325

                #8
                على الغيم اهلا وسهلا

                مشكور على يا الغالي على تشريفك الصفحه

                ولك تحياتي

                تعليق

                • سلطان بن ثعلي
                  عضو ذهبي
                  • May 2007
                  • 325

                  #9
                  الحمادي ارحب ولاهنت يا الغالي

                  ومشكور على تشريفك ولاعدمناك

                  وتقبل تحياتي

                  تعليق

                  العمل...