مرثية الشاعر غازي بن عون في المرحوم بأذن الله ( طلال الرشيد )

طي
X
 
  • التوقيت
  • إظهار
مسح الكل
المشاركات الجديدة
  • فهد الزيادي
    عضو فعال
    • Jul 2006
    • 117

    #1

    مرثية الشاعر غازي بن عون في المرحوم بأذن الله ( طلال الرشيد )

    [align=center]مرحوم يا شيخ الجبل ريف الأضياف
    يا الماجد اللـي مـال جـوده نهيـا
    اللي لطرق الجود و المجد ميـلاف
    وعلـى بقايـا مجـد الأجدادعـيـا
    اللي من الأجداد في شخصه أوصاف
    اهـل المـكـارم و الوفاوالحمـيـا
    اهل العطايا مروية حدب الأسياف
    ملاجي المظيوم شيخان طيا
    لراياتهم في قمـة المجـد رفـراف
    وفي ظلهم شاكـي الهجيـر يتفيـا
    وطلال عدّا في حجا كـل مشـراف
    ويطمح لمصعـاد القمـر والثريـا
    وصوف النجابه فيه كلٍ لهـا شـاف
    وهو في زهور العمر تـوّه صبيـا
    بالجود اله شفٍ نفل كـل الاشفـاف
    ماهـوب غمـر ٍ يقنعـه مـا تهيـا
    ابحر بيمٍّ هايج ٍ مـا لهـا طـراف
    تلاطـم امواجـه مهـبـه عتـيـا
    اله الصبر دانوق والعـزم مجـداف
    مواصـل ٍ سيـره صبـاح وعشيـا
    لين انه احيا مجد الاسلاف واضـاف
    لامجادهـم مجـدٍ طليـق المحـيـا
    والموت درب ٍ للبشر ياابـو نـواف
    وما صار للمومـن مـن الله محيـا
    واللي يخل الفجعه اضعاف الاضعاف
    موتتك يـا بحـر النـدى هالسويـا
    واللي يخلينـا كثيريـن الاحسـاف
    موتك على يديـن الخـوارج كذيّـا
    واللي جعلنا نفرك بطـون الاكفـاف
    موتك كذيا مـا وخـذ بـك قضيـا
    ولو منهم اخذنا لك فـراش ولحـاف
    انت وسواد الناس مـا انتـم سويـا
    وقتلك غدر يدم الضماير والالجـاف
    تقتل علـى يديـن الخـوارج بريّـا
    اللي لهم في ماضي الهجره اسـلاف
    اللـي قتـل عثمـان واللـي عليـا
    واليـوم يقتـل فالجزائـر بـالالاف
    ومنهجهم الخاطـي وصلنـا هنيّـا
    يبون باسم الدين تحقيـق الاهـداف
    وبـدوا بتفجيـر الخبـر والعلـيّـا
    وفجّر بغرناطـه مهيـن ٍوحـلاف
    وبشبيليـا ومجمـعـات المحـيّـا
    وياللي هرم جودك على النايفه نـاف
    الموت مكتـوبٍ علـى كـل حيـا
    عسـاك فالمـاوى بجنـاتٍ الفـاف
    يحـط لـك فيهـا مكـان ٍ علـيـا[/align]
    تم التعديل الأخير بواسطة فهد الزيادي؛ 16-Mar-2008, 06:28 PM.
  • ابن البجاديه

    رابطة محبي الهيلا

    • Oct 2007
    • 1349

    #2
    مشكور

    و
    يعطيك العافيه

    والله يرحم اموات المسلمين

    تعليق

    • شجاع السواط
      شـــاعــر
      • Nov 2007
      • 238

      #3
      الاخ فهد الزيادي

      سلمت على اختيارك الموفق ..

      غازي بن عون قامه شعريه تستحق الاحتفاء والاهتمام ..

      صح السان الشاعر غازي بن عون ..

      ومشكور على الاختيار ..

      اخوك

      تعليق

      • دندون عتيبه
        عضو
        • Mar 2006
        • 22

        #4
        بيض الله وجهه الشاعر / غازي بن عون انا اشهد انه فحـــل في الشعــر



        والله يرحـــم (( طـــــــــــــلال الـــرشـــــــيـــــــــد ))

        تعليق

        • محب الهيلا
          عضو ممـــيز
          • Nov 2007
          • 20292

          #5
          [align=center]يعطيك العافية

          مشكور وماقصرت
          [/align]

          تعليق

          • فهد الزيادي
            عضو فعال
            • Jul 2006
            • 117

            #6
            بيض الله وجهكم على المرور الرائع

            تعليق

            • عبدالله الجـــذع
              مشرف منتدى قصه وقصيده
              • Sep 2007
              • 8093

              #7
              صح لسان العلم غازي بن عون..

              والله يرحم الأمير طلال الرشيــد ..

              مشكور يالغالي...
              قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


              .
              قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
              فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

              .

              موقع يضم جميع القراء


              هنا

              تعليق

              • فهد الزيادي
                عضو فعال
                • Jul 2006
                • 117

                #8
                مشكور ياعبدالله على المرور

                تعليق

                • ***ابن سعدون***
                  عضو نشيط
                  • Feb 2007
                  • 60

                  #9
                  يعطيك العافية على النقل

                  تعليق

                  • فهد الزيادي
                    عضو فعال
                    • Jul 2006
                    • 117

                    #10
                    مشكور يابن سعدون على المرور الرائع

                    تعليق

                    • ابوالذيب
                      عضو
                      • Oct 2007
                      • 25

                      #11
                      الاخ فهد الزيادي

                      سلمت على اختيارك الموفق ..

                      تعليق

                      • فهد الزيادي
                        عضو فعال
                        • Jul 2006
                        • 117

                        #12
                        وانت سالم يابوذيب

                        تعليق

                        العمل...