كديميس بن صالح

طي
X
 
  • التوقيت
  • إظهار
مسح الكل
المشاركات الجديدة
  • ضاامي وفااا
    عضو ماسي
    • Jan 2008
    • 623

    #1

    كديميس بن صالح

    [frame="13"]
    قال كديميس هذه القصيده حينما سمع كلامٍ يدور حوله من جماعة من الناس اتهموه بعد ما انتهت القصايد التي جرت بين شعراء الحروب وشعراء العتبان بانه سرق بعض قصايد تركي بن حميد وعند سمع الشاعر بالخبر قال هذه القصيده وهي تحكي عن نفسهاااااااااا


    أنا قالي من قال ووحيت بعض علوم = تذيع اجهزتها من حولي للصره
    نميمه ومن يمشي بها فالعرب مذموم = هوى النفس والشيطان غره ولا سره
    انا صار لي مع بعض الاجناب بحث سلوم = شرينا وبعنا والخساره تجي مره
    ثلاث سنوات وكل واحد يزيد السوم = انا اجر راس الحبل والخصم يجتره
    عقب ما انتهى المشوار واحببت حلو النوم = لحقني طلب يركض ورايه مع الجره
    لحقني مدقق السوالف بدون رقوم = لا شد واحدهم طرف كلمةٍ دره
    يقولون لك قافٍ لتركي عليه وسوم = علامك عقب ما مات راعيه تجتره
    علامك سرقت المنهل العيلم المعلوم = تحسب ان عنك عيون الارصاد منصره
    وانا كيف ابا اطمع واختلس قايد العموم = اليا جت دقلات الاجانيب منجره
    يجيه الخبر مختوم ويرجعه مختوم = تجيه النجايب بالمكاتيب كم مره
    واليا درهم المندوب والعلم فيه علوم = ورحا الحرب من بين الحفيفين مفتره
    يدوس المنايا ماحسب يومه المحتوم = ويلوذ بذراه اللي تجددتبه الحره
    غزا نجد بالهيلا وثبت رسم مرسوم = وبسط ديرته من باب مكه اليا البره
    بنا ديرتن يامن بها المجرم المضيوم =ولا يزال البنا ماجود والعين مستره
    ولا صار له نجد المسمى بحب خشوم = الا عقب حذف الروس والارض محمره
    الا عقب ضرب السيف والزحف والهجوم = وكراديس خيلٍ تلحق الكره الكره
    اليا زعزعوا عتاب كل ابلجٍ ملحوم = يخلون حذف الروس كنه حصا الحره
    تمكن ومكن لابته من ديار القوم = وتخير سنام الدار والصدر والغره
    ورحل واستدمنا فالبلد والعدو مهزوم = ولهدنا الكبود اللي من الغيض محتره
    لاغاب نجم من سمانا يبين نجوم = يهتدي بها المنجوم والسما مغبره
    وعقب ما تقدم يتهمني عيال البوم = تشدق باشاعاتٍ مع الناس منشره
    وانا اليا بغيت اجرح عرف امسك البلعوم = لكن اتغاضا عن وجع علة السر ه
    انا مسهمي فالشعر ماهوب المثلوم = اعرف الكلام وكيف حاليه من مره
    واعرف انقض المبرم واجازيه بالمبروم = وبافتك المزرور ويموت ما زره
    واليا غزا النيشان والجو فيه غيوم = الي بندقٍ فالمعترك تلقط الذره
    ولاني بحاجة قاف من قيل له مرحوم = ولاني بحالي اللي بالاخبار مغتره
    هذا ما جرا واللي سرا يتبع الجاثوم = لعله يواصل رحلته كل ما مره
    حتى ينتبه من ضاع ويعلم المنجوم = وتفرق عصابتهم ويرضون بالفره [/frame]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    صح لسان ابوصالح والله يوفقه ومواقفه معروفه
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • أبـ أحمـ 511 ـد ـو
      عضو
      • Mar 2008
      • 9

      #3
      [align=center]الشاعر كديميس شاعر كبير و اللي يشكك بشاعريته أنسان جااااااهل
      وهو من كبار وفحوووول شعراء عتيبة
      وبشهادة شعراء معروووفين
      وسلمت أخووووي على النقـل

      تقبل مرور أخوك/ أبو أحمد
      [/align]

      تعليق

      • الرأي الآخر
        عضو ماسي
        • Mar 2007
        • 563

        #4
        صح لسانك يابوصالح ... كثر الله من أمثالك في قبيلتنا ....

        مشكور وماقصرت على الإيراد

        تعليق

        • جراح العازمي
          عضو
          • Feb 2008
          • 13

          #5
          ضامي وفا
          لاهنت على المجهود الطيب والنقل الموفق يالغالي

          تعليق

          • نـايف العصيمي
            عضو نشيط
            • Jul 2007
            • 90

            #6
            [grade="00008B FF6347 008000 4B0082"]لاهنت ياضامي وفا والله يطول بعمر ابوصالح ولاهنت...[/grade]

            تعليق

            • الـثـقـفـي
              عضو ماسي
              • Oct 2007
              • 533

              #7
              مشكور وصح السان الشاعر كديميس العصيمي

              تعليق

              العمل...