قصيده ماهي غريبه على احد

طي
X
 
  • التوقيت
  • إظهار
مسح الكل
المشاركات الجديدة
  • ابن البجاديه

    رابطة محبي الهيلا

    • Oct 2007
    • 1349

    #1

    قصيده ماهي غريبه على احد

    --------------------------------------------------------------------------------

    السلام عليكم

    القصيد للشيخ والفارس/ تركي بن حميد يرحمه الله









    نومك طرب وأنا بنومي هواجيس *** ماسهرّك بالليل كثـر الهمومـي

    أسهر إلى نامت عيون الهداريس *** وبالليل اراعي ساهرات النجومـي

    قالو جهلت وقلت جهلٍ بلا قيس *** الجاهل اللي مايعـرف اليمومـي

    اشوف عدلات الليالي مقابيس *** ولاإحدٍ من الدنيا عظامـه سلومـي

    تضحك وتخفي لك خفيّ الهناديس *** تفطر لها يومٍ ويـومٍ تصومـي

    اعمل وتلقا وافهم العلم بالقيس *** دنياك لـو زانـت تراهـا نقومـي

    والعزّ فوق معسكرات السواديس *** الى قصدتّ اللي بالاشيا رحومـي

    قبّ تنازي بالنشاما كراديس *** والطيـر فـي روجاتهنـه يحومـي

    الى توافق مشوّر السوّ وابليس *** تبّـر منـه وعـزّ ربـيّ يدومـي

    بالليل اصالي حاميات المحاميس *** والصبح الاوي كلّ قبّـا قحومـي

    اربع سنين ودمع عيني أماريس *** العين تسهر كـنّ فيهـا هزومـي

    والى ركبت معالجات المضاريس *** يبرد على قلبي لهيب السمومـي

    صوابنا بالميل غمقٍ الى قيس *** وطريحنـا فـي مثبـره مايقومـي

    انّ جنّ بنا مثل النعام الاماريس **** لي خفّ عجلٍ مع رقاق الحزومي

    استلحق اللي يطلبون النواميس *** الي من الاقصين وادنـى اللحومـي

    لاخير في كثر الحكي والتماليس *** هرجٍ بلا فعلٍ يجي بـه وهومـي

    لومي على اللي ينقلون العبابيس **** واهل الفرنج وكلّ رامي لحومـي

    انّ جنّ بالميدان مثل الدواويس **** وطار الغطا عن قانيات الرقومـي

    عرجٍ بأهلهن كنّهن القرانيس *** على الطريح مصوبـراتٍ كظومـي

    الى سمك عجّ الرمك بالملابيس *** الرابح اللي حـظّ ربعـه يقومـي

    حتى يزين النا المثل والتوانيس **** والكيف طاب لمن يفك القحومـي

    من لايدوس الرأي من قبل ماديس *** عليه داسوه العيـال القرومـي

    ومن لايقلط شذرة السيف والكيس *** يبدي عليه مـن اليالـي ثلومـي

    والقصر مايصلح على غير تأسيس *** ومن لاتعلّم ماتسـر العلومـي

    ومن لاخذا الدنيا بميزٍ وتقييس **** مثل اللذي يصبح بليـلٍ يعومـي

    كلّ القلم من كتبنا والقراطيس **** وركابنا من كثر الأقـران تومـي

    الشيخ من يعطي الفقارى الملابيس *** يبـدّل الساعـه بعـزٍ يقومـي

    والحرّ لي بدّت عليه النواميس *** يشهر وعـن دار المذلّـه يشومـي

    والى اقترب من بعض الاشيا نسانيس *** اعزم ولا بدّ الفرج بالعزومي

    باب الفرج لبسك نظيف الملابيس *** ينجيك بأيام الكرب والزحومـي

    أوجس بقلبي مثل دقّ النحاحيس *** الله يلـوم اللـي لحالـي يلومـي

    يجلي صدا قلبي ضبيح المهاريس *** لي قام شرّاب القهـاوي يعومـي

    ودلال فوق النار دايم مجاليس **** اكرامهـن حـقٍ علينـا لزومـي

    من صنعة الصبّه وخمس التخاميس *** بريةٍ يعمل بهـا كـلّ يومـي

    وبهارهن هيلٍ بليّا حواسيـس *** كيـفٍ يعـدىّ للنشامـا القرومـي

    عدّه لحمّاي العياد المراويس **** والاّ الحصان اللـي بقينـه يهومـي

    وصلاة ربيّ عدّ رمل الطعاميس *** على شفيع الخلق يـوم اللمومـي




    وســـــــلامــــــــتــــــــكــــــــم


    تـــقـــبــــلــــوا تـــحــــيــــاتــــي

    اخــــوكــــم/ ابن البجاديه
  • أبو مرحبا
    مشرف عــام
    • Jan 2005
    • 8037

    #2
    [align=center]الله يرحمه ويجعله للجنه ..


    سلمك الله يابن البجاديه على ماوضعته .
    [/align]
    [align=center]



    [/align]
    [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
    [align=center][/align]

    تعليق

    • محب الهيلا
      عضو ممـــيز
      • Nov 2007
      • 20292

      #3
      [align=center]الله يرحمه

      مشكور وماقصرت
      [/align]

      تعليق

      • ابن البجاديه

        رابطة محبي الهيلا

        • Oct 2007
        • 1349

        #4
        ابومرحبا اشكرك يالغالي

        تعليق

        • ابن البجاديه

          رابطة محبي الهيلا

          • Oct 2007
          • 1349

          #5
          محب الهيلا اشكرك على المرور

          تعليق

          • طارق النفيعي
            عضو اللجنه الاعلاميه
            • Sep 2007
            • 3682

            #6
            سلمت ولاهنت يالغلا

            وصح لسان ابن حميد


            ننتظر جديدك ..
            [align=center] أخوكم : طارق النفيعي



            [/align]

            تعليق

            • ابن البجاديه

              رابطة محبي الهيلا

              • Oct 2007
              • 1349

              #7
              طارق النفيعي اشكرك يالغالي

              تعليق

              • فهد النفيعي
                مشرف سابق
                • Dec 2005
                • 11363

                #8
                قصيده من اروع ما قرأت وما انجب الشعر

                رحمك الله يا ابن حميد وجعل الجنة دارك وقرارك

                ولا هنت يا ولد العم عل نقلك وعلى إختيارك الرائع

                دمت للإبداع..

                تعليق

                • ابن البجاديه

                  رابطة محبي الهيلا

                  • Oct 2007
                  • 1349

                  #9
                  اشكرك اخوي فهد عالمرور

                  تعليق

                  العمل...