قصيده مهداه للشيخ / مانع بن اعمر ابا العلا .. (للشاعر غزّاي العتيبي)

طي
X
 
  • التوقيت
  • إظهار
مسح الكل
المشاركات الجديدة
  • أبو نجر النفيعي
    مشرف سابق
    • Jun 2006
    • 6683

    #1

    قصيده مهداه للشيخ / مانع بن اعمر ابا العلا .. (للشاعر غزّاي العتيبي)

    ..

    السلام عليكم ورحمة الله وبركاته ..

    قصيده مهداه للشيخ / مانع بن اعمر سلطان أبا العلا ..

    من الشّاعر الكبير / غزّاي بن علي الذيابي العتيبي ..


    يقول :



    [poem=font="Simplified Arabic,5,darkblue,bold,normal" bkcolor="transparent" bkimage="" border="double,4,darkblue" type=2 line=0 align=center use=ex num="0,black"]
    يا راكب الله نازح البعد يطويه = طي الرشاء من فوق جال المحاله
    لكزس على كيفي وشفي منقّيه = آخر موديل وكل شيٍ وكاله
    لو آصفه ما عطيه حقه ولا أوفيه = بس الاكيد ان احسن الوصف ناله
    فل ابشن ولا له حليّن يحاليه = كامل ولله الثناء والكماله
    من معرض الانجاز بالكاش جانيه = مافيه لا فهقه ولا بالحواله
    بربع مليون وثلاثين شاريه = هذاه غير السمسره والدلاله
    ابيه في دربٍ ينومس وحاسيه = وفي غير هذا الدرب ابلقى بداله
    فوقه عتيبيٍ عريبٍ مجانيه = مرددٍ من راس عمّه وخاله
    في المرجله والطيب محدٍ يناحيه = والموت عنده مثل شرب البياله
    اليا سرا والله يبعد مساريه = دليل غدرا ما يبله دلاله
    روّح قبل لا مظلم الليل يمسيه = من الخبر والعصر مكهف اظلاله
    يوم استوى في الدرب محدٍ يباريه = من سرعته في الخط كنّه لحاله
    وعقب العشاء في وسط جدّه حراويه = يا حي هالمرسول واللي عناله
    ملفاه شيخٍ ماكر الطيب حاويه = حاون علوم المرجله والشكاله
    أبا العلا شيخٍ نعزّه ونغليه = مانع ولد اعمر ونعم السلاله
    كسّاب كلمة نعم لن حل طاريه = بين النشاما كل ما جاء مجاله
    تلقاه في قصرٍ رفيعٍ مبانيه = بهل الوفاء مصطك جاله بجاله
    في مجلسٍ بابه مشرّع لناصيه = دايم مشرّع قفلته مستحاله
    أول قبول الضيف ترحيب يقريه = و وجهن بشوش وصخي يمناً وطاله
    وثاني قبول الضيف كبشٍ مسوّيه = مع عودٍ أزرق دايرٍ مع دلاله
    وسوالفٍ تبهج مافيها مشاريه = عن العلوم الطيّبه والرجاله
    وليا طرى ممشاك وأنته مراكيه = سلّم على خشمه وعطه الرساله
    رسالةٍ مضمونها نذرٍ أوفيه = على النقا مافيه شك وجداله
    قلّه ترى مانع على اسمه مسمّيه = على العقاب الصيرمي طاب فاله
    اسمٍ ينومس وانتشرّف وندعيه = على الحفل وحضور مانع اكماله
    وختامها يا مرحبا الله يحييه = يابْوٍ يشرّف واحدٍ من عياله[/poem]

    [align=center].
    للشاعر / غزّاي بن علي الذيابي العتيبي ..

    ..
    تحيااتي
    [/align]



    .
    .....




  • محب الهيلا
    عضو ممـــيز
    • Nov 2007
    • 20292

    #2
    [align=center]صح لسان قايلها وناقلها

    مشكور وماقصرت
    [/align]

    تعليق

    • عبدالرحمن الهيلوم
      عضو
      • Apr 2007
      • 21232

      #3
      صح السانه وصح السانك يابو نجر

      تعليق

      • أبو نجر النفيعي
        مشرف سابق
        • Jun 2006
        • 6683

        #4
        ..
        صح بدنك يامحب الهيلا ..

        ولاهنت على المرور ..


        أخوك
        .....




        تعليق

        • عبدالله بن دبيس العتيبي

          رابطة محبي الهيلا

          • Oct 2007
          • 2463

          #5
          صح اللسان الشاعر غزاي الذيابي وصح اللسانك ياخوي ابو نجر

          ويستاهل اباالعلاء العلم الغانم





          وتقبل تحياتي

          تعليق

          العمل...