الشاعر : سهل بن نايف الكسر المرشدي

طي
X
 
  • التوقيت
  • إظهار
مسح الكل
المشاركات الجديدة
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #1

    الشاعر : سهل بن نايف الكسر المرشدي

    [align=center]السلام عليكم ورحمة الله وبركاته :

    هذه قصيده للشاعر : سهل بن نايف الكسر المرشدي .
    تتميز جميع قصائده بالقوه والجزله التي من
    خلالها تلامس شعور المتلقي .. وانا من اشد المعجبين بشاعرنا
    (( سهل الكسر .. ابونواف ))

    اليكم القصيده :
    [/align]

    ..

    ..

    ..

    ..

    ..


    [poem=font="Simplified Arabic,4,blue,bold,italic" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
    هات الـدلال ولـع النـار ياجـداع=عجـل عليـه ياعـدو الرخـامـه
    هات الحطب ياجداع من جبر وولاع=جبـرة خشـب وولاع نـاره ثمامـه
    وليـا غـدا للنـار ياجـداع شـلاع=وشفت الخشب منها تدانـى صرامـه
    احمس من الخولا ن ياطيـب النـاع=لين النجـاض يبـين منهـا وشامـه
    ودقـه بشامـي ٍ يجيـلـه تلـعـلأع=يصح النيام ليـا صحـا مـن منامـه
    ثم هات لي صهب ٍ يداون الاوجـاع=اللي مـن الصالـي عليهـا سحامـه
    قفز الغوارب والمقاضب والاكـواع=وبطونهـا ياجداع فيـهـا هيـامـه
    لا وقفـن ياصـاح فيهـن تـرفـاع=وفيهن على جبر الحديـده ضخامـه
    صهب ٍ مثاعبهن مهاديـف ووسـاع=وفيهن مثل حـد السيـوف استقامـه
    سميتهن ياجـداع والاسـم ماضـاع=هيفـا وهيفيـه وشيـمـه وشـامـه
    لاشافهـا اللـي للبغاديـد مــولاع=شوش شعر راسه وطـش العمامـه
    ولقـم وبهـر ونتـبـه للتـسـراع=واحذر يجي بـك يالبناخـي غشامـه
    خل المبهـر تهتـوش فيـه الانـواع=بيـن الشقـاره والحمـر والدهامـه
    اضن هاجـوس القصايـد ليـا راع=يقـرب ليـا فـك المهيـل بـلامـه
    ويحضر عيون الشعر موجدت الابداع=معانـي ٍ فيهـا طـراه وجسـامـه
    تذكر الفايـت وتصحيـح الاوضـاع=حـب البـداوه والبـداوه شهـامـه
    يامحـلا لا قيـل لسهيـل مـطـلاع=شافـوه تـال اليـل يلمـع زمامـه
    من نجد يزمي فـوق نجـران لمـاع=شافـوه اهـل تثليـث وهـل تهامـه
    وجى للهبوب من يمن الشرق ذعذاع=والعد عقب سهيـل راعـة جمامـه
    وفزر هجير القيض واضفى له قنـاع=على السلم والسمـر مثـل العمامـه
    والبل تلافت للجمـل وابـرد القـاع=وقامو هـل البـل ينزلـون العدامـه
    والنار شفت الها مع الفجر شعشـاع=وقامو يحزمون الحطب في حزامـه
    من عقبها خمسين ليـل ٍ لهـا اتبـاع=اليا بكـر الوسمـي ودلـى غمامـه
    وجاله على ساقان من غرب ميقـاع=ويجنب ولا يملـك عريـق الثمامـه
    ويشمل ليا القرعا وبير بـن هـزاع=والى رجـم بـذال يرخـي خطامـه
    وليا نهمل ودقه ومزنه ضفى ومـاع=على قراء الصمان يبخـص سنامـه
    لين النبات اللـي يجـي لـه تنـواع=يفراء الحـزوم ليـا تملـت محامـه
    وضاقت مع المشقر زهازيم الاقطاع=لاجاك راعـي نجـد يدفـع جهامـه
    بدو ٍ تبي المرباع ثـم جتـك نجـاع=وكل ٍ عصب في سلت السقس خامه
    قامت عطايا الله تضيق بهـا الارواع=شول ٍ يازين مـع الحمـاد الدحامـه
    اول معاشيهـم مشابـيـع وجـيـاع=وراحو علـى ماقيـل شـده وقامـه
    وشفت العسوس جيوبهم تقرع اقراع=اللي مدح واللي قصر فـي كلامـه
    مالـو علـى دار ٍ للبـواش مرتـاع=فيها يجـي لهـل الحـلال التمامـه
    كل ٍ معه وايت وصنـدوق وشـراع=ونـار ٍ رمادتهـا سـوات الردامـه
    وذبايح ٍ تشـراء مـن البـدو وتبـاع=وكـل ٍ تجهـز مـاتـرداء مقـامـه
    خذولهـم قامـات ثـم قيـّل لـراع=عن ضهر الركبي يحـذف المسامـه
    قـرو ليـا قامـت تمريـع تمريـاع=سـواء لهـم راع الكرامـه كرامـه
    ثلاثت اشهـر كلهـا وقـت مربـاع=وقامه الين العشب يقـرب صرامـه
    ولاقيل صيفي ٍ علـى نجـد تنـداع=كل ٍ صفـط عفشـه وقشـع خيامـه
    تمزعـو مـن كـل جـو ٍ تمـزاع=بطرافهـم يكفـى المـدور يـدامـه
    و راع الغنم مع دربهم شد ثم ضـاع=يطوي الشبوك وقام يجمـع رمامـه
    ماعـاد يلحـق لاذراع ٍ ولا كـراع=الشـاوي اللـي در شاتـه طعامـه
    ألي خذتلي مع مقدم البـدو مـذواع=فنا ماعـاد الحقـت نفسـي ملامـه
    هاذي طرات العمر والوقـت خـداع=وغارات بقعاء مـاش منهـا سلامـه
    وصلو عدد ماغرد الـورق سجـاع=على النبي وزكى الصـلاة الختامـه [/poem]
    [align=center][/align]








    [align=center]للتواصل عبر twitter تويتر


    al_bargawy@
    [/align]
  • عبدالرحمن الهيلوم
    عضو
    • Apr 2007
    • 21232

    #2
    صح السانك يالذيب ولسان قايلها
    ومشكووووووووور يالغالي

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      [align=center]مشكور يابوداحم ..
      ...
      [/align]
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        [align=center]وين الباقين والله القصيده ممتازه ..
        ...
        [/align]
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • محب الهيلا
          عضو ممـــيز
          • Nov 2007
          • 20292

          #5
          [align=center]مشكور وماقصرت

          على النقل الموفق
          [/align]

          تعليق

          • سعد بن مطلق المقاطي
            شـــاعــر
            • Feb 2006
            • 2908

            #6
            لاشافهـا اللـي للبغاديـد مــولاع شوش شعر راسه وطـش العمامـه
            ولقـم وبهـر ونتبـه للتـسـراع واحذر يجي بك يالبناخـي غشامـه


            صح لسانك ولسان راعيه
            [align=center]ديــــــــــــــــواني



            [/align]

            تعليق

            • @ـايل

              مشرف المنتديات العامة

              • Jan 2008
              • 9251

              #7
              صح لسان الشاعر سهل المرشدي

              والله يعطيك العافيه اخوي ابو مشعاب على النقل الطيب

              لاهنت وقواك الله
              تويتر : AlHooL@

              تعليق

              • محمد العتيبي

                مشرف منتدى شعراء قبيلة عتيبه

                • Mar 2005
                • 10789

                #8
                [align=center]سعد المقاطي اشكرك من القلب
                لمرورك على القصيده الاكثر من رائعه للكسر ..
                ...
                شكرا لك.
                [/align]
                [align=center][/align]








                [align=center]للتواصل عبر twitter تويتر


                al_bargawy@
                [/align]

                تعليق

                • محمد العتيبي

                  مشرف منتدى شعراء قبيلة عتيبه

                  • Mar 2005
                  • 10789

                  #9
                  [align=center]مشكور يالغالي هايل العتيبي
                  على مرورك الرائع ..
                  ...
                  [/align]
                  [align=center][/align]








                  [align=center]للتواصل عبر twitter تويتر


                  al_bargawy@
                  [/align]

                  تعليق

                  العمل...