قصيدة الشاعر الاسطوره : مخلد القثامي رحمه الله في مجلس ابن رشيد

طي
X
 
  • التوقيت
  • إظهار
مسح الكل
المشاركات الجديدة
  • عبدالرحمن الهيلوم
    عضو
    • Apr 2007
    • 21232

    #1

    قصيدة الشاعر الاسطوره : مخلد القثامي رحمه الله في مجلس ابن رشيد


    السلام عليكم ورحمة الله وبركاته


    الشاعر النادر مخلد القثامي أسطورة عتيبة
    ________________________________________
    الشاعر الكبير مخلد بن شايد الزواري القثامي العتيبي رحمه الله ، شاعر له اسلوب خاص ، شاعر يعتز كثيرا بقبيلته و له العديد والكثير من القصائد التي تسطر شاعرية هذا الرجل ، مخلد له قصائد حربيه يقال انها ممنوعة لانها تصف الوضع في عصره وايضا حروب قبيلة عتيبة المتتاليه وسيطرتها على جزء من ارض الجزيرة العربية بقيادة قائدها تركي بن صنهات بن حميد العتيبي ، و يعد من ابرز الشعراء في عصره لما يتمتع به من قوة في المفردة الشعرية وبخاصة المفردة العاطفية، ملأت شهرته الافاق وتناقل الرواة شعره المتعدد الاغراض ولد عام 1280هـ بعشيرة العقيق التي تبعد عن محافظة الطائف شمالا بنحو 60 كم عاش متنقلا بين الحجاز ونجد حتى وفاته عام 1340هـ.
    مخلد القثامي شاعر اصبح في ذاكرة النسيان رغم ما تركه من قصائد شعرية ذات قوة في المعنى والتراكيب حتى ان بعض قصائده وبخاصة قصائد الحكم والنصح بلغت المائة بيت، اشتهر مخلد القثامي من خلال قصائده الغزلية التي كان يجيد فيها التلاعب بالالفاظ الشعرية بالاضافة الى دقة الوصف وادخال اسماء بعض الجبال والاماكن في شعره .


    حنا عتيـبــه
    مناسبة القصيدة انه عندما جاء الشاعر مخلد القثامي لمجلس ابن رشيد ، وجد شعراء في مجلسه والكل يمتدح قومه ، والكل بما معناه يقول حنا ، حنا ، حنا ، قامو شعراء قبيلة شمر العزيزه يمتدحون قبيلتهم ومفاخرها ، فقام احد شعار عتيبه وانشد حنا عتيبه وزاد لكنه احرج ولم يستطع التكمله ، فقام مخلد على الفور وقال حنا عتيبه ، فقاطعه ابن رشيد ، فقال : اقعد انت كلامك نفس ابن عمك ، فقال اسمع وبعدين احكم ، ثم انشد قصيدته التالية وعندما اخذ يمدح بقوة عتيبه كان ابن رشيد متكأ فتعدل في جلسته مندهشا من هذا الفذ الشجاع وانه لم يجرأ احد على المدح بهذه الطريقة ، وتعتبر هذه القصيدة مفخرة لقبيلة عتيبه العريقة إلى الآن وهي الاولى في الفخر والتمجيد لقبيلة عتيبه


    ويقول مخلد :
    حنـا عتيبـه كـم حريـب لطمنـاه = دقلاتنـا مثـل الخيـال الرزيـنـي
    علونا في الحجـز واقصـى قرايـاه = وشرقينـا يـم الحسـا مردفيـنـي
    وجنوبنـا وادي الدواسـر رعيـنـاه = وشمالنـا يــم المديـنـه يميـنـي
    حنا تـرى نجـد المسمـى ملكنـاه = وخابت حظـوظ ملوكـه الاولينـي
    وادي الرشا غصب على الناس نرعاه = بشلـف رهـاف ويقطعـن الوتينـي
    تمرجحي في حمضته واشربي مـاه = وتبرهجـي يـا مقرعـات الحنينـي
    وكم بيت شيخ فـي نحانـا هدمنـاه = وامسـوا مساييـره مـن الخايبينـي
    وكم راس شيخ عن متونـه نطلنـاه = وراحت تسير بـه كـلاب القطينـي
    والفصل جا فاربـع سنيـن مسمـاه = من عقبها سمـوى القبايـل طنينـي
    منها النهار اللي على الضال واقصاه = من عجـه الضلعـان عيـت تبينـي
    ومنهـا نهـار فـوق دلعـه عبينـاه = مع ايسر الهضبـه عساهـا سنينـي
    ولد الدويشـي فـا لعوينـد كسرنـاه = يـوم عليـه ايشيـب المرضعينـي
    وعلى طلال الـدم الاشقـر نثرنـاه = يومنهم جونـا الضحـى سارحينـي

    فغضب أبن رشيد ولاحظ مخلد غضبه فأردفها يقول ليمتص غصب ابن رشيد

    والله يالولا شيخ وطتنا زكاياه = ماناخذ الرفقه مع الحاربينـي
    شيخ تجيله سبق الخيل مهداه = ابن رشيد مـروع الغافلينـي
    يجر سيراته وذروات تبـراه = من كثرهم يا راحم الراحميني
    مثل الجراد اليا تقافت رحاياه = امسلطه ربي على الظالميني


    وبذلك هدأ ابن رشيد وقال :
    انت يامخلد غرفت لعتيبه من القدر وماخليت لشمر غير القراره
  • @ـايل

    مشرف المنتديات العامة

    • Jan 2008
    • 9251

    #2
    ونعم في الشاعر مخلد القثامي

    والله يعطيك الصحه والعافيه يالهيلوم

    وقواك الله والى الامام
    تويتر : AlHooL@

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      [align=center]الله يرحمه ..
      ومشكووووور يابو داحم..
      ..[/align]
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      • Man من العتبان

        رابطة محبي الهيلا

        • Oct 2007
        • 2397

        #4
        قصيدة رائعه وسرعت بديهه في شعر عند شاعر مخلد القثامي رحمة الله

        تعليق

        • عبدالرحمن الهيلوم
          عضو
          • Apr 2007
          • 21232

          #5
          شكرا علي المرروريالغالين

          تعليق

          • (أبو قحص)
            عضو
            • Jan 2007
            • 13

            #6
            [align=center]جعلك تسلم على هالموضوع الرائع

            وعسى ربي يرحم اسطورة عتيبة
            (مخلد القثامي)
            جرائته لا مثيل لها

            تقبل مودتي[/align]

            تعليق

            • زيزوم مدركه
              شـــاعــر
              • Sep 2007
              • 351

              #7
              انت يامخلد غرفت لعتيبه من القدر وماخليت لشمر غير القراره


              الله يرحمك يامخلد


              انا اشهد انه كفى وشفى


              مشكور

              تعليق

              • عبدالرحمن الهيلوم
                عضو
                • Apr 2007
                • 21232

                #8
                شكرا علي المرور يالغالين

                تعليق

                • ضاامي وفااا
                  عضو ماسي
                  • Jan 2008
                  • 623

                  #9
                  صح لسان قايلها وناقلها

                  تعليق

                  • محب الهيلا
                    عضو ممـــيز
                    • Nov 2007
                    • 20292

                    #10
                    مشكور وماقصرت

                    تعليق

                    • نبض عتيبه

                      رابطة محبي الهيلا

                      • Jul 2007
                      • 1037

                      #11
                      الله يرحمك يا مخلد القثامي

                      تعليق

                      • عبدالرحمن الهيلوم
                        عضو
                        • Apr 2007
                        • 21232

                        #12
                        شكلاا علي المرور يالغالين

                        تعليق

                        • قف امامك عتيبي
                          عضو ماسي
                          • Mar 2007
                          • 430

                          #13
                          مشكووور ماقصرت

                          تعليق

                          • عبدالرحمن الهيلوم
                            عضو
                            • Apr 2007
                            • 21232

                            #14
                            مشكوووووووور يالغالي علي المرور

                            تعليق

                            • ابو كتيفه المحياني
                              عضو ذهبي
                              • Jan 2008
                              • 322

                              #15
                              كفو والله حنا اعتيبه كم حريبن لطمناه
                              كفو يالهيلا والله يرحمه

                              تعليق

                              العمل...