صياف الحربي ورشيد الزلامي

طي
X
 
  • التوقيت
  • إظهار
مسح الكل
المشاركات الجديدة
  • عبدالرحمن الهيلوم
    عضو
    • Apr 2007
    • 21232

    #1

    صياف الحربي ورشيد الزلامي

    السلام عليكم ورحمة الله وبركاته


    محاورة قوية

    بين العملاقين

    صياف الحربي ورشيد الزلامي


    رشيد
    يا سلامي ها السلام اللي خفيف ٍ دمّه .... معه جنسية ويبغى له جواز سعودي

    مشكلة صياف صــــارت بين ابـوه وعمّه .... والسبب ناس ٍ تدق الملح والـبارودي




    صـــــــــيـــــــــاف



    مرحبا بالشاعر اللي ما قدرت آذمّه .... الليالي ما تغيّر والزمان ايعـودي

    الزلامي معه علم وكل شي ايهمّه .... مير لو يزعل تغيّره الليال السودي




    رشـــــــــيـــــــــد



    كيف تدلـي بالشهادة يـا كبـيـر الذمّـه .... وأنت ما شب الك ضوّك غير قدح زنودي

    صرت مثل اللي كبروانكرلبن ديس امه .... والعرب فالصيف تعرف عدها المارودي




    صـــــــــيـــــــــاف



    العلوم اللي تحط النـاس راس القمّـه .... حبلها من يمكم يا صاحبـي معقـودي

    ثوبك اللي ما ينوش الأرض غير ابكمّه .... نزله للجمرة اللي فوق راس العـودي




    رشـــــــــيـــــــــد



    ودي اكشف غلطتك للعالـم الملتمّـه .... أنـت حـــربياً تـطـالبني بـورث اجــــدودي

    يــــا محبين العقـال ومنكريـن العـمّـه .... خصمكم في الآخرة عبد الله المسعودي




    صـــــــــيـــــــــاف



    أنتم رجال الشرف وعظامكم منسمّه .... أعبروا ذاك الطريق وحملكم مشدودي

    أنت مـــا تدري عن البارود لـين اتشمّه .... مــير لا ترمي بها فالوادي المسدودي




    رشـــــــــيـــــــــد



    لوّ يا صياف علمي تمسكه وتضمّه .... تاجده مثل العسل وألا حليب القودي

    أنت تحسب جدنا داب يموت بسمّه .... مـــير أنا باذل لنصره طاقتي وجهودي




    صـــــــــيـــــــــاف



    يقطع الله ديرة اللي ما يعرف الجمّه .... والتجارة يالـعتيبي بابها مــحـدودي

    قبرك اللي في تهامه بالتراب اندمّه .... تحفره بالليل الأظلم والعباد رقودي ]


  • فهد رشيد الزلامي
    عضو ماسي
    • Jan 2008
    • 605

    #2
    لاهنت يابو داحم وابيض وجه

    تعليق

    • محب الهيلا
      عضو ممـــيز
      • Nov 2007
      • 20292

      #3
      مشكور وماقصرت

      تعليق

      • (أبو قحص)
        عضو
        • Jan 2007
        • 13

        #4
        [align=center]لاهنت ياعبدالرحمن وابيض وجهك
        والله يرحم صياف وأموات المسلمين
        ويطول عمر رشيد الزلامي

        تقبل مروري[/align]

        تعليق

        • عبدالرحمن الهيلوم
          عضو
          • Apr 2007
          • 21232

          #5
          شكرا علي المرور

          تعليق

          العمل...