مرثيه في الشيخ قعدان الوهاب

طي
X
 
  • التوقيت
  • إظهار
مسح الكل
المشاركات الجديدة
  • هداج المخامر
    عضو فضي
    • Dec 2006
    • 205

    #1

    مرثيه في الشيخ قعدان الوهاب

    هذه القصيده لشاعر رباح بن عبدالله العتيبي

    مرثيه في الشيخ قعدان بن عبيد الوهاب



    يالله ياللي تفعل اللي تريده ----- وسع قبر قعدان وغفر خطاياه

    لاوالله اللي غاب منا فقيده ----- يالله عساه ابجنه الخلد مثواة

    قعدان ابوقاعد افعوله مكيده ----- راعي هلا لضيف من يوم ينصاه

    شيخ على الشده عزومه شديده ---- يرقا سنود وتفعل الطيب يمناه

    شيخ ليا حكت حديده حديده ---- هو راعي الوقفات والوجه والجاه

    الدين والسمعه وحسن العقيده ----- عند ابو قاعد صدق مابه مراواه

    ون واجه الاخصام ينطح ضديده ---- فيه الضفر ماهمه اللي تحداه

    مايلحقه من ظيف بيته نقيده ----- والجار يبشر بالكرامه ليا جاه

    قعدان في وقت الشدايد وليده ----- من دوره في حزه الضيق يلقاه

    شجيع راس ولايمد الزهيده ----- واليا نصاه الضيف يذبحله الشاه

    هو راعي الوقفه ولاريا السديده ---- راعي المعم اللي على الراس يزهاه

    ولا الصيق من المعزه يزيده ----- وليا طلب جاهه منه ما تلافاه

    جاهه يفك اللي برجليه قيده ----- عون السجين اللي وراء الباب ينخاه

    والحمد لله جاء عوضنا عضيده ---- قاعد نهج نهجه وسوى سواياه

    يعيش لطام الخشوم العنيده ----- اللي شهر بالمرجله لا عدمناه

    يفلج ليا خاصم نهار الوعيده ---- وليا ورد للعد رويت ظماياه

    وان شاف وجه الضيف يرخص رصيده --- هلا ورحب والفرح في محياه

    مثل المعيد فرحته يوم عيده ----- هذا طبع قاعد وهاذي مزاياه




    الشاعر\\ رباح عبدالله محسن العتيبي
  • عبدالرحمن الهيلوم
    عضو
    • Apr 2007
    • 21232

    #2
    مشكور يالغالي

    بس لي سؤال /هل تعني رباح الي في المجاهدين في الشرقيه

    ويعطيك الف عافيه

    تعليق

    • @ـايل

      مشرف المنتديات العامة

      • Jan 2008
      • 9251

      #3
      الله يرحم الشيخ قعدان ويسكنه في جنات الفردوس وجميع المسلمين

      والله يعطيك العافيه على نقل القصيده للشاعر رباح العتيبي

      وصح لسانه والله لايحرمك الاجر انت واياه
      تويتر : AlHooL@

      تعليق

      • عبدالله الجـــذع
        مشرف منتدى قصه وقصيده
        • Sep 2007
        • 8093

        #4
        الله يغفر له ويرحمه ويسكنه فسيح جناته..
        صح لسان الشاعر..
        قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


        .
        قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
        فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

        .

        موقع يضم جميع القراء


        هنا

        تعليق

        • هداج المخامر
          عضو فضي
          • Dec 2006
          • 205

          #5
          شكرا


          على مروركم

          العطر

          تعليق

          العمل...