مساجلة بين ناصر الحافي وسلطان الشغار

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    مساجلة بين ناصر الحافي وسلطان الشغار

    [frame="7 80"]السلام عليكم ورحمة الله وبركاته


    أحببت أن أنقل لكم إحدى المساجلات التي حصلت بين شاعرين من شعراء قبيلة عتيبة ولإعجابي بها أردت أن أضعها بين أيديكم في هذا الصرح الشامخ :


    هذه المساجلة جرت بين الشاعر /

    ناصر بن محمد الحافي

    و الشاعر/

    سلطان بن ناصر الشغار

    وإليكم المساجلة:

    يقول الشاعر ناصر بن محمد الحافي :




    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    راكب اللي وأن عطا خط الكباري=يعجز الرادار من سرعه يصيده
    و أعلن الضابط على كل الطواري=والبلاغ اللي صدر ما يستفيده
    ماعرف شكله ولا هو عنه داري=لحظة ً ماميزه ما كان بيده
    من يمره قال يا ناس إنتحاري=والله انه ما وقف قدمه يبيده
    مثل هد الطير لاشاف الحباري=ينطلق ويهد يعجبني هديده
    حراً ابيض مالقينا له مواري=والمخالب كنٌها صلب الحديده
    يقهـر الفكسـار ويهيـن السفـاري=فالرخـا ولا المواقـيـف الشـديـده
    رنج روفر صمٌمه (بلكيز كاري)=من حفيز السيف والرخصه جديده
    من جنوب العاصمة صوب الصحاري=ناصي خريمان والطرقه بعيده
    جاهماً مجهام ما أحب المساري=ولا مشيت مع الوجيه اللي بليده
    طارياً لي مع هل الميقاف طاري=والله اللي عالماً ما في عبيده
    هاجسي وان هاض يعجب كل قاري=ما تكفيه الصحف ولا الجريده
    أصخر القيفان لأجل انه يجاري=الأمير اللي ينومسني قصيده
    شاعراً معروف للوقفات ضاري=مثل أبو فواز عز الله وليده
    شيخ قوماً يفخر به اللي يماري=كاسب الطالات والخصلة فريده
    وسط سوق المرجله بايع وشاري=والفعول اللي على دربه حميده
    قلت في سلطان من شرد اختياري=في ختام ابيات مضمون القصيده
    ياالله المعبود يامنش الذواري=تسعد الشغار باعماراً مديده
    والبقا له عٌد ماطارت قماري=جعل ينعم بالحياة اللي سعيده[/poem]








    فرد الشاعر القدير / سلطان بن ناصر الشغار:



    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    مرحبا بالنور جلاي الغداري=والخطاب اللي وصلنا من بريده
    اللبيب اللي على نفسه يداري=لامشى درب المخاطر ماتكيده
    هدٌو السرعه ترى ماهي جباري=والنظام اللي مقرر لاتزيده
    راحت السرعه مع اصحاب اللواري= يوم طرد القرش والحاله زهيده
    يوم بعض الناس ياخذها عواري=والله الخالق يدبر مايريده
    وقتنا الماضي مهو لعب الأتاري=راح وقتاً ياعسى الله مايعيده
    يالرفيق اللي مشيت مع البراري=مع طريقه ناصي خريمان سيده
    عطني علومك وخذ رد إعتباري=والكلام اللي مكرر لاتعيده
    نقطف المعنى مثل قطف الثماري=واكتب الابيات في جمله مفيده
    انت من ربعي ولا انته لي مباري=كلنا روقه مواقفنا عديده
    ماتسلفنا من البنك التجاري=روس قوم ومن يكايدنا نكيده
    يوم كانت بالسيوف وبالشباري=من نوانا مانبقي له شريده
    ومزبن اللي جايره بعض الجواري=من نواه بشر عن دربه نحيده
    لعنبو بيتاً بلا درق ومذاري=رجل مايحماه ودك مايشيده
    قالها قدامنا الشيخ السداري=بيت مايحماك ينهل بهديده
    اشهد انه قول دكتور استشاري=في مجال الشعر محسوب وفقيده
    والشعر دايم سريع الإنتشاري=بين نقٌاده وبين اللي يجيده
    والكلام الزين نقشاً بالصخاري=ذكر للشاعر وتبقى في رصيده
    ونحمد الله وقتنا وقتاً حضاري=بالأمان وظل دولتنا الرشيده
    واختم بما قال مسلم والبخاري=عن رسول الله مبلغنا العقيده[/poem]





    منقول



    [align=center].[/align][/frame]
  • Man من العتبان

    رابطة محبي الهيلا

    • Oct 2007
    • 2397

    #2
    فيصل المسعودي صح لسان الشعار على المساجله الرائعه

    مشكور وماقصرت على النقل الجميل

    تعليق

    • هداج المخامر
      عضو فضي
      • Dec 2006
      • 205

      #3
      شكرا على النقل

      وكفوا والله بالشاعرين

      تعليق

      • فيصل المسعودي
        مشرف عام
        • May 2005
        • 8296

        #4
        تم النشر في الأصل بواسطة man من العتبان عرض المشاركة
        فيصل المسعودي صح لسان الشعار على المساجله الرائعه

        مشكور وماقصرت على النقل الجميل
        [align=center]هلابك يالغالي

        العفو ومشكور على مرورك الطيب والجميل ياغالي

        تحياتي[/align]

        تعليق

        • فيصل المسعودي
          مشرف عام
          • May 2005
          • 8296

          #5
          تم النشر في الأصل بواسطة هداج المخامر عرض المشاركة
          شكرا على النقل

          وكفوا والله بالشاعرين
          [align=center]هلابك يالغالي

          العفو وشكراً لمرورك الطيب والكريم

          تحياتي[/align]

          تعليق

          • سعـود الحافي
            عضو
            • Aug 2008
            • 6

            #6
            صح لسان الشاعر ناصر الحافي والشاعر الشيخ سلطان بن ناصر الشغار وبيض الله وجهك اخوي فيصل على ماقدمته

            تعليق

            • محمد العتيبي

              مشرف منتدى شعراء قبيلة عتيبه

              • Mar 2005
              • 10789

              #7
              [align=center]صح لسان الشاعرين
              فقد ابدعوا في قصائدهم وامتعونا بقرائتها ..

              تسلم يداك يابومنيف ..
              ...[/align]
              [align=center][/align]








              [align=center]للتواصل عبر twitter تويتر


              al_bargawy@
              [/align]

              تعليق

              العمل...