يافهيد شب النار ... لسهل بن نايف الكسر المرشدي العتيبي

طي
X
 
  • التوقيت
  • إظهار
مسح الكل
المشاركات الجديدة
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #1

    يافهيد شب النار ... لسهل بن نايف الكسر المرشدي العتيبي

    [poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يافهيد شب النار مع باحة الشوف=ترى حلات الكيف مـع فكـة الريـق
    عان الحطب في ثنوة الدعب مجعـوف=والمـا مـن القلتـه قـراح المذاويـق
    أخذ الكريك وحـط للنـار مجـروف=نـار عليهـا يجلـسـون المطالـيـق
    خل الخشب في ترعة النار مصفـوف=وادفق عليه القاز مـن فـوق تدفيـق
    ولا جا لشعلتها تواشـي وعاصـوف=حط البريـق وفـرق النـار تفريـق
    ومن ماركة بغداد قم هات لـي نـوف=عفـراً تنافـس بالبيـاض الغرانيـق
    عفراً طويلة جيـد والوسـط ملهـوف=مكبوسة الغطوه على حلقهـا الضيـق
    طويلة العرقـوب والخشـم معكـوف=جبـرة حديـده والجوانـب لواهيـق
    من البكار العفر تاخذ لهـا وصـوف=وتاخذ وصـوف ملهفـات السماحيـق
    تاخـذ لهـا منهـن مثنـاه وكتـوف=لوكان محرقهـا سنـا النـار تحريـق
    والثانيه رسـلان والشكـل معـروف=والثالثـه رسـلان والرابـع بـريـق
    واحمس لنـا بـنٍ شرينـاه بجـزوف=جابـه يمانـيِ عيـونـه بلاحـيـق
    من شجرته من يم خـولان مقطـوف=مـن وارد الخـولان مافيـه تبريـق
    خابرك انا يا فهيد فالشغـل شاحـوف=وموفـق فـي حمسـة البـن توفيـق
    لا تنطل المحماس يا فهيـد فالجـوف=اخـاف يلحقهـا سنـا النـار بلحيـق
    للنار جوف وجال وجنوب وطـروف=وللحمس يفهق صالي الجمـر تفهيـق
    حفها على سمـرِ شديـد اللهب حـوف=حتى تعرق من سنـا النـار تعريـق
    ولا اندار لون الحب ثم صار مشيـوف=جاللنجـاض ابهـا صفـار وتراميـق
    قـم صبهـا بمبـردٍ عـود وسعـوف=مقمـرٍ عـوده يجـي لـه تبـاريـق
    ثم هات لي نجر كما الطيـر مكتـوف=وقفـة نــداويٍ يـتـل المسابـيـق
    اطول من الرسلان يوم انهـا وقـوف=ليا ناشها المهوى يجي لـه تصاعيـق
    ولقم وبهـر واودع الهيـل مدغـوف=ومـن العويـدي ذوق الهيـل تذويـق
    حتى يجي الفنجال لا صـار محيـوف=دم الغـزال اللـي يجـي فالمعالـيـق
    والا الخضاب اللي على كف غطروف=نجـلاً تخـازر بالعيـون العشاشيـق
    يجمدعلـى الشـارب لياصارمشفـوف=وصف الخوير إن صارفالوصف تدقيق
    بريةٍ تبعـد صلـف كـل مصلـوف=تجلا العمس ماهيب شاهـي سواويـق
    ليا ذرف منهـا علـى الكبـد ذاروف=يبـي يهـود شـارد الفكـر ويريـق
    هات الشداد وعطني الجاعد الصـوف=فراش اهل هجـنٍ تبـوج الرقاريـق
    تراي انـا والهـم لايـف ومليـوف=وهجسي من البارح يجي لـه تخافيـق
    وليا عزف هجس الغنا كـل معـزوف=تنفـك بيبـان القصـيـد المغالـيـق
    جني بنات الفكـر زافـات وصفـوف=وقمت اتخير فـي قـراح الطواريـق
    للشعر مثل الصيد قطعـان وخشـوف=الصيـد طعمـه والنـوادر توافـيـق
    نبا نخلي عاصـي البيـت معسـوف=ثم راحـت القيفـان عقبـه مواسيـق
    وليا اعتدل هجسٍ لـه ايـام معكـوف=يمـة طريـق معلقـات العشـاريـق
    ياصاح انا قلبي مـن الـود مشعـوف=حب البنـات ملصـقٍ فيـه تلصيـق
    شاعيه مجمولٍ ولـي فيـه معـروف=وموثقٍ لـي معـه بعـض المواثيـق
    غيدا النوابـي عمرهـا متـن وردوف=زملوق غصنٍٍ مـن طـوال الزماليـق
    ليا بينـت خـدٍ كمـا بـارق قنـوف=رخم السحاب اللـي خشومـه مدانيـق
    وعينٍ هدبهـا لا شبـح كنـه سيـوف=عين اشقـر مربـاه روس الشواهيـق
    تنسف فليل غاطـن ٍالمتـن منسـوف=على مثل غرمول عـرق الصعافيـق
    مـرودمٍ بالحـال ماهيـب حرجـوف=ولا شافها راع الهـوا جالـه شهيـق
    ملهوفة السرجوف والجسم غظـروف=والمفرع اللي فيـه للشمـس تشريـق
    صدرٍ تقول من ابيض القطن منـدوف=طلـع النهـود مفتـقٍ فيـه تفتـيـق
    ياما عليك الاحـي الـورق واسـوف=ورق علـى دوحٍ غصونـه مواريـق
    أمـر بيتـك واتـعـداك واطــوف=وانا على شوفـك شفـوق المشافيـق
    ادرا علـى سمعتـك واذل واخــوف=من اهل الهـروج مكثريـن النقانيـق
    كم واحـدٍ لوكـان ماهـوب مكلـوف=يطقهـا لـو جنبـت عنـه بلحـيـق
    ترى التعب في راحة النفس مخلـوف=شوف العيون يـزود النفـس تشويـق
    هذا ويا من لـه نحـا البـال ملفـوف=شوفك يسلينـي عـن الهـم والضيـق
    ليتك تصافحنـي بذرعـان وكفـوف=والا علي تدنـق الوجـه تدنيـقٍ
    [/poem]
    [align=center][/align]








    [align=center]للتواصل عبر twitter تويتر


    al_bargawy@
    [/align]
  • عبدالرحمن الهيلوم
    عضو
    • Apr 2007
    • 21232

    #2


    صح السانك يالغالي يابن الغالين

    (( يانور المنتدي ))


    تقبل مرور اخوك

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      تم النشر في الأصل بواسطة الهيلوم1340 عرض المشاركة


      صح السانك يالغالي يابن الغالين

      (( يانور المنتدي ))


      تقبل مرور اخوك

      [align=center]النور نور وجهك الله يسلمك ..
      واشكرك على مرورك العذب ..
      [/align]
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      • محب الهيلا
        عضو ممـــيز
        • Nov 2007
        • 20292

        #4
        مشكور وماقصرت على القصيده

        تعليق

        • محمد العتيبي

          مشرف منتدى شعراء قبيلة عتيبه

          • Mar 2005
          • 10789

          #5
          [align=center]محب الهيلا
          العفو يالغالي وشكرا لمرورك..
          [/align]
          [align=center][/align]








          [align=center]للتواصل عبر twitter تويتر


          al_bargawy@
          [/align]

          تعليق

          • النخيــــــش
            عضو فعال
            • Mar 2005
            • 162

            #6
            صح للسانك

            ويعطيك العافيه

            تعليق

            • محمد العتيبي

              مشرف منتدى شعراء قبيلة عتيبه

              • Mar 2005
              • 10789

              #7
              [align=center]النخيش
              صح بدنك وشكرا على مرورك ..
              [/align]
              [align=center][/align]








              [align=center]للتواصل عبر twitter تويتر


              al_bargawy@
              [/align]

              تعليق

              العمل...