الشاعر الزلامي يمدح قبيلة الذيبه

طي
X
 
  • التوقيت
  • إظهار
مسح الكل
المشاركات الجديدة
  • تاج العز
    عضو نشيط
    • Dec 2007
    • 45

    #1

    الشاعر الزلامي يمدح قبيلة الذيبه

    بسم الله الرحمن الرحيم
    السلام عليكم ورحمة الله وبركاته

    أتشرف أعزائي متصفحى منتدى قبيلة عتيبه بأن تكون هذه
    أول مشاركه لي , وأتمنى أن تحوز على إستحسانكم وأترككم مع
    المشاركه ......

    وهي قصيده للشاعر:زيد الزلامي العالي قالها يمدح قبيلة الذيبة من الروقة وقد رد عليه الشاعر : زيد الذيابي.

    وأترككم مع قصيدة زيد العالي ويعقبها رد زيد الذيابي


    الشاعر : زيد الزلامي

    [poem=font="Arial,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    أنا لقيت متعبين الرياجيل =ألاد ذايب نعمهم من قبيله
    أهل الشحم والطيب والبن والهيل =وأهل مواقف مجزاتً ثقيله
    متوارثين الطيب جيل بعد جيل =فصيلتٍ ياطيبها من فصيله
    يشهد لهم نجم الجدي يشهد سهيل=وتشهد قبيلنا قبيله قبيله
    وتشهد لهم قحطان ومطير وهذيل=في كسبهم لطيبه والجميله
    حماية الماقف وركابة الخيل=ومشيدة بيتً ينجي دخيله
    ولهم مع العربان ذكر ومفاعيل=وافعالهم مع غيري مستحيله
    ألاد ذايب عزوتً توفي الكيل=عون الرفيق وعون من ينتميله
    هذا وأنا أقوله وعندي دواليل=قولاً قسم بالله لثبت دليله
    ولاقولها قصدي لبعض المحاصيل=إلا لتوضيح الفعول الجزيله
    وهاذى ترى الموجز ويبقى تفاصيل=والهرج يكفي عن كثيره قليله
    وصلاة ربي عد مايدرج السيل=وعداد من صلى فروض ونفيله
    على نبياً له مكانه وتفضيل=ومكانته عند الخلايق فضيله[/poem]


    وقد رد عليه الشاعر : زيد الذيابي

    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    الشاعر اللي جاد بدع التماثيل=تنشر له البيضاء براس الطويله
    يامرحبابه عد وبل الهماليل=وعداد ماتنشي مزون المخيله
    تنصالك يازيد الزلامي زرافيل=فيها الوفاء فصدورنا لك نشيله
    نيابةً عن عزوتً تذبح الحيل=اللي لها سقت البيوت الأصيله
    ساعة سمعت بيوت شعرك مقابيل=من هاجسي سويت قافٍ مثيله
    أنٌمد لطيب ولانخدم بخيل=ونا مع الطيب حياةً جليله
    زيد الزلامي من رجال حلاحيل=تاريخهم محفوظ محدً يزيله
    ساس الكرم ساس الشجاعه لياقيل=فيهم ومنهم لاتدور بديله
    لو كان نشبك بحر جده مع النيل=وأنقارنه بالفعل ماهو قبٌيله
    ألاد عالي حزت الحط والشيل=يوفون للي كال بالكيل كيله
    رجالهم يقدم لشرب الفناجيل= إليا قرب لزند خشم الفتيله
    عدوهم من فعلهم يشكي الويل=يونس بكبده مثل حام المليله
    وقصيرهم يامن من الغدر والميل=يثنون دونه بالسيوف الصقيله
    يدله بجانبهم وينسى البهاذيل=ليا دخل هاك البيوت الضليله
    من طيبهم زادو بالافعال بالحيل=صعبً نقوله بين يوم وليله
    وتمت بذكر منزل الوحي تنزيل=الواحد اللي كلنا نلتجيله[/poem]
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]صح لسان زيد الزلامي والشاعر زيد الذيابي..
    وشكرا جزيلا لك ...
    [/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • عبدالله بن دبيس العتيبي

      رابطة محبي الهيلا

      • Oct 2007
      • 2463

      #3
      بسم الله الرحمن الرحيم


      السلام عليكم ورحمة الله وبركاته




      الله يعطيك العافية ياخوي تاج العز ولاهي غريبه على بني عمنا الذيبه ويستاهلون الطيب وصح السان الشاعرين





      وتقبلوا تحياتي

      تعليق

      • تاج العز
        عضو نشيط
        • Dec 2007
        • 45

        #4
        ابو مشعاب

        و

        عبدالله بن دبيس


        ولاعليكم زود وصحت أبدانكم بالنيابه عن الشاعرين


        وشكرآ على مروركم

        تعليق

        • زيزوم مدركه
          شـــاعــر
          • Sep 2007
          • 351

          #5
          بيض الله وجهك ياتاج العز

          ويستاهلو الاد ذايب بدون قصور في باقي عتيبة

          تعليق

          • محب الهيلا
            عضو ممـــيز
            • Nov 2007
            • 20292

            #6
            مشكور وماقصرت على نقل القصيده

            تعليق

            • تاج العز
              عضو نشيط
              • Dec 2007
              • 45

              #7
              تم النشر في الأصل بواسطة زيزوم مدركه عرض المشاركة
              بيض الله وجهك ياتاج العز

              ويستاهلو الاد ذايب بدون قصور في باقي عتيبة


              ووجهك ابيض يازيزوم مدركه ولاعليك زود


              ومشكور ياغالي على مرورك

              تعليق

              • تاج العز
                عضو نشيط
                • Dec 2007
                • 45

                #8
                تم النشر في الأصل بواسطة محب الهيلا عرض المشاركة
                مشكور وماقصرت على نقل القصيده


                العفو أخوي

                ولاهنت على مرورك العطر

                تعليق

                • فهد النفيعي
                  مشرف سابق
                  • Dec 2005
                  • 11363

                  #9
                  ونعم في عيال العم

                  تعليق

                  • تاج العز
                    عضو نشيط
                    • Dec 2007
                    • 45

                    #10
                    ولاعليك زود أخوي فهد



                    وشكرا على مرورك

                    تعليق

                    • نبض عتيبه

                      رابطة محبي الهيلا

                      • Jul 2007
                      • 1037

                      #11
                      صح لسان الشاعر رشيد الزلا مي
                      ويستاهلون الذيبه

                      تعليق

                      العمل...