:::::: ارفـــــع مقام الرجــــولــــه لا تخـــــــربهـــا :::::: فتاة الوشم :::::

طي
X
 
  • التوقيت
  • إظهار
مسح الكل
المشاركات الجديدة
  • الشيباني 11
    عضو نشيط
    • Sep 2007
    • 97

    #1

    :::::: ارفـــــع مقام الرجــــولــــه لا تخـــــــربهـــا :::::: فتاة الوشم :::::

    السلام عليكم ورحمة الله وبركاته







    :::::: ارفـــــع مقام الرجــــولــــه لا تخـــــــربهـــا ::::::



    يانـاس عينـي مـن الموعـات مـذعــوره
    ونفسي شباب الفلس جابوا حضايبها

    وقلبـي يـزوم الزعـل والكـبـد مـمـروره
    حسيـت باللـي عيـوبـه مايـحـس بـهـــا

    لقيـت رجـل وفيـه مــن الـمـره صــوره
    يمشــي على العيب نفسـه مايعـــاتبهـا

    ليـتـه لـبـس لــه بـلـوزه فـــوق تـنــوره
    يــوم المنـاقـيـد مايـخـشـى عواقـبـهـــا

    يـوم يتمخـطـر يقـلـد مـشـي غـنــــدوره
    عـن مشيـت الرجـل للخفـرات يقلبهــا

    قلتـه وانـا مـن شبـاب اليـوم مقـهـوره
    كيـف الحمايـل تجـنـب عــن مذاهبـهـا

    اهــل الخنـافـس غــدو لبطالـنـا عوره
    يـاكـيـف نـجــد يـتـمـشـون بمنـاكـبـهـا

    شباب ياللـي عليـك السـود منشـوره
    ارفـع مــقام الـرجـولــه لاتـخـربـهــا

    ترى الشجاعه لجيـش صـف طـابوره
    نـقـالــة البـنـدقـيـه مــــع مـقـاضـبـهـا

    جـيـش بـهـم دارنــا تفـخر ومـنصوره
    دونـه عمـاره عـلى الأخـطار يجلبـها

    عاشوا حماة الوطن من عهد أخونوره
    درع الـجـزيــره لـيـاشـبــت حـرايـبـهــا




    الشاعره
    فتاة الوشــــــــــــــم
  • الشيباني 11
    عضو نشيط
    • Sep 2007
    • 97

    #2
    [size=5]فتـــــــاة الوشــــــــــــم

    الشاعره / هيــــــــــــــاء العتيبـــــــــــــي

    [overline]شاعره تتغزل بالوطن ، وتسدد سهام شعرها الجزل ضد كل ماهو دخيل على قيم مجتمعنا النبيله
    عاشت فتاة الوشم في كنف والدها وتنقلت معه في أطراف نجد العذيه التي تعشقها بجنون
    فتزوجت وسافرت مع زوجها الى خميس مشيط الذي احست فيه ببعدها عن نجد وغربتها
    وعندما توجهت عائدة الى نجد
    بعد طول غياب قالت[/overline]
    :



    راكب اللي من خميس مشيط أقلت
    وأتـجـه سـواقـهـا شـــرق شـمـالـي

    مـاحـلا يــوم أقلـعـت ثــم أستـقـلـت
    قادهـا شبـل مـن الهوجـاس خـالـي

    بشرونـي يــوم روس طـويـق أطـلـت
    ريــف قلـبـي منيـتـه هــاك الجبـالـي



    [overline]ولإن فتاة الوشم مسكونه بحب الأرض تمنت لأرضها أمنيه غاليه[/overline]


    يالله سألـنـاك غيـثـك كــان بـــه خـيــره
    يـاعــالــم لـلـغـيــوب ومــالــنــا نــــــاوي

    تسقـي ثـرى مملكتنـا مــن شخاتـيـره
    مــن مـدلـهـم بـهـيـم دامـــس ضـــاوي

    كـنــه تـثــور الـمـدافـع مـــن مـنـاحـيـره
    يـسـري عـلـى ضــو بـرقـه تـايــه داوي

    هـجــا غشـيـنـه وساكـنـتـن معـاصـيـره
    خمسة عشر يوم شمسه ليلها ضاوي

    مــن سايـلـه كــل درب واقــف سـيــره
    حـت اختبـى فالمـغـاره ذيبـهـا الـعـاوي

    ضـاف علـى البـيـد يعـجـز عـنـه تعبـيـره
    يجـرف هميـد الشجـر وينشـط الخـاوي

    لـيـن الصـحـارى تلـبـس مـــن نـواويــره
    لاهــب ريـحـه يمـيـل الــورد متـسـاوي

    علـى جـمـال الطبيـعـه شــادي طـيـره
    ريـح النـدى مـع صباحـه يبكـي الهـاوي

    بـيـنــه تــــرازم مـجـاهـيــم ومـغـاتـيــره
    نجـديـتـن وسـمـهـا روقـــي وبــرقــاوي

    جـنـات روضــه تسـايـر بــه مشـاهـيـره
    ذباحـة الحـيـل معـهـم يـربـح الـشـاوي

    يالله بـرحـمـتــك تـعـجـيـلــه وتــأخــيــره
    يـامـالـك الـمـلـك يـســر مـالـنـا نــــاوي


    .................................................. .................................................. ....

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      [align=center]شكرا جزيلا لك
      الشيباني تسلم على نقل هذه
      القصائد النسائيه او قصائد شاعرات عتيبه
      التي تعبر عن حبهم العميق للوطن..


      تحياتي واعجابي لك...
      [/align]
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      • الشيباني 11
        عضو نشيط
        • Sep 2007
        • 97

        #4
        ابو مشعاب تشرفت بمرورك

        تعليق

        • عبدالرحمن الهيلوم
          عضو
          • Apr 2007
          • 21232

          #5

          كفو اعتابه وشعارها وشاعراتها

          الله يوفقك يابنمشيب


          وصح السان الجميع

          تعليق

          • الشيباني 11
            عضو نشيط
            • Sep 2007
            • 97

            #6
            [align=center]الهيلوم1340 تشرفت بمرورك [/align]

            تعليق

            • عقلا الأسعدي
              عضو
              • Aug 2006
              • 9

              #7
              رائعه شكرا على النقل وصح لسانك

              تعليق

              • الشيباني 11
                عضو نشيط
                • Sep 2007
                • 97

                #8
                عقلا الاسعدي

                تشرفت بمرورك

                تعليق

                • جريح احساس
                  عضو
                  • Jul 2008
                  • 1

                  #9
                  بيض الله وجهك يالشيباني

                  القصيدة الأولى كان والدي غفر الله له ولجميع المسلمين يرددها كثيراً متعجباً من شباب هذا الجيل


                  أسجل اعجابي بهذه الشاعرة

                  ولكن ياترى لازالت عايشة أم وافاها الأجل؟




                  أخوكمـ/ القحطاني

                  تعليق

                  • أبو مرحبا
                    مشرف عــام
                    • Jan 2005
                    • 8037

                    #10
                    [align=center]رائعه جدا



                    صح لساان الشاعره .. ولا هنت على النقل




                    لك شكري[/align]
                    [align=center]



                    [/align]
                    [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
                    [align=center][/align]

                    تعليق

                    • غـشَّـامـ
                      عضو فعال
                      • Aug 2010
                      • 125

                      #11
                      فتاة الوشم


                      بحر شعر


                      سمعت لها الكثير فهي شاعره من الدرجه الاولى



                      تسلم ويعطيك الله العافيه

                      تعليق

                      • ناصرمرزوق الدلبحي
                        عضو نشيط
                        • Jul 2010
                        • 33

                        #12
                        اللة لايهينك يابن مشيب عللى النقل الموفق






                        وفتات الوشم لها عدة قصائد من اروع ماسمعت






                        من الشعر





                        لهاقصيدة في سلامة الامير سلطان بن عبد العزيز






                        تعتبر معلقة وباذن اللة بحاول انزلها في الموقع






                        تقبل مروري وتحياتي

                        تعليق

                        • علاي الحافي
                          شــــاعــر
                          • Sep 2009
                          • 1152

                          #13
                          لاهنت على النقل

                          تقبل مروري

                          تعليق

                          • سلطان نايف العضياني
                            عضو مميــز
                            • Jul 2008
                            • 1741

                            #14
                            شاعره جزله

                            ولكن هل مازالت عائشه وكم تبلغ من العمر ومن أي العتبان
                            تم التعديل الأخير بواسطة سلطان نايف العضياني؛ 09-Sep-2010, 04:50 AM.

                            تعليق

                            • ابو شوق الازوري
                              عضو ماسي
                              • Aug 2010
                              • 501

                              #15
                              شكرا جزيلا لك
                              الشيباني تسلم على نقل هذه
                              القصائد النسائيه او قصائد شاعرات عتيبه
                              التي تعبر عن حبهم العميق للوطن..


                              تحياتي واعجابي لك...



                              ابو شوق الازوري

                              تعليق

                              العمل...